Bağla
Axtarış sözünü daxil edin
İngiltərə mərkəzli "Middle East Eye" analiz vebsaytı, öz mənbələrinə istinadən, Qüds qüvvələrinin komandanı İsmayıl Qaani'nin yaralanmadığını, lakin hazırda Hizbullahın lideri Həsən Nəsrullah və digər yüksək səviyyəli komandirlərinin ölümünə səbəb olan təhlükəsizlik zəiflikləri ilə bağlı geniş istintaq altında olduğunu yazıb.
Mənbələrə görə, İsmayıl Qaani sağdır və heç bir xəsarət almamışdır, lakin dindirilmə mərhələsindədir.
Qaani, 27 sentyabrda Beyrutda Hizbullahın lideri Həsən Nəsrullahın öldürülməsindən bəri ictimaiyyət qarşısında görünməyib.
İran İslam İnqilabı Keşikçilər Korpusu (SEPAH), o vaxtdan bəri, İsrailin Hizbullahın ən yüksək səviyyəli rəhbərliyinə necə nüfuz etdiyini və Həsən Nəsrullahın yerini necə müəyyən etdiyini araşdırmağa başlayıb.
Tehran, Beyrut və Bağdaddan olan on mənbə, o cümlədən yüksək səviyyəli şiə liderləri və Hizbullahla SEPAH-a yaxın mənbələr, "Middle East Eye"ə bildiriblər ki, Qaani və komandası hazırda karantindədir və müstəntiqlər suallarına cavab axtarırlar.
"Sky News" da "İran mənbələrinə" istinad edərək Qaaninin SEPAH tərəfindən dindirildiyi zaman infarkt keçirdiyini və xəstəxanaya aparıldığını yazıb. Hesabatda həmçinin Qaaninin ofisinin rəhbərinin İsrail üçün casusluqda şübhəli bilinməsindən bəhs edilib.
visiontv.az
