Nəşrin məlumatına görə, iyunda NATO çərçivəsində uzaqmənzilli və dərin hərbi zərbələrə həsr olunan xüsusi simpozium keçirilib. Alyansın yeni yanaşması yalnız sərhədi keçməyə cəhd edən hərbi birləşmələrin deyil, Rusiyanın dərinliklərindəki hərbi bazaların, təminat anbarlarının və sənaye müəssisələrinin də hədəfə alınmasını nəzərdə tutur.

visiontv.az

Kampaniya  Azərbaycanda fəaliyyət göstərən bankların emissiya etdiyi "Mastercard" kartları ilə  "Apple Pay" və "Google Pay" vasitəsilə həyata keçirilən təmassız (NFC) ödənişlərə şamil olunur.

Şərtlərə əsasən, üç gedişi standart tariflə edən sərnişinlər dördüncü gediş üçün güzəşt əldə edirlər. Həmin gediş zamanı kart hesabından 0.01 manat tutulur.

Güzəştdən yararlanmaq üçün dörd gedişin eyni gündə edilməsi tələb olunmur. Gedişlər müxtəlif günlərdə həyata keçirilə bilər.

Bir kart üzrə təqvim ayı ərzində maksimum beş dəfə 1 qəpiklik gediş imkanından istifadə etmək mümkündür. Üç gediş tamamlandıqdan sonra əldə edilən güzəştli gediş hüququndan 30 gün ərzində istifadə olunmalıdır.

visiontv.az

L.Əliyeva incəsənət mərkəzində Kamilə Muradovanın əl işləri ilə tanış olub.

visiontv.az

Qeyd edək ki, noyabrın 4-də səhər saatlarından etibarən Samvel Karapetyanın və “Güclü Ermənistan” parlament fraksiyasının rəhbəri Narek Karapetyanın evlərində axtarışlar aparılıb. Ermənistan İstintaq Komitəsinin məlumatına görə, iqtisadi cinayətlər və qaçaqmalçılıqla bağlı cinayət işi çərçivəsində eyni vaxtda 65 ünvanda axtarış keçirilir.

visiontv.az

“Biz vəziyyətə baxacağıq və hər hansı addım atmaq üçün imkan görsək, ölkəmiz üçün ən yaxşı olanı edəcəyik”, – Tramp İrana qarşı əməliyyatların eskalasiyası ehtimalı barədə suala cavabında deyib.

Nüvə silahından istifadə ehtimalı barədə suala cavab verən  ABŞ Prezidenti buna ehtiyac olmadığını deyib.

“Buna ehtiyacım yoxdur. Biz onları artıq 90 faiz sıradan çıxarmışıq. Ona görə də buna ehtiyac yoxdur”, – Tramp bildirib.

O, İranla bağlı qərarının uzunmüddətli perspektivdə həm  ABŞ, həm də dünya üçün düzgün olduğunu düşündüyünü bildirib. Trampın sözlərinə görə, neft qiymətlərinin artması İranla münaqişə ilə əlaqələndirilsə də, onun qərarı uzunmüddətli maraqlar baxımından doğru olub.

visiontv.az

Onun sözlərinə görə, İranın Hörmüz boğazında idarəçiliyi ələ alması və region ölkələrində  ABŞ hərbi bazalarının məhv edilməsi fevral ayında başlayan müharibəyə cavab olub.

Xamenei  ABŞ-da keçirilən aralıq seçkilərinə də münasibət bildirib. İranın  Ali Rəhbəri vurğulayıb ki, ABŞ-da siyasi partiyaların yerdəyişməsi və Vaşinqtonun təzyiqləri qarşısında güzəştə getməyin “ABŞ-ın İrana qarşı düşmənçiliyini” azaldacağını düşünənlər yanılır.

Xamenei ən cüzi təslimçiliyə meyilliliyin nümayiş etdirilməsinin  ABŞ-ın daha çox irəli getməsinə gətirib çıxaracağını bəyan edib.

