visiontv.az

Gənc qırıcı pilotu sürətini azaldıb sərnişin təyyarəsinin pilotuna radio ilə səsləndi:

– Bu sürətlə uçmaq darıxdırıcı deyilmi? İndi mənə baxın!

Bundan sonra əsl hava şousu başladı. Qırıcı təyyarə öz oxu ətrafında fırlandı, sürətlənib səs baryerini aşdı, şaquli istiqamətdə göyə yüksəldi, ardınca nəfəs kəsən bir sürətlə okeana doğru şığıdı. Bir neçə dəqiqə sonra yenidən Airbus A380-nin yanında göründü.

– Necə idi? – pilot lovğalanaraq soruşdu.

Airbus pilotu təmkinlə cavab verdi:

– Möhtəşəm! Amma indi sən mənə bax!

Qırıcı pilot gözlərini Airbus A380-dən ayırmadı. Bir dəqiqə keçdi, beş dəqiqə, on dəqiqə... Heç nə baş vermədi. Nəhəng təyyarə əvvəlki sürəti və istiqaməti ilə uçmağa davam edirdi.

On beş dəqiqədən sonra Airbus pilotu radio ilə soruşdu:

– Hə, necə idi?

Qırıcı pilot təəccübünü gizlədə bilmədi:

– Axı sən heç nə etmədin!

– Necə yəni etmədim? – Airbus pilotu güldü. – Yerimdən qalxdım, ayaqlarımı açdım, tualetə getdim, üzümə su vurub sərinlədim, sonra şokoladlı tortla bir fincan qəhvə içdim…

Bu kiçik əhvalat ilk baxışda sadəcə əyləncəli bir pilot zarafatıdır. Amma onun arxasında insan ömrünün böyük bir həqiqəti dayanır.

Gənclik sürətin, yaşlılıq isə zamanın qədrini bilir.

Gənc olanda həyat bizə sonsuz görünür. Elə bilirik ki, nə qədər sürətlə hərəkət etsək, bir o qədər çox yaşayacağıq. Hamıdan irəli keçmək, hamıdan yüksəyə qalxmaq, hamıdan tez çatmaq istəyirik. Uğuru sürətlə, gücü başqalarını ötməklə, azadlığı isə istədiyimiz hər şeyi edə bilməklə ölçürük.

İllər keçdikcə anlayırıq ki, həyat heç də yarış deyilmiş. Hər yarışın qalibi olmaq da vacib deyilmiş. Bir vaxtlar bizi heyrətləndirən şeylər tədricən cazibəsini itirir. Sürət yerini rahatlığa, nümayiş təmkinə, həyəcan isə yaşamağın özündən alınan zövqə verir.

Gəncliyin ən böyük üstünlüyü imkanlarının çoxluğudur. Yetkinliyin üstünlüyü isə həmin imkanlardan hansının həqiqətən qiymətli olduğunu ayırd edə bilməkdir.

Əlbəttə, yaşlanmaq öz-özlüyündə insanı müdrik etmir. Elə adamlar var ki, səksən yaşında da iyirmi yaşın ehtirasları ilə yaşayırlar. Müdriklik təqvimin verdiyi hədiyyə deyil. O, yaşadıqlarımızdan çıxardığımız nəticələrin məcmusudur.

Həyatın dəyəri nə qədər sürətlə yaşamağımızda deyil, yaşadığımız zamanın nə qədərinin həqiqətən bizə məxsus olmasındadır.

Gənclikdə insan zamanını xərcləyərək dünyanı qazanmağa çalışır. İllər sonra isə anlayır ki, qazandığı dünyanın ən qiymətli neməti elə xərclədiyi zaman imiş.

Bu iki pilotun əhvalatında mənim üçün ən maraqlı məqam başqadır. Qırıcı pilotu Airbusun edə bilmədiyi hər şeyi edə bilirdi. Amma Airbusun pilotu da qırıcı pilotun edə bilmədiyi sadə şeylərdən zövq alırdı. Birinin üstünlüyü sürətində, digərinin üstünlüyü isə rahatlığında idi.

Deməli, üstünlük həmişə daha böyük gücə sahib olmaq deyil. Bəzən üstünlük sahib olduğun gücdən istifadə etmək məcburiyyəti hiss etməməkdir.

İngilislərin bu düşüncəni ifadə edən zarafatlı bir düsturu var:

S.O.S. – Slower, Older, Smarter.

Daha yavaş, daha yaşlı, daha ağıllı.

Əslində isə söhbət qocalmaqdan deyil, yetişməkdən gedir. Sürəti azaltmaq həyatdan geri qalmaq demək deyil. Bəzən məhz sürəti azaltdıqda indiyədək yanından ötüb keçdiyimiz gözəllikləri görə bilirik.

Mən bu əhvalatı illərini arxada qoymuş, amma həyata marağını itirməmiş bütün dostlarıma həsr edirəm.

Gəncliyimizdə kifayət qədər tələsmədikmi? Çox yollar keçdik, çox insanlarla qarşılaşdıq. Bəzən qazandıq, bəzən uduzduq. Bəzən yüksəldik, bəzən də enməli olduq.

İndi isə yolun qalan hissəsindən zövq almağı da bacarmalıyıq.

Axı insanın ən böyük uğuru hamıdan sürətli uçmaq deyil. Ən böyük uğur odur ki, bir gün geriyə baxanda bütün ömrünü yalnız harasa çatmağa sərf etmədiyini anlayasan.

Odur ki, təyyarəmiz hələ uçursa, mühərriklər işləyirsə, qarşımızda yol varsa, hərdən pəncərədən baxmağı da unutmayaq.

Çünki çatacağımız mənzil nə qədər əhəmiyyətli olsa da, həyat dediyimiz şey elə bu yolçuluğun özüdür.

İbrahim Nəbioğlu

visiontv.az

Hadisə İran dövlət televiziyasında başqa bir tədbirlə - “Fitex Sərgisi” ilə bağlı yayılan görüntülərin müzakirələrə səbəb olduğu bir vaxta təsadüf edir. Həmin görüntülər də adıçəkilən media qurumlarının etirazı ilə qarşılanıb.

visiontv.az

Pərviz Əliyev

visiontv.az

Azərbaycanlı gənclərin təhsilini özlərinə təbliğat fürsətinə çevirən bu şəxslər əvvəlcə öz ölkələrində qadınların təhsil və geyim seçimlərinə nə dərəcədə sərbəst qərar verə bildikləri barədə düşünməlidirlər. Azərbaycanlı qızların gələcəyini müəyyənləşdirmək İran rəsmilərinin işi deyil.

visiontv.az

Qeyd olunub ki, regionda geosiyasi dəyişikliklərin əsas hərəkətverici amili Rusiya-Ukrayna müharibəsidir. Yaxın Şərqdəki hadisələrin isə regiona ümumi təsiri əsasən neytral qiymətləndirilir.

"Moody’s"in qiymətləndirməsinə əsasən, Azərbaycan və Qazaxıstan üçün neft gəlirlərinin artması geosiyasi vəziyyətin yaratdığı əsas iqtisadi imkanlardan biridir.

Bununla yanaşı, Rusiya ərazisindən yan keçən ticarət və kapital axınları, Çin və Yaxın Şərq ölkələri ilə tərəfdaşlığın şaxələndirilməsi, eləcə də beynəlxalq yükdaşımaların Orta Dəhlizə yönəlməsi region üçün əlavə iqtisadi imkanlar hesab olunur.

Agentlik Körfəz ölkələri ilə ticarət və idxal əlaqələrinin məhdud olmasını da region üçün üstünlük kimi qiymətləndirib.

visiontv.az

Digər tərəfdən, Avropanın qaz idxalında Azərbaycan ən böyük beş təchizatçıdan biridir və bu, Azərbaycanın Avropanın enerji bazarında xüsusi paya malik olduğunu bir daha təsdiq edir.

Cənab Prezidentin rəhbərliyi ilə Azərbaycan hazırda regionda orta güc dövlətinə çevrilib. Azərbaycandan təbii qaz alan ölkələrin sayında da artım müşahidə olunur. Bunlar Azərbaycanın beynəlxalq nüfuzuna sözsüz müsbət təsir göstərməklə, rəsmi Bakının geosiyasi mövqeyinin daha da möhkəmlənməsinə gətirib çıxarıb.

Azərbaycanın təsdiqlənmiş qaz ehtiyatları uzunmüddətli perspektivdə həm daxili tələbatın, həm də tərəfdaş ölkələrin ehtiyaclarının qarşılanmasına imkan verir. Azərbaycan ənənəvi enerji resursları ilə zəngin olan ölkələrdəndir və 2,5 trilyon kubmetrlik kəşf edilən ehtiyatları ən azı 100 illik müddətdə Azərbaycan öz tərəfdaşlarına təbii qazı nəql etmək imkanına malikdir.

