Bağla
Axtarış sözünü daxil edin
Ermənistan və Azərbaycan yekun sülh sazişi imzalayan kimi Türkiyə Ermənistanla sərhədini açmağa hazırdır. Bunu Türkiyənin nəqliyyat və infrastruktur naziri Abdulkadir Uraloğlu AzadlıqRadiosunun erməni xidmətinə müsahibəsində bildirib.
Ankara onilliklərdir Yerevanla münasibətlərin normallaşmasını Ermənistan-Azərbaycan sülh sazişinin əldə olunması şərtinə bağlayır və bu mövqeyini bir daha təkrarlayıb.
"Ermənistan və Azərbaycanın tam razılığa gəlməsini gözləyirik. Bu, bizim üçün vacibdir", – Uraloğlu Antalyada keçirilən COP31 iqlim konfransı çərçivəsində vurğulayıb.
Nazir ermənistanlı həmkarı ilə danışdığını, həm Qars və Gümrü arasındakı dəmir yolu keçidinin, həm də Alicandakı quru sərhəd-keçid məntəqəsinin yenidən açılması üçün zəruri hazırlıq işlərinin tamamlandığını bildirib.
"Azərbaycanın həssas yanaşdığı məsələlər nəzərə alınmaqla razılıq əldə olunarsa, qənaətimizcə, bundan sonra sərhədin açılması çox vaxt aparmayacaq", – Uraloğlu əlavə edib.
visiontv.az
.jpg)
