Daha az vergi ödəmək üçün Fransanı tərk edərək Rusiya vətəndaşlığı əldə edən məşhur aktyor Jerar Depardye yadınızdadırmı? Rusiya pasportunu ona Vladimir Putin Soçi şəhərindəki iqamətgahında şəxsən təqdim etmişdi. O vaxt Rusiya prezidenti tərəfindən əli sıxılan və qucaqlanan aktyor bəyan etmişdi ki, Putin onun dostudur və Rusiya müxalifəti çox zəifdir. Rusiya isə dünyanın ən möhtəşəm demokratik ölkələrindən biridir...
2015-ci ildə isə o, Rusiyanın Krımı işğal etməsini alqışlamışdı. Bu hərəkətinə görə onun Ukraynaya girişi 5 il müddətinə yasaqlanmışdı.
BBC Fransa mediasına istinadən bildirir ki, Jerar Depardye indi Putini şiddətlə tənqid edənlər arasındadır. Aktyor deyir:
“Rusiya xalqı axmaq və qəbulolunmaz dərəcədə həddini aşan Putin kimilərinə görə cavabdeh deyil”...
Aktyor bildirib ki, Parisdə 3 gün ərzində verəcəyi konsertdən əldə etdiyi vəsaiti Ukrayna vətəndaşlarına yardım üçün ayıracaq...
Xatırladım ki, Aleksandr Dümanın Azərbaycana səyahəti haqqında filmdə çəkilmək istədiyini bildirən Jerar Depardye 2010-cu ildə Bakıda keçirilmiş IV Beynəlxalq Rostropoviç festivalına da qatılmışdı. O, bizim iqtidarın isti münasibətdə olduğu beynəlxalq səviyyəli mədəniyyət xadimlərindən birirdir...
Dünyanın bir işinə baxın: Pul-paraya əyilməkdə şitinin çıxaran aktyor da daha Putini bəyənmir. Ona “axmaq” deyir...
Elbəyi Həsənli
Visiontv.az