Co Baydenin Ərdoğandan bir dəfə rəsmən üzr istəyib. Söhbət belə olub. Co Bayden vitse-prezident kimi o, 2014-cü ildə Harvard Universitetində çıxışı zamanı Türkiyəni və Birləşmiş Ərəb Əmirliklərini İŞİD-i yaratmaqda ittiham edib. Iki gün sonra-oktyabrın 14-də Türkiyə prezidenti Tayyib Rəcəb Ərdoğana zəng edən Co Bayden həmin bəyanatına görə üzr istəyib. Daha sonra o, şeyx Mohammed bin Zayed bin Sultan Al Nahyan ilə telefon əlaqəsi saxlayıb.

Steven Sim şotlandır. Düz 30 ildir ki, qondarma erməni soyqırımı ilə bağlı filmlər çəkir. Onun son filmi “The Hidden Map” (Gizli qalmış xəritə) adlanır. Filmdə söhbət Los-Ancelesdə yaşayan Ani Hovannisyandan gedir. Onun əcdadları Osmanlı imperiyasından qovulan insanlardır.

Sevinc Osmanqızının atasını ermənilər öldürüb. Özü də faciəli şəkildə. 1991-ci ildə noyabrın 20-də MI-8 helicopteri Xocavənd rayonunun Qarakənd kəndi yaxınlığında vuruldu. Ölən 22 nəfər arasında Osman Mirzəyev də vardı. O, tanınmış jurnalist idi. Faciə baş verən zaman isə Azərbaycan prezidentinin (Ayaz Niyazi oğlu Mütəllibov) Baş məsləhətçisi vəzifəsini daşıyırdı.

ABŞ-ın həftəlik "Time" jurnalında " Azerbaijan Is an Oasis of Tolerance in the Middle East" (Azərbaycan Yaxın Şərqdə tolerantlıq vahəsidir) adlı məqalə gedib. İsrailli diplomat deyir: "İsveçdə küçədə kippa (yəhudi baş örtüyü) ilə getməkdən çəkinərdim, amma Azərbaycanda yox. Yəhudi olduğuna görə Azərbaycanda heç kim sənə çətin anlar yaşatmayacaq".

Düşünürəm ki, bu, normaldır. Azərbaycan ilə Ermənistanın Rusiya üzərindən danışıqlar aparması hər iki tərəfin maraqlarına ziddir. Birbaşa danışıqların indiki mərhələdə gizli aparılması məqbuldur...

Türkiyə ilə Azərbaycanın birləşməsi barədə müxtəlif fikirlər səslənir. Hazırda İstanbuldayam. Burada da bu məsələ ciddi müzakirə mövzusudur. Mən birmənalı şəkildə bu birliyin tərəfdarıyam. Çoxu deyir ki, biz konfederativ əsaslarla bir araya gəlməliyik. Mən isə unitar dövlətin tərəfdarıyam. Ancaq onu da yaxşı başa düşürəm ki, çoxluqla razılaşmaq lazımdır. Bəlkə də hər 20 ildən bir referendum keçirmək lazımdır. Təbii ki, son sözü xalq deməlidir...

Kürdüstan Fəhlə Partiyası (PKK) Avropa Birliyi və Amerika Birləşmiş Ştatları tərəfindən "terrorçu təşkilatlar" siyahısına salınıb. Bunu baxmayaraq, Qərbin informasiya vasitələri onlar haqqında “terrorçu” ifadəsi işlətməkdən yayınırlar, daha çox ” "PKK döyüşçüləri" və ya "kürd separatçıları" ifadələrinə üstünlük verirlər.

Üçtərəfli Moskva görüşü Ermənistanla Azərbaycan arasında nəqliyyat və kommunikasiya xətlərinin açılmasını sürətləndirəcək. Bəzi dostlarımız iki ayağın bir başmağa dirəyib ki, bu, ancaq və ancaq Rusiyanın maraqlarına uyğundur. Rusiya Dağlıq Qarabağa və Ermənistana dəmiryol üzərindən çıxış əldə edir. Yaxın Şərqə çıxır. və. s.

Onu diktator və faşist adlandırırlar. Özü də Amerika prezidentinə olan bu nifrət hissi sadə xalq arasında mövcud deyil. Avropa Birliyi də Donald Trampdan son dərəcə narazıdır. Bir nümunə deyim. Avropa Birliyi Çinlə son dərəcə önəmli bir müqavilə bağlamalıdır. Ancaq avropalılar bu müqavilənin bağlanmasının vaxtını süni şəkildə geri çəkirlər. Ümumi yanaşma belədir: Əgər Tramp yenidən ABŞ prezidenti olsa, Avropa Birliyi Çinlə daha sıx əməkdaşlığa gedəcək. Co Bayden iqtidara gəlsə Avopa Birliyi ilə ABŞ arasında olmuş tarixi xoş münasibət yenidən bərpa olunacaq. Belə bir halda isə Çinlə sıx münasibətlərə getmək lazım deyil.

Erməni mənbələri deyir ki, hazırda Dağlıq Qarabağda 70 min erməni var.

Azərbaycan insanın düşüncəsinə Qərb demokratik dəyərlərə üstünlük verən dövlətlər birliyi kimi həkk olunub. Şübhəsiz ki, bu, təsadüfi deyil. Həqiqətən də Qərb demokratiya baxımından gəlişmiş və oturuşmuş bir məkandır. Ancaq bu məkanda həm də xristian fundamentalizmindən tutmuş faşizmə qədər terrora bağlı murdar siyasi düşüncə mərkəzləri də mövcuddur. Xüsusən Azərbaycan-Ermənistan savaşına münasibətdə Qərbin bu kimi eybəcərlikləri daha qabarıq görünür.