Azərbaycan ənənəvi enerji resursları ilə zəngin ölkələrdən biri olmaqla yanaşı, bərpa olunan enerji sahəsində də ciddi addımlar atır. Son illər bu istiqamətdə 1 milyard dollardan artıq sərmayə cəlb edilib. Bu da ondan xəbər verir ki, Azərbaycanda enerji keçidi də intensiv və eyni zamanda səmərəli şəkildə reallaşır. Yaxın perspektivdə Azərbaycan Avropa bazarına yalnız neft və qaz deyil, həm də yaşıl enerji ixrac edə biləcək.

Millət vəkili Vüqar Bayramov

visiontv.az

O, İranın nüvə silahı əldə etməyəcəyi barədə zəmanət təqdim etməli olduğunu da vurğulayıb.

Trampın sözlərinə görə, İran Yaxın Şərqdə və  Avropada nüvə silahından istifadə etməyi planlaşdırıb.

“Müharibə tezliklə bu və ya başqa cür yekunlaşacaq”, - ABŞ Prezidenti qeyd edib.

visiontv.az

“Yaşıl Zona” Bağdadın mərkəzində yerləşən və ciddi mühafizə olunan ərazidir. Burada İraqın əsas dövlət qurumları, hökumət iqamətgahları və ABŞ səfirliyi də daxil olmaqla bir sıra xarici ölkələrin diplomatik nümayəndəlikləri yerləşir.

visiontv.az

Məlumata görə, 2026-cı il avqustun 16-da mülki təyyarəni idarə edən pilotlar yaxınlıqlarında naməlum obyekt müşahidə ediblər.

NUFORC-un məruzəsinə əsasən, onlar dərhal ən yaxın hava limanının dispetçeri ilə əlaqə saxlayaraq gördükləri mənzərəni təsvir ediblər. Təyyarə təxminən 12 min metr hündürlükdə uçarkən pilotlar onlardan bir kilometr yuxarıda uzunluğu on metrə çatan hamar, gümüşü rəngli obyekt gördüklərini deyiblər.

Naməlum uçan obyekt uzunsov həb formasında olub. Onun səthində heç bir bükülmə və ya qat yeri diqqət çəkməyib. Bununla belə, hava gəmisinin toqquşma xəbərdarlığı sistemi işə düşməyib. Pilotların məlumat verdiyi dispetçer isə radar ekranlarında heç bir obyekt aşkarlamadığını bildirib.

Uçuş heyətinin üzvlərindən birinin ehtimalına görə, UNO onların keçməyə çalışdığı fırtına buludlarının arasından çıxıb. Onun fikrincə, təyyarənin mühərriklərinin buzlaması və güclü turbulentlik kimi hava şəraitində bu cisim hava şarı ola bilməzdi.

ABŞ-nin Mülki  Aviasiya üzrə Federal İdarəsi NUFORC tərəfindən tənqidlərə məruz qalıb. Belə ki, naməlum obyektlə bağlı məlumatların digər müvafiq orqanlara ötürülməsinə dair heç bir sübut yoxdur.

NUFORC ekspertlərinin qənaətinə görə, bu cür laqeyd yanaşma və hadisənin araşdırılmaması ümumi uçuş təhlükəsizliyini risk altında qoyur.

visiontv.az

Pərviz Əliyev

visiontv.az

Təlimin nəzəri hissəsində obyektin kollektivinə fövqəladə hallar, o cümlədən yanğınlar zamanı zəruri davranış qaydaları, təxliyə tədbirləri barədə ətraflı məlumat verilib, suallar cavablandırılıb.

Təlimin praktiki hissəsində şərti yanğınla əlaqədar “Həyəcan” siqnalı verildikdən sonra Dövlət Yanğından Mühafizə Xidmətinin yanğından mühafizə bölmələri operativ qaydada “hadisə” yerinə çataraq, “yanğınla mübarizə” tədbirlərinə başlayıblar. Şərti yanğın baş vermiş ərazidə təxliyə planına uyğun olaraq işçilərin təhlükəsiz yerə təxliyəsi həyata keçirilib, “xəsarət almış” şəxslərə “ilkin yardım göstərilib” və “yanğın qısa müddətdə söndürülüb”.

Uğurla keçən təlimdən sonra əldə edilmiş nəticələr müzakirə olunub, müvafiq tapşırıqlar verilib.

visiontv.az

Bildirilib ki, sözügedən tankerlər naviqasiya və GPS sistemlərini söndürüb, xəbərdarlıqlara baxmayaraq, tankerlər təhlükəli bölgəyə daxil olub və nəticədə insident baş verib.

Tankerlərin hazırda Hörmüz boğazının cənub sahillərində dayandığı qeyd olunub.

SEPAH-ın məlumatında tankerlərə hücum edildiyi və ya konkret olaraq mina hadisəsinin baş verdiyi qeyd olunmayıb.

visiontv.az

Təqsirləndirilən şəxslərdən biri 2016-cı ildə ter*ror fəaliyyəti ilə əlaqədar məhkum edilib, lakin sonradan Küveyt əmiri tərəfindən əfv olunub. O, bu ilin aprelində yenidən həbs edilib.

visiontv.az

Qanun layihəsi gömrük orqanlarında kadrların xidmət üzrə başqa vəzifələrə keçirilməsinin hüquqi əsaslarını dəqiqləşdirməyə və rotasiya institutunun tətbiqi üçün normativ hüquqi bazanı yaratmağa, bununla da gömrük sistemində peşəkar idarəetmənin, xidməti intizamın, institusional çevikliyin və korrupsiya risklərinin qabaqlanmasının təmin edilməsinə yönəlib.

Rotasiya dövlət idarəçiliyində əməkdaşların bilik və bacarıqlarından daha geniş istifadə olunmasına, müxtəlif struktur və ərazi bölmələri arasında qarşılıqlı təcrübə mübadiləsinə, peşəkar səriştələrin inkişafına və idarəetmə təcrübəsinin vahidləşdirilməsinə xidmət edən kadr idarəçiliyi mexanizmidir. Bu yanaşma beynəlxalq gömrük idarəçiliyi təcrübəsinə, o cümlədən Ümumdünya Gömrük Təşkilatının insan resurslarının idarə edilməsi üzrə yanaşmalarına da uyğundur. Gömrük orqanlarının çoxşaxəli funksiyaları və ərazi strukturlarının müxtəlif iş təcrübəsi rotasiyanın tətbiqini kadr potensialının inkişafı baxımından məqsədəuyğun edir.

Gömrük orqanları dövlət qulluğunun xüsusi növü üzrə fəaliyyət göstərdiyindən həmin siyasətin bu sahədə həyata keçirilməsi gömrük xidmətinin xüsusiyyətlərinə uyğun vəzifələr, xüsusi rütbələr, xidmətin fasiləsizliyi, sərhəd-keçid və gömrük nəzarəti rejimi nəzərə alınmaqla ayrıca hüquqi tənzimləmə tələb edir. Layihə məhz ümumdövlət islahatının bu sektorda məntiqi və ardıcıl davamıdır.

Rotasiya xidməti ehtiyaclardan, vəzifələrin xarakterindən və əməkdaşların peşə keyfiyyətlərindən çıxış edilməklə vəzifəli şəxsin bir vəzifədən digərinə planlı və hüquqi cəhətdən əsaslandırılmış keçirilməsidir.

Gömrük orqanlarında rotasiya mexanizminin formalaşdırılmasının məqsədi müxtəlif struktur və ərazi vahidlərində toplanmış bilik və təcrübənin qarşılıqlı ötürülməsi, idarəetmə standartlarının vahidləşdirilməsi, yeni səriştələrin formalaşdırılması və müxtəlif vəzifələrdə uzunmüddətli dəyişməzliyin mənfi nəticələrinin qarşısının alınmasıdır.

Layihə ilə “Gömrük orqanlarında xidmət haqqında Əsasnamə”nin 52-ci və 53-cü maddələri qarşılıqlı əlaqədə yeni redaksiyada verilir, başqa işə keçirilmənin əsasları sistemləşdirilir və rotasiya ayrıca hüquqi əsas kimi müəyyən edilir. Yuxarı vəzifəyə, habelə ailə vəziyyətinə görə keçirilmədə vəzifəli şəxsin razılığı tələbi saxlanılır, digər hallarda yerdəyişmə isə qanunla müəyyən edilən müvafiq əsaslara uyğun həyata keçirilir.

Təklif edilən 53-1-ci maddə rotasiyanın keçirilməsi qaydasının gömrük işini aparan icra hakimiyyəti orqanı tərəfindən müəyyən edilməsini nəzərdə tutur. Bununla ümumi dövlət qulluğunda formalaşmış prinsiplər əsas götürülməklə, gömrük xidmətinin xüsusi rütbə, ixtisaslaşma, ərazi və xidmətin fasiləsizliyi kimi xüsusiyyətlərinə uyğun ayrıca qaydanın hazırlanması üçün hüquqi əsas yaradılır. Həmin qayda rotasiyanın vahid meyarlarla, planlı və ardıcıl həyata keçirilməsini təmin etməyə xidmət edəcək.