İranın  Ali  Rəhbəri  “ABŞ-ın çöküşünün sürətləndiyini” də əlavə edib.

visiontv.az

Sənəddə qeyd olunur ki, dünya bazarında neftin, qazın və digər məhsulların qiymətlərinin dəyişməsi  Azərbaycanda da bahalaşmaya təkan verə bilər. Xüsusilə Yaxın Şərqdə davam edən gərginlik qiymətlərin artması baxımından risk yaradır.

Bundan başqa, ölkəmizin əsas ticarət tərəfdaşlarında qiymətlərin dəyişməsi və manatın digər valyutalara nisbətən ümumi dəyərinin zəifləməsi xaricdən gətirilən məhsulların bahalaşmasına səbəb ola bilər.

Hökumət bu riskləri nəzərə alaraq 2027-2030-cu illər üçün müxtəlif hesablamalar aparıb. Qiymət artımının gözləniləndən 0.5, 1 və 1.5 faiz bəndi yüksək və ya aşağı olması ehtimalları araşdırılıb.

Hesablamalara əsasən, inflyasiyanın dəyişməsi dövlət büdcəsinin gəlirlərinə və xərcləri qarşılamaq imkanlarına müəyyən təsir göstərsə də, bunun ümumilikdə məhdud olacağı gözlənilir.

Lakin ən mənfi ssenaridə 2030-cu il üçün müəyyən edilmiş mühüm maliyyə hədəflərindən biri yerinə yetirilməyə bilər.

Belə ki, neft-qaz gəlirləri nəzərə alınmadan hesablanan büdcə kəsirinin qeyri-neft iqtisadiyyatına nisbəti üçün 12 faizlik hədəf müəyyən edilib. Pessimist ssenaridə bu göstəricinin 12.5 faizə çatacağı proqnozlaşdırılır.

Bu isə o deməkdir ki, hökumət 2030-cu ildə dövlət maliyyəsinin neft-qaz gəlirlərindən asılılığını müəyyən həddə saxlamağı planlaşdırır. Ancaq qiymət artımı ilə bağlı mənfi ssenari gerçəkləşərsə, həmin həddin bir qədər aşılması mümkündür.

Bununla belə, sənəddə ölkə daxilində tələbatın artması səbəbindən qiymətlərə ciddi əlavə təzyiq yaranması ehtimalı aşağı qiymətləndirilir.

visiontv.az

Noyabrın 4-də nəticələr rəsmi olaraq ölkə prezidenti İshaq Hersoqa təqdim olunacaq. Bundan sonra o, Knessetə daxil olan partiyaların rəhbərləri ilə məsləhətləşmələr aparacaq və deputatlardan birinə yeni hökuməti qurmağı tapşıracaq.

Bütün səslərin hesablanmasının yekunlarına görə, fəaliyyətdə olan baş nazir Binyamin Netanyahunun "Likud" partiyası 120 yerdən 27-ni qazanıb.

Qadi  Ayzenkotun rəhbərlik etdiyi əsas müxalifət partiyası "Yaşar" isə 21 mandat əldə edib. Netanyahu bloku 53, müxalifət isə 48 yerə sahib olub, daha 19 mandat ərəb partiyalarına çatıb. Lakin hökumətin formalaşdırılması üçün ən azı 61 yer tələb olunduğundan hələlik heç bir siyasi blok lazımi səs çoxluğuna malik deyil.

İlk namizədə Nazirlər Kabinetini qurmaq üçün 28 gün vaxt veriləcək və bu müddət daha iki həftə uzadıla bilər. Əgər cəhd uğursuz alınarsa, bu hüquq digər deputata keçəcək. Danışıqlar 90 gün ərzində nəticəsiz qalarsa, ölkədə yenidən seçki keçirilə bilər. Yeni kabinet vəzifəsinin icrasına başlayana qədər Netanyahu baş nazir səlahiyyətlərini yerinə yetirməyə davam edəcək.

visiontv.az

Məlumata görə, beş silahlı şəxs səhər saatlarında fabrikə daxil olub. Onlar qızıl və müxtəlif zərgərlik məmulatlarını götürərək hadisə yerindən qaçıblar.

