Bağla
Axtarış sözünü daxil edin
Rusiyada ölümlə nəticələnən yanğın baş verib.
Visiontv.az-ın RİA Novosti agentliyinə istinadən verdiyi məlumata görə, Başqırdıstan Respublikasının Tatışlinsk rayonunda kəndlərdən birində baş vermiş yanğında ana və iki övladı yanaraq ölüb.
Hadisə noyabrın 5-nə keçən gecə fərdi evdə qeydə alınıb.
Yanğın söndürülərkən 29 yaşlı ananın və iki övladının - 2 və 8 yaşlı uşaqların meyiti aşkarlanıb.
Bundan başqa, üç kişi yanğında müxtəlif dərəcəli yanıq xəsarətləri alıb. Onlar xəstəxanaya yerləşdirilib.
Faktla bağlı cinayət işi başlanıb.
Hadisənin başvermə səbəbləri araşdırılır.
