“İndi yenidən cəhd edəcəklər. Yenidən cəhd edirlər və məhv etdiyimiz oxu yenidən yaratmağa çalışacaqlar”, – deyə Netanyahu bildirib.

Nazir, habelə, İranın nüvə proqramına qarşı görülən işlərin təxminən 80-90 faizinin tamamlandığını və qalan hissənin də başa çatdırılmasının vacibliyini vurğulayıb.

visiontv.az

Nikol Paşinyan məhz ABŞ şirkətlərinin sıx dəstəyilə Ermənistanı Cənubi Qafqazın süni intellekt üzrə regional mərkəzinə çevirmək üçün canfəşanlıq edir. Ermənistan hökumətinin bugünlərdə Yüksək Texnologiyalar Sənayesi Nazirliyini ləğv edib, onun bazasında Yüksək Texnologiyalar Sənayesi və Süni İntellekt Nazirliyi yaratması da bu ölkənin süni intellekt sahəsində iddialı hədəflərinin göstəricisidir.

Bəziləri hətta futuristik proqnozlar irəli sürərək, Ermənistanın gələcəkdə məhz süni intellekt həlləri üzərindən Azərbaycanla müharibəyə hazırlaşdığı barədə tezislə çıxış edirlər. Əlbəttə, Ermənistan kimi avantürist və güvənsiz bir ölkədən hər cürə yaramazlıqlar gözləmək olar. Lakin bütün hallarda bu gün Ermənistanın süni intellekt əsaslı müharibəyə hazırlaşması real deyil.

Sadəcə olaraq Paşinyan və onun komanda üzvləri şüuaraltı olaraq dərk edirlər ki, demək olar ki, heç bir təbii resursları olmayan Ermənistanı yalnız texnoloji tərəqqinin sayəsində ayaqda saxlamaq, gələcəyə daşımaq mümkündür. Yəni ki, ermənilərin başqa seçim imkanları və alternativləri olmadığına görə bu gün belə xüsusi canfəşanlıqla, haray-həşirlə süni intellekt sistemlərinə üz tutur, bu sahəyə xüsusi diqqət ayırırlar.

Bizim qardaş türk dövlətləri arasında isə süni intellekt texnologiyalarına keçid sahəsində ən çox fəallıq göstərən ölkələr isə məhz Qazaxıstan və Qırğızıstandır. Qazaxıstanda hətta Süni İntellekt və Rəqəmsal İnkişaf Nazirliyi də yaradılıb. Qırğızıstan isə, ümumiyyətlə, rəqəmsal texnologiyalar və süni intellekt üzrə institusional quruculuq sahəsində bütün Türk dünyasının flaqmanına, aparıcı ölkəsinə çevrilmək iddiasındadır.

Bəs, bizim yaxın hədəfimiz nə olmalıdır?

Bu gün Azərbaycanda süni intellekt iqtisadiyyat və səhiyyədən tutmuş, təhsil və nəqliyyata, dövlət xidmətlərinədək bütün sahələrə sürətlə daxil olur. Odur ki, hazırkı mərhələdə əsas vəzifəmiz, necə deyərlər, bu bazara sürətlə daxil olmaq, bu prosesə daha çevik qoşulmaq, süni intellekt istehsalçılarından birinə çevrilmək və yerli həlləri, modelləri səmərəli tətbiq edə biləcək çox güclü bir ekosistem formalaşdırmaq olmalıdır.

Bəybala Mirzəyev

visiontv.az

Müəyyən olunmuş əraziyə daxil olan istənilən gəmi İran tərəfindən sanksiya siyahısına salınacaq.

visiontv.az

visiontv.az

visiontv.az

Nə general sıradan bir generaldır, nədəki bu güllələmə aktı adi bir cinayət hadisəsidir.

Bu, aylarla hazırlanmış xüsusi bir qisas əməliyyatıdır. Güllələnən general isə sıravi, dinc ukraynalıların bombalanmasında, öldürülməsində xüsusilə fərqlənmiş, aşırı fəallıq göstərmiş yüksək rütbəli rus zabitlərindən biridir.

Söhbət Rusiya AeroKosmik Qüvvələrinin zabiti, general Nikolay Varpaxoviçdən gedir.

Motosikletçinin açdığı atəş nəticəsində qarnından və başından yaralananan və ağır vəziyyətdə Moskvaya aparılan Nikolay Varpaxoviç Ukrayna hüquq-mühafizə orqanlarının "qara siyahı"sında adı keçən rus zabitlərindəndir.

O, 28 aprel 2023-cü ildə Uman şəhərində yaşayış binasına raket zərbəsi endirməkdə şübhəli bilinir. Həmin zərbə nəticəsində altı uşaq da daxil olmaqla 24 nəfər həlak olub.

Varpaxoviç həmçinin 8 iyul 2024-cü ildə Kiyevdəki "Oxmatdet" Uşaq Xəstəxanasına edilən dəhşətli raket hücumunda da şübhəli bilinir.

Və bu da vəhşiliyin sonu!

İnsanlığa qənim kəsilən şovinist-millətçi rus generalları bu cür legitim qisas hədəflərinə çevrilməlidirlər ki, bəlkə psixoz vəziyyətindən ayılıb dayanarlar.

Ancaq çox təəssüf ki, tarix rus generallarına heçnəyi öyrətmir. Çünki ruslar tarixdən ibrət almağı bacarmayan millətdir.

Rus tarixi real faktlara yox, pafoslu təbliğata, şar kimi üfürülmüş ifrat patriotizmə söykənir. Odur ki, generalların öldürülməsi faktlarına isə heç bir Rusiya dərsliyində rast gələ bilməzsiniz.

P.S. Yeri gəlmişkən, 8 fevral 1806-cı ildə Bakı xanlığının işğalı cəhdi zamanı, İçərişəhərin Qoşa Qala qapısı yaxınlığında başı kəsilən Rusiya imperiyasının Qafqazdakı qoşunlarının baş komandanı, general Pavel Sisianovun da aqibətini ruslara xatırlatmaqda fayda var. Biz ruslara ilk ibrət dərsi verən xalqlardanıq.

Bəybala Mirzəyev

visiontv.az

visiontv.az

Cavab isə daha maraqlı olub:

-Oğurluğun haram olduğunu bilirəm. Amma Quranda deyilir ki, xristianlardan nə götürsən, sənə halaldır.

Problem ondadır ki, Quranda belə bir şey yazılmayıb.

Əksinə, Quran deyir: “Bir-birinizin mallarını haqsız yollarla yeməyin.”-Nisa, 4:29.

Ayədə “yalnız müsəlmanın malını oğurlamayın” deyilmir.

Amma “xristianın malı müsəlmana halaldır” düşüncəsinin müəyyən tarixi kökləri var. Orta əsrlərin müharibə şəraitində yaranmış darül-İslam–darül-hərb hüququnun bəzi hökmləri əsrlər ərzində kontekstindən çıxarılıb və nəticədə bəzi insanların şüurunda qəribə bir “dini bəraət” formalaşıb.

Halbuki həmin klassik hüquqda belə, başqa ölkəyə təhlükəsizlik təminatı ilə daxil olmuş müsəlmanın oranın əhalisinin malına xəyanət etməsi qadağan edilirdi. Müasir Avropa müsəlman hüquqşünasları isə məsələni daha aydın ifadə edirlər: Avropada yaşayan müsəlmanın qonşusunun, işəgötürənin, mağazanın və dövlətin malı toxunulmazdır.

Burada mənim üçün dini mübahisədən də maraqlı olan bir mənəvi paradoks var.

İnsan İsveçrəyə gəlir. Bu ölkədən sığınacaq və ya yaşayış hüququ alır. Küçəsində təhlükəsiz gəzir. Uşağı məktəbə gedir. Xəstələnəndə xəstəxanaya müraciət edir. Çətin vəziyyətə düşəndə sosial sistem ona yardım edir.

Sonra hansısa sarsaq müsəlman həmin cəmiyyətin üzvünün malını oğurlayıb buna dini bəraət axtarır: “O xristiandır, onun malı mənə halaldır.”

Xeyr. Bu nə Quranın hökmüdür, nə də minnətdarlıqdır.

Hətta məsələyə sırf dini məntiqlə yanaşsaq belə, səni qəbul edən, sənə təhlükəsizlik verən insanın malını oğurlamaq iman nümunəsi deyil-əmanətə xəyanətdir.

Ən qəribəsi isə budur: insan öz cinayətinə haqq qazandırmaq üçün Allahın adına Quranda olmayan bir hökm yazır.

Oğurluğa din halallıq vermir. Bəzən oğru özünə bəraət qazandırmaq üçün hətta dini də oğurlayır...

Elbəyi Həsənli

visiontv.az

Hücumun əsas məqsədi İsrailin hava hücumundan müdafiə sistemlərini eyni anda bir neçə cəbhədən intensiv raket və dron zərbələri ilə yükləyərək sıradan çıxarmaq və ölkədə geniş çaplı təhlükəsizlik böhranı yaratmaqdır.

Qeyd olunur ki, bu koordinasiyalı hücum planı 2023-cü il oktyabrın 7-də həyata keçirilən çoxşaxəli hücum ssenarisinə oxşar strategiya ilə hazırlanır.

visiontv.az

Donald Tramp amerikalıları yenə qəzəbləndirib. Bu dəfə söhbət nə miqrantlardan gedir, nə də NATO-dan. Söhbət Amerikanın müxtəlif yerlərində sürətlə ucalan, çox vaxt pəncərəsi belə olmayan nəhəng binalardan — data mərkəzlərindən gedir.

Trampın məntiqi sadədir: süni intellekt XXI əsrin ən böyük geosiyasi yarışlarından biridir, data mərkəzləri isə bu yarışın zavodlarıdır — sərmayə, vergi və iş yeri gətirəcək, əraziləri zəngin edəcəklər.

Tramp data mərkəzlərini "qızıl yumurtlayan qaz" adlandırır. Amma başqa bir cümləsi bəlkə də mübahisəni daha yaxşı izah edir: "Bu, o demək deyil ki, onu lap həyətinizin dibində istəyirsiniz". Məsələ də elə bundadır. Amerikalılar süni intellektdən imtina etmirlər, sadəcə soruşurlar: elektrik hesabını kim ödəyəcək, serverləri soyutmaq üçün su haradan gələcək və niyə bütün bunlar mənim evimin yanında olmalıdır?

Süni intellektin iştahı böyükdür.

