Bağla
Axtarış sözünü daxil edin
“Təkcə bu il iqlim dəyişikliyinin su və kənd təsərrüfatına dağıdıcı təsirləri və onun gətirdiyi fəlakətlərə dair çoxlu nümunələr var”.
Visiontv.az APA-ya istinadən xəbər verir ki, bunu Bakı İqlim Fəaliyyəti Həftəsinin (BİFH) ikinci gününün açılış sessiyasında COP29-un müəyyən edilmiş Prezidenti Muxtar Babayev deyib.
O bildirib ki, bu ilin əvvəlində az yağan yağışlar Afrikanın cənubunda məhsulun sıradan çıxmasına səbəb olub və təxminən 20 milyon insan ac qalmaq riski ilə üzləşib:
“Eyni zamanda, su qıtlığı Zambiya, Zimbabve kimi ölkələrdə vəba xəstəliyinin yayılmasına səbəb olub. İqlim dəyişikliyinin kənd təsərrüfatı, qida və su sistemlərinə təsirlərini Azərbaycanda da görürük. Kənd təsərrüfatı Azərbaycan iqtisadiyyatının mühüm hissəsidir və işləyən əhalinin üçdə biri bu sahədə çalışır. Amma son illərdə yağıntılar orta hesabla 10 faizə yaxın azalıb. Bu, məhsuldarlığı azaldır. Əgər tədbir görməsək, bu dağıdıcı təsirlər bütün dünyada normaya çevriləcək. Qlobal temperaturun 2 dərəcə artmasının daha 200 milyon insanı aclıqla qarşı-qarşıya qoyacağı proqnozlaşdırılır. Dəyişən iqlimə uyğunlaşmaq üçün davamlı qida və su sistemləri qurmalıyıq. Bu, daha çox maliyyə, tədqiqat və yeni sistemlərin tətbiqi deməkdir. Ancaq həm su, həm də qida sistemləri iqlim dəyişikliyinə kömək edir, həm də ondan əziyyət çəkir. Biz onların təbii dünyaya təsirini azaltmalı və daha davamlı sistemlərə keçməliyik”.
