Bağla
Axtarış sözünü daxil edin
“Venera Rusiyanın Aydan sonra araşdırmağı planlaşdırdığı uzaq kosmosdakı ilk planet olacaq və bu addımın tarixi kökləri var”.
Visiontv.az “Razvedçik” jurnalına istinadən xəbərinə görə, bu barədə Rusiya baş nazirinin birinci müavini Denis Manturov məlumat verib.
“Ölkəmiz hələ 1970-ci ildə Günəş sisteminin başqa planetində dünyada ilk dəfə olaraq kosmik aparatın uğurla endirilməsinə müvəffəq oldu. Bu, məhz Venera idi. Buna görə də, biz yəqin ki, bu istiqamətdə irəliləyəcəyik. Sonra isə baxarıq, qarşıya qoyulmuş məsələlər nə dərəcədə uğurla yerinə yetiriləcək”, - deyə Denis Manturov bildirib.
O etiraf edib ki, bu cür ciddi planların həyata keçirilməsi xeyli resurslar və qeyri-standart mühəndislik həlləri tələb edəcək. Eyni zamanda, istedadlı və “sözün yaxşı mənasında cəsarətli”, qeyri-adi ideyalar təklif etməyə qadir olan gənclər lazımdır.
Hazırda ölkəmiz tərəfdaşları ilə birlikdə Ayın elmi stansiyasının enerji təchizatı məsələləri üzərində işləyir. Rusiyanın aşağı güclü nüvə elektrik qurğusunun Ay səthinə çatdırılması planlaşdırılır və qurğu stansiyanı elektrik enerjisi ilə təmin edəcək. Həmçinin perspektivdə bu texnologiyanın uzaq kosmosun tədqiqində istifadə edilməsi planlaşdırılır.
visiontv.az
“Müctəba Xameneyinin Londondakı mülkü İsrail diplomatlarını izləmək üçün istifadə olunur”
.jpg)