"Lawrence Berkeley National Laboratory"-nin hesablamalarına görə, 2030-cu ildə ABŞ-da işlədilən elektrik enerjisinin 9,5–15,3 faizini data mərkəzləri "yeyəcək". Daha böyük modellər daha çox çip, daha çox server, daha çox elektrik tələb edir. Vaşinqton sürəti artırmaq istəyir, amma məs., Virciniya və ya Texasda hansısa ev sahibi hesabına baxıb soruşur: milyardlarla dollar qazanan şirkətin enerji yükünü niyə mən ödəməliyəm?

Bu narahatlığın əsassız olmadığını Tramp administrasiyasının özü də göstərir: Ağ Ev texnologiya nəhənglərinin əlavə enerji gücünün xərcini, hətta öz elektrik stansiyalarını özlərinin qurmasını istəyir. Əgər problem yoxdursa, niyə buna ehtiyac yaranır?

Su məsələsi də var hələ. Data mərkəzlərinin işlətdiyi enerji sonda istiliyə çevrilir və çıxarılmalıdır. Berkeley laboratoriyasına görə, ABŞ data mərkəzlərinin su istifadəsi 2028-ci ildə 140–280 milyon kubmetrə çata bilər.

Quraqlıqla üzləşən ərazilərdə "süni intellekt inqilabı" Silikon Vadisindəki qədər romantik görünməyə bilər. Trampın arqumentini tamamilə rədd etmək də düzgün olmaz. Virginiyanın Loudoun County bölgəsi bunun ən maraqlı nümunəsidir. Dünyanın ən böyük data mərkəzi məkanına çevrilmiş bu rayonda 2026-cı ilin yazına 233 data mərkəzi binası mövcud idi və ya tikinti mərhələsindəydi. Data mərkəzlərinin vergiləri rayon büdcəsinə bir ildə 1,2 milyard dollar — büdcənin 39 faizi qədər gətirib. Bu pulla məktəb, yol, polis, yanğınsöndürmə, kitabxana və parklar maliyyələşir. Deməli, "qızıl yumurtlayan qaz" bənzətməsinin arxasında real iqtisadi məntiq var.

Ancaq Loudoun County başqa bir həqiqəti də göstərir: qızıl yumurtlayan qaz həyətinizin yanında gecə-gündüz səs salmağa başlayanda cazibəsini itirir. Və bu nümunə eyni zamanda yaranan narazılığa ən bariz misaldır.

İş yerləri ilə bağlı da maraqlı paradoks var. Data mərkəzlərinin inşasına çox sayda inşaatçı, elektrikçi, mühəndis cəlb olunur. Amma bina hazır olandan sonra onu işlətmək üçün ənənəvi zavoddakı qədər adam lazım olmur. Sənaye dövrünün zavodu şəhərə iş yerləri gətirirdi; süni intellekt dövrünün zavodu isə ilk növbədə elektrik tələbatı gətirir. Birində minlərlə insan dəzgahın önündə dayanırdı, digərində minlərlə maşın onların əvəzinə gecə-gündüz işləyir.

Bu narazılığı sadəcə texnologiya qorxusu ilə izah etmək çətindir. 2026-cı ilin yayında Annenberg Public Policy Center-in sorğusuna görə, amerikalıların 61 faizi öz yaşadığı ərazidə yeni data mərkəzinin tikilməsinə qarşıdır. Üstəlik bu, artıq tək bir partiyanın mövqeyi deyil: demokrat, respublikaçı və müstəqil seçicilərin əksəriyyəti eyni fikirdədir, 30 yaşdan aşağı amerikalılar arasındasa bu rəqəm 70 faizə çatır. Texnologiya ilə ən rahat yaşayan nəslin onun infrastrukturunu qonşuluğunda ən az istəyən nəslə çevrilməsi qəribə paradoksdur.

Coğrafiya da dəyişir. Bəzi araşdırmalar amerikalıların 38 faizinin artıq bir data mərkəzindən beş mil məsafədə yaşadığını göstərir. Mövcud mərkəzlərin əksəriyyəti şəhərlərdədir, amma yeni planlaşdırılanların 67 faizi kənd ərazilərinə yönəlir. Süni intellektin infrastrukturu Silikon Vadisindən çıxıb Amerikanın kəndlərinə, fermer torpaqlarına doğru hərəkət edir.

Beləliklə qəribə mənzərə yaranır. Tramp deyir ki, Çinlə yarışı uduzmaq olmaz. Şirkətlər daha çox hesablama gücü istəyir. Yerli hakimiyyət vergi gəlirinə baxır. Evinin qarşısı data mərkəzinə çevriləcəyini eşidən amerikalı isə soruşur: niyə məhz burada?

Əslində bu adamların hamısı müəyyən mənada haqlıdır. Bəlkə də qarşıdakı illərdə süni intellekt ətrafında ən böyük mübahisə robotların insanları əvəz edib-etməyəcəyi olmayacaq, daha sadə, daha maddi suallar ortaya çıxacaq: elektriki, suyu, torpağı kim verəcək, hesabı kim ödəyəcək, qazancını kim götürəcək?

İndiyə qədər süni intellekti insan beyninin gələcəyi ilə əlaqələndirirdik: bizi ağıllandıracaqmı, tənbəlləşdirəcəkmi, işimizi əlimizdən alacaqmı? Amerikada başlayan data mərkəzi mübahisəsi isə daha köhnə bir həqiqəti xatırladır:

İnsan nə qədər virtual dünya yaratsa da, ayaqları yenə torpağın üstündədir.

Bulud göydə deyilmiş.

Onun torpağı, suyu, elektrik sayğacı, vergi hesabı, hətta qonşusu da var.

İndi ən böyük mübahisə onun kimin həyətinə kölgə salacağı üstünüdədir.

İbrahim Nəbioğlu

visiontv.az

“Hakimiyyət bir növ səfalət içində ilişib qalıb. Hökumətin müəyyən miqdarda benzini və müəyyən miqdarda istehsal gücü var”, – Səravənd qeyd edib.

Assosiasiya rəhbəri benzin çatışmazlığının su böhranından fərqli olduğunu vurğulayıb. Onun sözlərinə görə, ötən il Tehranda su qıtlığı yaşansa da, payız aylarında yağan yağışlar nəticəsində su anbarları yenidən dolub.

Sitat: “Benzin problemi su problemi kimi deyil. Keçən il Tehranda bu vaxtlar su problemi yaşadıq. Payızda yağış yağdı və bəndlər doldu, amma ölkənin ehtiyatını və strateji benzin çənlərini doldurmaq üçün göydən benzin yağmır”.

visiontv.az

visiontv.az

O, Fars körfəzi sularında və enerji obyektlərində fəaliyyət göstərən ABŞ neft və qaz şirkətlərinin də eyni təhlükə ilə üzləşdiyini iddia edib.

“Aktivlərimizə zərbə endirsəniz, sizə də zərbə endiriləcək. Biz bunu artıq sübut etmişik”, – deyə Qalibaf yazıb.

İran parlamentinin sədri ABŞ-nin daha əvvəl istifadə etdiyi və hazırda fəaliyyət göstərməsi mümkün olmayan hərbi bazalara diqqət çəkərək, Vaşinqtonun bunun nəticələrini artıq gördüyünü bildirib.

visiontv.az

Bu, bir tarixçinin qələmə aldığı həqiqətdir, amma əsl həqiqət deyil.

Əsl həqiqət odur ki, ordusunun Misir xalqını əzmək üçün güclü olmadığını başa düşən Napoleon, bütün imamların, qazi, müfti və üləmaların Quranı İmperator Ordusunun lehinə təfsir etməsinə çalışdı.

Bunu təmin etmək üçün Əzhərdə dərs deyən altmış ulamanı ordu düşərgəsinə çağırdı. Onlara, hərbi rütbələr verildi, sonra Napoleon onlara islama, Məhəmmədə və Qurana olan hörmətindən danışdı.

Quranı yaxşı bildiyi açıq-aşkar görünürdü. Bu oyun öz bəhrəsini tezliklə verdi, bir müddət sonra Qahirə xalqının işğalçılara inamsızlığından əsər-əlamət qalmadı.

Yaxşı tarixçi tarixi yaxşı yaza bilən deyil, tarixi yaxşı oxuya biləndir.

Aqşin Yenisey

visiontv.az

Bu gün axşam saatlarında Sənəndəc şəhərinin girişində baş verən  tankerin partlaması nəticəsində bir neçə avtomobil də yanıb.

Hadisə yerinə təcili yardım, yanğınsöndürmə və xilasetmə qüvvələri göndərilib. Yaralılar müalicə üçün Sənəndəcdəki Kusər xəstəxanasına köçürülüb.

Qəzanın dəqiq səbəbi və qurbanların şəxsiyyəti hələlik açıqlanmayıb. 

visiontv.az

visiontv.az

“Əmək pensiyaları” haqqında Qanuna əsasən, bütün növ əmək pensiyalarını növbəti dəfə indeksləşdirilərək artırılması gələn yanvarında reallaşcaq. Bu zaman 2026-cı ildəki orta aylıq əmək haqqındakı rəsmi artım faizinə uyğun olaraq pensiyalar da artırılacaq. Pensiya artımları bir milyon yüz min vətəndaşımızı əhatə edir.

Millət vəkili Vüqar Bayramov

visiontv.az

Tehran Ticarət Palatasının Nəqliyyat Komissiyasının rəhbəri Peyman Sənəndəci də Rimedan sərhəd-keçid məntəqəsinin bu həcmdə yük maşınlarını qəbul etmək üçün lazımi infrastruktura malik olmadığını bildirib.

Bundan əvvəl də Pişin sərhədində çoxsaylı yük maşınlarının saxlanıldığı və hər bir yük maşını üçün təxminən 2 milyard 300 milyon tümən məbləğində yeni tarif müəyyən edildiyi barədə məlumatlar yayılmışdı.

İran rejiminin dəfələrlə “dost ölkə” və hətta Tehranla Vaşinqton arasında vasitəçi kimi təqdim etdiyi Pakistanın sərhədində İran yük maşınlarının belə vəziyyətdə qalması İranın ticarət əlaqələrinin nə qədər həssas olduğunu və rejimin xarici siyasətinin ölkə iqtisadiyyatına yaratdığı ağır nəticələri bir daha göstərir.

visiontv.az

Hindistan məntiqi burada olduqca sadədir. Müharibə nə qədər uzun davam edərsə, Rusiyanın Çindən iqtisadi və texnoloji asılılığı bir o qədər artır. Bu asılılıq nə qədər böyük olarsa, Pekin bir o qədər çox təsir gücü qazanır. Pekin Moskva üzərində nə qədər çox təsir gücü qazanarsa, Hindistanın strateji mövqeyi bir o qədər pisləşir. Buna görə də, Yeni Dehli üçün müharibənin bitməsi yalnız humanitar və ya iqtisadi əhəmiyyət kəsb etmir. Bu, həm də Asiyada güc balansı məsələsidir. Çinin məntiqi bunun əksidir. Çin üçün münaqişənin davam etməsi unikal danışıqlar mövqeyi yaradır. Rusiya alternativ alıcıları və təchizatçıları itirir. Çin Rusiya resursları üçün getdikcə daha vacib bir bazara və əsas idxal mənbələrindən birinə çevrilir. Bu o deməkdir ki, Moskva bir neçə il əvvəl daha az məqbul olan şərtlərlə razılaşmaq məcburiyyətində qalır.