Beləliklə, layihənin qəbulu  Azərbaycan Respublikası Prezidentinin dövlət qulluğunun inkişafı sahəsində müəyyən etdiyi strateji hədəflərin gömrük orqanlarında həyata keçirilməsinə, kadrların qarşılıqlı təcrübə mübadiləsinin genişləndirilməsinə, peşəkarlığın artırılmasına və xidmətin təşkilinin təkmilləşdirilməsinə hüquqi zəmin yaradacaq.

visiontv.az

Bildirilib ki, görüşdə Media və Yayım Şurasının sədri Əhməd İsmayılov  Azərbaycan ilə Liberiya arasında media və kommunikasiya sahəsində əməkdaşlıq perspektivlərinin, təcrübə mübadiləsinin genişləndirilməsinin və informasiya mübadiləsi sahəsində qarşılıqlı əlaqələrin inkişafı etdirilməsinin vacibliyini diqqətə çatdırıb. O bildirib ki, mədəniyyətlərarası dialoqun təşviqində, xalqlar arasında qarşılıqlı anlaşmanın gücləndirilməsində və ölkələr haqqında obyektiv məlumatların beynəlxalq ictimaiyyətə çatdırılmasında medianın rolu mühüm əhəmiyyət daşıyır.

Liberiya Respublikasının informasiya nazirinin texniki xidmətlər üzrə müavini Nat Bayjay  Azərbaycanla media və kommunikasiya sahələrində əməkdaşlığın inkişaf etdirilməsi, institusional əlaqələrin genişləndirilməsi və qarşılıqlı təcrübə mübadiləsinin təşviqi perspektivlərini vurğulayaraq, rəqəmsal transformasiya proseslərinin əhəmiyyəti və sözügedən istiqamətdə strateji tərəfdaşlıq imkanlarının genişləndirilməsi məsələlərini xüsusi olaraq qeyd edib.

Görüş zamanı həmçinin media sahəsində beynəlxalq əməkdaşlığın gücləndirilməsi, müasir kommunikasiya texnologiyalarının tətbiqi və qarşılıqlı maraq doğuran digər məsələlər ətrafında fikir mübadiləsi aparılıb.

visiontv.az

Bununla belə, hesab edirəm ki, üçtərəfli danışıqlar keçirilsə belə, yaxın perspektivdə ciddi müsbət nəticələrin əldə olunması ehtimalı aşağıdır. Çünki Rusiya yenidən Donbasın hələ də işğal edə bilmədiyi ərazilərindən Ukrayna qoşunlarının çıxarılmasını tələb edə bilər. ABŞ isə tərəfləri bu tələblər ətrafında kompromisə gətirməyə çalışacaq. Müzakirə oluna biləcək variantlardan biri həmin ərazilərin hərbsizləşdirilməsi, yəni nə Rusiya, nə də Ukrayna qoşunlarının bu zonada yerləşdirilməməsidir. Lakin belə bir razılaşmanın əldə olunması üçün tərəflərin ciddi siyasi iradə nümayiş etdirməsi və təhlükəsizlik təminatları ilə bağlı ortaq mövqeyə gəlməsi vacibdir.

Göründüyü kimi, danışıqlar prosesinin başlanması üçün müəyyən siyasi razılıq mövcud olsa da, tərəflər bir-birinə qarşı uzaqmənzilli raketlərdən istifadəni davam etdirirlər. Bu vəziyyət diplomatik təşəbbüslərin nəticə verməsini çətinləşdirir və qarşılıqlı etimadı zəiflədir.

Digər tərəfdən, ABŞ-ın Ukraynaya hərbi dəstəyi ilə bağlı siyasətində də müəyyən dəyişikliklər müşahidə olunur. Vaşinqtonun Ukraynaya Patriot hava hücumundan müdafiə sistemlərinin tədarükü ilə bağlı imkanlarının məhdudlaşdırılması və Starlink peyk rabitəsindən hərbi məqsədlərlə istifadəyə tətbiq edilən məhdudiyyətlər Kiyevin hərbi imkanlarına təsir göstərir. Bu addımlar ABŞ-ın Ukrayna rəhbərliyinə danışıqlarda daha çevik mövqe tutmaq üçün təzyiq göstərməsidir. Bununla yanaşı, Moskvanın hərbi əməliyyatları davam etdirməsi Vaşinqtonun vasitəçilik səylərini mürəkkəbləşdirir.

Bu prosesdə Böyük Britaniyanın və Avropa İttifaqının mövqeyini də nəzərdən qaçırmaq olmaz. London və Avropa ittifaqı Ukraynanın təhlükəsizliyi, hərbi dəstəyi və gələcək sülh razılaşmasının şərtləri məsələsində mühüm rol oynayırlar. Buna görə də müharibənin dayandırılması yalnız ABŞ və Rusiya arasında əldə olunacaq razılaşmadan deyil, həm də Ukraynanın və Avropa tərəfdaşlarının mövqelərinin nə dərəcədə uzlaşdırılacağından asılı olacaq.

Hazırkı mərhələdə danışıqlar üçün müəyyən imkanlar yaransa da, qarşılıqlı raket zərbələrinin bərpası tərəflərin hələ də hərbi təzyiq vasitəsilə siyasi üstünlük qazanmağa çalışdıqlarını göstərir. Əgər tərəflər hərbi əməliyyatları dayandırmaq və real kompromisə nail olmaq istiqamətində konkret addımlar atmasalar, diplomatik təşəbbüslərin nəticəsiz qalacaq.

Məhəmməd Əsədullazadə, Milli Cəbhə partiyasının başqanın müavini

visiontv.az

Məlumata görə, Nijni Novqorod və Saratov vilayətlərində, həmçinin Tatarıstan, Başqırdıstan və Udmurtiya respublikalarında ümumilikdə 1512 pasiyentdə yoluxma faktı təsdiqlənib.

Nəşrdə qeyd olunur ki, siçan qızdırmasına yoluxma hallarının kəskin artması payız aylarına təsadüf edir. Bu mövsümdə gəmiricilər isti yer axtarışında çöllərdən insanların yaşayış evlərinə doğru hərəkət edirlər. Mütəxəssislərin sözlərinə görə, bağ evlərində, eləcə də şəhər ərazilərində xəzəlləri təmizləyərkən bu infeksiyaya tutulmaq mümkündür. Həmin yerlərdə gəmiricilərin ifrazatlarına (tüpürcək və ya nəcis) rast gəlinə bilər.

Virus insan orqanizminə hava-damcı yolu, yaxud birbaşa təmas vasitəsilə daxil olur. Xəstəliyin əsas simptomlarına yüksək bədən hərarəti, baş, qarın, bel və əzələ ağrıları daxildir. Bundan əlavə, xəstələrin üzündə və bədənlərinin yuxarı nahiyələrində qızartılar müşahidə edilə bilər. Həkimlər əraziləri təmizləyərkən mütləq qoruyucu maskalardan istifadə etməyi məsləhət görürlər. Siçan yuvalarına, ifrazatlarına və gəmiricilərin özlərinə çılpaq əllə toxunmaq qətiyyən tövsiyə olunmur. Həmçinin, əllərin diqqətlə dezinfeksiya edilməsi vacib şərtdir.

visiontv.az

Hücum nəticəsində zavodun ərazisində güclü yanğın baş verdiyi bildirilir. Hadisə ilə əlaqədar Samara hava limanının fəaliyyəti də məhdudlaşdırılıb.

Məlumata görə, Novokuybışevsk neft emalı zavodu Volqaboyu regionunun ən böyük neft emalı müəssisələrindən biridir. Zavodun illik neft emalı gücü 8–9 milyon ton təşkil edir.

Müəssisədə avtomobil, aviasiya, dəmir yolu və su nəqliyyatı üçün yanacaq, eləcə də sürtkü yağlarının komponentləri, bitum, koks və neft-kimya məhsulları istehsal olunur.

Ukraynanın Budanova yaxın “Ukraine Context” teleqram kanalının iddiasına görə, Kiyev tərəfdaşlarına verdiyi vədə uyğun olaraq iki həftə ərzində Rusiyanın neft emalı zavodlarına hücumlardan çəkinib, lakin bundan sonra fasiləni davam etdirmək niyyətində deyil.

visiontv.az

Onlar Hörmüz boğazının idarə olunması vasitəsilə regional təhlükəsizliyin qorunmasını müzakirə ediblər. Xameneyi, habelə, müharibəyə və mövcud “nə müharibə, nə sülh” vəziyyətinə son qoyulması üçün İran rəsmilərinin irəli sürdüyü şərtlərin yerinə yetirilməsinin vacibliyini qeyd edib.

visiontv.az

Onun sözlərinə görə, xarici işlər naziri  Ararat Mirzoyanın yeni Konstitusiya layihəsinin referendumda rədd ediləcəyi təqdirdə, hökumətin istefası ehtimalını gündəmə gətirməsi hakim partiya daxilində razılaşdırılmış ssenari deyil.

“Qoy buna şans versinlər, qoy xalq qərar versin. Xalq bunun lazım olmadığına qərar versə, düşünürəm ki, bu, yeni siyasi vəziyyət demək olacaq. Bu, bizim üçün də mənfi nəticələr doğura bilər, çünki onlar xalqın bizim əsas siyasi öhdəliyimizə qarşı olduğunu iddia edə biləcəklər”, – Rubinyan qeyd edib.

