Bağla
Axtarış sözünü daxil edin
Avropa İttifaqına (Aİ) mümkün üzvlük qərarı erməni xalqının seçimidir. Amma Yerevan Aİ-nin dəyişən xarakterini, iqtisadi blokdan hərbi-siyasi bloka çevrildiyini nəzərə almalıdır. Bunu Rusiya baş nazirinin müavini Aleksey Overçuk deyib.
"Ermənilər hazırda Rusiya Federasiyasına qarşı çox aqressiv mövqedə olan hərbi-siyasi bloka qoşulmağa hazırdırlarmı? Ermənilər bu sualı da özlərinə verməli olacaqlar", – Overçuk deyib.
O, Ermənistanın Aİ-yə üzvlüyü ilə bağlı danışıqların, belə imkan yaranarsa, uzun illər çəkəcəyini, Yerevanın Aİ ilə Avrasiya İqtisadi Birliyi arasında seçim etməli olacağını vurğulayıb.
A.Overçuk ötən il bir neçə dəfə Ermənistana Aİ-yə qoşulmaq cəhdləri ilə bağlı xəbərdarlıq edib. O, iki inteqrasiya birliyinə eyni vaxtda üzvlüyün bir-birinə uyğun gəlmədiyini deyib.
Baş nazir Nikol Paşinyan isə Ermənistanın Aİ üzvlüyünə yönəlik səyləri gücləndirmək niyyətini açıq bəyan edib.
visiontv.az
.jpg)
