Bu açıqlama Tehranda nüvə doktrinasının dəyişdirilməsi və nüvə silahına sahib olmaq məsələsinin yenidən gündəmə gəldiyi bir vaxtda səslənib. 

İranın Təhlükəsizlik Şurasının katibi Möhsün Rzai də müharibənin yenidən başlaması halında əvvəlki nüvə doktrinasının saxlanılıb-saxlanılmamasının müzakirə olunduğunu bildirib. Bununla belə, hələlik hökumət səviyyəsində yeni qərar qəbul edilməyib.

visiontv.az

Bu xəbərin ardınca kriptovalyutaların qiymətində kəskin eniş qeydə alınıb.

"Binance" vəsaitlərin çıxarılmasını müvəqqəti dayandırıb və dəymiş ziyanı qarşılayacağını açıqlayıb. "Tether" və "Circle" kimi steyblkoin emitentləri, eləcə də ABŞ prezidenti Trampın dəstəklədiyi "World Liberty Financial" platforması oğurlanmış aktivlərin təxminən yarısını qısa müddətdə dondura biliblər.

Şimali Koreya bu ittihamları qəti şəkildə rədd edir. Ölkənin Cenevrədəki nümayəndəliyi və Çindəki səfirliyi isə "Reuters"in şərh sorğularını cavabsız qoyub.

"Binance" istifadəçilərin vəsaitlərinin təhlükəsiz olduğunu, oğurlanmış aktivlərin bir hissəsini dondurmaq üçün tərəfdaşları ilə birlikdə işlədiyini bəyan edib.

visiontv.az

ABŞ rəsmisinin bu açıqlaması Vaşinqtonun son aylarda İranın neft gəlirlərini məhdudlaşdırmaq məqsədilə iqtisadi təzyiqləri və sanksiyaları gücləndirdiyi bir vaxta təsadüf edir.

Besent daha əvvəl də bəyan etmişdi ki, ABŞ-ın “iqtisadi təcrid” siyasəti nəticəsində İranın maliyyə mənbələri daralır və Tehranın regiondakı müttəfiq qüvvələri də artan təzyiqlərlə üzləşir.

visiontv.az

Pompeo həmçinin Qərbin pis güzəştlərlə Ukraynanı danışıqlar masasına gətirəcəyinə inanmadığını deyib:

“Prezident Putinin Kiyevi pis razılaşma əldə etmək üçün masaya əyləşdirə biləcəyi, bunu Qərbi inadıraraq edəcəyinə dair ümidinin sonda reallaşacağına şübhə edirəm. Məncə Putinin qalib gəldiyinə dair qənaəti yanlışdır”.

Pompeo həmçinin hazırda Pekin, Tehran, Moskva və Pxenyanın bir yerdə çalışdığını, bunun artıq alyans olduğunu iddia edib:

“Onların bir-biri ilə çoxlu anlaşılmazlıqları var. Onlar əməkdaşlıq edə bilməyəcəkləri yerlər tapa bilərlər, amma Qərb sivilizasiyasının dağılmasına gəlincə bu onların hamısının razılaşdığı məsələdir. Bunlar insan həyatına dəyər verməyən, adi mülki haqları nəzərə almayan liderlər toplusudur. Onlar ümumi düşüncə tərzini paylaşırlar. Onlar dünyanın necə görünə biləcəyi ilə bağlı baxışlarını təkmilləşdirə biləndə onlar bütün anlaşmazlıqlarına rəğmən bir yerdə işləməyə başlayacaqlar. Siz yüksək səviyyəli liderlər, dövlət səviyyəsində görürsünüz ki, onlar açıq şəkildə ABŞ, Avropa üçün yaxşı olan II Dünya Müharibəsinin yaratdığı arxitekturanı dağıtmaq həvəslərini nümayiş etdiriblər”.

ABŞ-nin keçmiş dövlət katibi Qərbin bu birliyə qarşı qalib gələcəyin inancını ifadə etsə də bunun üçün Qərb liderlərinin qətiyyətli olmalı gərəkdiyini və böyük siyasi liderliyə ehtiyacları olduqlarını deyib.

visiontv.az

Millət vəkili bildirib ki, bu qərar dörd mindən çox məhsulun qiymətinin süni şəkildə artırılması deməkdir.

Səmsami əvvəlki güzəştli valyuta siyasətinin ləğvindən sonra ərzaq məhsullarının qiymətində ciddi artım olduğunu xatırladıb. Onun sözlərinə görə, hazırkı qərar da oxşar nəticələrə gətirib çıxara bilər.

Qeyd edək ki, 40-50 faizlik bahalaşma rəqəmi Səmsaminin proqnozudur və hələlik rəsmi şəkildə təsdiqlənməyib.

visiontv.az

Hazırda həbsdə olan Robert Köçəryanın Hayastan Blokundan olan deputat Anna Qriqoryan isə konstitusiya dəyişikliklərinə qarşı olduqlarını və hökumətdən bununla bağlı gələn təkliflərdə maraqlı olmadıqlarını bildirib. O həmçinin açıq şəkildə konstitusiya dəyişiklikləri ilə bağlı parlamentdəki səsvermələrdə onun əleyhinə səs verəcəklərini söyləyib.

Bununla belə nə Nikol Paşinyan, nə də hakim Mülki Müqavilə Partiyasının üzvlərindən heç kim konstitusiya dəyişiklikləri ilə bağlı müxalifətə hansı təklifi götürəcəklərini açıqlamayıb. Oktyabrın 29-da jurnalistlərə açıqlama verən Paşinyan isə müxalifətin konstitusiya dəyişikliklərindən sonra sülh müqaviləsinin Azərbaycan tərəfindən imzalanacağına dair qarantiyanın olub-olmaması ilə tələbinə bunun cavabını Bakıdan almağa çalışacağını deyib. AzadlıqRadiosunun erməni xidməti bunun president Əliyevlə müzakirələrə eyham kimi anlaşıldığını yazıb. Üstəlik, o əlavə edib ki, müxalifətə konstitusiya dəyişikliklərinin qəbulu üçün xalqı küçələrə çağıraraq ictimai təzyiq edəcəklərini, əks təqdirdə ölkənin növbədənkənar seçkilərə gedəcəyini bildirib.

Lakin Ermənistan parlamentinin spikeri Rubin Rubinyan daha pozitiv açıqlamasıyla yadda qalıb. O, ana müxalifətdə təmsil olunan Güclü Ermənistanın lideri Narek Karapetyanın kor-koranə onların təklifindən imtina etməyəcəyini söyləyib.

Paşinyanın çıxışına rəğmən Hayastan Bloku açıqlayıb ki, hətta Azərbaycandan sülh müqaviləsinin imzalanacağına dair zəmanət alınacağı təqdirdə belə konstitusiya dəyişikliyinin əleyhinə səs verəcəklər.

visiontv.az

O, həmçinin şuraya üzv ölkələr arasında müdafiə əməkdaşlığının gücləndirilməsinə, raket hücumları barədə erkən xəbərdarlıq sistemlərinin inkişaf etdirilməsinə, Ərəb Körfəzində Hörmüz və Babül-Məndəb boğazlarında gəmiçilik azadlığının bərpasına çağırıb.

visiontv.az

“Ukraynada danışıqlar yoluyla sülhün əldə olunmasının mümkün olduğunu bilmirəm. Biz aydınlaşdırmağa çalışırıq. Düşünmürəm ki, kimsə burada bizim razılaşma ərəfəsində olduğumuzu iddia edə bilər”.