Yaxşı bir nümunə "Sibirin Gücü 2"-dir. Rusiya bu layihədə son dərəcə maraqlıdır, çünki Avropa bazarını itirdikdən sonra yeni uzunmüddətli qaz ixrac marşrutlarına ehtiyac duyur. Çin isə əksinə, tələsmir.

Əslində, bu, Avropa alıcısını Çin alıcısı ilə əvəz etmək deməkdir, lakin Çin Avropa alıcısını bərabər şərtlərlə əvəz etmir. O, nə qədər qaza ehtiyacı olduğunu, nə vaxt və hansı qiymətə ehtiyacı olduğunu seçmək imkanı qazanır. Və bu, yalnız qaza aid deyil. Müharibə nə qədər davam edərsə, Rusiya iqtisadiyyatı bir o qədər Çinə doğru yönəlir. Pekin iqtisadi və strateji maraqlarını inkişaf etdirmək üçün daha çox imkanlar qazanır. Buna görə də, Moskva ilə Pekin arasındakı mövcud münasibətlər getdikcə iki bərabər tərəfdaşın münasibətinə bənzəmir. Getdikcə daha aşkar bir asimmetriya yaranır. Çin resurslar, bazarlar, texnologiya, siyasi imkanlar və əlavə təsir qazanır. Rusiya müharibəni davam etdirmək və Qərblə əlaqəsinin kəsilməsindən yaranan itkilərin bir hissəsini kompensasiya etmək imkanı qazanır.

Moskva üçün bu, tərəfdaşlıq kimi görünür. Pekin üçün isə öz təsirini ardıcıl olaraq artırmaq imkanı kimi görünür. Və burada Hindistanla Çin arasındakı fərq aydın olur. Hindistanın müstəqil güc mərkəzi olaraq qalan Rusiyaya ehtiyacı var. Çin isə faydalı olmaq üçün kifayət qədər güclü qalan, lakin asılı olmaq üçün kifayət qədər zəifləmiş Rusiyadan faydalanır. Buna görə də, Dehli Moskvanı müharibəni bitirməyə məcbur edir. Lakin Pekin manevr etmək üçün yer saxlamağa üstünlük verir. Əsas fərq budur. Hindistan müharibəyə Çinin yüksəlişinin qarşısını necə almaq məsələsi kimi baxsa da, Çin buna Rusiyanın zəifləməsini öz təsirinin uzunmüddətli artmasına necə çevirmək məsələsi kimi baxır.

Pərviz Əliyev

visiontv.az

Qəzetin yazdığına görə, Kensinqton sarayının, yəni Uels şahzadəsi və şahzadəsinin Londondakı rəsmi iqamətgahının yaxınlığında yerləşən bu əmlakların mövqeyi Tehran rejiminin Britaniya elitası arasında gizli təsirinin səviyyəsini göstərir.

İki penthaus dəbdəbəli şəraitə, əməkdaşlar üçün ayrıca yaşayış sahəsinə və şəxsi dam terraslarına malikdir. Əmlaklardan Kensinqton sarayı kompleksinə mənzərə açılır.

Dubayda yaşayan iranlı bankir və investor Əli Ənsari bu ilin iyulunda ABŞ tərəfindən sanksiyaya məruz qoyulub. ABŞ Maliyyə Nazirliyi onu Müctəba Xameneinin və İranın digər yüksək səviyyəli rəsmilərinin maliyyələşdirilməsində, həmçinin aktivlərin müxtəlif ölkələrdə, o cümlədən Britaniyada şirkətlər və ofşor strukturlar şəbəkəsi vasitəsilə saxlanılmasında ittiham edib.

Britaniya da daha əvvəl Ənsarini SEPAH-ın fəaliyyətinin maliyyələşdirilməsində rol oynadığına görə sanksiyaya məruz qoyub.

“Sunday Times”ın yazdığına görə, Ənsari sanksiyaya məruz qaldıqdan və bu əmlaklarla bağlı kredit ödənişlərində problem yarandıqdan sonra özəl kreditorlar tərəfindən satış üçün idarəçilər təyin edilib. Əmlakların satışı Britaniya hökumətinin icazəsi ilə həyata keçirilir və satışdan əldə olunan gəlir Ənsari sanksiya altında olduğu müddətdə dondurulacaq.

visiontv.az

***

2-ci Qarabağ müharibəsində sonra Azərbaycan ordusunun Quru qoşunları, komando qüvvələrinin peşəkarlığı haqda bütün dünya danışdı. Hələ də danışırlar. Növbədə Hərbi Hava Qüvvələri və Hərbi Dəniz Qüvvələrinin hərbi texniki və peşəkarlığının yüksəldilməsi durur. Hərbi Hava qüvvələri üçün Pakistan və Çin istehsalı olan müasir nəsil JF-17 blok 3 alındı. İndi də Xəzərdə ikinci ən böyük donanma olan Hərbi Dəniz qüvvələrinin hərbi gəmiləri müasirləşdirilir. Ordunun bütün növləri Orta gücə çevrilən Azərbaycanın statusuna uyğun formalaşdırılır. Xeyirli olsun.

***

Fikir verirəm, müşahidə edirəm, yazılanları oxuyuram baxıram ki, insanlar vaxtilə sevdiyi, dəyər verdiyi şəxsə daha çox nifrət edir, nəyik ki, yada.

P.S. Bəla orasındadır ki, toplum olaraq da bir-birimizə olan nifrət, hirs başqa, düşmən hesab etdiyimiz toplumlara olan nifrət və hirsdən daha çoxdur.

***

Bişkekdə Əliyev-Pezeşkian görüşünün simvolik mesajları

Əvvala onu deyim ki, Azərbaycan Respublikasının prezidenti İlham Əliyev əksər görüşlərində, bu beynəlxalq səviyyəli tədbirlər, prezidentlərlə və yaxud sıravi vətəndaşla görüş olsun fərq etməz adi bir hadisəni ciddi siyasi-diplomatik hadisəyə çevirməyi çox gözəl bacarır. Bunu Bişkekdə İran prezidenti Məsud Pezeşkianla görüşdə də nümayış etdirdi. Beləki Bişkekdə keçirilən Şanxay Əməkdaşlıq Təşkilatı sammiti çərçivəsində Azərbaycan Prezidenti İlham Əliyev ilə İran Prezidenti Məsud Pezeşkian arasında baş tutan qısa görüş mənim fikrimcə diplomatik protokoldan kənar 2 ciddi epizodla yadda qaldı. Stolun üzərindəki su şüşələri və dil seçimi bu dəfə danışıqların əsas arqumentinə çevrildi desəm yanılmaram. Görüş zamanı İran tərəfdən Pezeşkianın köməkçisi ona Borjomi suyu təqdim etdi. Cavab olaraq Prezident İlham Əliyev masanın üstündə olan Kəlbəcərin “İstisu” mineral suyundan içməyi təklif etdi və özü də nümunə göstərdi. Daha sonra söhbət Naxçıvanın “Badamlı” və “Sirab” suları ətrafında davam etdi. Eyni zamanda görüşün açıq hissəsində İlham Əliyevin İran nümayəndə heyətinin qarşısında Azərbaycan dilində müraciət etməsi və Pezeşkianı da bu dildə cavab verməyə təşviq etməsi diqqət çəkdi. İlk baxışdan səmim hadisə kimi görünən bu hadisədə dediyim kimi iki məqam ciddi siyasi mesaja çevrildi. Birinci mesaj: “Zəngəzur dəhlizi”nin iqtisadi-coğrafi əsaslandırması. Son illərdə İranın radikal yönümlü rəsmi dairələri “Zəngəzur dəhlizi” ideyasına ehtiyatla yanaşır və bunu bölgədə digər kommunikasiyaların açılmasına təhlükə yaratdığını bildirir. Bu baxımdan Prezident İlham Əliyevin seçdiyi məhsullar təsadüfi deyildi. Kəlbəcərin İstisuyu Şərqi Zəngəzur iqtisadi rayonunun əsas brendlərindən biridir. 30 il işğalda qaldıqdan sonra bərpa olunan kurort infrastrukturu ilə Azərbaycanın bu əraziyə qayıdışının simvoludur. Badamlı və Sirab isə Azərbaycanın əsas ərazisindən kənarda qalan Naxçıvan Muxtar Respublikasının əsas ixrac brendləridir. İki məkanın məhsullarını bir masa üzərinə qoymaqla verilən mesaj isə açıqdır: “İstisu” və “Badamlı-Sirab” arasındakı fiziki bağlılıq məhz Zəngəzur dəhlizi ilə təmin oluna bilər. Yəni söhbət tək Tehranın təqdim etdiyi kimi hərbi-logistikadan deyil, su, kənd təsərrüfatı, turizm və ticarətin birləşməsindən gedir. Bu, İrana qarşı bir təzyiq deyil, əksinə “bölgə iqtisadiyyatını birləşdirən dəhliz hamı üçün faydalıdır” tezisinin yumşaq nümayişi kimi oxunur. Əslində su diplomatiyası Qafqazda yeni deyil. Amma bu dəfə su brendləri birbaşa ərazi və kommunikasiya mübahisəsinin üzərinə qoyuldu. İkinci mesaj. Dil məsələsi və İranda yaşayan azərbaycanlılar faktorudur. Protokol adətən rəsmi görüşlərdə hər iki tərəfin öz dövlət dilində danışmasını, tərcüməçidən istifadəni nəzərdə tutur. Prezident İlham Əliyevin İran prezidentini Azərbaycan dilində danışmağa yumşaq desəm vadar etməsi daha çox simvolik jest idi. Burada da iki qat məna var. Bir. Azərbaycan dilinin regionda dövlət dili səviyyəsində istifadə olunduğunu göstərmək. İki. İranda təxminən 25-30 milyon civarında yaşayan azərbaycanlı əhalinin dil məsələsini xatırlatmaq. Rəsmi Bakı illərdir bu mövzuda birbaşa bəyanatlar verməkdən çəkinir, amma mədəni-humanitar sahədə İranda ana dil vurgusunu gücləndirir. Pezeşkianın özü Güney Azərbaycan əsilli siyasətçidir və seçkiqabağı kampaniyada ana dilində təhsil məsələsinə toxunmuşdu. Ona görə də onun Azərbaycan dilində cavab verməsi Tehran üçün daxili balans məsələsi, Bakı üçün isə bizim ortaq dilimiz var mesajı idi. Nəticə olaraq bu görüşdən mən 2 əsas nəticə çıxartdım. Birincisi, Azərbaycan artıq Zəngəzur dəhlizi mövzusunu yalnız xəritə və müqavilələrlə deyil, iqtisadi brendlər, turizm və gündəlik həyat vasitəsilə izah edir. “Zəngəzur dəhlizi ilə razlaşın, ondan sonra bu marşurutla su da, turist də, yük də gedəcək” məntiqi Tehrana daha başa düşülən dildə çatdırılır. İkincisi, dil faktoru Bakı-Tehran münasibətlərində yeni alətə çevrilir. Birbaşa siyasi tələblər olmadan, sadəcə Azərbaycan dilində salamlaşma və söhbət vasitəsilə 30 milyonluq auditoriyaya siqnal verilir. Yəni Bişkekdəki 5 dəqiqəlik epizod böyük müqavilə doğurmaya bilər. Amma diplomatiyada bəzən bir şüşə su və bir cümlə yüz səhifəlik notadan daha çox işləyir. Bu baxımdan Prezidrent İlham Əliyev bu dəfə həm xəritəni, həm də lüğəti masanın üstünə qoydu.

