Bağla
Axtarış sözünü daxil edin
İranın dövlət mediasının yerli rəsmilərə istinadən yaydığı məlumata görə, naməlum silahlılar bazar ertəsi Mircavə şəhərinin cümə imamı, sünni din xadimi Mövləvi Məhəmməd Ənvər Riqini qətlə yetiriblər.
Riqi Sistan və Bəlucistan əyalətinin sərhəd şəhəri olan Mircavədə cümə namazlarına imamlıq edirdi.
İranın ən yoxsul bölgələrindən biri hesab olunan və əsasən sünni bəlucların yaşadığı Sistan və Bəlucistan əyalətində son illərdə təhlükəsizlik qüvvələri, islamçı qruplar və bəluç silahlıları arasında dəfələrlə toqquşmalar baş verib.
Yerli rəsmilər hadisə ilə bağlı araşdırmanın davam etdiyini bildirərək sakinləri sakit olmağa çağırıblar. Dövlət mediasının məlumatına görə, rəsmilər hücumu bölgədə təhlükəsizliyi pozmaq və məzhəblərarası qarşıdurmanı dərinləşdirmək cəhdi kimi qiymətləndiriblər.
visiontv.az