Rubio həmçinin Putinin Mayamidə keçiriləcək G-20 sammitinə gəlib-gəlməyəcəyi məsələsi barədə məlumatsız olduqlarını deyib. O bunun Moskva tərəfindən hələlik təsdiq edilmədiyini söyləyib.

Lakin AzadlıqRadiosuna danışan 3 avropalı rəsmi Rusiya liderinin bu dəvəti qəbul etdiyinə dair şübhələrini ifadə ediblər. Onlar həmçinin Rubionun şəxsi danışıqlar zamanı Ukraynanın NATO üzvlüyünün qısa zaman ərzində qeyri-mümkün olduğunu və bunun həmçinin Putin üçün qəbuledilməz olduğunu söyləyib.

AzadlıqRadiosuna danışan avropalı rəsmilər həmçinin bildiriblər ki, Rubio Rusiyanın bütün Donbas regionuna olan iddiasının Kremlin iştahını bitirəcəyinə şübhə etdiyini bildirib.

ABŞ Dövlət Departamentinə bu iddialarla bağlı etdiyimiz müraciətə hələlik cavab almaq mümkün olmayıb.

Atlantada keçirilən G20 XİN rəhbərlərinin görüşü həmçinin Moskva və Avropa hökumətləri arasındakı dərin fikir ayrılığını da nümayiş etdirib. Avropalıların Lavrovla G20 nazirlərinin yekun fotosuna düşmək istəməməsi, yekunda bunun protokoldan çıxarılması ilə nəticələnib.

visiontv.az

"Azini" adlı gəmi Somalinin şimal-şərq sahillərində, Bandar-Beyla və Hafun şəhərləri arasındakı ərazidə ələ keçirilib.

Puntlend muxtar regionunun dəniz polisindəki mənbənin məlumatına görə, gəmidə 21 İran vətəndaşı və iki somalili mühafizəçi olub. Hücumda 12 quldur iştirak edib. Ekipaj üzvlərinin hazırkı vəziyyəti barədə hələlik məlumat yoxdur.

MSCIO xəbərdarlıq edib ki, ələ keçirilən gəmidən ticarət gəmilərinə hücumlar üçün üzən baza kimi istifadə oluna bilər.

Avropa Birliyinin "Atalanta" hərbi-dəniz əməliyyatı insidentlə bağlı araşdırmaya başlayıb. Əməliyyatın rəhbərliyi bölgədəki gəmiləri ehtiyatlı olmağa və şübhəli fəaliyyətlər barədə məlumat verməyə çağırıb.

visiontv.az

Tusk deyib ki, president Konstitusiya Məhkəməsinin yeni hakimlərinin andını qəbul etmədiyi üçün onlar sonda belə addım atmağa məcbur olublar. Baş nazir bundan öncə mövcud olan problemin həllinə dəfələrlə cəhd etdiklərini, amma hər zaman onlara müxalifət və prezidentin əngəl yaratdığını bildirib.

Oktyabrın 31-də Konstitusiya Məhkəməsinin hakiminin onun sədr səlahiyyətlərini icra edən şəxsi vəzifədən uzaqlaşdırmasından sonra Polşada narazılıq yaranıb. Müxalifət etirazlara başlayıb, president isə qəbul edilən qərarın qanunsuz olduğunu bildirib.

Polşada Konstitusiya Məhkəməsi ətrafında mübahisələr uzun müddətdir davam edir. Hazırkı hökumət Haqq və Ədalət Partiyasının iqtidar olduğu dönəmindən qalan hakimləri qəbul etmir, müxalifət isə öz növbəsində Tusk hökuməti dövründə təyin olunan hakimlərin legitimliyini tanımır.

visiontv.az

Onun sözlərinə görə, söhbət ticarət şəbəkələrindən birinin iri mağazasından gedir: "Biz hələ ki bütün təfərrüatları dəqiq bilmirik, lakin Estoniyada təkcə bizim deyil, digər müştərilərə də hücum ediblər. Hər şey bu gün səhər baş verib".

Medianın məlumatına görə, şirkətin müştəriləri arasında "Selver", "Rimi", "Coop" və "Lidl" ticarət şəbəkələri var.

Qeyd edək ki, noyabrın 2-nə keçən gecə İsveçin ticarət şəbəkələri də haker hücumuna məruz qalıb – "Ica" və "Coop" ərzaq şəbəkələri ehtimal olunan kiberhücum səbəbindən soyuducu və dondurucu kameralarla bağlı problemlər barədə məlumat yayıblar. Həmçinin, "Delhaize" supermarketlər şəbəkəsinin soyuducu kameraları da kiberhücuma məruz qalıb.

visiontv.az

Onlar "müharibə"də ittiham olunublar.

Məhbuslardan 23 yaşlı Mətin Fərniyanın kimliyi açıqlansa da, başqa iki məhkumun kimliyini hələlik müəyyənləşdirmək mümkün olmayıb.

visiontv.az

Keçirilmiş tədbirlər nəticəsində D.Dadaşzadənin Monteneqro Respublikasının ərazisində olduğu yer müəyyən edilərək saxlanılması təmin edilib.

Hazırda Dadaş Dadaşzadənin  Azərbaycan Respublikasına gətirilməsi istiqamətində müvafiq tədbirlər həyata keçirilir.

Baş Prokurorluq axtarışda olan şəxslərin müəyyən edilərək  Azərbaycan Respublikasına gətirilməsi məqsədilə xarici dövlətlərin aidiyyəti qurumları, o cümlədən İnterpol ilə əməkdaşlığı bundan sonra da davam etdirəcək.

visiontv.az

Yoxlamaların 79-u planlı, 1-i plandankənar olmuşdur

Bildirilib ki, aparılmış yoxlamalar nəticəsində 24 aptekdə müxtəlif nöqsanlar aşkarlanmışdır. Bu hallarla bağlı  Azərbaycan Respublikasının İnzibati  Xətalar Məcəlləsinin 215.4 , 221.1 ,452.1 ,452.2 ,452.3 maddələri üzrə müvafiq inzibati protokollar tərtib edilib.

visiontv.az 

Hərracın xüsusi şərti vardı: ən yüksək qiyməti deyən pulunu ödəyib əskinası götürürdü. İkinci yerdə qalan da dediyi məbləği ödəməli idi, amma heç nə almırdı.

Əvvəl hər şey sərfəli görünürdü: kim istəməz ki, 20 dolları 5–10 dollara alsın? Lakin qiymət yüksəldikcə iştirakçılar tələyə düşürdülər. Geri çəkilmək artıq pul itirmək demək idi. Hər biri düşünə bilərdi: “Bir dollar da artırım, bəlkə o dayandı.”