***

Putinin sifətinə baxın.

Bilirki günahkardır və nədə günahkar olduğunu da çox gumanki Prezident İlham Əliyev üzünə deyir. O da rola girib guya heç nədən xəbəri yoxdur kimi bir sifət alıb.

***

Şanxay Əməkdaşlıq Təşkilatında əhalinin sayı və iqtisadiyyatı milyardlarla ölçülsə də quruma üzv olan iki ən böyük dövlət Çin və Hindistan iqtisadiyyatı ABŞ və Avropadan asılıdır. Ona görə çox da yekə bir şey deyil. Təbii ki, Azərbaycan bu təşkilatdan öz maraqları üçün istifadə etməlidir. Və əminəm ki edəcək.

***

Əliağa Vahidin bir şeri var son bəndində deyir ki -

Üzü dönsün görüm ol ağuya dönmüş çörəyin,

Yaxşı möhtac elədi qəhbəyə, oğraşə bizi.

Bu beyti sosial mediada at oynadanlara şamil etsək məncə bu cür alınar-

Üzü dönsün görüm ol ağuya dönmüş çörəyin,

Yaxşı möhtac elədi feysbuka, tik-toka bizi.

***

20 yanvardan M kod adı altında 28 Maya, Gəncliyə və Koroğluya gedən avtobuslar camaata çox kömək edir. Bu marşurutu təşkil edənlərin ölənlərinə rəhmət diləyərək xahiş edirəm ki, Koroğlu istiqamətinə gedən marşurutun yolunu Nərimanovdan da salsınlar. Nərimanov metrostansiyası istiqamətinə də xeyli insan gedir və əsir-yesir qalmışıq.

***

Bu xanımları razı salmaq mümkün deyil də. Manatlıq (artıq 2 manat olub) taksidə evə gedirəm. Bidiyiniz kimi arxa üç nəfər üçün nəzərdə tutulub. Vay, o vaxt olur ki, arxaya 2 xanım düşür. Qırğın onda başlayır. Hər ikisi dirənirki ortada oturmuram. Nədənsə hamısının ürəyi bulanır ortada oturanda. Bu gün yenə qırğın başlayırdı dedim gəlin oturun kənarda ortanızda mən oturacam. Razılaşdılar. Mən də oturdum ortada mürgüləyə-mürgüləyə gəlib bir təhər çıxdıq mənzil başına. Düşəndə dedim noldu məni yedilər ortada oturanda. İki xanım dil tapıb yan-yana oturmadınız. Ona görə deyirəm bu xanımlardan əsasən də tez-tez ürəyi bulanan gənc xanımlardan baş aça bilmirəm))

***

Türkiyə mediasında və bəzi dini quruplarda Ankara-Bakı münasibətlərinə düşmən kəsilən təxribatçı qüvvələr var. Təhlükəli tərəfi odur ki, bu qüvvələrin hədəf auditoriyası sıravi vətəndaşlardır. Tehranda, Afinada, Parisdə, hətta

İrəvanda cahil kütlə üçün uydurulan anti-Azərbaycan nağılları Türkiyə mediasında çox rahatlıqla tirajlanır.

Şöhrət El-Dəniz

visiontv.az

***

Məlumata görə, hazırda Təbriz Mərkəzi Həbsxanasının “təhlükəsiz və sağlamlıq” kimi tanınan 7-ci bölməsində saxlanılan fəal məhkəmə iclasında iştirak etmək üçün həbsxanadan məhkəməyə aparılıb və iclasdan sonra yenidən həbsxanaya qaytarılıb.

Əli Babayi daha əvvəl də bir neçə məhkəmə işi ilə üzləşib. Əvvəlki işlər üzrə çıxarılan hökmlərə əsasən, o, “Demokratlar” adlandırılan qrupa üzvlük ittihamı ilə 2 il 9 ay, “milli təhlükəsizliyə qarşı əlbirlik və toplantı” ittihamı ilə isə 3 il 7 ay həbs cəzasına məhkum edilib.

Əli Babayiyə qarşı son məhkəmə prosesi onun hələ də Təbriz Mərkəzi Həbsxanasında saxlanıldığı bir vaxtda davam edir.

visiontv.az

visiontv.az

Poilievre yazıb ki, həmin şəxs milli təhlükəsizliklə bağlı narahatlıqlar səbəbindən müəyyən edilib və İran rejiminə raket sistemlərinin inkişafında kömək göstərmək, həmçinin SEPAH-ın xeyrinə tədarük və təchizat fəaliyyətləri həyata keçirməkdə ittiham olunduğu üçün araşdırılıb.

visiontv.az

Onun sözlərinə görə, bu halda layihənin həyata keçirilməsi ABŞ-a Ermənistan ərazisində müvafiq infrastruktur yerləşdirmək üçün potensial imkan yaradacaq.

Donald Trampın Stiv Uitkoffun Azərbaycan-Ermənistan sülh prosesinə və TRIPP marşrutuna həsr olunmuş məqaləsini özünün sosial şəbəkə hesabında paylaşdığı bir məqamda, Rusiya rəsmisi bununla nə demək istəyir?

Şevtsovun demək istədiyi əsas fikir budur ki, Moskva Zəngəzur dəhlizi (“Tramp marşrutu”) layihəsini təkcə nəqliyyat xətti kimi yox, həm də geosiyasi və təhlükəsizlik riski kimi görür. Və əgər həmin marşrut Ermənistan ərazisindən keçərsə, bu, ABŞ-a regionda daha güclü fiziki və institusional mövqe yaratmaq imkanı verə bilər. Nəticədə İran sərhədinə yaxın ərazidə ABŞ hərbçiləri, özəl hərbi şirkətlər, kəşfiyyat və müşahidə infrastrukturu yerləşdirilə bilər.

Yəni Rusiya tərəfi bu layihəni sadəcə yol və ya dəmir yolu kimi deyil, ABŞ-ın Cənubi Qafqazda hərbi-siyasi dayağının genişlənməsi kimi təqdim edir.

Bəs, ruslar nə üçün məsələyə məhz bu prizmadan yanaşır?

Rusiyanın özünü İran təəssübkeşi kimi göstərib belə iddialarla çıxış etməsində 3 məqsəd var:

1-cisi ABŞ-ın bölgəyə gəlişini təhlükə kimi göstərməkdir. Moskva regionda Qərbin təsirinin artmasını öz maraqlarına zidd sayır.

2-cisi İranın narahatlığını gücləndirməkdir. Çünki İran üçün sərhəd yaxınlığında ABŞ infrastrukturunun olması çox həssas məsələdir. Rusiya bu narahatlığı qabardaraq Tehranla eyni xəttdə dayandığını göstərməyə çalışır.

3-cüsü isə, Zəngəzur dəhlizinin nəqliyyat deyil, hərbi layihə olduğu təəssüratını yaratmaqdır. Bunda da məqsəd layihəyə etimadı azaltmaq və ona qarşı regional müqaviməti artırmaq ola bilər.

Bütün bunlar gerçəkdə nə dərəcədə mümkündür?

Bu tip açıqlamalarda çox vaxt birbaşa fakt yox, ehtimal və siyasi şərh öndə olur. Yəni Şevtsovun dediyi şey "mütləq belə olacaq" demək deyil. O, daha çox belə bir ssenarini irəli sürərək xəbərdarlıq edir. Bu da Kremlin ənənəvi hiyləgər metodlarından biridir.

Başqa sözlə desək, Kreml məhz Şevtsovun dili ilə, “ABŞ mütləq orada hərbi baza quracaq” demir, amma “belə bir dəhliz bu cür nəticələrə yol aça bilər” mesajını verir.

Bu açıqlama həm də Rusiyanın klassik mövqeyini göstərir: Moskva Cənubi Qafqazda təhlükəsizlik arxitekturasının öz nəzarətindən çıxmasını istəmir. Ona görə də ABŞ-ın mümkün iştirakı dərhal NATO təsiri, kəşfiyyat fəaliyyəti və İran əleyhinə platforma kimi təqdim olunur.

Rusiya rəsmisinin “Zəngəzur dəhlizi iqtisadi dəhliz deyil, bu, ABŞ-ın Ermənistan üzərindən İran sərhədinə yaxınlaşması və bölgədə hərbi-kəşfiyyat mövqeyi qazanması üçün alət ola bilər" mesajı həm İranı Ermənistanın üzərinə qısqırtmağa, həm də molla rejimini Moskvanın qarmağında saxlamağa xidmət edir.

Yəni ki, Rusiya rəsmisinin İranın "vəkil"i rolunda çıxış etməsi səbəbsiz deyil. Kreml ilanı həmişə Seyid Əhməd əli ilə tutmağa çalışır. Bu, Kremlin köhnə şakəridir.

