Bağla
Axtarış sözünü daxil edin
Hazırda Ərdəbil şəhərinin Kəşfiyyat İdarəsinin təcridxanasında saxlanılan milli fəal Əsgər Əkbərzadənin ailəsinə də təzyiq göstərilir.
Bu barədə onun ailəsinə yaxın mənbələr məlumat yayıb.
Bildirilib ki, iyulun 12-də Əkbərzadənin qaynatası onun vəziyyətidən xəbər tutmaq və təkadamlıq kameraya salınmasının səbəblərini öyrənmək üçün Ərdəbil İnqilab Prokurorluğunun 10-cu istintaq şöbəsinə gedib.
İstintaq şöbəsində Əsgər Əkbərzadənin dindirmələrdə istintaq orqanı ilə əməkdaşlıq etməkdən imtina etdiyinə görə təkadamlıq kameraya salındığı bildirilib. Fəalın qaynatısının buna etiraz etməsindən sonra, orada saxlanılıb və 3 saat müddətinə sorğu-sual və təhdid edilib.
İyunun 28-də Siyamək Mirzayi Xiyavda (Meşgin), Əsgər Əkbərzadə və Əli Vaseqi isə Ərdəbildə həbs edilib.
Siyamək Mirzayi və Əli Vasiqi Ərdəbil həbsxanasının 9-cu bölməsinə köçürülsələr də, qaraciyər xəstəliyindən əziyyət çəkən Əsgər Əkbərzadə Kəşfiyyat İdarəsinin istintaq təcridxanasında saxlanılır.
Hər üç fəal bundan əvvəl də dinc fəaliyyətlərinə görə həbs ediliblər.
visiontv.az