Beləcə, başlanğıcdakı qazanc hesabına uduzmaq qorxusu və rəqibi üstələmək istəyi qarışırdı. Hərracın sonunda qalib 204 dollar ödəyib 20 dollar aldı — 184 dollar ziyana düşdü. Digəri isə heç nə almadan 203 dollar itirdi.

Bu hadisə insanın hər zaman belə davranacağını göstərmir. Amma təbiətimizdəki bir zəifliyi üzə çıxarır: bəzən başladığımız mübarizədən geri çəkilməyi o qədər ağır qəbul edirik ki, davam etməyin daha baha başa gəldiyini nəzərdən qaçırırıq.

Bəzən qalib gəlmək istəyimiz o qədər güclənir ki, qalibiyyətin bizə neçəyə başa gəldiyini hesablamağı unuduruq…

Elbəyi Həsənli

visiontv.az

Zelenskinin sözlərinə görə, o, ABŞ  Prezidenti Donald Tramp və onun komandası ilə Rusiyanın neftayırma zavodlarına zərbələr məsələsini dəfələrlə müzakirə edib.

“Rusiyanın enerji infrastrukturumuza hücumlarından, insanlarımızı öldürməsindən, elektrik şəbəkəmizə, qaz infrastrukturumuza və neftayırma zavodlarımıza zərbələr endirməsindən sonra biz cavab verməyə bilmərik”, – Ukrayna Prezidenti vurğulayıb.

Zelenski bildirib ki, Ukraynanın Rusiya neftayırma zavodlarına hücumları dayandırması üçün iki variant var: Rusiyanın Ukraynanın enerji infrastrukturuna hücumları dayandırması və ya  ABŞ-ın Kiyevə “Patriot” sistemləri üçün raketlər verməsi.

“Əgər Rusiyanın neftayırma zavodlarına hücum etməməyimizi istəyirsinizsə, onlar da bizim enerji sistemimizə hücum etməməlidirlər. Digər variant isə bizə “Patriot” raketləri verməkdir. Bunun pulunu tapacağıq, söhbət yalnız yardımdan getmir, onların haqqını ödəyəcəyik”, – Zelenski bildirib.

Qeyd edək ki, ABŞ Dövlət Departamenti oktyabrın 30-da Ukraynaya 500 ədəd “Patriot” raketinin satışını təsdiqləyib. Bununla belə, Zelenski həmin raketlərin çatdırılmasının bir neçə il çəkə biləcəyini bildirib.

visiontv.az

Məlumata görə, Dövlət Sərhəd Xidmətinin Sərhəd Nəzarətinin “Qırmızı körpü” dövlət sərhədindən buraxılış məntəqəsində Azərbaycan Respublikasından Gürcüstan istiqamətinə hərəkət edən iki “MAN” markalı yük nəqliyyat vasitəsi sərhəd naryadı tərəfindən təkrar yoxlamaya cəlb olunub.

Yoxlama zamanı nəqliyyat vasitələrinin yük sənədlərində gips daşındığı göstərilsə də 240 ədəd (24 kiloqram) qəlyan tütünü, 1119 ədəd avtomobil ehtiyat hissəsi və 40 ton dizel yanacağı aşkar edilib.

Fakt üzrə əməliyyat istintaq tədbirləri davam etdirilir.

visiontv.az

Kimliyi açıqlanmayan şəxsin etiraf videosu İran televizyasında da yayımlanıb.

O, müharibə zamanı Mərkəzi əyalətindəki raket və pilotsuz təyyarə hissələri istehsal təsisatlar haqqında İsrailə məlumat verdiyini bildirib.

visiontv.az

O bildirib ki, qanunvericiliyə görə, hər bir valideyn övladının dərsə davamiyyətinə, məktəbin qaydalarına əməl etməsinə və tərbiyəsinə görə məsuliyyət daşıyır: "Dərsə davamlı gəlməmək şagirdin biliyində boşluqlar yaradır, qiymətləndirilməsinə və növbəti təhsil mərhələsinə keçməsinə təsir edir. Hesab edirik ki, bu istiqamətdə maarifləndirmə işlərinə üstünlük verilməlidir.

Müəllimlərlə bağlı məsələyə gəldikdə isə, bu, əmək münasibətləri və qanunvericiliyi ilə tənzimlənən məsələdir.

Geyimlə bağlı müəyyən edilmiş tələblərə riayət olunması müəllimlərin peşə fəaliyyətinə və əmək intizamına, əmək müqaviləsinə dair öhdəliklərinin bir hissəsidir. İşə qəbul edilmiş şəxs əmək müqaviləsinin, daxili intizam qaydalarının və ona qanuni qaydada şamil olunan tələblərin icrasına məsuliyyət daşıyır. Üzrlü səbəb olmadan işə çıxmamaq, əmək funksiyalarını yerinə yetirməmək və ya intizam tələblərinin təkrar pozulması qəbulolunmazdır, qanunazidd hərəkət kimi dəyərləndirilir. Heç kəsə sirr deyil ki, artıq müəllimlərin böyük çoxluğu bu Qaydaların tələblərini gözləyir və tədris fəaliyyətini davam etdirir. Gözləntimiz bundan ibarətdir ki, müəllimlərimiz bu məsuliyyətli məqamda məktəb və şagirdlərinin yanında olacaqlar, vəzifə öhdəliklərini ləyaqətlə yerinə yetirəcəklər".

Firudin Qurbanov qeyd edib ki, vahid geyim qaydalarına riayət olunmasına dair monitorinqlərin davam etdirilməsi nəzərdə tutulur: "Nazirlər Kabinetinin müvafiq qərarlarına əsasən aparılan bu monitorinqlər həm təhsilalanların, həm də təhsilverənlərin geyim qaydalarını əhatə edir. Monitorinqlərin məqsədi yalnız kiminsə nə geyindiyini qeydə almaq deyil, qaydaların məktəblərdə necə izah və icra edildiyini, rəhbərliyin üzərinə düşən nəzarət və maarifləndirmə işlərini nə dərəcədə yerinə yetirdiyini də izləməkdir. Başqa sözlə, həm şagirdin, həm müəllimin, həm də məktəb idarəçiliyinin məsuliyyətinə baxılır".

visiontv.az

Buna hökumət daxilində büdcə ilə bağlı ixtilafların həll edilə bilməməsi səbəb olub.

Ölkənin dövlət borcunun Ümumi Daxili Məhsulundan (ÜMD) 110%-dən çox olduğu (735 milyard avro) bildirilir. Avropa İttifaqı qanunlarına görə isə, üzv dövlətlər üçün ümumi dövlət borcunun yuxarı həddi ümumi daxili məhsulun (ÜDM) 60%-i olaraq müəyyən edilib.

Hökumət 10 milyard avro qənaət etmək niyyətindədir və buna nail olmağın yolları barədə koalisiya üzvləri arasında anlaşılmazlıqlar mövcuddur.

visiontv.az

Turanlılarız, adiyi-şüğli-sələfiz biz!

Öz qövmümüzün başına əngəlkələfiz biz!

“Turanlılarız” ifadəsi ilk baxışda qürur və fəxarət çağırışı kimi görünür. Amma Sabirin dilində bu, qəhrəmanlıq şüarı deyil, istehzalı ittihamdır: biz özümüzü Turanın övladları sayırıq, əcdadlarımızla fəxr edirik, lakin əsrlər boyu öz qövmümüzün yolunda maneəyə çevrilmişik.