Bəybala Mirzəyev

visiontv.az

Bu qarşıdurmanın dərinləşməsi diqqət çəkir, çünki Kərimi əvvəlki illərdə Rza Pəhləvinin ən fəal tərəfdarlarından biri olub və 2023-cü ilin yanvarında ona açıq şəkildə “vəkalət” verdiyini bildirmişdi. Lakin son aylarda fikir ayrılıqları əvvəlcə Pəhləvinin ətrafı və ofisinin fəaliyyəti, daha sonra isə birbaşa Rza Pəhləvi ilə bağlı məsələlər üzərindən açıq qarşıdurmaya çevrilib.

Kəriminin bəzi incəsənət proqramları və konsertlərlə bağlı tənqidləri, Pəhləvinin ətrafındakı şəxslərin fəaliyyətinə etirazları, onun hesablarının idarə olunması ilə bağlı səsləndirilən iddialar və qarşılıqlı ifşa təhdidləri bu parçalanmanı daha da dərinləşdirən məsələlər sırasında olub.

Bu qarşıdurma Pəhləvi düşərgəsində daxili fikir ayrılıqlarının idarə olunması ilə bağlı ciddi suallar yaradıb. Tənqidçilər hesab edirlər ki, hələ hakimiyyətə gəlməmiş bir siyasi cərəyanın nüfuz, liderlik və siyasi nəzarət uğrunda öz daxilində belə kəskin qarşıdurmaya girməsi onun təşkilati və siyasi idarəçilik qabiliyyəti barədə suallar doğurur.

visiontv.az

visiontv.az

Məlumata görə, vəsaitlər Çin, BƏƏ və Honq-Konqdakı vasitəçilər üzərindən köçürülür, dollar əməliyyatları isə xarici bankların ABŞ-dakı müxbir hesabları vasitəsilə hesablaşılır.

Donald Tramp administrasiyası “iqtisadi sıxışdırma əməliyyatı” çərçivəsində ABŞ banklarından İranla əlaqəli əməliyyatlara nəzarəti gücləndirməyi tələb edib.

Xarici banklara da xəbərdarlıq edilib ki, İrana sanksiyalardan yayınmaqda kömək etdikləri halda, dollar maliyyə sisteminə çıxışlarını itirə bilərlər.

visiontv.az

Bu gün dünya mediasında dərc olunan bəzi məlumatlar sözügedən ehtimalı gücləndirir. İlk məlumata görə, ABŞ donanması İranın Hörmüz boğazına yerləşdirdiyi bütün minaları təmizləyib. Financial Times xəbər verir ki, təsirsiz hala gətirilən minaların sayı 80 ədəd civarında imiş.

Qeyd edim ki, bir neçə gün bundan əvvəl ABŞ Mərkəzi Komandanlığının (CENTCOM) komandiri Admiral Bred Kuper də bu faktı təsdiqləyən açıqlama verərək demişdi: "Biz boğazdakı beynəlxalq gəmiçilik zolaqlarını İran İnqilab Keşikçiləri Korpusu tərəfindən aylar əvvəl döşənmiş dəniz minalarından uğurla təmizlədik. Bu zolaqlar artıq ABŞ ordusunun fövqəladə səyləri sayəsində İran dəniz minalarından azaddır."

Üzərindən bir müddət keçəndən sonra Böyük Britaniyanın ən ciddi media qurumlarından sayılan “Financial Times”a inansaq, ABŞ donanması Hörmüzdəki minaları çox asan yolla zərərsizləşdirib: ABŞ Hərbi Dəniz Qüvvələri robot qayıqlar və sualtı nəqliyyat vasitələrinin köməyi ilə minaların yerini müəyyənləşdirib. Əməliyyatın ən təhlükəli mərhələsi isə bundan sonra başlayıb; dalğıclar suya enib, minalara partlayıcı maddələr yaxınlaşdırıblar. Sonra isə onu partladaraq məhv ediblər. Sözsüz ki, 80 ədəd mina İran SEPAH-ının gözləri önündə göyə sovrulub, onlar isə bunu seyr etməklə kifayətləniblər.

Təqaüddə olan ABŞ Hərbi Dəniz Qüvvələrinin kapitanı Bill Hamblet də bu məlumatı təsdiqləyib.

İran rəsmiləri bu məlumatı təkzib etsələr də, bir müddət əvvəl yaşanan bəzi hadisələr iddianın doğru ola biləcəyi ehtimalını ağla gətirir. Məlum olduğu kimi, bir müddət əvvəl ABŞ Hörmüz boğazında iki raket qurğusunu vuraraq atəşkəsi pozmuşdu. Hücumun səbəbini isə bununla əsaslandırmışdı ki, həmin qurğular Hörmüz boğazına mina atmaqla məşğul idilər, biz də onları vuraraq boğazın minalanmasının qarşısını aldıq. Maraqlıdır ki, İran da bu məlumatı yalanlamamış, əksinə bu kimi tədbirlərlə onun qarşısının alınmayacağını bildirərək bir növ doğrulamışdı. Odur ki, belə bir sual ortaya çıxır: əgər həqiqətən də İran haqlıdırsa, ABŞ Hörmüz boğazındakı minaları məhv etməyibsə, onda İran niyə həmin ərazini yenidən minalamaq zəhmətinə qatlanır?

Diqqəti cəlb edən digər bir məlumat isə bu gün Livandan gəlib. Bildirildiyinə görə, Hizbullah strateji əhəmiyyətli "Əli əl-Tahir" təpələrini boşaldaraq, İsrailə buraxıb. Halbuki, əldə olunan razılaşmalara görə, bu təpələr Livan ordusuna təhvil verilməli və İsraillə danışıqlarda rəsmi Beyrutun əlini gücləndirən əsas kozırlardan biri olmalı idi. Hizbullah isə nədənsə bu təpələri düşmənə təhvil verməyi daha uyğun bilib.

Media orqanlarının yazdığına görə, Hizbullahın bu "hədiyyəsi" İsraili belə xeyli heyrətləndirib. Livanlı siyasilər isə rəsmən od püskürürlər.

Bir çox analitiklər bunu müxtəlif səbəblərlə izah edirlər. Bəzilərinin fikrincə, Hizbullah bu yolu tutaraq Litani çayının şimalındakı qüvvələrini qorumağa çalışıb. Bəziləri də Hizbullahın bu addımla İsraillə birbaşa özünün sözdələşmə fürsəti qazanma marağı ilə izah edirlər. Üçüncü bir versiya da var: Hizbullah ölkə daxili rəqabətdə hazırkı iqtidarı nüfuzdan salmaq üçün onun öz torpağını qoruya bilməyən hakimiyyət imicini formalaşdırmaq istəyir.

Mən isə 4-cü versiyaya inanıram: Hizbullah bu addımı özbaşına ata bilməzdi. Yəqin ki, təslimiyyət çağırışı yuxarı yerlərdən – birbaşa Tehrandan gəlib. Görünür, Si Cinpinin Bişkekdəki iradından sonra İran “səhvini” anlayıb və onu bu cür “düzəltməyə” qərar verib: bir tərəfdən özünün Hörmüzə yerləşdirdiyi bombaları ABŞ-ın partlamasına göz yumub, digər tərəfdən isə illər boyu bəslədiyi proksi qüvvələrinin İsrail tərəfindən tamamilə məhv olunmasına şərait yaradıb.

Başadüşüləndir. Axı İran “binəva” öz proksisini öz əliylə necə məhv edə bilərdi?

Heydər Oğuz

visiontv.az

Komandalar süni intellekt alətləri, düzgün sorğu hazırlama və proqramlaşdırmadan istifadə edərək ideyalarını real layihəyə çeviriblər.

İştirakçılar layihələr üzərində işləyərkən “Claude”, “Google Colab”, “Hugging Face”, “Ollama”, “Gradio” və “Streamlit” kimi ödənişsiz alətlərdən istifadə ediblər. Final mərhələsində komandalar hazırladıqları çatbotları təqdim edərək istifadə etdikləri üsul və texnologiyalar barədə məlumat veriblər.

Layihələr funksionallıq, düzgün sorğu hazırlama, məlumatlardan düzgün istifadə, kodun yoxlanılması, istifadəçi təcrübəsi və təqdimat meyarları əsasında qiymətləndirilib.

Hakatonun sonunda fərqlənən iştirakçılar “Bakcell” tərəfindən xüsusi hədiyyələrlə mükafatlandırılıblar.

“Bakcell” haqqında

“Bakcell” Azərbaycanın ilk və ən böyük özəl telekommunikasiya şirkətidir. Hazırda şirkət üç milyondan çox müştərini yüksəkkeyfiyyətli və sürətli telekommunikasiya xidmətləri ilə təmin edir. Ölkə iqtisadiyyatının qeyri-neft sektorunun ən böyük investorlarından biri olan “Bakcell” süni intellekt əsaslı innovativ həllərlə Azərbaycanın dayanıqlı inkişafına töhfə verir.

“Bakcell” müxtəlif ölkələrdə və sahələrdə fəaliyyət göstərən “NEQSOL Holding” beynəlxalq şirkətlər qrupunun tərkibində olan “Azerconnect Group“a daxildir.

Adı açıqlanmayan yüksək vəzifəli iranlı rəsmilərin sözlərinə görə, İran hökuməti ABŞ maliyyə naziri Skott Bessent tərəfindən elan edilən "misli görünməmiş" iqtisadi tədbirlərə müqavimət göstərməkdə getdikcə çətinlik çəkir.

ABŞ-ın müvafiq addımları ölkənin xarici valyutaya, idxala və iqtisadiyyatın ayaqda qalmasına kömək edən qlobal maliyyə şəbəkələrinə çıxışını kəskin şəkildə azaldıb.

İran liderləri qiymətlərin artması, ticarətin zəifləməsi və vətəndaşların gəlirlərinin kəskin azalması kimi halların ümumxalq iğtişaşlarını yenidən alovlandıra biləcəyindən qorxurlar.

Mənbələr bildirir ki, İran rəhbərliyi xüsusilə yanacaq və buğda da daxil olmaqla, vacib idxal məhsullarının çatışmazlığından narahatdır.

"Güc balansı İrana qarşı bir qədər dəyişib", - deyə iranlı analitik Araş Əzizi əlavə edib.

visiontv.az

visiontv.az

Qrossi bildirib ki, agentliyin İranın daha əvvəl bəyan etdiyi, 60%-dək zənginləşdirilmiş uran ehtiyatları barədə son dəfə məlumat almasından “bir ildən çox” vaxt keçib.

