Bağla
Axtarış sözünü daxil edin
Sudana silah xətti necə qurulub?
Gunaz TV-nin məlumatına görə; ABŞ federal prokurorluğu 44 yaşlı, “green card” sahibi iranlı qadın Shamim Mafi-nin Los Angeles International Airport-da saxlanıldığını açıqlayıb. O, İran istehsalı silahlı pilotsuz aparatların, bombaların, bomba fitillərinin və milyonlarla patronun Sudana satışı üzrə vasitəçilik etməkdə ittiham olunur.
ABŞ rəsmilərinin bildirdiyinə görə; Mafi İstanbula uçmaq üçün ölkədən çıxmaq istəyərkən saxlanılıb. O, Los-Anceles federal məhkəməsində hakim qarşısına çıxarılacaq və təqsirli bilinərsə, 20 ilə qədər həbs cəzası ilə üzləşə bilər.
Kaliforniyanın mərkəzi dairəsi üzrə prokurorluq bildirib ki, Mafi ABŞ sanksiya qanunlarını pozmaqda ittiham olunur və bu iş üzrə müqavilələrdən birinin dəyəri 70 milyon dollardan çox qiymətləndirilir.
Məhkəmə sənədlərinə əsasən; Mafi Omanda qeydiyyatdan keçmiş örtük şirkət vasitəsilə silah ticarətini təşkil edib və sövdələşmələrə “Mohajer-6” pilotsuz aparatları, on minlərlə bomba fitili və böyük həcmdə sursat daxil olub.
Məlumatlara görə; o, mesajlaşma tətbiqləri vasitəsilə sudanlı silah vasitəçisi ilə əlaqə saxlayıb və Sudandakı daxili münaqişələr fonunda bu silahların göndərilməsi barədə danışıqlar aparıb. Ödənişlərin isə sanksiyalardan yayınmaq üçün mürəkkəb maliyyə yolları ilə həyata keçirildiyi bildirilir.
Bəzi ABŞ mənbələri Mafinin İranın təhlükəsizlik qurumları ilə əlaqəli olduğunu iddia etsə də, o, bu ittihamları rədd edib və İran kəşfiyyatı ilə hər hansı əməkdaşlığı inkar edib.
Bu iş Sudanının 2023-cü ildən davam edən genişmiqyaslı daxili müharibəsi fonunda gündəmə gəlib və bu ölkəyə silah göndərilməsi beynəlxalq səviyyədə həssas mövzu olaraq qalır.
ABŞ rəsmiləri vurğulayıblar ki, bu iş İranın silah sanksiyalarını dolanmaq üçün qurulan şəbəkələrə qarşı mübarizənin bir hissəsidir.
visiontv.az
.jpg)