Şeirin adının “Fəxriyyə” olması da təsadüfi deyil. Klassik ədəbiyyatda fəxriyyə şairin özü, nəsli və xalqı ilə öyündüyü janrdır. Sabir isə bu ənənəni tərsinə çevirir: öyünmək üçün danışmağa başlayır, amma qarşımıza qardaşını talayan, öz dövlətini parçalayan, öz qılıncı ilə öz kökünü kəsən bir toplumun mənzərəsini çıxarır.

Sabir “Fəxriyyə”ni Əbdülxalıq Cənnətinin “Füyuzat” jurnalında dərc edilmiş eyniadlı şeirinə satirik cavab kimi yazmışdı. Cənnətinin əsəri 7 avqust 1907-ci ildə, Sabirin cavabı isə cəmi iyirmi gün sonra — 26 avqustda “Molla Nəsrəddin” jurnalında çap olunmuşdu.

Turan adı altında qardaş savaşı

Sabir türk tarixini romantik qəhrəmanlıq dastanı kimi deyil, nəticələri ilə birlikdə nəzərdən keçirir. O, Məlikşahdan sonrakı Səlcuq parçalanmasından, Çingiz xanla Xarəzmşahların qarşıdurmasından, Qaraqoyunlu–Ağqoyunlu müharibələrindən, Əmir Teymurla İldırım Bəyazidin Ankara savaşından, Teymurla Toxtamışın mübarizəsindən, Şah İsmayılla Sultan Səlimin qarşıdurmasından danışır.

Şairin gəldiyi nəticə dəyişmir: tərəflərdən biri döyüş meydanında qalib gəlsə də, Turan bütövlükdə uduzur.

Bir vəqt dəxi Qarəqoyun, Ağqoyun olduq,

Azərbaycana, həm də Anadoluya dolduq.

Ol qədr qırıb bir-birimizdən ki, yorulduq,

Qırdıqca yorulduq və yorulduqca qırıldıq…

Burada söhbət iki yad xalqın savaşından getmir. Hər iki dövlət türk tayfa birlikləri əsasında yaranmışdı. Onların mübarizəsinin əsas meydanı isə Azərbaycan və Anadolu idi. Sabirin “qırdıqca yorulduq və yorulduqca qırıldıq” ifadəsi həmin tarixi faciənin ən yığcam təsviridir.

Teymurla İldırım Bəyazidin 1402-ci ildəki Ankara savaşına münasibəti də eynidir:

Bir vəqt salıb təfriqə olduq iki qismət,

Teymur şahə bir paramız etdi himayət,

Xan İldırıma bir paramız qıldı itaət,

Qanlar saçılıb, Ankarada qopdu qiyamət…

Sabir nə Teymuru, nə də Bəyazidi mütləq qəhrəman elan edir. Onun üçün əsas məsələ kimin qalib gəlməsi deyil. Əsas faciə Turanın iki yerə bölünərək öz gücünü öz əli ilə məhv etməsidir.

Qardaş savaşından Moskvanın yüksəlişinə

Sabirin tarixi təhlilinin ən güclü nümunələrindən biri Teymur–Toxtamış müharibəsidir. Toxtamışın məğlubiyyəti Qızıl Ordanın zəifləməsinə, sonrakı dövrdə Moskva knyazlığının güclənməsinə şərait yaratdı. Şair bunu açıq yazır:

Ta oldu Qızıl Ordaların dövləti talan,

Məsko şəhinə faidəbəxş oldu bu meydan…

Yəni iki türk qüvvəsi bir-birini məğlub etməyə çalışdı, amma tarixi qazancı Moskva götürdü. Sabirin xəbərdarlığı məhz budur: qardaşlar arasındakı müharibədə qalib görünən tərəf də uzun müddətdə məğlub ola bilər; həqiqi qalib isə kənarda fürsət gözləyən üçüncü qüvvə olur.

Şah İsmayıl, Sultan Səlim və məzhəb parçalanması

“Fəxriyyə”nin Azərbaycan və Türkiyə üçün ən ağrılı hissəsi Şah İsmayılla Sultan Səlimin qarşıdurmasına həsr olunub:

Bir vəqt Şah İsmayilü Sultani-Səlimə

Məftun olaraq eylədik islamı dünimə:

Qoyduq iki tazə adı bir dini-qədimə,

Saldı bu təşəyyö, bu təsənnün bizi bimə…

“Təşəyyö” şiəlik, “təsənnün” isə sünnilik deməkdir. Sabirə görə, siyasi hakimiyyət uğrunda mübarizə zamanla dini kimliyə çevrildi. Bir tərəf özünü şiəliyin, digər tərəf sünniliyin müdafiəçisi elan etdi və iki türk dövlətinin rəqabəti bütöv bölgəni yüzillərlə davam edən məzhəb qarşıdurmasına sürüklədi.

Şair Şah İsmayılla Sultan Səlimdən hansının haqlı olduğunu müəyyənləşdirməyə çalışmır. Onun üçün əsas məsələ qarşıdurmanın nəticəsidir: eyni dinə “iki təzə ad” qoyuldu, siyasi sərhəd dini sərhədə çevrildi və türk-müsəlman dünyasının daxilində uzunmüddətli düşmənçilik yarandı.

Sabir Nadir şahın bu parçalanmanı aradan qaldırmaq cəhdini də xatırladır:

Nadir bu iki xəstəliyi tutdu nəzərdə,

İstərdi əlac eyləyə bu qorxulu dərdə…

Sabirin “iki xəstəlik” adlandırdığı məsələ sünni və şiə adları altında formalaşmış siyasi düşmənçilikdir. Nadir şah məzhəblər arasında uzlaşma yaratmağa çalışsa da, bu cəhd də nəticəsiz qaldı.

Sabir farsları hədəfə alırdımı?

Sosial şəbəkələrdə “Fəxriyyə” bəzən “türklər bir-birini qırdı, farslar gücləndi” şəklində təqdim olunur. Bu, şeirdən çıxarıla biləcək siyasi yozumlardan biridir, amma Sabirin mətnində “farslar” ifadəsi yoxdur.

Şair belə yazır:

İndi yenə var tazə xəbər, yaxşı təmaşa,

İranlılıq, osmanlılıq ismi olub ehya:

Bir qitə yer üstündə qopub bir yekə dəva…

Buradakı “iranlılıq” anlayışını birbaşa “farslıq” kimi qəbul etmək tarixi mənzərəni sadələşdirər. Sabirin yaşadığı dövrdə İranı türk mənşəli Qacar sülaləsi idarə edirdi. Şairin tənqid etdiyi məsələ etnik fars–türk qarşıdurmasından daha genişdir: türklərin “iranlılıq”, “osmanlılıq”, sünnilik və şiəlik kimi siyasi-məzhəbi kimliklərə bölünərək ortaq bağlarını unutmasıdır.

Sabir nə İranı, nə Osmanlını, nə də ayrı-ayrı hökmdarları bütövlükdə düşmən elan edir. Onun hədəfi insanları öz qövmünə qarşı çevirən kor siyasi və məzhəbi təəssübkeşlikdir.