O, məlumat və çıxışın olmamasını “nüvə silahlarının yayılması baxımından ciddi narahatlıq doğuran məsələ” adlandırıb və təcili tədbirlər görülməsinə çağırıb. Qrossi Tehrandan agentliklə tam əməkdaşlıq etməsini istəyib.

visiontv.az

Bizim düşüncə mühitimiz də eynən bu cümlənin üzərində qurulub: nə vaxtsa bulanıq və qaranlıq olanları dəqiq bir əminlik kimi doqmalaşdırıb şübhəyə yer qoymamaqla sxolastik, bərk bir ictimai fikir mühiti yaratmaq. Və bu bərk fikir mühitindən yeni fikir qitələri axtarmaq üçün yola çıxan milli kolumbların gəmilərini sahildəcə daşa basıb batırmaq.

Ona görə yoxdur bizdə fikir Kolumbu, düşüncə Magellanı! Nitsşe necə deyirdi: mən fəlsəfəni çəkiclə yaradıram! Çünki fikir mühiti bərk olanda qələm işə yaramır. Adamlara söz batmır.

Özünü anadangəlmə demokrat zənn edən və alim kimi heç vaxt haqqını danmayacağım görkəmli alimimiz Cəmil Həsənli məni danlayır ki, xalq, toplum, tarix haqqında ancaq müsbət şeyləri yaz. Bu yanaşma antidemokratik və sxolastikdir.

Antidemokratik yanaşmadır ona görə ki, demokratiya təkcə gözəl və yaxşı olanın azadlığı deyil, eyni zamanda eybəcər və pis olanın da azadlığıdır. Hətta Platon və Jorj Batay kimi düşünsək, demokratiya daha çox çirkinin və eybəcərin azadlığıdır. Sxolastik yanaşmadır ona görə ki, mən xalq, toplum, tarix haqqında ancaq müsbət şeyləri yazmağa başlasam birincisi, Ramseyin təhlükə kimi gördüyü işi görəcəyəm, yəni cəmiyyətin başının altına yastıq qoyub düşüncə tənbəlliyi, fikir süstlüyü yaradacağam. İkincisi, özümə qədərki xalqa, topluma yaltaqlanıb özünə sərvət, şöhrət qazanan adamların tutuquşuluğunu edəcəyəm ki, bu işin də Azərbaycanda möhtəşəm və bivec məktəbləri var. Sxolast olmaq həm də hansısa məktəbin davamçısı, boşboğazı olmaqdır. O məktəbin doqmalarından kənara çıxmamaqdır. Amma Cəmil bəyə xatırladım ki, məndən nəinki hansısa ictimai məktəbin boşboğazı çıxar, hətta məni də sizin kimi sxolasta çevirəcəyini hiss etdiyim üçün öz başımla qazandığım Bakı Dövlət Universitetinin magistraturasından imtina etmişəm.

Cəmil bəy (burada artıq ad şərtidir) kimi düşünənlər xalqı, daha doğrusu, kütləni tərifləməyə məhkumdular, çünki siyasi, inzibati güdümləri var. Onlar bir balaca fərqli düşünməyə cəhd edənlərə dərhal cummalıdılar ki, kütləni öz tərəflərinə çəksinlər. Kütləyə göstərsinlər ki, baxın, sizin kimi düşünməyən, yuxunuza haram qatan hər kəsin ağzının payını verirəm, qədrimi bilin, arxamca gəlin. Bu müxalifət düşərgəsinin ən böyük səhvidir Azərbaycanda; az-çox oxumuş adamları proletariatın ayağının altına atmaq. Mən ona görə min il əvvəl yazmışdım ki, Azərbaycan demokratiyasından bolşevizm qoxusu gəlir. Özünə demokrat deyənlər demokratiya adı altında oxlokratiyanın hakimiyyətinə can atdıqlarının fərqində deyillər.

Nitsşeyə necə demək olardı ki, Sokratı rüsvay etmə, Sokratizmlə vidalaşmadan fəlsəfədə necə yeni yol açmaq olardı? Yaxud Karl Popperə necə demək olar ki, Platonu, Aristoteli yıxıb-sürümə. Özü də harada “Açıq cəmiyyət və onun düşmənləri” kitabında. Popper nə üçün Platonu, Aristoteli yıxıb-sürüyür? Çünki bu iki yunanı Qərb sosiologiyasının hələ də Ortaçağ düşüncəsində ilişib qalmasının günahkarı kimi görür. Eynən Nitsşenin İsanı Roma mədəniyyətini “yəhudi zir-zibiliylə” doldurmaqda günahladırdığı kimi.

Ümumiyyətlə, hansı böyük yazıçı, şair öz cəmiyyətinin dostu olmuşdur? Bütün böyük yazıçılar, filosoflar öz cəmiyyətləri üçün keşmişlə vidalaşıb gələcəyə üz tutulan ayrılıq yeri olmadılarmı? Keçmişə, ölüyə mədhiyyə yağdırmağın çörək yeri olduğunu kim bilmir ki, Azərbaycanda? Yerə soxum o yazıçını, filosofu, şairi ki, öz cəmiyyətini gələcəklə qorxudacaq və şəxsi mənafeyi naminə öz cəmiyyətinin keçmişinə mədhiyyələr yağdıracaq.

Sxolastik düşüncə Ortaçağ düşüncəsidir. Umberto Eko Ortaçağ ailmləri haqqında yazır: onlar düşünürdülər ki, bizə qədər hər şey deyilib, bizə düşən deyilənləri təkrar etməkdir. Avropa nə vaxt yeni çağa qədəm qoydu? Bu Ortaçağ tutuquşuluğundan əl çəkəndən sonra.

Bizim düşüncə mühitimiz də eynən bu düşüncədədir: Bizə qədər hər şey deyilib, biz sadəcə, bizə qədər deyilən sözlərin “tozunu almalıyıq”. Bu əlüstü qeydlərimin sonunda demək istəyirəm ki, mənim sizin söz-söhbətlərin tozunu almaq fikrim yoxdur. Özünüzə xadimə tapın!

Aqşin Yenisey

visiontv.az

Onlar əmək haqlarının artırılmasını və inflyasiya səviyyələrinə uyğun olaraq baza əmək haqlarının yenidən nəzərdən keçirilməsini, bu günə kimi ödənilməmiş əmək haqları və təqaüdlərin bir yerdə ödənilməsini, tibbi və məişət problemlərinin həll edilməsini istəyiblər.

Aksiyada ölkənin müxtəlif bölgələrindən olan müəllimlər iştirak edib, tələblərinin yerinə yetirilməyəcəyi təqdirdə daha izdihamlı aksiya keçirəcəkləri barəə xəbərdarlıq ediblər.

visiontv.az

Amerika və İsrailin narahatlığı Qərb və Amerikanın Misir və region üzərindəki hegemonluğunun aşınmasından və Vaşinqton və Təl-Əvivin Misirdə strateji qərar qəbuletmə üzərində hərbi və iqtisadi inhisarının pozulmasından qaynaqlanır. Misirdə və regionda investisiyalar və hərbi əməkdaşlıq vasitəsilə artan Çin təsirləri ABŞ və onun müttəfiqlərinin ənənəvi təsirinə meydan oxuya bilər, regional güclər isə bunu sabitliyə və inkişafa xidmət edən çoxqütblü beynəlxalq tarazlıq yaratmaq üçün bir fürsət kimi görürlər. Bu arada, regional güclər (Misir və regiondakı digər ölkələr) Çinlə yaxınlaşmanı beynəlxalq tarazlıq üçün bir fürsət və Çini təkqütblü dünya nizamına son qoyan çoxqütblü sistemin yaradılmasına töhfə verən mühüm strateji tərəfdaş kimi görürlər.

Digər tərəfdən, İsrailin Misir-Çin yaxınlaşmasının öz maraqlarına təsiri ilə bağlı narahatlıqları (İsrail silah sövdələşmələrinin nəzarətdən çıxacağından qorxur) Misir ordusunun silah mənbələrini şaxələndirmək və Çinlə "Sivilizasiya Qartalları" manevrləri kimi hərbi əməkdaşlığı inkişaf etdirmək siyasəti yürütməsində özünü göstərir. Burada Misirin Pekinlə artan iqtisadi, siyasi və hərbi yaxınlaşması Təl-Əviv və Vaşinqtonun həssas regional məsələlərdə Qahirəyə qarşı maliyyə və iqtisadi təzyiqdən istifadə etmək qabiliyyətini azaldır. Bir sözlə, Çin prezidenti Si Cinpinin Misirə səfərinin rəsmi olaraq Misir və Çin arasında hərbi əməkdaşlıqda yeni bir mərhələ olduğunu başa düşürük. Bu mərhələ sadəcə ənənəvi avadanlıqların tədarükündən müasir qırıcı təyyarələr, dron texnologiyası və birgə istehsalı əhatə edən inkişaf etmiş strateji müdafiə tərəfdaşlığına keçir. Bu inkişaf İsrail üçün narahatlıq mənbəyidir.

Pərviz Əliyev

visiontv.az

Onların həbsi bir müddət əvvəl hökumətə müxalif təşkilatın plakad və simvollarını daşıyaraq Kərəcdə motosiklet və avtomobillə qrup halında hərəkət etmələri barədə videoların yayılmasından sonra baş verib.

"Mizan" saytı 14 kişi və 1 qadından ibarət olan qrupun İran Xalq Mücahidləri Təşkilatından aldıqları ödəniş qarşılığında bu hərəkətə əl atdıqlarını iddia edib.

Həbs edilənlərin kimliyi barədə açıqlama verilməyib.

visiontv.az

visiontv.az

Onlar “İsrailə ölüm” və “Amerikaya ölüm” şüarları səsləndirir, eyni zamanda dünyanın müxtəlif yerlərində terror qruplaşmalarını silahlandırırlar. Onların mənfur fəaliyyəti yalnız bütün Yaxın Şərq regionunu deyil, Afrikanı, Latın Amerikasını, hətta Avropanı və Amerika Birləşmiş Ştatlarını da əhatə edir.

Bu qəddar rejim nüvə silahı hazırlamağa çalışır və günahsız mülki kişilərə, qadınlara və uşaqlara qarşı ondan istifadə etməkdən çəkinmədiyini göstərir. Çünki bu rejim inanır ki, şiə məsihi kimi tanınan Mehdi dünyada xaos hökm sürəndə zühur edəcək. Buna görə də onlar bacardıqları hər yerdə xaos yaradır və onu daha da dərinləşdirirlər.

Onlar İranda gəncləri kütləvi şəkildə edam edir, hətta ölkənin şərəfli idmançılarını da kranlardan asaraq öldürməkdən çəkinmirlər. Onların arasında martın 19-da edam edilmiş 19 yaşlı güləş çempionu Saleh Mohammadi, aprelin 30-da edam edilmiş 21 yaşlı karate çempionu Sasan Azadvar və 2020-ci ilin sentyabrında edam edilmiş güləş çempionu Navid Afkari də var.

