Bağla
Axtarış sözünü daxil edin
Qırğızıstanın gənc və iddialı prezidenti Sadır Japarovun Qazaxıstanda baş verən dramatik hadisələrə münasibəti maraq doğurur.
Onun bu gün onlayn formatda keçirilən Kollektiv Təhlükəsizlik Müqaviləsi Təşkilatına (KTMT) üzv ölkələrin dövlət başçılarının Qazaxıstandakı vəziyyətə həsr olunmuş görüşdə iştirak etməkdən qısamüddətli məzuniyyətə çıxmaq adı ilə imtina etməsi də bunun təsdiqidir.
Sadır Japarovun KTMT-nin sammitində iştirak etməkdən imtina etməsi gözlənilməz addım hesab olunur. Onu sözügedən onlayn görüşdə Qırğızıstanın baş naziri Akılbek Japarov əvəz edib.
Qırğız prezidentinin bu addımı yəqin ki, nə Putinin, nədəki Tokayevin xoşuna gəlməyəcək. Deyilənlərə görə Sadır Caparov Kreml rəhbəri ilə Tokayevin "KTMT çətiri" altında təşkil etdiklərə son oyunların iştirakçısı olmaq istəmir.
Bundan əvvəl S.Japarov qırğız hərbçilərinin "KTMT-nın sülhməramlıları"nın tərkibində Qırğızıstana göndərilməsini də istəmirdi. O, buna əvvəlcə etirazını bildirmişdi, lakin sonradan Putinin israrlı təkidi ilə qırğız hərbçilərinin Qazaxıstana göndərilməsinə razılıq verdi.
S.Japarov Putinin keçmiş SSRİ-nin bu və ya digər formada bərpa etmək niyyətlərindən xəbərdardır və Qazaxıstanda baş verən son olayların da məhz Moskvanın "ssenari"si olmasından şübhələnir. Onun bugünkü toplantıda iştirakdan imtina etməsi də böyük ehtimalla bununla bağlıdır.
Bəybala Mirzəyev
Visiontv.az