“Turanlılarız” — fəxarət, yoxsa məsuliyyət?

Sabirin Turan düşüncəsinin ən mühüm tərəfi budur: Turan onun üçün yalnız ortaq soy, dil və tarix demək deyil. Turanlı olmaq eyni zamanda mənəvi və siyasi məsuliyyətdir.

Ortaq kökdən danışıb bir-birinin dövlətini zəiflətmək, qardaşlıq şüarı söyləyib hər fikir ayrılığını düşmənçiliyə çevirmək, tarixi qəhrəmanlarla fəxr edib onların yaratdığı faciələrdən nəticə çıxarmamaq Sabirin nəzərində Turan ideyasına xidmət deyil.

Buna görə “Turanlılarız” misrasını şeirin davamından ayırmaq olmaz:

Turanlılarız, adiyi-şüğli-sələfiz biz!

Öz qövmümüzün başına əngəlkələfiz biz!

Birinci misra kim olduğumuzu, ikinci misra isə nə etdiyimizi göstərir. Sabirin böyüklüyü də bu iki həqiqəti üz-üzə qoymasındadır.

Bir əsr sonra dəyişən nədir?

Bu gün Azərbaycanla Türkiyə arasında yaranan fikir ayrılıqlarını Sabirin yaşadığı dövrün savaşları ilə eyniləşdirmək düzgün olmaz. İki müstəqil dövlətin İsrail, Ermənistan, din–dövlət münasibətləri və regional siyasət haqqında fərqli mövqelərə sahib olması təbiidir.

Təhlükə fikir ayrılığının özündə deyil. Təhlükə onun “Azərbaycançı–Türkiyəçi”, “şiə–sünni”, “dindar–dünyəvi” və ya “qardaş–xain” qarşıdurmasına çevrilməsidir.

Sabir bizə demir ki, türk dövlətləri hər məsələdə eyni düşünməlidir. O deyir ki, fikir ayrılığı qardaş düşmənçiliyinə çevriləndə hər iki tərəf uduzur. Daxili mübahisənin yaratdığı boşluqdan isə tarix boyu başqa güclər faydalanır.

“Turan” yalnız keçmişin böyüklüyü ilə fəxr etmək deyil. Turan ortaq gələcəyi şəxsi hakimiyyət, məzhəb təəssübü və gündəlik siyasi ehtiraslardan üstün tutmaq bacarığıdır.

Sabirin bir əsrdən artıq əvvəl səsləndirdiyi istehzalı misra buna görə bu gün də xəbərdarlıq kimi səslənir:

Turanlı olmaq asandır; Turanın öz əli ilə parçalanmasına mane olmaq isə daha çətindir…

Bir daha parçalanmayaq. Bir olaq, İri olaq, Diri olaq…

Elbəyi Həsənli

visiontv.az

Nazirin sözlərinə görə, müzakirənin təxirə salınması onunla  Avrasiya İqtisadi İttifaqının müvafiq naziri arasında əldə olunmuş razılaşmanın nəticəsidir.

“Bu barədə danışmağım düzgün olmazdı. Bu, mənimlə  Aİİ-nin naziri arasında əldə olunan razılaşmanın nəticəsidir”, – Papoyan qeyd edib.

Müzakirənin ilkin olaraq bir həftə sonra keçirilməsi nəzərdə tutulur.

Qeyd edək ki, Rusiya Kənd Təsərrüfatı Nəzarəti  Xidməti (Rosselxoznadzor) may ayından etibarən Ermənistandan məhsul idxalına mərhələli şəkildə məhdudiyyətlər tətbiq edib.

visiontv.az

Onun sözlərinə görə, Moskva bu görüşü səbirsizliklə gözləyir.

Peskov vurğulayıb ki, Vladimir Putin, Çin lideri Si Cinpin və  ABŞ Prezidenti Donald Tramp arasında  APEC sammitində mümkün üçtərəfli görüşlə bağlı hələlik konkretlik yoxdur.

O, Putinin  APEC sammiti üçün proqramının hələ hazırlıq mərhələsində olduğunu söyləyib.

Kreml sözçüsü Rusiya və Çin arasında böyük həcmdə əməkdaşlığın mövcud olduğunu bildirib. O qeyd edib ki, Putin və Si Cinpin ənənəvi olaraq ikitərəfli münasibətlərdəki vəziyyəti tez bir zamanda təhlil edir və görüşlərində beynəlxalq vəziyyəti müzakirə edirlər.

visiontv.az

Mənbələrin yaydığı fotoda bir raket buraxılış qurğusu və bir neçə hərbi maşın görünür.

Azərbaycan hökuməti isə bazar günü rəsmi media vasitəsilə hər hansı bir xarici təcavüzə sərt cavab verəcəyini açıqlayıb.

İranın rəsmi mediasında bu barədə hər hansı məlumat yayılmayıb.

Qeyd edək ki, İranın dövlət mediası Müctəba Xamenei ilə yüksək rütbəli hərbi komandirlər arasında görüş keçirildiyi barədə məlumat yayıb. 

Məlumata görə, komandirlər həmin görüş zamanı şimal-qərb sərhədlərindəki qüvvələrin hazırlığı barədə məlumat veriblər.

visiontv.az

Van İ Çinin Yaxın Şərqdə gərginliyin azaldılması istiqamətində bütün əlaqəli tərəflərlə çalışmağa davam edəcəyini vurğulayıb.

Görüşün detalları ilə bağlı əlavə məlumat verilməyib.

visiontv.az

Məlumata görə, şübhəlilərin dindirmə prosesində saxlanılan şəxslərə fiziki güc tətbiq etməsi, şahidlərə təzyiq göstərməsi və ifadələri istintaqın versiyasına uyğunlaşdırmaq məqsədilə dəlilləri saxtalaşdırması ehtimal olunur. Bundan əvvəl iş üzrə bir neçə təqsirləndirilən şəxs onlara qarşı zorakılıq hallarının tətbiq olunduğunu iddia etmişdi.

Hər iki polis qurumu rəhbəri 48 saata qədər müddətə nəzarətə götürülüb.

Serbiyanın Baş prokuroru Nenad Stefanoviç qeyd edib ki, saxlanılmalar yalnız aparılan istintaqla əlaqədardır və parlament seçkilərinin nəticələri ilə bağlılığı yoxdur.

Qeyd edək ki, hadisələr ölkədə baş verən siyasi dəyişikliklər fonunda cərəyan edib. Oktyabrın 25-də keçirilən seçkidə müxalif "Tələbə hərəkatı" prezident  Aleksandr Vuçiçlə əlaqəli olan koalisiyanı üstələyib. Həbslərdən qısa müddət əvvəl qalib gələn hərəkatın nümayəndələri Kriçakın istefasını tələb edirdilər.

visiontv.az

Si Cinpin müharibənin zorla dayandırılması və Vladimir Putinin Rusiyada mövqelərinin zəifləməsini istəmir. Pekin Rusiya-Ukrayna müharibəsində neytral olduğunu iddia etsə də, Moskvaya qarşı birbaşa tənqiddən çəkinir və Putinin müharibə iqtisadiyyatını dəstəkləməyə kömək etmək üçün Rusiya neft və qazını almağa davam edir.

