Tibet buddizminin mühacirətdəki lideri Dalay Lamanın son “Səssizlərin səsi” kitabından bu qənaətə gəlmək olar. Böyük Britaniyanın “The Guardian” nəşrində yayımlanan məqalədə Dalay Lamanın kitabında varisinin Çindən kənarda doğulacağını bəyan etdiyinə yer verilib. Dalay Lama varis axtarışındadır. Məsələ burasındadır ki, 90 yaşın içində olan Dalay Lama nə qədər sağlam görünsə də, varisi barədə düşünmək məcburiyyətindədir. Tibet ənənəsinə görə, yüksək səviyyəli buddist rahibin ruhu ölümündən sonra bir uşağın bədənində yenidən doğulur. Hazırkı Dalay Lama sələfinin reenkarnasiyası olaraq iki yaşında tanınıb.

ABŞ dövlət katibi Marko Rubio anti-Çin siyasətində Ağ Ev sahibi Donald Trampı xeyli üstələyib. Rubio senator olduğu illərdə Çini necə sərt tənqid edirdisə, dövlət katibi vəzifəsində də bu siyasətini davam etdirir. Donald Tramp Pekinin beynəlxalq aləmdə artan gücü ilə mübarizə aparmasına baxmayaraq, Çin lideri Si Cinpin və çinlilər barədə müsbət fikirlər söyləyərkən, Marko Rubio “Çindən asılı olduğumuz bir dünyada yaşamaq istəmirik” kimi ifadələr işlədir. Rubionun sözlərinə görə, Amerika Birləşmiş Ştatları və Çin arasındakı münasibətlər bütün XXI əsr tarixinin ətrafında cərəyan edəcək amil olacaq. Dövlət katibi bəyan edib ki, Vaşinqtonun Pekindən asılı vəziyyətə düşdüyü hadisələrin inkişafı yolverilməzdir.

Kreml yenə Azərbaycanla Ermənistan arasında əsas vasitəçi olmaq istəyir. Halbuki, Bakı və İrəvan vasitəçiyə ehtiyac olmadığını vurğulayır, hər iki tərəf mövcud razılaşmaları məhz birbaşa danışıqların nəticəsində əldə edib. Buna baxmayaraq, Kreml inadından əl çəkmir və Rusiya xarici işlər nazirinin Azərbaycan-Ermənistan münasibətlərinin normallaşdırılması üzrə xüsusi nümayəndəsi İqor Xovayevi bölgəyə göndərməyə hazırlaşır.

Baş nazir Nikol Paşinyan çox çalışır ki, Türkiyə Ermənistan-Azərbaycan sülh sazişi imzalamadan ölkəsi ilə sərhədi açsın. Ankaranın mövqeyi qətidir: “İrəvan sərhədin açılmasını istəyirsə, ilk növbədə Azərbaycanla sülh sazişi imzalamalıdır”. Sülh sazişinin imzalanması ləngidiyindən Paşinyan Türkiyə ilə sərhədin açılması üçün başqa variantlar üzərində düşünür.

Ermənistanın baş naziri Nikol Paşinyan Rusiya Prezidentindən sonra İran Prezidenti Məsud Pezeşkiana və Fransa Prezidenti Emmanuel Makrona zəng edərək İrəvan və Bakı arasında saziş bağlanması ilə bağlı danışıqların başa çatdığını bildirib.

Ermənistanın baş naziri Nikol Paşinyan Azərbaycanla sülh sazişinin mətni ilə bağlı əldə edilən razılaşma barədə niyə əvvəlcə yaxın dostu Fransa Prezidenti Emmanuel Makronu deyil, ara-sıra tənqid etdiyi ölkənin – Rusiyanın Prezidenti Vladimir Putini telefonla məlumatlandırmağa qərar verib? Hiyləgər gedişdir.

ABŞ Prezidenti Donald Trampın xüsusi elçisi Stiven Uitkoffun Moskvada danışıqları bitirdikdən sonra təyyarəsinin Bakıya endiyi xəbəri təsdiqlənərsə, bu o demək olacaq ki, Ağ Ev Azərbaycanla Ermənistan arasında sülhün əldə edilməsində pay sahibi olmaq istəyir.

İran, Çin və Rusiya arasında nüvə məsələləri və sanksiyaların ləğvinə həsr olunmuş üçtərəfli görüş martın 14-də Pekində keçiriləcək. İran Xarici İşlər Nazirliyinin sözçüsü İsmayıl Bəqainin sözlərinə görə, planlaşdırılan danışıqlarda həmçinin regional və beynəlxalq məsələlər, eləcə də BRİKS və ŞƏT çərçivəsində əməkdaşlıq müzakirə olunacaq. Görüş barədə məlumatı Çin Xarici İşlər Nazirliyinin rəsmi nümayəndəsi Mao Nin də təsdiqləyib. Onun sözlərinə görə, görüşdə Rusiyanı xarici işlər nazirinin müavini Sergey Ryabkov, İranı isə nazir müavini Kazım Qəribabadi təmsil edəcək.

Ermənistanın baş naziri Nikol Paşinyan dünyada və bölgədə yaranan durumu nəzərə almaq məcburiyyətindədir. Hər ikisi Ermənistanın xeyrinə deyil. Rusiya-Ukrayna müharibəsi bitdikdən sonra Kreml ətrafında yeni hədəflər seçəcək və Moskva qonşuluğunda siyasətindən narazı qaldığı müxtəlif ölkələrə təzyiqi artıracaq. Bu ölkələrdən biri Ermənistan ola bilər.

Ukrayna ABŞ-ın Ciddə danışıqları zamanı irəli sürdüyü 30 günlük müvəqqəti atəşkəsin dərhal tətbiq edilməsinə razılıq verməyə hazır olduğunu bildirməklə Rusiyanı çətin vəziyyətə salıb. İndi top Kremlin meydanındadır. Rusiya Prezidenti Vladimir Putin atəşkəsə razılaşmasa amerikalı həmkarı Donald Trampı məyus edəcək.

Strateji müttəfiqimiz Türkiyə ilə strateji tərəfdaşımız İsrail arasında artan gərginlik Azərbaycana diskomfort yaradır. İsrail hökuməti Azərbaycanla əlaqələrdən məmnundur.