İran rejimi cinsi zorakılıq qurbanlarını da kranlardan asaraq edam etməsi ilə tanınır. Bir sıra hallarda İran özünümüdafiə məqsədilə onlara hücum edən şəxsləri öldürmüş cinsi zorakılıq qurbanı qadınları edam edib. Məsələn, 23 yaşlı Mərziyə Nayeri 2021-ci ildə ona cinsi zorakılığa cəhd edən şəxsi yaraladıqdan sonra edam edilib. Eynilə, Reyhanə Cabbari də ona cinsi təcavüz etməyə cəhd göstərən kəşfiyyat əməkdaşını öldürdükdən sonra 2014-cü ildə edam olunmuşdu.

Cənubi Azərbaycan siyasi qrupları artıq bıçağın sümüyə dirəndiyinə qərar veriblər. Onlar birləşərək doqquz üzv təşkilatdan ibarət koalisiya yaratmaq qərarına gəliblər. Bu koalisiya İran rejiminin anti-Azərbaycan münasibətinə qarşı mübarizə aparmaq üçün ciddi qüvvə kimi fəaliyyət göstərəcək.

Qeyd etmək lazımdır ki, İranın əksər etnik azlıqları kimi, Cənubi azərbaycanlılar da ən fundamental etno-milli hüquqlardan, o cümlədən ana dilində təhsil almaq və işləmək hüququndan məhrumdurlar. Bəzi hallarda Cənubi azərbaycanlılar ana dillərində hüquqi müdafiə imkanından məhrum edildikləri üçün edam olunublar.

Məsələn, 28 yaşlı azərbaycanlı ana Əsma Zarei mayın 20-də İranın Ərdəbil Mərkəzi Həbsxanasında edam edilib. O, hamilə olarkən həbs olunub və saxta məhkəmə prosesində ərini öldürməkdə ittiham edilib. Əgər onun ana dilində hüquqi müdafiə almaq imkanı olsaydı, nəticə fərqli ola bilərdi.

Cənubi Azərbaycan icmasının rəhbərliyi 2022-ci ildə Cənubi Azərbaycan Milli Dövlətçilik Şurası çərçivəsində birləşib. Şura xalqın əsas insan hüquqları, azlıq hüquqları və qadın hüquqları ilə təmin olunmasını, eləcə də regionun ekoloji fəlakətdən qorunmasını hədəfləyir.

İlk iki il ərzində gələcək fəaliyyətimiz üçün təməl yaratmağa çalışmışıq. Bu fəaliyyətə İranın digər etno-milli qrupları ilə əməkdaşlıq mühiti yaratmaq və İran rejiminin qəddarlığına qarşı birgə mübarizə aparmaq da daxildir. Çünki İranın bütün etno-milli qrupları eyni vəziyyətdədir. Rejim bəlucları, Əl-Əhvaz ərəblərini, türkmənləri, lorları, kürdləri və digər İran etno-milli qruplarını Cənubi azərbaycanlılar qədər repressiyaya məruz qoyur. Bütün bu etno-milli qruplar birlikdə fəaliyyət göstərsələr, rejim dəyişikliyinin baş verməməsi ağlasığmaz olar.

Məqsədimiz rejim dəyişikliyidir, çünki bu rejim islahat oluna bilməz. Yanvar ayında yalnız azad İranda yaşamaq istədikləri üçün 35 mindən çox iranlını qətlə yetirmiş bu dəhşətli rejim İranın qeyri-fars etno-milli qruplarına əyalət səviyyəsində öz işlərini idarə etməyə, öz dillərində təhsil almağa və etnik irslərini qorumağa heç vaxt imkan verməyəcək.

İran rejimi onilliklər ərzində yalnız əsas insan, qadın və azlıq hüquqlarını tələb etdikləri üçün ölkənin etno-milli qruplarına qarşı mədəni soyqırım, öz vətəndaşlarına qarşı isə dövlət zorakılığı həyata keçirib.

Bu məsələ üzərində üç il işlədikdən sonra Şuranın fəaliyyətini daha çox azərbaycanlı qrup və tanınmış şəxsi əhatə edəcək şəkildə genişləndirməli olduğumuz qənaətinə gəldik. Son bir il ərzində müxtəlif qruplar və tanınmış şəxslərlə danışıqlar aparmışıq və onların əksəriyyəti iyul ayından etibarən Şuraya qoşulmağa razılaşıb.

Şuraya hüquq təhsili almış və hazırda Kanadada yaşayan gənc Cənubi azərbaycanlı qadın Pınar Şakir rəhbərlik edir. Məqsədimiz Şuranın üzvlüyünü mümkün qədər çox azərbaycanlı təşkilat və tanınmış şəxsi əhatə edəcək şəkildə açıq saxlamaqdır. Bunun üçün onlar Şuranın nizamnaməsini qəbul etməlidirlər. Nizamnamədə xalqımızın gələcəkdə referendum yolu ilə müstəqil Cənubi Azərbaycan yaratmaq hüququ da yer alır.

Şura bütün iranlılar üçün bərabər hüquqlara, İranın bütün etno-milli qrupları üçün azlıq hüquqlarına, gender bərabərliyinə və xalq tərəfindən seçilmiş nümayəndələrin idarə etdiyi demokratik sistemə inanır.

Jerusalem Post: Rejimi devirmək məqsədi

Şura ümumi məqsəd olan rejimi devirmək üçün bütün etno-milli qrupların vahid çətir altında birləşməsini dəstəkləyir. Biz hesab edirik ki, bütün qeyri-fars etno-milli qruplar İran hökumətinin “parçala və hökm sür” siyasətinə qarşı çıxmaq üçün ortaq məxrəcə gəlməli və birlikdə fəaliyyət göstərməlidirlər. İranın gələcəyi ilə bağlı baxışlarımız fərqli olsa da, rejim dəyişikliyinə nail olmaq üçün farslarla da əməkdaşlıq etməliyik.

Biz hesab edirik ki, İranın bütün etno-milli qrupları arasında vahid cəbhə yaratmaq danışıqlar və hər bir etno-milli qrupun ərazi bütövlüyünə hörmət əsasında mümkündür. Anlayırıq ki, son 100 ildə şovinist İran-fars hökumətləri əyalət sərhədlərini qonşular arasında etnik qarşıdurma yaratmaq məqsədilə dəyişiblər.

Biz hesab edirik ki, mövcud əyalət sərhədlərinə hörmət etməli və rejim devrildikdən sonra İran hökumətlərinin yaratdığı bütün məsələləri və problemləri həll etməliyik. Şura belə qənaətə gəlib ki, danışıqlar hər bir etno-milli qrupun çoxluq təşkil etdiyi əyalətdə azlıqlara etnik hüquqların verilməsini də əhatə etməlidir. Bu, qarşılıqlı şəkildə həyata keçirilməlidir.

Növbəti məqsədimiz İran rejiminin xalqımızla Qərb demokratik ölkələri, o cümlədən İsrail arasında yaratdığı bütün süni düşmənçilikləri aradan qaldırmaq üçün birlikdə çalışmaq olmalıdır.

Biz heç bir ölkəni əbədi düşmən elan etmirik. Yalnız azad və müstəqil xalq kimi mövcud olmaq hüququmuzu tanımayan ölkələr istisnadır. Ümid edirik və gözləyirik ki, azad və demokratik dövlətlər əsas insan və etnik hüquqlarımıza nail olmağımıza, gələcəkdə öz işlərimizi fars ari hegemonluğundan azad şəraitdə idarə etməyimizə kömək edəcəklər.

Həmçinin yadda saxlamalıyıq ki, ən mühüm prioritetimiz bütün bəşəriyyətin düşməni olan və dünyada terror yayan bu rejimi devirmək olmalıdır. Dünya bir saatdan az davam edən saxta məhkəmələrdən sonra qadınlar və uşaqlar da daxil olmaqla, günahsız gəncləri edam edən rejimə son qoymaq üçün bizimlə əməkdaşlıq etməlidir.

Bu rejimin İran xalqına qarşı etdikləri Suriyada Əsədin törətdiklərindən heç nə ilə fərqlənmir. Qərb demokratik ölkələri bir tərəfdən insan hüquqlarını müdafiə etdiklərini iddia edib, digər tərəfdən İran rejiminin qəddarlığına göz yuma bilməzlər.

Ucuz neft qiymətlərinə görə insan dəyərləri xalçanın altına süpürülməməlidir. Buna görə də Prezident Donald Trampa, Baş nazir Benjamin Netanyahuya və Qərb demokratik ölkələrinə müraciət edirəm ki, öz xalqına qarşı dövlət zorakılığı, İranın etno-milli qruplarına qarşı mədəni soyqırım törədən, nüvə silahı proqramı, ballistik raket proqramı və terror qruplaşmaları vasitəsilə dünya sülhünü və regional təhlükəsizliyi təhdid edən bu dəhşətli rejimi devirmək üçün İranın etno-milli qruplarına kömək etsinlər.

Müəllif: Əhməd Obalı

visiontv.az

Çünki Azərbaycan İranla həmsərhəddir və Tehranla münasibətlər onsuz da kifayət qədər mürəkkəbdir. İran daxilində, xüsusilə SEPAH-a yaxın dairələrdə Azərbaycan və onun İsraillə münasibətləri barədə uzun müddətdir ciddi ittihamlar səsləndirilir.

Üstəlik, bundan əvvəl CNN İsrailin İranla müharibə zamanı Azərbaycan ərazisindən kəşfiyyat və gizli əməliyyatlar üçün istifadə etdiyini iddia etmişdi. Azərbaycan həmin iddiaları rəsmi şəkildə təkzib etmişdi. CNN-in yazısını müəyyən qədər onunla izah etmək mümkündür ki, bu, müstəqil media qurumudur və ABŞ hökumətinin rəsmi mövqeyi deyil.

Amma Vens jurnalist deyil.

O, ABŞ-ın vitse-prezidentidir və Azərbaycanın adını hansı kontekstdə çəkdiyinin siyasi nəticəsini bilməməsi mümkün deyil.

Məsələni daha qəribə edən başqa bir hadisədir. İran parlamentinin sədri Məhəmməd Baqir Qalibaf Bakıda olarkən İlham Əliyev müharibə zamanı Azərbaycan xalqının və dövlətinin İran xalqının və dövlətinin yanında olduğunu bildirmişdi. Qalibaf da öz növbəsində Azərbaycanın həmin ağır günlərdə İranın yanında olduğunu demiş və göstərilən humanitar yardıma görə təşəkkür etmişdi.