1945-ci ildə keçirilən Yalta konfransı Avropanın gələcəyini müəyyənləşdirdi. Çində üç liderin görüşü isə Ukraynanın və ya Tayvanın gələcəyini müəyyənləşdirə bilməyəcək. Liderlər müxtəlif mövzularda fikir mübadiləsi aparıb dağılışacaqlar. Donald Trampın Çindəki müzakirələrdəki mövqeyinə sammitdən əvvəl Konqresə keçiriləcək ara seçkilərinə nəticəsi də təsir edəcək.

Elxan Şahinoğlu

visiontv.az

O, Rusiyanın Türk Dövlətləri Təşkilatında iştirakını məqsədəuyğun hesab edib.

"Başa düşdüyüm qədəri ilə rəsmi dəvət olmayıb, amma buna baxmayaraq, əlbəttə ki, bu mövzu, o cümlədən  Astana ilə, Astanadan olan dostlarımızla əlaqələrimizin gündəliyində mütləq olacaq. Rusiyanın Türk Dövlətlərinin Təşkilatında iştirakına gəldikdə, bilirsiniz ki, Rusiyada xalqları tarixən türk olan bir sıra regionlar var. Ona görə də, əlbəttə ki, bu, tamamilə başa düşülən və məqsədəuyğun olardı. Məhz ayrı-ayrı Rusiya regionlarının deyil, bütövlükdə Rusiya Federasiyasının iştirakı", - Kremlin sözçüsü vurğulayıb.

Qeyd edək ki, Qazaxıstan Prezidenti Kasım-Jomart Tokayev TDT-nin  Ankarada keçirilmiş sammitində Rusiyanın təşkilata üzv və ya müşaidəçi qismində qatılmasını təklif edib.

visiontv.az

O, sərhədlərin delimitasiyasının növbəti mərhələsi ilə bağlı razılaşmanın hələ əldə olunmadığını, lakin yaxın vaxtlarda müzakirələrin aparılacağını və işlərin davam etdiriləcəyini deyib.

“İşlərin növbəti mərhələsi və onun qrafiki ilə bağlı hələ ki razılığımız yoxdur. Amma düşünürəm ki, tezliklə müzakirə edəcək, razılaşacaq və davam edəcəyik”, – Qriqoryan qeyd edib.

Baş nazirin müavini TRIPP layihəsi ilə əlaqəli ərazilərdə delimitasiya işlərinin növbədənkənar qaydada aparılmasının mümkünlüyünü də vurğulayıb.

O bildirib ki, Ermənistan TRIPP şirkətinin yaradılmasını gözləmədən üç infrastruktur istiqaməti üzrə layihələndirmə işlərinə başlamaq, daha sonra hazırlanmış layihələri şirkətə təhvil vermək niyyətindədir.

“Hazırda TRIPP-in formalaşmasını gözləmədən, gələcəkdə ona təhvil vermək məqsədilə üç infrastruktur obyekti – dövlətlərarası avtomobil yolu, elektrik ötürücü xətləri və dəmir yolu üzrə layihə işlərinə başlamaq istəyirik. Bu üç infrastrukturun hamısı Sünikdə tikilməlidir”, – o bildirib.

Qriqoryanın sözlərinə görə, hazırda mümkün sxemlər və optimal variantlar nəzərdən keçirilir.

visiontv.az

Onun “qanunsuzluğun təbliği və cinayət məzmunlu materialın dərc edilməsi”ndə günahlandırıldığı bildirilib.

Fəalın kimliyi barədə açıqlama verilməyib.

visiontv.az

Milli  Hidrometeorologiya  Xidmətindən  verilən xəbərə görə, Bakıda və  Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Şimal-qərb küləyi gündüz cənub-şərq küləyi ilə əvəz olunacaq.

Havanın temperaturu gecə 11-14° isti, gündüz 18-23° isti olacaq. Atmosfer təzyiqi 766 mm civə sütunundan 763 mm civə sütununa enəcək. Nisbi rütubət gecə 75-80 %, gündüz 60-65 % olacaq.

Azərbaycanın rayonlarında hava necə olacaq?

Azərbaycanın rayonlarında havanın əsasən yağmursuz keçəcəyi gözlənilir. Lakin gündüz bəzi dağlıq ərazilərdə qısamüddətli yağış yağacağı, şimşək çaxacağı ehtimalı var. Bəzi yerlərdə arabir duman olacaq. Mülayim qərb küləyi əsəcək.

Havanın temperaturu gecə 11-16° isti, gündüz 19-24° isti, dağlarda gecə 5-10° isti, gündüz 12-17° isti olacaq.

visiontv.az

Dövlət sərhədinin etibarlı mühafizəsinin təmin edilməsi, narkotik vasitələr, psixotrop maddələr və onların prekursorlarının qanunsuz dövriyyəsinə qarşı mübarizə tədbirləri uğurla davam etdirilir.

Dövlət Sərhəd  Xidmətinin Sərhəd Qoşunlarının “Horadiz” və “Göytəpə” sərhəd dəstələrinin xidməti ərazilərində ümumilikdə 22 kiloqram 900 qram narkotik vasitənin  İran İslam Respublikasından  Azərbaycan Respublikasına keçirilməsinin qarşısı alınmışdır.

Keçirilmiş kompleks əməliyyat-qoşun tədbirləri nəticəsində hava məkanımıza qanunsuz daxil olan pilotsuz uçuş aparatları aşkarlanaraq zərərsizləşdirilmişdir.

Hadisə yerlərinə baxış zamanı “Horadiz” sərhəd dəstəsinin xidməti ərazisində 15 kiloqram 400 qram, “Göytəpə” sərhəd dəstəsinin xidməti ərazisində isə 7 kiloqram 500 qram narkotik vasitə götürülmüşdür.Faktlarla bağlı əməliyyat-istintaq tədbirləri davam etdirilir.

visiontv.az

Bəs bu nə deməkdir və təklif niyə indi edildi?

Tokayevin siyasi doktrinası bu cürdür. Rusiya ilə müttəfiq ol, Çinlə ticarət et, Türkiyə ilə qardaş ol, Avropa və ABŞ ilə balans saxla. O cümlədən TDT son 2 ildir Rusiyadan yan keçən layihəyələr həyata keçirir. Orta Dəhliz, Trans-Xəzər marşrutu, Qazaxıstan Çindən gələn yükü Rusiyadan yan keçirib Azərbaycandan, Türkiyədən Avropaya aparır. Türk İnvestisiya Fondu, ortaq əlifba, ortaq ordu təlimləri və sair hamısı Moskvada qıcıq yaradır.

