ABŞ prezidenti Donald Tramp Livandakı partlayışı “hücum” adlandırıb, hərçənd ki, partlayışın səbəbinin əsas versiyası terror aktı deyil, Beyrut limanındakı partlayıcı maddələrin təsadüfi alışması hesab edilir.
Visiontv.az RİA Novosti-yə istinadən xəbər verir.
“Böyük ehtimalla, bu, dəhşətli bir hücum idi”, - deyə Tramp mətbuat konfransında deyib.
ABŞ prezidenti Beyrutdakı böyük partlayış nəticəsində bir çox insanın həlak olduğunu, yüzlərlə adamın yaralandığını qeyd edərək, qurbanlar üçün dua etdiklərini, ABŞ-ın Livana yardım etməyə hazır olduğunu dilə gətirib.