Bağla
Axtarış sözünü daxil edin
Ermənistan Hindistanın istehsalı olan “Pralay” taktiki ballistik raketlərinə maraq göstərir. Bu barədə Hindistanın “IDRW” hərbi nəşri məlumat yayıb.
Mənbənin verdiyi məlumata görə, Azərbaycan İsrail istehsalı olan və istehsalında Hindistanın da iştirak etdiyi “Barak-8” zenit-raket komplekslərindən istifadə edir.
Ermənistan bu hava hücumundan müdafiə sistemini neytrallaşdırmaq üçün Hindistanın “Pralay” “yer-yer” sinifli raketlərini almaq variantını nəzərdən keçirir.
“Pralay” qısa mənzilli ballistik raketdir və onun əsas üstünlüyü trayektoriyanın son mərhələsində manevr edərək uçuş istiqamətini dəyişə bilməsidir.
Bu xüsusiyyət onu hətta “Barak-8” və ya “S-300” kimi müasir hava müdafiə sistemləri üçün də çətin məqsədə çevirir.
Azərbaycanın “Barak-8” sistemləri İsrail-Hindistan birgə layihəsi əsasında istehsal olunub və orta mənzilli təhdidləri neytrallaşdırmaq üçün nəzərdə tutulub.
Ermənistanın bu addımı Azərbaycanın hava üstünlüyünü balanslaşdırmaq cəhdi kimi qiymətləndirilir.
visiontv.az
