Ermənistan rəhbərliyinin yadına düşməyən separatçılara Avropa parlamentindən dəstək

17.03.2025 Məhəmməd Əsədullazadə Tərəfindən

Avropa parlamenti Bakıda məhkəmələri davam edən erməni separatçılarının azad edilməsinə çağıran qətnamə qəbul edib. Qarabağda erməni separatçıları 30 il ərzində Azərbaycana qarşı terror və hərbi cinayətlər həyata keçirib. Amma, Avropa parlamenti bunu görməzdən gəlir.

Ermənistan rəhbərliyinin yadına düşməyən separatçıları, Avropa parlamentinin məlum qətnaməsi ikitərəfli danışıqlar prosesinə zərbə vurur. Həmçinin sülh prosesini pozmağa xidmət edir. Təbii ki, bu qətnamə fransalı deputatların layihəsidir. Avropa parlamenti bununla öz fəaliyyətinə kölgə salmış olur.

Avropa parlamentinə təsir edən erməni və rus lobbiləri bununla Azərbaycanla Qərb arasında əməkdaşlığa zərbə vurur. Avropa parlamenti İttifaq daxilində separatçılıq edən şəxslərə qarşı sərt addımlar atıb. Amma, mövzu Azərbaycanla bağlı olduğu üçün "yaxşı- pis separatçı" məntiqi ilə çıxış edir.

Avropa parlamenti beynəlxalq hüququ kobud surətdə pozaraq xalqların təhlükəsizliyini və təməl hüquqlarına hörmət etməyərək, qatı hərbi cinayətkarları müdafiə edir. Avropa parlamenti sabah Ukraynaya qarşı işğalı reallaşdıran şəxsləri müdafiə etsə, təəcüblü olmayacaq.

Məhəmməd Əsədullazadə, Milli Cəbhə partiyasının başqanın müavini

visiontv.az