Erməni spiker deyib ki, belə olan halda müxalifətin hökumətin istefasını tələb etmək üçün daha tutarlı arqumenti olacaq.

Qeyd edək ki, oktyabrın 28-də Ermənistan parlamentində hökumət üzvləri ilə sual-cavab sessiyası zamanı  Ararat Mirzoyan müxalifəti yeni Konstitusiya layihəsinin referenduma çıxarılmasını dəstəkləməyə çağırıb. O, layihənin xalq tərəfindən rədd ediləcəyi təqdirdə, hökumətin istefası ehtimalını da dilə gətirib.

visiontv.az

Onun sözlərinə görə, bu məsələ həm hökumətlərarası komissiyanın iclasında, həm də ikitərəfli görüş zamanı müzakirə olunub.

"Biz ümidvar olduğumuzu bildirdik ki, bu proses üzrə işlər çox sürətlə davam edəcək. Bildiyiniz kimi, bu məsələ ilə bağlı mövqeyimiz dəyişməz olaraq qalır. Biz irəliləyiş görməliyik. Bu, bizim  Azərbaycana ünvanladığımız xahiş və müraciətdir və ona çox səmimi cavab aldıq. Azərbaycanlı dostlarımızla birlikdə indiyədək heç bir irəliləyişin əldə olunmadığı sahələrdə irəliləyişə nail olmağı hədəfləyirik", - o əlavə edib.

visiontv.az

Səudiyyə Ərəbistanı iki odun arasında qalıb: amerikalılara etibar etməyə davam edərsə, neft obyektlərini viran edə biləcək İran odu və Vaşinqtonun iradəsindən çıxıb Tehranla razılığa gəlmək qərarına gələrsə, üzləşə biləcəyi Amerika odu. Problem ondadır ki, Səudiyyə Ərəbistanı təhlükəsizliyini Amerikanın qorunması üzərində quran müqavilələr imzalayıb və indi bu qorumanın onun mövcudluğunu təhdid edən səbəbə çevrildiyini aşkar edib.

Pərviz Əliyev

visiontv.az

Layihəyə əsasən, verilmiş məlumat öz təsdiqini tapdıqda məlumat verən şəxsə təşkilatın büdcəsinin hesabına (büdcə təşkilatlarına münasibətdə həmin təşkilatların saxlanılması xərcləri və büdcədənkənar vəsaitləri hesabına) təşkilat rəhbərinin qərarı ilə maddi mükafat ödəniləcək. Mükafat korrupsiya ilə əlaqədar hüquqpozmalarla bağlı məlumatın araşdırılaraq öz təsdiqini tapması barədə məlumat verən şəxsin məlumatlandırıldığı tarixdən 10 iş günü müddətində ödəniləcək.

Təşkilatda mükafatın rəsmiləşdirilməsi və ödənilməsi üzrə tədbirlər konfidensiallıq tələblərinə riayət edilməklə həyata keçirilməlidir və həmin tədbirlərin icrasını təmin edən şəxslər tərəfindən məlumat verən şəxsə dair onlara məlum olan məlumatların digər şəxslərə açıqlanmasına yol verilməməlidir.

Mükafatın məbləği minimum əməkhaqqı məbləğinin 25 mislindən çox ola bilməz. Mükafatın məbləği müəyyən edilərkən korrupsiya ilə əlaqədar hüquqpozmanın xarakteri, faktların sayı, verilmiş məlumatın korrupsiya ilə əlaqədar hüquqpozmanın aşkar edilməsində əhəmiyyəti, vurulmuş zərərin və bərpa edilmiş aktivlərin məbləği nəzərə alınacaq.

Cinayət təqibinin həyata keçirilməsi nəticəsində ittihamedici əsaslarla hökm və ya digər yekun qərar çıxarıldığı və ya cinayət təqibinə bəraətverici əsaslar olmadan xitam verildiyi hallarda Cinayət-Prosessual Məcəlləsinə uyğun olaraq, cinayət işi üzrə xüsusi müsadirə tətbiq edilmiş əmlakın satışından, icarəyə və ya idarəetməyə verilməsindən əldə edilmiş vəsaitdən (üzərinə həbs qoyulmuş əmlaka qulluq və onun idarə edilməsinin təşkili ilə əlaqədar çəkilmiş xərclər çıxılmaqla) və ya xüsusi müsadirə edilmiş pul vəsaitindən (bank əməliyyatları üzrə xərclər və normativ hüquqi aktlarla müəyyən edilmiş digər ödənişlər çıxılmaqla) və ya cinayət qanunvericiliyində nəzərdə tutulmuş əsaslarla dövlət büdcəsinə ödənişin məbləğinin, yaxud dövlətə ödənilməsi təmin edilmiş maddi ziyanın miqdarının 5 faizi məbləğində pul vəsaiti məlumat verən şəxsə ödəniləcək.

Cinayət işi üzrə məlumat verən şəxsə pul vəsaitinin ödənilməsinə dair qərar məhkəməyədək icraat zamanı ibtidai araşdırmaya prosessual rəhbərliyi həyata keçirən prokurorun razılığı ilə müstəntiq, məhkəmə icraatı zamanı işə baxan məhkəmə tərəfindən qəbul ediləcək.

Məlumat verən şəxs, onun yaxın qohumu və qohumu korrupsiya ilə əlaqədar hüquqpozmalarla bağlı məlumat verməsi ilə əlaqədar olaraq həlak olduqda, onun ailəsinə əmək müqaviləsi, mülki-hüquqi müqavilə və ya digər əsaslarla işləri (xidmətləri) yerinə yetirdiyi təşkilatın büdcəsinin hesabına (büdcə təşkilatlarına münasibətdə həmin təşkilatların saxlanılması xərcləri və büdcədənkənar vəsaitləri hesabına) 20 min manat məbləğində birdəfəlik müavinət ödəniləcək.

Məlumat verən şəxs, onun yaxın qohumu və qohumu korrupsiya ilə əlaqədar hüquqpozmalarla bağlı məlumat verməsi ilə əlaqədar bədən xəsarəti aldıqda ona əmək müqaviləsi, mülki-hüquqi müqavilə və ya digər əsaslarla işləri (xidmətləri) yerinə yetirdiyi təşkilatın büdcəsinin hesabına (büdcə təşkilatlarına münasibətdə həmin təşkilatların saxlanılması xərcləri və büdcədənkənar vəsaitləri hesabına) 10 min manat məbləğində birdəfəlik müavinət ödəniləcək. Məlumat verən şəxsin korrupsiya ilə əlaqədar hüquqpozmalarla bağlı məlumat verməsi ilə əlaqədar olaraq əmlakına dəymiş ziyan  Azərbaycan Respublikasının normativ hüquqi aktlarında nəzərdə tutulmuş qaydada ödəniləcək.

Vergi Məcəlləsinə təklif edilən dəyişikliyə əsasən isə korrupsiya barədə məlumat verən şəxslərə ödənilən maddi mükafat gəlir vergisindən azad olunacaq.

Qanun layihəsi səsverməyə çıxarılaraq birinci oxunuşda qəbul edilib.

visiontv.az

Nazir müavini qeyd edib ki, Bəsitçay Dövlət Təbiət Qoruğunun və Daşaltı Dövlət Təbiət Yasaqlığının fəaliyyəti artıq bərpa edilib. Qaragöl Dövlət Təbiət Qoruğunun, eləcə də Qubadlı, Arazboyu və Laçın dövlət təbiət yasaqlıqlarının fəaliyyətinin bərpası istiqamətində isə işlər davam etdirilir.

Vüqar Kərimovun sözlərinə görə, Prezidentin 2026-cı il 20 oktyabr tarixli Sərəncamı ilə Qarabağ Milli Parkı yaradılıb. Ümumi sahəsi 88 418 hektar olacaq milli park  Ağdərə, Xocalı, Kəlbəcər, Şuşa və Laçın rayonlarının ərazilərini əhatə edir. Milli parkın yaradılmasında əsas məqsəd Qarabağın zəngin ekosisteminin və təbii irsinin qorunması, biomüxtəlifliyin bərpası, təbii sərvətlərdən dayanıqlı istifadənin təmin edilməsi və ekoturizmin inkişafıdır.

Nazir müavini əlavə edib ki, Şərqi  Zəngəzur iqtisadi rayonunun ərazisində də yeni milli parkın yaradılması ilə bağlı tədqiqatlara başlanılıb. Hazırda ərazinin xəritə-sxem layihəsi hazırlanır.

visiontv.az

Eləcə də tuşlama sistemində süni intellektdən istifadə olunur. Mühərrik isə əvvəlki kimi porşenli olaraq qalır.

visiontv.az

Bildirilib ki, Ceyhun Bayramov çıxışının əvvəlində Zirvə görüşünün yüksək səviyyədə təşkilinə və qonaqpərvərliyə görə Türkiyə tərəfinə təşəkkürünü bildirib, Türkiyə xalqını Cümhuriyyətin 103-cü ildönümü münasibətilə bir daha təbrik edib.

