“Yeni sanksiyalarla İranın neft ixracatı üzrə potensial imkanı azalacaq”- ABŞ
17.04.2024

ABŞ Maliyyə Nazirliyi qarşıdakı günlərdə İrana qarşı yeni sanksiyalar tətbiq olunmaqla İranın neft ixracatının azalacağını bildirib.

Canet Yellen bu barədə aprelin 16-ı  Beynəlxalq Valyuta Fondu və Dünya Bankının Yaz sezonu üzrə birgə iclasından sonra bildirib.

Nazir qeyd edib ki, həmin sanksiyalar İranın İsrailə PUA və raket həmlələri ilə əlaqədar tətbiq olunacaq.

O, nəzərdə tutulmuş sanksiya vasitələri barədə ayrıntlı məlumat vermədən deyib: “müzakirələrimizə əsasən İranın terrorizmi maliyyə baxımdan təmin etməsinə xələl gətirmək üçün bütün versiyalar masa üzərindədir”.

Yellen həmçinin vurğulayıb: “İran hələ də neft ixracatını davam etdirir. Lakin bu barədə tezliklə daha çox tədbirlər görəcəyik”.

Xatırladaq ki, ABŞ Maliyyə Nazirliyi və Dövlət Departamenti əvvəllər İranın sabitliyi pozma hərəkətləri ilə əlaqədar Tehranın neft ixracatı imkanlarını azaltmaq üçün sanksiyalar tətbiq ediblər.

visiontv.az