Tokayev isə Putinə deyir ki, bax mən səni içəri buraxıram, müşahidəçi edirik, sən də mənim TDT-də olmağımı təhlükə kimi görmə. Buna yumşaq desəm Tokayevin təhlükəyə qarşı qabaqlayıcı addımı da deyə bilərik. Maraqlı odur ki, Rusiya doğrudanmı TDT-na girmək istəyir? Bəli, istəyir, amma birbaşa yox. Moskvanın ən böyük qorxusu TDT-nin hərbi bloka çevrilməsidir. Diqqət edin, Tokayev eyni çıxışda ikinci dəfə təkrar etdi ki, TDT hərbi alyansa çevrilməməlidir. Bu cümləni o, təsadüfən demir. Bu, Moskvaya mesajdır. Rusiya anlayır ki, TDT-yə üzv ola biıməz. Çünki Rusiya türk dövləti deyil. Amma müşahidəçi statusu ona veto hüququ verməsə də, masa arxasında oturmaq hüququ verir. Bu, Rusiyanın köhnə taktikasıdır. Girə bilmədiyi birliyi dağıtmaq üçün müşahidəçi ol.

Tokayevin təklifi Qazaxıstana görə məntiqlidir. O, Rusiyanı sakitləşdirmək istəyir. Amma TDT üçün təhlükəlidir. Çünki TDT indiyə qədər yeganə təşkilatdır ki Rusiya orda yoxdur. Rusiyanı müşahidəçi kimi içəri buraxsan, sabah o deyəcək ki, gəlin TDT+Rusiya+Çin edək. Sonra da TDT-ni Avrasiya İqtisadi Birliyinin filialına çevirəcək.

Məncə bu təklifə Azərbaycan və Türkiyə hə deməyəcək.

Şöhrət El-Dəniz

visiontv.az

Məlumata görə, xəsarət alanlardan 18-i təhlükəsizlik qüvvələrinin əməkdaşı, 60-ı isə etirazçıdır. Etiraz aksiyalarının dörd iştirakçısının vəziyyəti ağırdır.

Qəzetin yazdığına görə, iğtişaşlar zamanı 20 ticarət obyektinə ziyan dəyib. Bu göstərici əvvəlki həftələrdə keçirilən etiraz aksiyaları zamanı qeydə alınan göstəricilərlə müqayisədə xeyli aşağıdır.

Qeyd edək ki, oktyabrın 31-də Fransada ardıcıl üçüncü şənbə günü ümummilli etiraz aksiyaları keçirilib. Daxili İşlər Nazirliyinin məlumatına əsasən, ölkə üzrə aksiyalarda 320 min nəfər, o cümlədən Parisdə 70 min nəfər iştirak edib.

Aksiya təşkilatçıları isə etirazçıların sayının Fransa üzrə təxminən 500 min, Parisdə isə 200 min nəfər olduğunu iddia edirlər. Ümumilikdə, aksiyalar zamanı 565 nəfər saxlanılıb.

visiontv.az

Onun sözlərinə görə, hazırda yayılan koronavirusun alt ştammı əvvəlkilərlə müqayisədə daha sürətlə ötürülür və yoluxmaya səbəb olur. Lakin bu virusun törətdiyi xəstəlikdən ölüm göstəricisi daha aşağıdır.

Professor bildirib ki, viruslara, xüsusilə də koronavirus və qripə yoluxma riskini azaltmaq üçün şəxsi gigiyena qaydalarına əməl etmək vacibdir. Buraya əlləri mütəmadi yumaq, insanların sıx olduğu yerlərdə maskadan istifadə etmək, yaşlıların və xroniki xəstəlikləri olan şəxslərin isə mümkün qədər izdihamlı məkanlardan uzaq durması daxildir.

"Mövcud məlumatlara əsasən, COVID-19-a yoluxma hallarının sayında əhəmiyyətli artım və kəskin yüksəliş müşahidə edirik", - deyə həkim bildirib.

visiontv.az

Görüşün detalları ilə bağlı əlavə məlumat verilməyib.

visiontv.az

Nazir müavini qeyd edib ki, şagirdlərin yekun attestasiyası və biliklərinin qiymətləndirilməsi Nazirlər Kabinetinin 12 dekabr 2016-cı il tarixli 498 nömrəli qərarı ilə tənzimlənir:

"Biliyi hər hansı səbəbdən asılı olmayaraq qiymətləndirilməyən şagirdə ümumi və ya tam orta təhsil haqqında attestat verilmir".

visiontv.az

Yeni tədbirlər gizli aktivlərin aşkarlanmasına, eləcə də dövlət qulluqçularının rəsmi gəlirləri ilə faktiki həyat səviyyəsi arasındakı uyğunsuzluğun üzə çıxarılmasına yönəlib.

Bu çərçivədə rəhbər vəzifəli şəxslərin ailə əmlakı və xərcləri yoxlanılacaq, həmçinin onların qohumlarının sahibkarlıq fəaliyyəti üzərində nəzarət gücləndiriləcək.

Bundan başqa, vəzifəli şəxslər üzərində, o cümlədən pensiyaya çıxdıqdan sonra nəzarətin artırılması nəzərdə tutulur. Eyni zamanda, məsuliyyətdən yayınmaq məqsədilə vəzifədən vaxtından əvvəl ayrılma hallarının qarşısının alınması tapşırılıb.

visiontv.az

Klassik Qərb üçün orta güc Kanada, Avstraliyadır. Tramp üçün orta güc isə böyük güclərin savaşdığı yerdə problem həll edən ölkədir. Məsələn Rusiya böyük güc kimi problem yaradan, Qazaxıstan, Özbəkistan, Azərbaycan isə orta güc kimi problem həll edən ölkələrdir. Tramp administrasiyası üçün Azərbaycan artıq sadəcə neft ölkəsi deyil. Bakı İsrail və müsəlman dünyası arasında körpü rolunu oynayır. Rusiya və Qərb arasında danışıqlar meydançasıdır. Çin və Qərb arasında tranzit, Orta dəhlizin qapısı Bakıdır.

Ona görə Tramp bu dəvətlə dünyaya deyir ki, G20 artıq yalnız böyük 20-lik deyil, həm də işi görən, problem həll edənlər klubudur. Və Azərbaycan bu kriteriyaya ən uyğun gələn ölkələrdən birncisidir. Bu, Ağ Evin Azərbaycana verdiyi ən yüksək legitimlikdir.

Vaşinqton artıq Bakını regional oyunçu yox, qlobal tənzimləyicilərin ehtiyat skamyasında oturan orta güc kimi görür.

Şöhrət El-Dəniz

visiontv.az

Nəşrin məlumatına görə, sentyabrın sonundan oktyabrın ortalarınadək silahsız pilotsuz uçuş aparatı Rusiya gəmiləri də daxil olmaqla, xarici gəmiləri 10 saatdan çox müddətdə müşahidə edib.

Böyük Britaniya bu tip dronlardan 16 ədəd alıb. Onlardan 11-i artıq silahlanmaya qəbul edilib.

Britaniya Hərbi Dəniz Qüvvələrinin məlumatına görə, 2026-cı ilin ilk yeddi ayında krallığın ərazi sularında və Şimali Atlantikada Rusiyanın dəniz fəaliyyətini izləmək üçün keçirilən əməliyyatların sayı 2025-ci ilin eyni dövrü ilə müqayisədə 25 faiz artıb.

