Bağla
Axtarış sözünü daxil edin
Yaponiyanın Baş naziri Sanae Takaiçinin Administrasiyası dövründə ilk dəfə ölüm hökmü həyata keçirilib.
Visiontv.az xəbər verir ki, bu barədə "The Japan Times" məlumat yayıb.
Nəşrin məlumatına görə, 2009-cu ildə Osaka şəhərindəki oyun zalını yandıraraq beş nəfəri öldürdüyü üçün ən ağır cəzaya məhkum olunmuş 58 yaşlı kişi cümə günü səhər saatlarında asılıb. Bu icra ölkədə geridə qalan 14 ayda həyata keçirilən ilk edamdır və Baş nazir Takaiçi hökuməti üçün bir ilk sayılır.
Edam edilən şəxs 2009-cu ilin iyulunda yaşadığı evin yaxınlığında yerləşən oyun mərkəzinə benzin tökərək yandıran Sunao Takamidir. Həmin qorxunc insident nəticəsində dörd müştəri və bir işçi həyatını itirmiş, əlavə olaraq 10 nəfər müxtəlif dərəcəli bədən xəsarətləri almışdı. Hadisəni törədən şəxs bir gün sonra öz istəyi ilə polisə təslim olaraq həbs edilmişdi.
Qeyd edək ki, Yaponiyada bundan əvvəlki asılma ilə edam qərarı 2025-ci ilin iyununda həyata keçirilmişdi. Həmin vaxt sosial şəbəkələrdə tanış olduğu doqquz insanı qətlə yetirməkdə təqsirli bilinərək ölüm hökmü alan Takahiro Şiraişinin cəzası icra olunmuşdu.
visiontv.az