Daha sonra polis cinayətkarların qaçmaq üçün istifadə etdikləri avtomobili yanmış vəziyyətdə aşkarlayıb.

Hadisə ilə bağlı araşdırma aparılır.

visiontv.az

O bildirib ki, büdcə zərfinə əsasən, fiskal dayanıqlılığın əsas şərtlərindən biri kimi ortamüddətli dövrün sonuna qeyri-neft-qaz gəlirləri hesabına cari xərclərin tam qarşılanması proqnozlaşdırılır:

"Hesab edirik ki, bu, makroiqtisadi sabitlik və resurs asılılığının azaldılması baxımından mühüm indikatordur və təqdirəlayiq hədəfdir. Eyni zamanda, əvvəlki rəylərimizdə də bildirdiyimiz kimi, bu məqsəd üçün əsas hədəf göstəriciləri olan cari xərclər və qeyri-neft gəlirlərinin, yaxud daha geniş anlayışla ifadə etsək, qeyri-resurs gəlirlərinin hüquqi əsaslarına yenidən baxılmasının zəruri olduğu qənaətindəyik. Məsələn, qanunvericiliyin tələbləri əsasında hesablamalarımıza görə, qeyri-neft sektoru üzrə təmin olunmalı gəlirlərin dəqiqləşdirilməsinə zərurət var".

Onun sözlərinə görə, Azərbaycanda istehsal edilən və qiymətləri tənzimlənən məhsulların kontrakt dəyəri ilə respublikadaxili müəssisədə topdansatış qiyməti arasındakı fərqdən büdcəyə yığımlar 98 milyon manat məbləğində nəzərdə tutulur:

"İzahata əsasən, bu məbləğ dövlət büdcəsinin neft-qaz gəlirlərinə aid edilir. Lakin "Büdcə sistemi haqqında" Qanuna əsasən, dövlət büdcəsinin neft-qaz gəlirlərinə  ARDNŞ-nin ödədiyi vergilər daxil edilir. Yuxarıda qeyd olunan mənbə isə vergi ödənişi deyil".

visiontv.az

Sənədə əsasən, vergi siyasətində əsas prioritetlərdən biri olan biznes mühitinin daha əlverişli və proqnozlaşdırıla bilən əsaslarla formalasdırılması, real sektorun inkişafını dəstəkləyən vergi güzəşt və azadolmalarının müddətinin uzadılması, qeyri-neft sektorunun inkişafı məqsədilə nəticəyönümlü yeni güzəştlərin müəyyən edilməsi nəzərdə tutulur.

Bundan başqa, vergi gəlirlərinin dayanıqlılığının təmin edilməsi baxımından əsas istiqamətlərdən biri vergitutma bazasının genişləndirilməsi və vergitutma obyektlərinin daha dəqiq müəyyən edilməsidir. Bu çərçivədə uçot, hesabat və ödəmə intizamına nəzarətin gücləndirilməsi nəzərdə tutulur.

visiontv.az

Nazir bildirib ki, siyasi partiyalara ayrılan vəsaitin artırılması müzakirə edilə bilər: “Uyğun təkliflər formalaşarsa, bunu müzakirə edə bilərik”.

Qeyd edək ki, büdcə müzakirələri zamanı siyasi partiyalara ayrılan vəsaitin artırılması təklif edilib.

visiontv.az

Həmin qurumların və digər media orqanlarının məlumatlarına əsasən, demokratların yuxarı palataya namizədləri xüsusilə Virciniya, Rod-Aylend, Nyu-Meksiko, Nyu-Cersi, Nyu-Hempşir, Massaçusets, İllinoys, Kanzas, Corciya, Delaver, Texas, Kolorado, Oreqon, Cənubi Karolina və bir sıra başqa ştatlarda qələbələrini artıq rəsmiləşdiriblər.

