"Politico" nəşrinin məlumatına görə, Prezident Emmanuel Makronun komandası Komissiyanın Vaşinqtonla apardığı müzakirələrdə “yalvaran kimi davranmasını” qəbuledilməz sayıb. Fransa Maliyyə Nazirliyinin jurnalistlərə təqdim etdiyi açıqlamada bildirilib ki, Paris Komissiyanın danışıqlara yanaşmasının dəyişməsini istəyir. Fransa Ticarət naziri Loren Sen Marten isə ötən günlərdə verdiyi açıqlamada Avropa İttifaqını ABŞ-yə qarşı “güclü cavab tədbirləri” görməyə çağırıb. Məlumata görə, Brüssel hazırda ABŞ-nin xidmət sektorunu da əhatə edəcək yeni bir qarşı tədbirlər paketi üzərində işləyir. Fransa Avropa Birliyinə daha sərt və prinsipial strategiya təklif edərək danışıqlar masasında passiv qalmağın Avropanın maraqlarına zidd olduğunu açıq şəkildə bildirib. Fransa Sənaye naziri Mark Ferratsinin də Almaniya və İtaliya rəsmiləri ilə görüşlər keçirərək ortaq mövqe formalaşdırmağa çalışacağı gözlənilir. Fransanın bu davranışı 2 aspektdən önəmlidir. Birincisi, Makron hökuməti Şarl de Qollun əsasını qoyduğu siyasi xətti davam etdirməyə - Avropanın liderliyini ələ keçirməyə və ABŞ - nin " qoca qitə " dəki təsirini yox etməyi hədəfləyir. Makron hökumətinin niyyəti Fransanın rəhbərliyi altında Avropanı ABŞ ilə hesablaşmayan müstəqil gücə çevirməkdir ki, hazırda bu imkanlar məhduddur. Çünki həm iqtisadi çətinlik, həm də Avropanın təhlükəsizliyində yaranan dərin böhran onu ABŞ - dən asılı vəziyyətə salır. Brüsselin apardığı siyasət ABŞ ilə dil taparaq iqdisadi dividentlər əldə etməkdir. Yenidən Ağ evə qayıdan Donald Trampın Çinlə yaxınlaşmaq istəyən Avropanı rüsum siyasəti ilə təhdid etməsi birliyin onsuzda da ağır olan iqtisadiyyatında daha ciddi problemlərə yol açır. Parisin isə Brüsseldən istədiyi müstəqil iqtisadi gücün formalaşmasıdır. Buna görə də Parisin birlik rəhbərliyindən daha sərt və prinsipial mövqe tələb edir. Ancaq Fransanın indiki zamanda Avropa Birliyini tərk edəcəyi gözlənilən deyil. İlk növbədə bu iqdisadi olaraq Parisə sərf etmir. İkincisi isə Makron hökumətinin niyyəti birliyi tərk etmək yox, burdakı liderliyi ələ keçirməkdir. Ehtimal ki, Makron Brüsselə qarşı tək hərəkət etməyəcək. Almaniya və İtaliya ilə aparılan danışırlar Fransanın birlik daxilində yeni qrup qurmaq istəyindən xəbər verir. Baş verenler onu göstərir ki, Paris - Brüssel gərginliyi hələ bir müddət də davam edəcək.

Politoloq Zeynal Əmrəliyev

visiontv.az