Bağla
Axtarış sözünü daxil edin
Təssüflə ölkədə 100 min tibb bacısı çatışmazlığı var və bu boşluğu doldurmaq üçün tibb bacısı kimi ixtisaslaşmayan şəxslərdən də istifadə olunur.
Bunu İran Səhiyyə Sisteminin rəsmisi Əhməd Nicatian deyib.
O, hər il 3500 tibb bacısının təqaüdə çıxdığını və bu şəxslərin yerini tutacaq kadrların cəlb edilə bilmədiyini söyləyib.
"Son bir neçə il ərzində yalnız 10 min tibb bacısı işə götürə bilmişik və bu rəqəm problemin həlli üçün əhəmiyyət daşımır",- Nicatian bildirib.
Bundan əvvəl isə İran Tibb Bacıları Birliyinin katibi Məhəmməd Şərifi Müqəddəm deyib ki, hər 1000 nəfərə ən azı 3 tibb bacısı düşməli olduğu halda, İranda bu rəqəm 1,6-dır.
O, bununla yanaşı hər il təxminən 3 min tibb bacısının ölkəni tərk edərək daha yüksək əmək haqqı verilən ölkələrə mühacirət etdiyini deyib.
Qeyd edək ki, tibb bacısı çatışmazlığı bu sahədə işləyənlərin əmk haqlarının az olması və əlavə təminatlarının olmaması ilə bağlıdır.
2024-cü ilin avqust ayında əmək haqlarının az olması, vaxtında ödənilməməsi, əlavə iş saatlarına görə vəsait nəzərdə tutulmaması və qanunla nəzərdə tutulan başqa hüquqlarının təmin olunmamasın etiraz olaraq İranın 37 şəhərinin 60 xəstəxanasının tibb bacıları etiraz aksiyaları keçiriblər.
visiontv.az
