Bağla
Axtarış sözünü daxil edin
Ağ Evin sözçüsü Karolin Levit cümə axşamı keçirilən mətbuat konfransında böyük neft tankeri olan "Skiper"in (əvvəlki adı Addisa olub) ələ keçirilməsinin dünən Ədliyyə Nazirliyinin əmri ilə baş tutduğunu açıqlayıb.
Levit gəminin İslam SEPAH üçün qara bazar nefti daşıyan "sanksiyalı kölgə donanması gəmisi" kimi tanındığını vurğulayıb və əlavə edib ki, bu addım hökumətin sanksiya siyasətini həyata keçirməklə yanaşı, narkotik qaçaqmalçılığına qarşı mübarizə aparmaq öhdəliyinin bir hissəsidir.
NBC News-un verdiyi məlumata görə, Prezident Donald Trampın əmri ilə Sahil Mühafizəsi və Dəniz Qüvvələrinin birgə əməliyyatı zamanı ələ keçirilən tanker əvvəllər ABŞ Maliyyə Nazirliyi tərəfindən Hizbullah və SEPAH-ı maliyyələşdirmək üçün İranın neft qaçaqmalçılığı şəbəkəsindəki roluna görə sanksiyaya məruz qalmışdı.
Levit təsdiqləyib ki, ABŞ hüquqi prosedurlardan sonra ələ keçirilmiş tankerdəki nefti müsadirə etmək niyyətindədir.
visiontv.az