Azərbaycanın keçən bir il ərzində TDT-yə sədrliyi dövründə əsas prioritetin "Regional sülh və təhlükəsizlik" olduğunu bildirən Ceyhun Bayramov beynəlxalq münaqişələrin vüsət aldığı, təhlükəsizlik təhdidlərinin artdığı, beynəlxalq hüququn norma və prinsiplərinin pozulduğu hazırkı şərtlərdə sözügedən prioritetin aktuallığını vurğulayıb.

Ölkəmizin öz ərazi bütövlüyü və suverenliyini tam bərpa etdiyi, münaqişəyə son qoyduğu, Azərbaycan tərəfindən irəli sürülmüş prinsiplər əsasında hazırlanmış sülh sazişi mətninin ötən il paraflandığı qeyd olunaraq, sazişin imzalanması üçün Ermənistanın zəruri siyasi və hüquqi addımlar atmasının vacibliyi vurğulanıb.

Qarabağ və Şərqi  Zəngəzur bölgələrində genişmiqyaslı bərpa və quruculuq işlərinin aparıldığı, müasir infrastrukturun yaradıldığı, təxminən 100 min nəfərin həmin ərazilərdə yaşadığı, işlədiyi və təhsil aldığı bildirilib.

Azərbaycanın TDT-yə sədrliyi çərçivəsində xarici işlər nazirlərinin, Təhlükəsizlik Şuraları katiblərinin və eləcə də müdafiə sənayesi qurumları rəhbərlərinin görüşlərinin keçirildiyi diqqətə çatdırılıb. Müdafiə sənayesi sahəsində 2027-ci il üçün Əməkdaşlıq Yol Xəritəsinin qəbul edildiyi vurğulanıb.

TDT çərçivəsində iqtisadi əməkdaşlığın genişləndirilməsinin əsas prioritetlərdən olduğu bildirilib. Orta Dəhlizin inkişafı, Zəngəzur dəhlizinin reallaşdırılması, nəqliyyat bağlantılarının genişləndirilməsi, qarşılıqlı investisiyalar və birgə layihələrin ticarət və sənaye sahələrində əməkdaşlıq üçün yeni imkanlar yaratdığı qeyd olunub.

Azərbaycanın ənənəvi enerji resurslarının etibarlı təchizatçısı kimi rolunu davam etdirməklə yanaşı, Mərkəzi  Asiya ilə Avropa arasında yaşıl enerji və rəqəmsal bağlantıların inkişafına töhfə verdiyi vurğulanıb.

Sədrliyimiz dövründə həmçinin Bakıda Mərkəzi Banklar Şurasının və eləcə də Maliyyə Monitorinqi  Xidmətləri rəhbərlərinin görüşlərinin keçirildiyi, müvafiq əməkdaşlıq platformasının yaradıldığı bildirilib.

Ortaq tarix, dil və mədəni irsin qorunmasının əhəmiyyətinə toxunularaq, cari ildə Bakıda Birinci Türkoloji Qurultayın 100 illiyinə həsr olunmuş Türk Dünyası Həftəsinin və eləcə də Müsəlman Dini İdarələri rəhbərləri Şurasının toplantısının keçirildiyi qeyd olunub.

TDT-nin beynəlxalq mövqeyinin möhkəmləndirilməsi baxımından TDT+ formatının əhəmiyyəti vurğulanıb, Təşkilatın BMT Baş  Assambleyasında müşahidəçi statusu qazanması istiqamətində səylərin davam etdirilməsinin vacibliyi diqqətə çatdırılıb.

Çıxışının sonunda Ceyhun Bayramov  Azərbaycanın sədrliyi dövründə göstərdikləri dəstəyə görə üzv dövlətlərə təşəkkür edib, Türkiyəyə sədrliyi müddətində uğurlar arzulayıb.

Təşkilatın inkişafına verdiyi töhfələrə görə vəzifəsini başa vuran baş katib Kubanıçbek Omuraliyevə minnətdarlıq ifadə olunub, yeni baş katib Mirvoxid  Azimov təyinatı münasibətilə təbrik edilib və ona fəaliyyətində uğurlar arzulanıb.

Sammitin sonunda  Ankara Bəyannaməsi qəbul olunub.

visiontv.az

Onun sözlərinə görə, hazırda  Ağdam rayonunda 2 076 ailə (8 059 nəfər), Füzuli rayonunda 827 ailə (3 175 nəfər), Xocavənd rayonunda isə 1 138 ailə (4 699 nəfər) yaşayır.

E. Seyidov qeyd edib ki, işğaldan azad edilmiş ərazilərdə təhlükəsizliyin təmin olunması məqsədilə mina təmizləmə işləri də davam etdirilir. Son beş il ərzində  Ağdam, Füzuli və  Xocavənd rayonlarında ümumilikdə 115 mindən çox mina və partlamamış hərbi sursat aşkarlanıb.

Bildirilib ki, hazırda  Ağdam ərazisinin təxminən 60 faizi, Füzulinin 78 faizi, Xocavəndin isə 16 faizi minalardan təmizlənib.

Xüsusi nümayəndənin müavini, həmçinin rayonlarda yaşıllıq sahələrinin artırılması və parkların salınması istiqamətində görülən işlərdən danışıb. Ağdam Meşə Parkı, Ağdam şəhər Mərkəzi Parkı, Füzuli şəhər Mərkəzi Parkı, Xıdırlı, Sarıcalı, Qərvənd, Eyvazxanbəyli, Pirəhmədli, Dövlətyarlı və Hadrut parklarının bu layihələr sırasına daxil olduğunu bildirib.

Qeyd edilib ki, hazırda Xıdırlı, Sarıcalı və Kəngərli kənd parkları mövcuddur, digər parkların tikintisi davam etdirilir.

visiontv.az

Bildirilib ki, noyabr ayında ümumi atmosfer sirkulyasiyasının dəyişməsi baş verir. Tutqun və buludlu günlərin sayı çoxalır. Soyuq hava kütlələrinin əraziyə tez-tez daxil olması nəticəsində havanın temperaturu xeyli aşağı enir.

Bu il noyabr ayında havanın orta aylıq temperaturunun əsasən iqlim normasına yaxın, bəzi yerlərdə isə normadan bir qədər yüksək olacağı gözlənilir.

Aylıq yağıntının miqdarının əsasən iqlim normasına yaxın, bəzi ərazilərdə isə bir qədər çox olacağı ehtimal olunur.

Bakıda və  Abşeron yarımadasında havanın orta aylıq temperaturunun 10-13 dərəcə isti olacağı gözlənilir ki, bu da iqlim normasına yaxın və bir qədər yüksəkdir. Gecələr havanın temperaturunun 10-15, gündüzlər 16-21 dərəcə isti olacağı gözlənilir. Aylıq yağıntının miqdarı iqlim normasına yaxın, bəzi yerlərdə isə bir qədər çox olacaq (norma 28-38 mm).

Naxçıvan şəhəri, Culfa, Ordubad, Sədərək, Şahbuz və Şərur rayonlarında havanın orta aylıq temperaturunun 7-9 dərəcə isti olacağı gözlənilir ki, bu da iqlim normasına yaxındır. Gecələr havanın temperaturunun 5-10 dərəcə isti, bəzi günlərdə 0-5 dərəcə şaxta, gündüzlər 14-19 dərəcə isti olacağı gözlənilir. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı (norma 18-28 mm) ehtimal olunur.

Xankəndi, Şuşa, Goranboy, Xocalı, Xocavənd, Ağdam, həmçinin Daşkəsən, Gədəbəy rayonlarında havanın orta aylıq temperaturunun 5-9°C isti olacağı gözlənilir ki, bu da iqlim normasına yaxındır. Gecələr havanın temperaturu 3-8 dərəcə isti, bəzi günlərdə 0-5 dərəcə şaxta, gündüzlər 10-15, bəzi günlərdə 1-5 dərəcə isti olacaq. Aylıq yağıntının miqdarının iqlim normasına yaxın olacağı gözlənilir (norma 27-34 mm).

Şərqi Zəngəzur: Cəbrayıl, Kəlbəcər, Qubadlı, Laçın, Zəngilan rayonlarında havanın orta aylıq temperaturunun 6-9 dərəcə isti olacağı gözlənilir ki, bu da iqlim normasına yaxındır. Gecələr havanın temperaturunun 3-8 dərəcə isti, bəzi günlərdə 1-5 dərəcə şaxta, gündüzlər 11-16, bəzi günlərdə 2-5 dərəcə isti olacağı ehtimal olunur. Aylıq yağıntının miqdarının iqlim normasına yaxın olacağı gözlənilir (norma 34-35 mm).

