Bağla
Axtarış sözünü daxil edin
Mashregh News yazır ki, "Müharibə Əleyhinə və Sanksiyalar Komitəsinin Telegram Kanalı" «Ülgüc üstündə sülh; Ermənistanla Azərbaycan arasında növbəti müharibə yoldadır?» adlı məqaləsində belə yazır: "Ötən ay Ermənistan və Azərbaycan sülh müqaviləsinin hazırlanması və diplomatik münasibətlərin qurulması ilə bağlı razılığa gəldiklərini bəyan ediblər. Müqavilə üçüncü ölkə qüvvələrinin (məsələn, Rusiya sülhməramlıları) artıq sərhədlərdə yerləşdirilməsinə icazə verilməyəcəyini nəzərdə tutur.
Müqavilənin yekun imzalanmasına yeganə maneə Azərbaycanın Ermənistanın öz konstitusiyasından Qarabağ bölgəsinə dair hər hansı qeydi çıxarmasını tələb etməsidir. Bu tələb Ermənistanda ciddi etirazla üzləşib və sazişin yekunlaşdırılması prosesini dalana dirəyib.
İran Ermənistanı, Türkiyə isə müvafiq olaraq Azərbaycanı dəstəkləyir. Bu regional rəqabət vəziyyəti çətinləşdirə və mübahisələri proksi münaqişələrə çevirə bilər.
Müəllif vurğulayır ki, yalnız fəal Avropa vasitəçiliyini davam etdirmək və məqsədyönlü dialoq platforması yaratmaqla müharibəyə qayıdışın qarşısını almaq olar. Danışıqların dayandırılması yeni humanitar fəlakətə gətirib çıxaracaq.
İki ölkənin gərgin tarixini nəzərə alaraq, Ermənistan və Azərbaycan liderlərinin cəsarətlə danışıqlar masası arxasına qayıtmasının və öz xalqlarının çoxdankı iztirablarına son qoymağın vaxtı çatıb".
visiontv.az
