Seçicilər şəhər merini təyin etmək səlahiyyətinə malik yeni yerli şuranı seçmək üçün səs veriblər. Ermənistanın Mərkəzi Seçki Komissiyası, demək olar, bütün səsvermə nəticələrinin hesablandığını bildirib. İqtidarda olan "Vətəndaş müqaviləsi" partiyası səslərin 36.8 faizi toplayıb və buna görə də şurada mütləq çoxluğu əldə edə bilməyib. Onun ehtimal müttəfiqi - Qərbyönümlü "Avroalyans" bloku da şurada təmsil olunmaq üçün tələb olunan 6 faizlik səs həddini keçə bilməyib. Ermənistan Kommunist Partiyası və onun merliyə namizədi Vardan Qukasyan 20.7 faiz səs toplayaraq ikinci yeri tutub. Onu müxalif deputat Martun Qriqoryanın rəhbərlik etdiyi "Bizim şəhər" bloku izləyib, bu blok təxminən 15.9 faiz səs toplayıb. Tanınmış televiziya prodüseri Ruben Mxitaryan və iş adamı Karen Simonyanın başçılıq etdiyi digər iki müxalifət qrupu da, müvafiq olaraq, 7.9 faiz və 6.2 faiz səs toplayaraq yeni şəhər şurasında təmsil olunacaq. Beləliklə, dörd müxalifət namizədinin şuradakı 33 yerdən azı 18-ni qazanacağı proqnozlaşdırılır ki, bu da onları Gümrü meri vəzifəsinə ortaq namizəd təyin etmək imkanı verir. Artıq iqdidara yaxın mediya qurumları belə Gümrü şəhər merinin müxalifətdən olacağı barədə fikirlər paylaşır. Hökumət üçün iqdidar partiyasının aldığı səs sürpriz olmadı. Paşinyanın niyyəti müttəfiqi Avroalyans blokunun şəhər məclisinə girməsi və koalisiya quraraq Gümrünün müxalifətin əlinə keçməsinə mane olmaq idi. Ancaq baş nazirin planı baş tutmadı. Növbəti mərhələ çətin də olsa şəhər məclisinə girən xırda müxalif partiyalarını ittifaqa cəlb edərək Gümrünün rəhbərliyinə öz adamını gətdirməkdir. Ancaq bu da çətindir. Əvvəla, Gümrü şəhər meriyasının məclisinə girmiş müxalif partiyaların iqdidarla arası yaxşı deyil. Onlar Paşinyan hökumətini sərt tənqidçiləridir. Digər məsələ isə müxalifətin 2018 - ci ildə Paşinyan hakimiyyətə gəldikdən sonra ilk dəfə psixoloji üstünlüyü ələ keçirmək şansıdır. Əgər müxalif partiyalar birlik yaradıb Gümrü rəhbərliyə öz aralarından birini seçə bilsələr, o zaman növbəti parlament seçkilərində iqtisad qarşısında üstünlüyü ələ keçirə biləcək. Ancaq nəzərə alaq ki, erməni müxalifəti hazırda parçalanmış vəziyyətdədir və bir - birinə qarşı olduqca sərt ittihamlar səsləndirirlər. Nikol Paşinyanın Gümrüdə tam qələbə çala bilməməsinin əsas səbəbi isə şübhəsiz ki, şəhərin yerli admistirasiyasına qarşı qaldırılan ittihamlar oldu. 2021 - ci seçkilərində qalib gələn yerli blokun qeyri - rəsmi liderlərinə qaldırılan cinayət işindən sonra Nikol Paşinyanın " Vətəndaş Müqaviləsi " partiyası Gümrü şəhər Məclisinə nəzarəti ələ keçirmişdi. Şəhər əhalisi bu dəfə bunun heyfini baş nazirdən çıxdı. İkinci bir məsələ isə Donald Trampın xarici maliyyə yardımlarını kəsməsi səbəbi ilə Qərbdən Ermənistana gələn pul axının əhəmiyyətli dərəcə də azalmasıdır. Qərb dairələri istər müxtəlif QHT - lər, istərsə də dövlət səviyyəsində Ermənistana əvvəlki qədər maliyyə yardımı ayırmır. Bu isə bir çox lahiyyənin yarımçıq qalmasına səbəb olub. Gənclər də bu vəziyyətdən narazıdır. İrəvandan fərqli olaraq Gümrüdə əhalinin böyük əksəriyyətini gənclər təşkil edir. Bu da seçki nəticələrinə təsir etdi. Son seçkilər onu da göstərdi ki, Qarabağ kartı artıq Ermənistan siyasətində həlledici amil deyil. Çünki Qarabağla bağlı pafoslu bəyanatlar verənlərin heç biri seçkidə ciddi uğur qazana bilmədi.

Zeynal Əmrəliyev

visiontv.az