Qazax, Gəncə, Ağstafa, Şəmkir, Tovuz, Ceyrançöl, Tərtər, Füzuli rayonlarında havanın orta aylıq temperaturunun 8-11 dərəcə isti olacağı gözlənilir ki, bu da iqlim normasına yaxın və bir qədər yüksəkdir. Gecələr havanın temperaturunun 7-12, gündüzlər 15-20 dərəcə isti olacağı ehtimal olunur. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı gözlənilir (norma 15-24 mm).

Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında havanın orta aylıq temperaturunun 6-9 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 4-9, gündüzlər 15-20, bəzi günlərdə 8-13 dərəcə isti, dağlarda gecələr 1-5 dərəcə isti, bəzi günlərdə 5-10 dərəcə şaxta, gündüzlər 5-10 dərəcə isti, bəzi günlərdə 0-3 dərəcə şaxta olacaq. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı gözlənilir (norma 29-73 mm).

Yevlax, Göyçay, Ağdaş, Kürdəmir, İmişli, Ağcabədi, Mingəçevir, Beyləqan, Sabirabad, Saatlı, Şirvan, Hacıqabul, Zərdab, Salyan, Neftçala rayonlarında havanın orta aylıq temperaturunun 10-12 dərəcə isti olacağı gözlənilir ki, bu da iqlim normasına yaxın və bir qədər yüksəkdir. Gecələr havanın temperaturu 9-14, gündüzlər 16-21, bəzi günlərdə 24 dərəcə isti olacaq. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı gözlənilir (norma 25-45 mm).

Masallı, Yardımlı, Lerik, Lənkəran, Biləsuvar, Astara, Cəlilabad rayonlarında havanın orta aylıq temperaturunun 7-12 dərəcə isti olacağı gözlənilir ki, bu da iqlim norması daxilindədir. Gecələr havanın temperaturu 9-14, gündüzlər 15-20, dağlarda gecələr 2-7 dərəcə isti, bəzi günlərdə 1-4 dərəcə şaxta, gündüzlər 6-11 dərəcə isti olacaq. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı gözlənilir (norma 55-170 mm).

visiontv.az

Azərbaycanın strateji valyuta ehtiyatları hazırda 89.4 milyard milyon dollardır və xarici dövlət borcunu 20 dəfə üstələyir. Bu ölkə üçün möhkəm iqtisadi təhlükəsizlik yastığının olmasından xəbər verir.

Millət vəkili Vüqar Bayramov

visiontv.az

Məlumata görə, narkotiklərin qanunsuz dövriyyəsi ilə bağlı cinayət məsuliyyətinə 4352 nəfər cəlb edilmiş şəxslərdən 4235-i kişi, 117-si qadın olub.

Məsuliyyətə cəlb edilmiş 50 xarici ölkə vətəndaşından ümumilikdə 566 kq 660,47 qr və 2778 ədəd həb müxtəlif növ narkotik vasitələr, 3 həb güclü təsir edən maddə və 3 ədəd (880 qr) çətənə bitkisi götürülüb.

visiontv.az

Məlumata görə, hadisə zamanı nəhəng protuberans eyni vaxtda bir neçə kosmik teleskopun kameralarına düşüb.

Protuberanslar Günəşin səthindən yuxarıda yerləşən nisbətən soyuq qaz buludlarıdır. Onlar Günəş səthindən onminlərlə, hətta yüzminlərlə kilometr yüksəklikdə müşahidə olunur. Bu strukturlar maqnit sahəsinin xətləri ilə əhatə olunur. Maqnit sahəsi qaz buludlarını müəyyən mövqedə saxlayaraq onların mövcudluğunu təmin edir. Bəzi protuberansların ölçüsü yüzminlərlə kilometrə, nadir hallarda isə bir milyon kilometrə çata bilər.

Günəşin tacında qeyri-sabit strukturlar hesab edilən protuberanslar bəzən kosmosa atılır. Belə hadisələr Günəş aktivliyi ilə əlaqəli geomaqnit qasırğalarına səbəb ola bilər.

Lakin mütəxəssislərin ilkin qiymətləndirmələrinə görə, bu dəfə protuberans Yerə doğru deyil, əsasən yan istiqamətdə hərəkət edir. Ehtimal olunur ki, onun trayektoriyası Marsın yaxınlığından keçəcək. Bununla belə, Yerə müəyyən təsir ehtimalı da istisna edilmir. Mütəxəssislər belə bir təsirin əhəmiyyətli olmayacağını gözləyirlər.

visiontv.az

İran təhlükəsi və husilərin hücumları səbəbilə BƏƏ, Qətər, Livan və İordaniyadakı səfirlik heyəti azaldılıb.

visiontv.az

Katolik kilsəsinin rəhbərinin bülleten əldə etmək üçün oktyabrın 3-də sorğu göndərdiyini Uill-Kaunti dairəsinin kargüzarlıq aparatının rəhbəri Kim Fladhammer təsdiq edib.

Nəşr qeyd edir ki, dairə kargüzarlığı hələlik pontifik tərəfindən doldurulmuş səsvermə bülletenini geri almayıb.

Məqalə müəlliflərinin sözlərinə görə, əsl adı Robert Frensis Prevost olan XIV Leo  ABŞ-dəkı seçkidə səs verən ilk Roma Papası ola bilər.

Qeyd edək ki, o, 2025-ci ilin may ayında papa taxtına çıxan ilk amerikalıdır.

visiontv.az

visiontv.az

Şöhrət El-Dəniz

visiontv.az

İlkin hüquqi yardım  Azərbaycan Respublikasının normativ hüquqi aktları, dövlət orqanlarının (qurumlarının), bələdiyyələrin, fiziki və hüquqi şəxslərin hüquq və vəzifələri, məhkəmədən kənar və məhkəmə qaydasında hüquqların həyata keçirilməsi və hüquq müdafiə üsulları barədə məlumatlandırma, ərizələrin, şikayətlərin və digər sənədlərin hazırlanmasına kömək göstərilməsi, habelə peşəkar hüquqi yardım anlayışına daxil olmayan digər yardım formalarıdır.

Peşəkar hüquqi yardım cinayət işləri üzrə şübhəli və ya təqsirləndirilən şəxsin müdafiəsi, habelə zərərçəkən qismində tanınmış fiziki şəxsin təmsil edilməsi, xüsusi ittihamçıya, cinsi istismarın və ya cinsi zorakılığın qurbanı olan uşağa, məişət zorakılığından zərər çəkmiş şəxsə, insan alverinin qurbanına, inzibati qaydada tutulmuş şəxslərə hüquqi yardımın göstərilməsi, barəsində inzibati xəta haqqında iş üzrə icraat aparılan fiziki şəxsin müdafiəsi, habelə inzibati xəta haqqında iş üzrə zərərçəkmiş fiziki şəxsin təmsil edilməsi, mülki işlər və inzibati mübahisələrə dair işlər üzrə şəxsin məhkəmədə təmsil edilməsi, habelə hüquq və azadlıqlarının pozulması ilə bağlı şikayət vermiş ərizəçi fiziki şəxsin  Azərbaycan Respublikasının Konstitusiya Məhkəməsində, digər dövlət orqanlarında (qurumlarında) təmsil edilməsi və qeyd olunanlarla bağlı həmin şəxslərə hüquqi yardım göstərilməsidir.

Bu Qanun vətəndaşların beynəlxalq təşkilatlarda, onların nümayəndəliklərində, habelə  Azərbaycan Respublikasının diplomatik nümayəndəlikləri və konsulluqlarında hüquqlarının müdafiəsi ilə bağlı işlərin görülməsinə şamil edilmir.

Qanunla başqa hal nəzərdə tutulmadığı halda, pulsuz hüquqi yardım bu məqsədlə dövlət büdcəsindən Vəkillər Kollegiyasına ayrılmış vəsait hesabına həyata keçiriləcək.

Peşəkar hüquqi yardım almaq hüququna malik olan şəxslər aşağıdakılardır:

- hüquqi yardıma ehtiyacı olan, lakin göstərilən yardıma görə xidmət haqqını və digər xərcləri ödəmək üçün kifayət qədər vəsaiti olmayan (maddi vəziyyəti və orta aylıq gəliri cari il üçün yaşayış minimumundan aşağı olan) aztəminatlı şəxslər:

- ünvanlı dövlət sosial yardımı alan ailələrin üzvləri;

- əlilliyi olan işləməyən şəxslər;

- müvafiq icra hakimiyyəti orqanının müəyyən etdiyi orqanda (qurumda) işsiz kimi qeydiyyatda olan şəxslər;

- hüquqi yardıma ehtiyacı olan digər şəxslər:

- şəhid ailələrinin üzvləri;

- müharibə veteranları;

- insan alverinin qurbanları, məişət zorakılığından zərər çəkmiş şəxslər;

- "Korrupsiya ilə əlaqədar hüquqpozmalarla bağlı məlumat verən şəxslərin həvəsləndirilməsi və müdafiəsi haqqında" qanuna uyğun olaraq korrupsiya ilə əlaqədar hüquqpozmalarla bağlı məlumat verən şəxslər;

- yetkinlik yaşına çatmayan şəxslər;

- qaçqın statusu almış şəxslər, Azərbaycan Respublikası tərəfindən siyasi sığınacaq verilmiş şəxslər;

- valideyn himayəsindən məhrum olmuş və valideyn himayəsindən məhrum olmuş uşaqların arasından olan şəxslər;

- cəzaçəkmə müəssisələrindən azad edilmiş şəxslər (cəzaçəkmə müəssisəsindən azad edildiyi gündən 1 (bir) il müddətinə);

- üzərində probasiya nəzarəti həyata keçirilən şəxslər.