Respublikaçı namizədlər isə Florida, Vayominq, Qərbi  Virciniya, Arkanzas və digər bir neçə ştatda Senat seçkisində üstünlük əldə ediblər.

Nəzərə çatdıraq ki, Amerika Birləşmiş Ştatlarında seçki nəticələrini rəsmi elan edən tək bir mərkəzi federal orqan mövcud deyil. Bu vəzifəni ən böyük kütləvi informasiya vasitələri öz üzərinə götürür. Onların verdiyi təxminlərdən sonra siyasətçilər bir qayda olaraq ya qələbəni qeyd edir, ya da məğlubiyyətləri ilə barışırlar.

Senatın hazırkı tərkibində mövcud olan 100 kürsüdən 53-ü respublikaçıların, 47-si isə demokratlar və onların tərəfində olan müstəqil namizədlərin nəzarəti altındadır.

Davam edən seçkidə demokratlar Senatla yanaşı, Nümayəndələr Palatasına da nəzarəti öz əllərinə alıblar.

ABŞ vətəndaşları 100 senatordan 35-ni, eləcə də Konqresin Nümayəndələr Palatasının tam tərkibini - 435 üzvünü seçirlər.

İlkin hesablamalarına əsasən, hazırda Demokratlar Partiyası Senatda 226 yer (Çoxluq üçün 218 yer lazımdır), respublikaçılar isə 141 yer əldə ediblər.

Eyni zamanda, 36 ştatda qubernator seçkiləri də həyata keçirilir.

visiontv.az

Onun sözlərinə görə, Rusiya Ermənistana qarşı 25-ci maddənin tətbiqi ilə bağlı qərar layihəsi hazırlayıb.

Masadıkov bunu Ermənistanın üzvlük haqları və son üç ildə təşkilatın fəaliyyətində iştirak etməməsi ilə əlaqələndirib.

Baş katib bildirib ki, məsələ noyabrın 10-da keçiriləcək Kollektiv Təhlükəsizlik Şurasının iclasının gündəliyinə daxil edilərsə, müzakirə olunacaq. Yekun qərar üzv dövlətlərin liderlərinin iclasından sonra məlum olacaq.

Qeyd edək ki, KTMT Nizamnaməsinin 25-ci maddəsinə əsasən, üzv dövlət iki il ərzində təşkilatın büdcəsinə olan borcunu ödəmədikdə, onun təşkilat orqanlarında səsvermə hüququ dayandırıla və vətəndaşlarının kvota vəzifələrinə namizədliyini irəli sürmək hüququ məhdudlaşdırıla bilər.

visiontv.az

O, kino sahəsində birgə tədbirlərin təşkili və qarşılıqlı əməkdaşlığın genişləndirilməsinin, eləcə də ortaq film layihələrinin maliyyələşdirilməsi üçün birgə fondun yaradılmasının zəruriliyini vurğulayıb:

"Həmçinin hesab edirik ki, Türk dövlətləri arasında birgə peşəkar təlim proqramlarının təşkili və kino mütəxəssislərinin qarşılıqlı mübadiləsi, birgə istehsal olunan film layihələrinin sayının artırılması kino sahəsində perspektivimizi artıra bilər".

T.Məmmədli türkdilli uşaq auditoriyası üçün birgə animasiya layihələrinin istehsalının da mümkünlüyünü ifadə edib:

"Bu müstəvidə beynəlxalq film marketlərində birgə stendlərin qurulması və ortaq təmsilçiliyin təmin edilməsi də vacibdir".

visiontv.az

Tərəflər Gürcüstan və Qırğızıstan arasında dostluq münasibətlərini qeyd edərək ikitərəfli əlaqələrin, eləcə də beynəlxalq təşkilatlar çərçivəsində əməkdaşlığın inkişaf perspektivlərini müzakirə ediblər.