Təkcə iyul ayında Rusiya gəmilərini və sualtı qayıqlarını izləmək üçün "Somerset", "Tyne", "Mersey" və "Severn" adlı dörd gəmi, həmçinin "Wildcat" və "Merlin" helikopterləri cəlb olunub.

visiontv.az

visiontv.az

Paşinyan qeyd edib ki, Ermənistan hökuməti TRIPP layihəsi çərçivəsində dəmir yolu, avtomobil yolu və elektrik xətlərinin layihələndirilməsi işlərinin sifarişinə öz təşəbbüsü ilə başlayacaq.

“TRIPP-in inkişafı üzrə şirkət yaradılana qədər Ermənistan hökuməti öz təşəbbüsü ilə layihə çərçivəsində dəmir yolu, avtomobil yolu və elektrik xətləri üzrə layihələndirmə işlərini sifariş edəcək. Biz vaxt itirmək istəmirik. TRIPP-in inkişafı üzrə şirkət yaradılan kimi Ermənistan hökuməti artıq görülmüş işləri ona təhvil verəcək”, – Baş nazir bildirib.

Paşinyan vurğulayıb ki, bu layihə sayəsində Ermənistan 30 ildən artıqdır davam edən tədrici aradan qaldıra biləcək.

visiontv.az

Bunu narahatlıq doğuran hal hesab etmədiyini vurğulayan Tramp Çin və Rusiyanın  ABŞ-ı izlədiyini, lakin  Vaşinqtonun da bu ölkələrə qarşı eyni fəaliyyəti həyata keçirdiyini deyib.

“Biz bunu onlardan daha yaxşı edirik, ona görə də narahat olmayın”, – Tramp əlavə edib.

Tramp hansı kəşfiyyat məlumatlarının toplanıldığını və bu məsələni kimlə müzakirə etdiyini açıqlamayıb.

visiontv.az

O, dövlət başçısı İlham Əliyevə və  Azərbaycan xalqına Zəfər Günü münasibətilə Prezident Rəcəb Tayyib Ərdoğanın təbrikini çatdırıb. Təbrikdə deyilir:

"Zati-aliləri, hörmətli qardaşım, Cənubi Koreyaya səfərim zamanı qardaş  Azərbaycanın hava məkanından keçərkən öz adımdan və nümayəndə heyətim adından Zati-alinizə və  Azərbaycan xalqına ən səmimi salamlarımı və xoş arzularımı çatdırıram. Fürsətdən istifadə edərək ölkələrimiz arasındakı müttəfiqlik münasibətlərinin və əməkdaşlığın gələcəkdə də möhkəmlənərək inkişaf edəcəyinə güclü inamımı bir daha bildirmək istəyirəm. Qarşıdan gələn 8 Noyabr – Zəfər Günü münasibətilə  Zati-alinizi və qardaş  Azərbaycan xalqını səmimi-qəlbdən təbrik edir, Azərbaycana davamlı sülh, firavanlıq və tərəqqi arzulayıram".

visiontv.az

“Biz yeni Konstitusiyanın layihəsini dərc edəcəyik, ictimai müzakirələr başlayacaq, daxil olan təkliflər təqdim ediləcək və nəzərdən keçiriləcək. Bu proses yeni Konstitusiya layihəsinin cəmiyyətimiz tərəfindən kifayət qədər geniş müzakirə olunduğuna əmin olana qədər davam edəcək”, – Paşinyan vurğulayıb.

Baş nazir qarşıda duran hökumət vəzifələrindən birinin  Azərbaycanla sülh sazişinin imzalanması və ratifikasiyası olduğunu qeyd edib.

visiontv.az

Qeyd edilib ki, işə qəbul  Azərbaycan dili və ədəbiyyat (Azərbaycan bölməsi), Riyaziyyat (Azərbaycan bölməsi), İngilis dili (Azərbaycan bölməsi), İbtidai sinif (Azərbaycan bölməsi) fənlər üzrə elan edilib.

Qeyd edilib ki, cari ildə keçirilmiş müəllimlərin işə qəbulu (MİQ) müsabiqəsində iştirak edərək  Azərbaycan dili və ədəbiyyat, riyaziyyat və ingilis dili fənləri üzrə 70 faizdən, ibtidai sinif üzrə isə 80 faizdən yüksək nəticə göstərmiş namizədlər qəbul prosesində iştirak etmək üçün müraciət edə bilərlər.

"Namizədlər müraciət zamanı şəxsiyyət vəsiqəsini və müvafiq ixtisas üzrə sənədi (diplom) təqdim etməlidirlər.

Tələblərə cavab verən namizədlər 2 noyabr 2026-cı il tarixindən etibarən saat 11:00-dan 17:00-dək müvafiq sənədlərlə BŞTİ-yə müraciət edə bilərlər", - məlumatda qeyd olunub.

visiontv.az

Dövlət Sərhəd Xidmətinin Sərhəd Qoşunlarının “Horadiz” sərhəd dəstəsinin xidməti ərazisində 2 nəfərin İran İslam Respublikasından  Azərbaycan Respublikası istiqamətinə hərəkəti müşahidə edilib.

Sərhəd zastavası dərhal “Silaha” komandası üzrə qaldırılmış, ərazi qapadılmış və sərhəd pozucularının saxlanılması məqsədilə zəruri tədbirlər görülüb.

Keçirilmiş kompleks sərhəd axtarışı və əməliyyat tədbirləri nəticəsində 16 kiloqram 128 qram narkotik vasitəni ölkə ərazisinə keçirməyə cəhd göstərən İran İslam Respublikası vətəndaşları saxlanılıb.

Fakt üzrə əməliyyat-istintaq tədbirləri davam etdirilir.

visiontv.az

Bildirilib ki, meteor yağışının maksimumu noyabrın 18-də Bakı vaxtı ilə saat 03:45-də gözlənilir. Bu zaman saatda təxminən 15 meteorun müşahidə olunacağı proqnozlaşdırılır.

Azərbaycan ərazisində Leonidləri müşahidə etmək üçün ən əlverişli dövr noyabrın 17-dən 18-nə keçən gecə saat 02:00-dan sübhədək olan müddətdir. Maksimuma yaxın saatlarda  Ayın batması zəif meteorların görünməsi üçün də nisbətən əlverişli şərait yarada bilər.

visiontv.az

Bildirilib ki, 4898,3 hektar ərazi mina və PHS-lərdən təmizlənib.

visiontv.az

Onun iddiasına görə, mümkün zərbənin hədəfi İranın mərkəzində yerləşən Pikaks dağı ola bilər. Karlson İsrail kəşfiyyatının İran hökumətinin həmin ərazidə nüvə proqramını yenidən bərpa etdiyini iddia etdiyini yazıb.

Jurnalistin sözlərinə görə, ABŞ Prezidenti Donald Trampın nüvə silahından istifadə ilə bağlı qərarı noyabrın 7-dək verilə bilər.

Karlson iddia edir ki, ABŞ-ın adi silahları nüvə obyektlərinin yerləşdiyi ehtimal olunan, 90 metr qalınlığında qranit təbəqəsini deşib keçə bilmir.

Onun sözlərinə görə, Rusiya ən azı iki ölkəni xəbərdar edib ki, ABŞ-ın İrana nüvə zərbəsi endirməsi Moskvanın Ukraynaya qarşı analoji silahdan istifadə etməsi üçün yol aça bilər.

visiontv.az