Həmin şəxslər pulsuz hüquqi yardım almaq hüququnu itirdikdə, müraciət olunan iş üzrə pulsuz hüquqi yardımın göstərilməsi dayandırılmır.

Pulsuz hüquqi yardım Vəkillər Kollegiyasının Rəyasət Heyəti tərəfindən təşkil ediləcək.

Qanun layihəsi səsverməyə çıxarılaraq birinci oxunuşda qəbul edilib.

visiontv.az

Azərbaycan Respublikası Qida Təhlükəsizliyi  Agentliyinin sədri Qoşqar Təhməzli və Gürcüstanın Ətraf Mühitin Mühafizəsi və Kənd Təsərrüfatı Nazirliyinin Milli Qida  Agentliyinin rəhbəri Giorgi Yakobaşvili  Azərbaycan Respublikasının Qida Təhlükəsizliyi  Agentliyi ilə Gürcüstanın Ətraf Mühitin Mühafizəsi və Kənd Təsərrüfatı Nazirliyinin Milli Qida  Agentliyi arasında bitki karantini və bitki mühafizəsi, eləcə də baytarlıq sahəsində əməkdaşlıq haqqında  Anlaşma Memorandumlarını imzalayıblar.

visiontv.az

Məsələn, İran Rusiyaya "Şahed" dronları verir, qarşılığında isə silah və texnologiya əldə edir.

2025-ci ilin yanvarında imzalanan Strateji Tərəfdaşlıq Sazişinə baxmayaraq, bu münasibətlər qarşılıqlı müdafiəni nəzərdə tutmur və tarixi etimadsızlıq səbəbindən tam möhkəm sayılmır.

Bu yaxınlaşma Rusiyanın Ukraynadakı müharibəsini dəstəkləyir, Qərb və Yaxın Şərqdəki  ABŞ qüvvələri üçün isə əlavə təhlükələr yaradır.

visiontv.az

Bakıda və Abşeronda gözlənilən hava

Bakıda və  Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə və səhər bəzi yerlərdə yağış yağacağı ehtimalı var. Cənub-şərq küləyi axşam şimal-qərb küləyi ilə əvəz olunacaq.

Havanın temperaturu gecə 11-14° isti, gündüz 17-20° isti olacaq. Atmosfer təzyiqi 764 mm civə sütunu, nisbi rütubət isə 65-75 % təşkil edəcək.

Sabah Azərbaycanın rayonlarında hava necə olacaq?

Azərbaycanın rayonlarında havanın əsasən yağmursuz keçəcəyi, lakin gecə və səhər bəzi yerlərdə yağış yağacağı gözlənilir. Ayrı-ayrı yerlərdə qısamüddətli intensiv olacağı, şimşək çaxacağı, dolu düşəcəyi, yüksək dağlıq ərazilərdə qar yağacağı ehtimalı var. Bəzi yerlərdə arabir duman olacaq.
Mülayim qərb küləyi əsəcək.

Havanın temperaturu gecə 10-14° isti, gündüz 17-21° isti, dağlarda gecə 3-8° isti, gündüz 12-17° isti olacaq.

visiontv.az

Deputat bildirib ki, onun hüquqi əsasını Konstitusiyanın 61-ci maddəsi və qüvvədə olan qanunvericilik təşkil edir: “Yeni layihə həmin təminatların daha sistemli təşkilinə xidmət edir. Azərbaycan beynəlxalq öhdəliklər baxımından tərəfdar çıxdığı beynəlxalq konvensiyalardan irəli gələn öhdəliklərə əməl edir. Avropa İnsan Hüquqları Konvensiyasının 6-cı maddəsinin 3-cü bəndi və Mülki və Siyasi Hüquqlar Haqqında Beynəlxalq Paktın 14-cü maddəsinin 3-cü bəndi konkret təminatlar müəyyən edir. Cinayət ittihamı ilə üzləşən şəxsin kifayət qədər vəsaiti olmadıqda və ədalət mühakiməsinin maraqları tələb etdikdə, ona ödənişsiz hüquqi yardım göstərilməlidir. Məhkəmədə istifadə olunan dili anlamayan və ya həmin dildə danışa bilməyən şəxsin pulsuz tərcüməçi hüququ isə onun maddi vəziyyətindən asılı deyil”.

Rizvan Nəbiyev Bakı Hərbi Məhkəməsində ağır cinayətlərdə ittiham olunan şəxslərin müdafiəsinin təmin edilməsinin bu baxımdan konkret nümunə olduğunu vurğulayıb: “Məsələn, Ruben Vardanyanın dövlət hesabına vəkillə, həmçinin, bildiyi rus dilində tərcüməçi ilə təmin olunması bu nümunələrdəndir. Bu fakt müdafiə hüququnun ittihamın ağırlığından asılı olmadığını nümayiş etdirən mühüm prosessual təminatdır”.

Deputat qeyd edib ki, Azərbaycanın hüquqi dövlətçilik modelinin əhəmiyyəti də məhz qanunun hər kəsə tətbiqində, zərərçəkmişlərin ədalət tələbi ilə təqsirləndirilən şəxsin müdafiə hüququnun birlikdə qorunmasındadır: “Belə ki, dövlətin gücü cinayəti araşdırmaqla yanaşı, ittiham olunan şəxsin hüquqlarına təminat verməsində də ifadə olunur. Prezident İlham Əliyevin Bakı Hərbi Məhkəməsindəki prosesi “Nürnberq tribunalı”nın analoqu kimi xarakterizə etməsi tam yerinə düşür”.

Onun sözlərinə görə, hətta ittiham olunan şəxslərdən biri prosessual hüquqlarının pozulması və ədalətli məhkəmə ilə bağlı BMT-nin Özbaşına Həbslər üzrə İşçi Qrupuna müraciət etmişdi: “BMT-nin Özbaşına Həbslər üzrə İşçi Qrupu isə 2024-cü ilin noyabrında  Vardanyan barədə 46/2024 saylı rəyində bütün ittihamları rədd edib, onun azadlıqdan məhrum edilməsini özbaşına həbs hesab etməyib. Bu da  Azərbaycan Respublikasının hüquqi dövlət kimi bu Qanun layihəsindən əvvəl fəaliyyətini bir daha nümayiş etdirir”.

Deputat qanunun tətbiq dairəsi məsələsinə də toxunub: “Şəhid ailələri və müharibə veteranlarının burada nəzərə alınması postmünaqişə dövründə də dövlətimizin cəmiyyətin həmrəyliyinə verdiyi dəyəri göstərir”.

visiontv.az

O, amerikalı professor Ceffri Saksla Bakıda keçirdiyi görüşdən bəhs edərək  Azərbaycanın müstəqilliyinin 35 ilinin 34 ilini müharibə şəraitində keçirdikdən sonra  Xəzər dənizindən   Avropaya yaşıl dəhliz qurduğunu və ölkənin öz hekayəsini yenidən yazdığını bildirib.

Hikmət Hacıyev Ermənistanla sülh, Xəzərin dərinliklərindəki 800 giqavatlıq külək enerjisi potensialı və COP29 barədə də fikirlərini bölüşüb. Paylaşımda Ceffri Saksın sülh və süni intellektlə bağlı papanın ensiklopedik məktubunu təqdim etdiyi qeyd olunub.

visiontv.az

Digər tərəfdən, Knessetdə əhəmiyyətli 18 mandat əldə edən ərəb partiyalarının mövqeyi də hökumətin formalaşdırılması prosesində mühüm rol oynaya bilər. Ərəb siyasi qüvvələrinin liderləri digər partiyalarla müzakirələrin aparıldığını bildirirlər. Amma, müxalifət ərəblərlə koalisiyaya getmək istəmir.

Göründüyü kimi, Benyamin Netanyahu üçün yeni hökumət formalaşdırmaq asan olmayacaq. Əgər partiyalar arasında razılıq əldə olunmasa, ölkədə növbədənkənar parlament seçkilərinin keçirilməsi ehtimalı yarana bilər. Bu halda Netanyahu yenidən keçid hakimiyyətini qorumağa çalışacaq.

B. Netanyahunun səs alması əsasən təhlükəsizliklə bağlı məsələlərdən irəli gəlir.

Lakin müxalifət partiyaları vahid mövqedən çıxış edərək koalisiya yarada və parlament çoxluğunu təmin edə bilsələr, B. Netanyahunun Likud partiyasının hakimiyyətdən getməsi də mümkün ola bilər. Buna görə də İsraildə hökumətin gələcəyi partiyalar arasındakı danışıqlardan və koalisiya razılaşmalarından asılıdır.