Görüşdə Orta Dəhlizin potensialından tam istifadə edilməsinin əhəmiyyəti xüsusi diqqət mərkəzində olub. Bu kontekstdə Çin–Qırğızıstan–Özbəkistan dəmir yolu və  Anakliya dərin dəniz limanı kimi strateji layihələr ətrafında fikir mübadiləsi aparılıb.

Tərəflər, həmçinin müvafiq qanunvericilik bazasının formalaşdırılması məqsədilə iki ölkənin parlamentləri arasında əməkdaşlığın vacibliyini vurğulayıblar.

visiontv.az

O bildirib ki, bank sektorunda məcmu kapital adekvatlıq səviyyəsi 16.7% və likvidliyin örtülmə əmsalı 156% olmaqla normativləri əhəmiyyətli üstələyib, sektor mənfəətlə fəaliyyət göstərib:

"Bank sektorunun aktivləri genişlənməsi iqtisadi fəaliyyətə dəstək verib. Belə ki, bank sektorunun aktivləri 10 ayda 15.1% artaraq 65.7 milyard manat olub. Kredit portfeli 14% artaraq 34.3 milyard manata çatıb. Bu dövrdə bank sektorunda qeyri-işlək kreditlərin ümumi kredit portfelində payı cəmi 2.7% olub".

visiontv.az

Belə ki, əmək qabiliyyətinin müvəqqəti itirilməsinə görə bir iş gününə düşən orta gündəlik qazanc 53 manat 50 qəpik olacaq.

Qeyd edək ki, bu rəqəm 2026-cı ildə 50 manat 80 qəpik olub.

visiontv.az

Nazir deyib ki, bu, 2026-cı illə müqayisədə 281 milyon manat, yaxud 14 faiz çoxdur.

visiontv.az

Yarımadanın ayrı-ayrı yerlərində yağışın qısamüddətli intensivləşəcəyi, şimşək çaxacağı ehtimalı var.

Noyabrın 5-i günün ikinci yarısı  Azərbaycanın şimal və qərb rayonlarından başlayaraq hava şəraitinin qeyri-sabit keçəcəyi, fasilələrlə yağıntılı olacağı gözlənilir. Ayrı-ayrı yerlərdə yağıntının leysan xarakterli intensiv olacağı, şimşək çaxacağı, dolu düşəcəyi, dağlıq ərazilərdə qar yağacağı, 5-i axşam, 6-sı gecə isə yağıntıların bir qədər güclənəcəyi ehtimal olunur.

Çaylarda sululuğun artacağı, Böyük Qafqazın və Lənkəran-Astara bölgəsinin bəzi çaylarından qısamüddətli daşqın və sel keçəcəyi istisna olunmur.

Ölkə ərazisində qeyri-sabit hava şəraitinin noyabrın 9-u axşamadək davam edəcəyi, havanın temperaturunun ötən günlərlə müqayisədə tədricən 5-10 dərəcə enəcəyi gözlənilir.

visiontv.az

Bildirilib ki, DSX-nin Sərhəd Qoşunlarının "Horadiz" sərhəd dəstəsinin xidməti ərazisində keçirilmiş əməliyyat-qoşun tədbirləri nəticəsində 4 nəfər Əfqanıstan İslam Əmirliyi vətəndaşı İran İslam Respublikasından  Azərbaycan Respublikası istiqamətinə dövlət sərhədini pozmağa cəhd edərkən saxlanılıb.

Fakt üzrə əməliyyаt-istintaq tədbirləri dаvаm еtdirilir.

visiontv.az

Bildirilib ki, Bakıda və  Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi, lakin axşam bəzi yerlərdə yağış yağacağı gözlənilir. Gecəyə doğru yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Səhər arabir duman olacaq. Mülayim cənub-qərb küləyi axşama doğru güclü şimal-qərb küləyi ilə əvəz olunacaq.

