Bağla
Axtarış sözünü daxil edin
İqlim dəyişikliyinin su sistemlərinə təsirləri Azərbaycanda da ciddi şəkildə hiss olunur.
Visiontv.az APA-ya istinadən xəbər verir ki, bunu COP29 çərçivəsində keçirilən "İqlim, Təbiət və İnsanlar üçün Su Həyat Xəttinin Təbliği" yüksək səviyyəli açılış tədbirində çıxışı zamanı COP29 prezidenti, ekologiya və təbii sərvətlər naziri Muxtar Babayev deyib.
O bildirib ki, su təkcə iqlim dəyişikliyinin qurbanı deyil, həm də mühüm bir həll yoludur.: "Su keyfiyyətin azalmasından və qida təhlükəsizliyindən tutmuş sağlamlıq, gender bərabərliyi və biomüxtəlifliyin qorunmasına qədər bir çox üstünlüklərin əldə olunmasının mərkəzindədir. Su olmadan, davamlı inkişaf mümkün deyil".
Muxtar Babayev əlavə edib ki, tarixən, su qlobal iqlim danışıqlarının diqqət mərkəzindən kənarda qalıb: “Son illərdə suyun vacibliyini vurğulamaq üçün səylər göstərilib, lakin suyun çox tərəfli proseslər daxilində tam inteqrasiyası üçün daha çox iş görülməlidir. Biz iqlim dəyişikliyi, bioterrorizm, biomüxtəlifliyin itirilməsi, çirklənmə və səhralaşma ilə əlaqəli planetar krizini həll etməyə davam etdikcə, su məsələsi kəsişən məsələ kimi qəbul olunmalıdır. İntegrasiya qlobal siyasətin bütün aspektlərində vacibdir. Bu səbəbdən, bu il iqlim üçün su fəaliyyətini prioritetləşdirilib”.
.jpg)