Məhəmməd Əsədullazadə, Milli Cəbhə partiyasının başqanın müavini

visiontv.az

Məlumata görə, Ekoloji Nəzarət üzrə YPX Bölüyünün əməkdaşları tərəfindən narkotik vasitənin təsiri altında avtobus idarə edən sürücünün qanunazidd hərəkətlərinin qarşısı alınıb.

Belə ki, Zaqatala rayon sakini Elvin Məmmədov “Daewoo” markalı avtobusu idarə edərkən manevr qaydalarını pozduğu üçün saxlanılıb. Sürücünün hərəkətləri şübhə doğurduğundan onun tibbi müayinədən keçməsi təmin olunub və fakt öz təsdiqini tapıb.

E.Məmmədov barəsində toplanmış materiallar məhkəməyə göndərilib və o, 20 gün müddətində inzibati qaydada həbs olunub.

Sərnişinlərin həyatı üçün hər an təhlükə yarada biləcək hadisənin qarşısı vaxtında alınsa da, Baş Dövlət Yol Polisi İdarəsi bir daha sərnişindaşıma fəaliyyəti göstərən fiziki və hüquqi şəxslərə müraciət edərək, onları bu sahədə daha kəsərli tədbirlər görməyə, sükan etibar etdikləri sürücülərlə bağlı qanunvericiliyə uyğun nəzarət tədbirlərini gücləndirməyə çağırır.

visiontv.az

Bildirilib ki, hökumət başçıları  Azərbaycan ilə Gürcüstan arasında strateji tərəfdaşlığın müxtəlif aspektlərini, ikitərəfli gündəlikdə duran aktual məsələləri və ikitərəfli əməkdaşlığın gələcək inkişaf istiqamətlərini müzakirə ediblər.

visiontv.az

Onun sözlərinə görə, hazırda İranda «Buşehr» AES-in ikinci və üçüncü enerji bloklarının tikintisi davam edir.

«Rosatom» rəhbəri obyektdəki personalın sayı ilə bağlı da məlumatları açıqlayıb: bu günə olan statistikaya görə, tikinti meydançasında 142 nəfər çalışır, xidmət sahəsinə isə daha 50 mütəxəssis cəlb olunub.

Gələcəkdə İrandakı rusiyalı əməkdaşların sayının nəzərdə tutulmuş 700 nəfər göstəricisinə çatdırılması planlaşdırılır.

visiontv.az

Bundan əvvəl TDT-nin Baş katibi vəzifəsini qırğızıstanlı diplomat Kubanıçbek Ömüralıyev tutub.

visiontv.az

"O, yenə telefona cavab verəcək. O, hər kəslə dialoqa açıqdır", - Kremlin sözçüsü Makron və ya Merts Kremlə zəng etsəydi, Putinin nə edəcəyi ilə bağlı suala cavab verərkən deyib.

Putinin Ukrayna Prezidenti Volodimir Zelenski ilə telefonla danışmağa hazır olub-olmayacağı ilə bağlı suala isə Peskov "hələ heç kim zəng etməyib" deyə cavab verib.

Qeyd edək ki, Putin bir neçə gün bundan qabaq Finlandiya Prezidenti və Norveç Baş naziri ilə telefon danışığı aparıb. Telefon danışığının  Avropa tərəfinin təşəbbüsü ilə baş tutduğu bildirilib.

visiontv.az

Servantes, Stendal, Flober, Prust və Dostoyevskinin əsərlərini təhlil edən fransız filosofu Rene Girard “Romantik Yalan və Roman Həqiqəti” kitabında "Mimetik arzu" deyə bir nəzəriyyə irəli sürür. Girard deyir ki, Don Kixot öz fərdi azadlığını tələbə Amadisin bilgilərinə qurban vermiş cəngavərdir.

Onun cəngavərliyinin hədəflərini cəngəvarlər haqqında xeyli roman oxumuş tələbə Amadis təyin edir. Onun yerinə hədəflər qoyub, qərarlar verən bu tələbə Don Kixot üçün cəngavərliyinin komfort zonasıdır. Özü cəhənnəm, nökəri Sanço Panzanı da Amadisin qoyduğu və arzuladığı hədəflərə sürüyür, ona gələcəkdə qubernatoru olacağı bir ada vəd edir.

Girard yazır ki, başqasının arzusunu arzulamaq, ona can atmaq Don Kixotda və Sanço Panzada elə bir şiddətli və daimi hal alır ki, bunu öz iradələrinin istəyi kimi anlayırlar.

Bu üçlü münasibətdə Amadis müstəmləkə idarəçiliyini, Don Kixot icraçı müstəmləkə xalqını, Sanço Pansa isə havayı quyruq yolu gözləyən kütləni təmsil edir.

Biz toplum olaraq indi Don Kixotun vəziyyətdəyik. Uzun illər bizim yerimizə arzulayan, qərarlar verən, hədəflər təyin edən bir müstəmləkəçiliyin yaratdığı komfort zonalardan imtina etməkdə çətinlik çəkirik. İllah bizim yerimizə düşünən, qərarlar verən, kimliklər istehsal edən biriləri olmalıdır.

Eyni zamanda xəyalında, ən azı, qubertantoru olacağı bir ada gözləntisi ilə yaşayan Sançolardan ibarət bir kütləyə də sahibik. Bir sözlə, xırda istisnaları çıxmaqla arzularımız hələ də Girardın ədəbiyyat üzərindən şərh etdiyi başqasının "mimetik arzulardır".

İşin fəlsəfəsindən ayrılıb reallığa qayıdaq.

İdeoloji müdaxilələr xalqın, cəmiyyətin sahib olduğu keyfiyyətləri ya şişirdir, ya da kiçildir. Məsələn, faşizm almanların milli kimliyini kəllə-çarxa çıxarmışdı, bolşevizm, tam əksinə, azərbaycanlıların milli heysiyyatını az qala yox etdi.

Daha sonra bolşevizmin özünün də yerində nəhəng bir ideoloji boşluq qaldı. Bu gün ölkəyə ixrac olunan bütün ideoloji tör-töküntü məhz həmin boşluğu doldurmağa çalışır. Kimin özünə lazım olmayan, hətta zərər görüdüyü nəyi varsa gətirib bizim o ideoloji boşluğa doldurmaq istəyir.

Nə etməli? Sürətlə özümüzə aid hazır kimliklər yaratmalı və bu hazır kimlikləri emosional bir üslubla o boşluqda havayı paylamalı. Milli don kixotlarımızı və sanço panzalarımızı kənardan gələn amadislərin təsirinə düşməkdən məhrum etməli.

Əks halda, bütün milli gicbəsərlərimiz onlara hədəflər qoyan və xəyali bir ada qubernatoru olmağı vəd edən çoxbilmiş bir Amadis tapacaq özünə. Və biz hər dəfə sıfırdan başlamalı olacağıq.

Aqşin Yenisey

visiontv.az

Onun sözlərinə görə, bu gün  Azərbaycan qazı artıq 16 ölkəyə ixrac olunur: “Elektroenergetika sahəsində əməkdaşlığımız uğurla inkişaf edir. İyul ayında Gürcüstanın enerji sistemində baş vermiş ciddi qəzadan sonra Gürcüstan tərəfinin müraciəti əsasında  Azərbaycan operativ dəstək göstərib. Belə ki, elektrik enerjisi sistemləri arasında güc mübadiləsi əhəmiyyətli dərəcədə artırılıb və hazırda da bu səviyyədə davam etdirilir. “Yaşıl energetika” sahəsində əməkdaşlığımızın uğurlu nəticəsi olaraq bu gün ölkələrimiz  Avropaya yaşıl enerji dəhlizini salmağa başlayıblar. Bu layihə də  Avropanın enerji təhlükəsizliyi üçün mühüm faktor rolunu oynayacaq”.

Əli Əsədov qeyd edib ki, nəqliyyat-tranzit sahəsi əməkdaşlığın ən vacib istiqamətlərindən biridir: “Ölkələrimiz Orta Dəhlizin inkişafı naminə birgə səylərini davam etdirirlər. Orta Dəhlizin vacib hissəsi olan Bakı-Tbilisi-Qars dəmir yolunun tam potensialı ilə istismara verilməsi və yükaşırma qabiliyyətinin 5 milyon tonadək artırılması uğurlu işbirliyimizin bariz nümunəsidir”.

Baş nazir əlavə edib ki, mədəni-humanitar sahə hər zaman olduğu kimi əməkdaşlığın əsas istiqamətlərindən biri olaraq qalır: “Heydər Əliyev adına Tbilisi Peşəkar  Azərbaycan Dram Teatrının yeni binasının tikintisinin yaxın zamanda başlanacağına umidvarıq. Ölkələrimizdə yaşayan azərbaycanlı və gürcü icmaları münasibətlərimizin inkişafında xüsusi rol oynayırlar. Onların ana dilində təhsil imkanlarının təmin olunması və müvafiq məktəblərin fəaliyyəti xalqlarımız arasında əlaqələrin daha da möhkəmlənməsinə xidmət edir”.

visiontv.az