Bağla
Axtarış sözünü daxil edin
Dədə-babadan bu yana kabab əti adətən soğanla basdırma edilir. Bunun dad vermə kimi gözlə görünən səbəbindən əlavə fərqli bir elmi tərəfi də var.
Soğanın tərkibində quercetin adlanan güclü antioksidant maddə mövcuddur. Bundan başqa, müxtəlif flavonoidlər və kükürdlü birləşmələr də soğanın kimyəvi müdafiə sisteminin bir hissəsidir. Ət soğanla birlikdə saxlanıldıqda bu maddələrin bir qismi ətin səthi ilə təmasda olur.
Kabab bişirilərkən yüksək temperatur nəticəsində yüzlərlə yeni maddə yaranır. Bu proses ətə iştahaaçan qoxu və dad versə də, eyni zamanda arzuolunmaz kanserogen birləşmələrin də əmələ gəlməsinə səbəb ola bilər. Araşdırmalar göstərir ki, soğanla hazırlanmış marinadlar sərbəst radikalların və bu maddələrin yaranmasını azaldır. Səbəb isə ilk növbədə quercetin adlı antioksidant maddədir.
Əlbəttə, soğan kababı tamamilə “sağlam qida”ya çevirmir. Lakin maraqlıdır ki, əsrlərdir tətbiq olunan bu ənənəvi kulinariya üsulu təkcə dad üçün deyil, qida kimyası baxımından da müəyyən üstünlüklərə malikdir.
Neandertal
visiontv.az
.jpg)
