Bağla
Axtarış sözünü daxil edin
Şərqi Azərbaycan vilayətinin Mədəni İrs, Turizm və Əl Sənətləri Baş İdarəsinin rəhbəri Əhməd Həmzəzadə Binab kababının qlobal qeydiyyatı üçün bəlgənin hazırlanıb tərtib edildiyini və müvafiq prosesin icra mərhələsinə daxil olduğunu açıqlayıb.
Əhməd Həmzəzadə Binab rayonunun icraçı rəhbərləri ilə görüşdə bildirib ki, Binab kababının qlobal qeydiyyatı vilayətin turizm brendinin gücləndirilməsi üçün dəyərli fürsətdir.
Onun sözlərinə görə, bu təşəbbüs Binabın və Şərqi Azərbaycanın turizm potensialının daha geniş şəkildə tanıdılmasında mühüm rol oynaya bilər.
Həmzəzadə qeyd edib ki, Şərqi Azərbaycan valisinin xüsusi səyləri və Mədəni İrs, Turizm və Əl Sənətləri Nazirinin göstərişi ilə dosyenin hazırlanması prosesi icra mərhələsinə keçib. Bu çərçivədə qlobal qeydiyyat dosyelərinə cavabdeh olan milli məsləhətçi ilə müqavilə imzalanıb.
Onun sözlərinə görə, Binab kababı daha əvvəl İranın milli irs siyahısında qeydiyyata alınıb və bu yemək növü hazırda qlobal qeydiyyat üçün nəzərdən keçirilən ölkənin 70 yeməyi sırasında yer alır.
visiontv.az