Yəni Bakı Tehrana deyir: biz müharibə zamanı sizin yanınızda olmuşuq.

Vaşinqton isə indi Tehrana faktiki olaraq başqa mesaj verir: Azərbaycan İranı təcrid etmək siyasətimizdə bizə kömək edir.

Belə gərgin bir zamanda ABŞ vitse-prezidentinin Azərbaycanın adını məhz İran məsələsində yenidən gündəmə gətirməsi istər-istəməz sual doğurur:

Vaşinqton niyə Bakının Tehranla münasibətlərini daha da çətinləşdirə biləcək məlumatı özü açıq şəkildə səsləndirir?..

Elbəyi Həsənli

visiontv.az

Edam edilənlərdən dördü siyasi məhbus, altısı isə qadın olub.

Ən çox edam halları İsfahan, Kərəc, Urmiya, Zəncan və Şiraz şəhərlərində qeydə alınıb.

Qeyd edək ki, insan haqları təşkilatlarının hesabatlarına görə, cari ildə İranda 1000-ə yaxın məhbus edam edilib, onlardan 400-dən çoxunun kimliyi müəyyənləşdirilib.

visiontv.az

Əlbəttə, ölkəyə yaxşı həkimlər lazımdır. Ancaq heç bir dövlət yalnız tibblə sənayeləşməyib, texnoloji gücə çevrilməyib. Üstəlik, həmin 3 min mühəndisin ən azı 2 mini, 17 min həkimin isə azı yarısı xaricə getməyə çalışacaqsa, problem gənclərin seçimində deyil, onları ölkədə saxlaya bilməyən sistemdədir.

Çin Xalq Respublikasına bəzən “Mühəndislər Respublikası” deyilməsi təsadüfi deyil. Ölkənin son üç dövlət başçısı mühəndislik təhsili alıb; Si Cinping kimya mühəndisliyi oxuyub. Bir vaxtlar kimya sənayesinin mərkəzi Almaniya idisə, bu gün bu elmi və sənaye üstünlüyü tədricən Çin və Hindistana keçir. Çin nadir torpaq elementləri üzərində qurduğu üstünlüklə artıq dünya texnologiyasının zirvəsinə oynayır. Çünki mühəndislik səhlənkarlığı bağışlamır.

Türkiyə də vaxtilə Anadolunun istedadlı uşaqlarını İTÜ-də yetişdirərək mühəndis etdi. Süleyman Dəmirəl, Turqut Özal, Nəcməddin Ərbakan və Recai Kutan kimi adlar həmin nəslin nümayəndələri idi. Dünya müharibələrinin yorub geridə qoyduğu ölkənin yenidən qurulmasında bu nəslin böyük payı oldu. Onlar yalnız siyasətlə məşğul olmadılar; yolların, zavodların, enerji sistemlərinin və böyük infrastruktur layihələrinin arxasında dayandılar.

Ən yaxşıları mühəndisliyə həvəsləndirmədikcə texnoloji inqilabın baş verməsi mümkün deyil.

İbrahim Nəbioğlu

visiontv.az

Qeyd edilib ki, daha sonra filmin nümayişləri ölkənin kinoteatrlarında davam edəcək.

"Premyera ərəfəsində 12 tizer hazırlanıb və qarşıdakı həftələr ərzində onları sizinlə paylaşacağıq. Bu gün isə diqqətinizə filmin rəsmi posterlər silsiləsini təqdim edirik. İlk tizer artıq sabah paylaşılacaq", - paylaşımda qeyd olunub.

visiontv.az

İaşə obyektlərinin sosial media şəbəkəsində "ictimai ədəb-ərkan və sosial normalara zidd" təbliğat materialları paylaşdıqlarına görə iş icazələrinin ləğv edildiyi bildirilib.

Qeyd edək ki, son aylar məcburi hicab qaydalarının pozulması səbəbindən fəaliyyəti qadağan eilən iaşə obyektlərinin sayı kəskin artıb.

visiontv.az

Bundan əvvəl yayılan xəbərlərdə 1 344 nəfərin öldüyü bildirilirdi. Hazırda təqribən 4 800 insanın itkin düşdüyü qeyd olunur.

Xatırladaq ki, sözügedən təbii fəlakət avqustun 26-da səhər saatlarında Nepalın şimal bölgəsində qeydə alınıb və daşqının yaranmasına qar uçqunu səbəb olub. Nəhəng qaya və palçıq kütləsi çay yatağı ilə yüksək sürətlə 70 kilometrdən artıq məsafəyə yayılaraq geniş əraziləri su altında qoyub. Ən son xəbərlərə əsasən, Çin ərazisində 43 nəfər həyatını itirib, daha 519 nəfər isə itkin düşmüş hesab edilir.

visiontv.az

Proqramda qeyd edilir ki, güzəşt tədbirləri Naxçıvanın əlverişli coğrafi mövqeyindən istifadə edilərək, regionda istehsal olunan məhsulların xarici və ölkədaxili bazarlara çıxışı sürətləndiriləcəkdir. Bu çərçivədə, yerli məhsulların rəqabətqabiliyyətliliyini artırmaq və daşıma xərclərini optimallaşdırmaq məqsədilə sahibkarlara məqsədli logistik dəstək mexanizmləri tətbiq olunacaqdır

Yeni güzəştlər Naxçıvanın sosial-iqtisadi inkişafının daha da sürətləndirilməsinə xidmət edəcək. Bu Naxçıvanda istehsal edilən məhsulların daha böyük bazarlara çıxış imkanlarını təmin edəcək. Proqramda nəzərdə tutulan tədbirlər Naxçıvan Muxtar Respublikasının ərazisində iqtisadi aktivliyin, məşğulluğun və ixracın artmasına, iqtisadiyyatda yerli istehsalın rolunun güclənməsinə kömək edəcəkdir. Bu Naxçıvanın inkişafında yeni mərhələnin başlanması demək olacaq.

Millət vəkili Vüqar Bayramov

visiontv.az

Müdafiə Nazirliyinin Şəxsi Heyət Baş İdarəsinin İdeoloji Təminat İdarəsində keçirilən görüşdə  Azərbaycan Ordusunda hərbi qulluqçuların asudə vaxtının səmərəli təşkil edilməsi sahəsində görülən işlər barədə məlumat verilib və bu istiqamətdə mövcud əməkdaşlığın inkişaf perspektivləri ətrafında fikir mübadiləsi aparılıb.

visiontv.az

Hökumət sözçüsü Fatimə Mühacirani bazar günü bildirib ki, üçüncü kateqoriya benzinin qiyməti sentyabrın 8-dən etibarən litri 5 000 tüməndən 10 000 tümənə qaldırılacaq.

Aylıq subsidiyalı limitlər dəyişməz qalacaq. Sürücülər litri 1 500 tüməndən 60 litr, əlavə olaraq isə litri 3 000 tüməndən 50 litr benzin almaq hüququna malik olacaqlar.

Mühacirani artan istehlakın səbəbləri kimi mövcud şəraiti və əvvəlki siyasətləri göstərib. O bildirib ki, qiymət artımı tələb və təklif arasındakı tarazlığı qorumaq və “milli dayanıqlığı” gücləndirmək məqsədi daşıyır.

Qərar İran əhalisinin yüksək inflyasiya, kəskin zəifləyən milli valyuta və əsas ərzaq məhsullarının bahalaşması ilə üzləşdiyi bir vaxta təsadüf edir.

Prezident Məsud Pezeşkian avqustun sonunda qiymət artımının olacağını bildirsə də, onun nə vaxt tətbiq ediləcəyini açıqlamamışdı.

visiontv.az

Faktla bağlı araşdırma aparılır.

visiontv.az

Vladimir Putin Donald Trampın nümayəndələrini yola saldıqdan dərhal sonra Şimali Koreyaya səfər edib. Bu o deməkdir ki, Rusiya Prezidentinin müharibəni dayandırmaq fikri yoxdur. Çünki, Vladimir Putinin Şimali Koreyaya səfəri yenidən bu ölkədən daha çox raket əldə etməkdən və koreyalıları cəbhə bölgəsinə göndərməkdən ibarətdir.

Rusiyanın özündə də hərbi texnika istehsalı genişlənib. “The Telegraph” və “Politico” nəşrlərinin birgə araşdırmasına görə, Çinin dövlət şirkəti Rusiyaya yüzlərlə kamikaze dronunun istehsalı üçün materiallarla təhciz edib. Hissələr Rusiyanın ən böyük enerji istehsalçısı ilə əlaqəli bir şirkətə göndərilib. Nəşrlərin əldə etdiyi sənədlərə görə, həmin şirkət avqust ayında Ukraynanın mərkəzindəki ticarət mərkəzinə hücum etmək üçün istifadə edilən və ən azı 16 nəfərin ölümünə səbəb olan Geran dronlarını istehsal edir.

Vaşinqton dəfələrlə Pekini müdafiə sənayesində istifadə edilə bilən və birbaşa Rusiya ordusuna gedən ikili təyinatlı əşyalarla təmin etməkdə günahlandırıb. ABŞ Dövlət Departamentinin ötən ilki bəyanatında Rusiyanın müharibə səylərini dəstəkləyənlərə qarşı sanksiyalar tətbiq ediləcəyi bildirilmişdi.

Nəşrlərdə yayımlanan məqalə Çin lideri Si Cinpini çətin vəziyyətə salıb. O bu ayın sonlarında ABŞ səfər edərək Ağ Ev sahibi Donald Trampla müxtəlif mövzuları müzakirə edəcək. Tramp daha əvvəl Si Cinpindən Rusiya və İranı silanlandırmamağı xahiş etmişdi. Ancaq bu xahişin yerinə yetirildiyini söyləmək çətindir. Qərb ekspertləri hesab edirlər ki, Çinin texnoloji dəstəyi olmadan Rusiya Ukraynaya qarşı müharibəni davam etdirə bilməz. Çin lideri Si Cinpin isə Vladimir Putinlə son görüşündə iki ölkə arasında əlaqələrin möhkəmlənəcəyini bildirib. Bayden administrasiyasında dövlət katibinin keçmiş müavini Kurt Kempbell bildirib ki, Çində Rusiyanın hərbi sənaye kompleksinə ikiqat təyinatlı imkanlar təqdim edən şirkətlərin sayı hazırda onlarladır və bu əlaqələr dərindir. O əlavə edib ki, bunun müqabilində Moskva Pekinə "axtardıqları bəzi hərbi imkanları" təkmilləşdirmək üçün texnologiya transferləri təmin edib.

Elxan Şahinoğlu

visiontv.az