Havanın temperaturu gecə 12-16° isti, gündüz 18-21° isti olacaq. Atmosfer təzyiqi 755 mm civə sütunundan 752 mm civə sütununa yüksələcək. Nisbi rütubət 70-80 % təşkil edəcək.

Azərbaycanın rayonlarında havanın əsasən yağmursuz keçəcəyi, lakin gündüz şimal və qərb rayonlarından başlayaraq bəzi yerlərdə arabir yağış yağacağı gözlənilir. Ayrı-ayrı yerlərdə leysan xarakterli intensiv olacağı, şimşək çaxacağı, dolu düşəcəyi, dağlıq ərazilərdə qar yağacağı, axşam yağıntıların bir qədər güclənəcəyi ehtimalı var. Bəzi yerlərdə arabir duman olacaq. Arabir güclənən qərb küləyi əsəcək.

Havanın temperaturu gecə 9-14° isti, gündüz 18-23° isti, dağlarda gecə 3-8° isti, gündüz 12-17° isti olacaq.

visiontv.az

Sənəddə yer alan BVF-nin 2026-cı ilin aprel proqnozlarına əsasən, dünya üzrə ərzaq və içki qiymətləri indeksinin 2026-cı ildəki 137.3 bənddən 2027-ci ildə 137.4 bəndə yüksələcəyi gözlənilir. Bu, təxminən 0.1 faiz artım deməkdir.

Dünya Bankının proqnozunda isə ərzaq qiymətlərinin daha çox artacağı nəzərdə tutulur. Təşkilatın hesablamalarına görə, ərzaq qiymətləri indeksi 2026-cı ildəki 111.9 bənddən 2027-ci ildə 113.3 bəndə çatacaq. Beləliklə, illik artım təxminən 1.3 faiz təşkil edəcək.

Beynəlxalq təşkilatların digər əmtəə qiymətləri ilə bağlı proqnozlarında isə fərqli tendensiyalar müşahidə olunur.

BVF-nin hesablamalarına əsasən, qeyri-yanacaq əmtəələrinin qiymət indeksi 2026-cı ildə 206.4 bənd, 2027-ci ildə isə 210.4 bənd olacaq. Bu, təxminən 1.9 faiz artım deməkdir.

Dünya Bankı isə qeyri-enerji əmtəələrinin qiymət indeksinin 2026-cı ildəki 120.2 bənddən 2027-ci ildə 116.7 bəndə enəcəyini proqnozlaşdırır. Bu halda azalma təxminən 2.9 faiz təşkil edəcək.

Beləliklə, hər iki beynəlxalq təşkilat gələn il dünya bazarında ərzaq qiymətləri indekslərinin yüksələcəyini gözləsə də, daha geniş əmtəə qrupları üzrə proqnozlarında fərqli istiqamətlər nəzərdə tutulur.

visiontv.az

"Güman edirəm ki, hər iki tərəf "gəlin razılığa gələk" deyəcək mərhələsindədir", - o deyib.

ABŞ Prezidenti həmçinin iki ölkə arasında sülh danışıqlarında irəliləyişlə bağlı nikbinliyini ifadə edib. Lakin FT qeyd edib ki, Rusiya-Ukrayna münaqişəsi üzrə danışıqları aparanları Trampın nikbinliyini bölüşmürlər.

