Bağla
Axtarış sözünü daxil edin
KTMT Kollektiv Təhlükəsizlik Şurası gələn həftə üzvlük haqlarının ödənilməməsi səbəbindən Ermənistanın təşkilatda səsvermə hüququndan müvəqqəti məhrum edilməsi barədə qərar qəbul edə bilər.
Bu barədə Rusiya xarici işlər nazirinin müavini Aleksandr Pankin TASS-a müsahibəsində bildirib.
Onun sözlərinə görə, Ermənistan artıq iki ildən çoxdur ki, təşkilatın büdcəsinə üzvlük haqqını ödəmir, bu da Nizamnamədə nəzərdə tutulmuş məhdudiyyətlərin tətbiqi məsələsini qaldırmağa imkan verir.
Rusiya XİN rəhbərinin müavini qeyd edib ki, söhbət KTMT Nizamnaməsində nəzərdə tutulmuş texniki prosedurdan gedir. Onun sözlərinə görə, yekun qərar təşkilata üzv dövlətlərin başçılarının mövqeyindən asılı olacaq.
Qeyd edək ki, Ermənistan 2024-cü ildə KTMT-də iştirakını dondurduğunu elan edib və üzvlük haqlarının ödənilməsini dayandırıb. Eyni zamanda, təşkilatın nizamnaməsində üzvlüyün dondurulması proseduru nəzərdə tutulmur, buna görə rəsmi olaraq Ermənistan Rusiya, Belarus, Qazaxıstan, Qırğızıstan və Tacikistanla birlikdə KTMT-nin üzvü olaraq qalır.
visiontv.az