Qeyd edək ki, Rusiya, ABŞ və Ukrayna arasında üçtərəfli danışıqlar 10-11 noyabrda Əbu-Dabidə keçiriləcək. ABŞ Prezidentinin xüsusi elçisi Stiv Uitkoffun sözlərinə görə, tərəflər müharibədən sonrakı təhlükəsizlik tədbirləri, gərginliyin azaldılması və humanitar səyləri müzakirə edəcəklər. Bu həftə  Amerika danışıqçıları  Avropa nümayəndələri ilə görüşəcəklər.

visiontv.az

Onun sözlərinə görə, hazırda Hindistan, Çin, İraq və Qətər gəmilərinin boğazdan keçidinə heç bir məhdudiyyət tətbiq olunmur və həmin ölkələrin gəmiləri sərbəst hərəkət edə bilir.

"Hazırda Hindistan, Çin, İraq və Qətəri Hörmüz boğazında keçid məhdudiyyətlərindən azad etmişik. Bu ölkələrin gəmiləri sərbəst şəkildə boğazdan keçir. ABŞ-də həmin gəmilərə müdaxilə etmir", - İran rəsmisi bildirib.

O, Qətərdən Hörmüz boğazından keçid üçün rüsum alınmadığını vurğulayıb. Bildirib ki, bu güzəştlər müəyyən səbəblərə əsaslanır və Tehran qarşılıqlı maraqları nəzərə alaraq qərarlar verir.

Parlament rəsmisi Hindistan gəmilərinə keçid asanlığının bu ölkədən dərman idxalını təmin etmək, Çin gəmilərinə tətbiq edilən güzəştlərin isə Pekinin siyasi dəstəyini qazanmaq məqsədi daşıdığını qeyd edib.

İran rəsmisi Hindistan və Çin gəmilərindən keçid haqqı alındığını, Qətər gəmiləri üçün isə belə ödənişin nəzərdə tutulmadığını da açıqlayıb.

visiontv.az

• 15-24 yaş arası əhali arasında 18.8%,

• 18-35 yaş arası əhali arasında isə 20.7% artıb.

visiontv.az

Nazir bildirib ki, işsizlikdən sığorta fondunun 2027-ci il büdcəsinin gəlirləri 268 900 000,0 manat olacaq. İşsizlikdən sığorta fondunun 2027-ci il yanvarın 1-nə istifadə olunmamış vəsaitindən 50 300 000,0 manat 2027-ci ilin xərclərinin maliyyələşdirilməsinə yönəldiləcək.

visiontv.az

Layihədə qeyd olunur ki, torpaq və su ehtiyatlarının mühafizəsi gücləndiriləcək.

Həmçinin torpaqların deqradasiyasının və şoranlaşmanın qarşısının alınması üçün bərpa tədbirləri genişləndiriləcək, aqrokimyəvi monitorinq sistemi təkmilləşdiriləcək.

visiontv.az

Bundan cəmi bir gün əvvəl isə hüquq-mühafizə orqanları qəzetin Moskva ofisində qalan sonuncu əməkdaşları da binadan məcburi şəkildə çıxarmağa başlayıb.

Araşdırma jurnalistikası

Əslində, qəzet Rusiyanın Ukraynaya qarşı genişmiqyaslı hərbi müdaxiləyə başladığı 2022-ci ilin martında fəaliyyətini böyük ölçüdə dondurmuşdu; noyabrın 9-da isə onun hüquqi varlığına rəsmən son qoyulacaq.

"Novaya qazeta" fəaliyyət göstərdiyi dövr ərzində fundamental araşdırma jurnalistikası ilə ad çıxarıb. 1990-cı illərin əvvəllərində təsis edilən nəşrin ilkin maliyyələşməsində SSRİ-nin sonuncu lideri Mixail Qorbaçov da yaxından iştirak edib. Qəzet hər zaman irihəcmli, ciddi təhqiqatlara, korrupsiya və qanunsuzluqların ifşasına üstünlük verib.

A.Politkovskaya Çeçenistandakı müharibələr və oradakı repressiv rejim barədə qorxmaz yazıları ilə məşhur idi. O, 2006-cı ilin oktyabrında Moskvada, yaşadığı binanın girişində güllələnərək qətlə yetirilib.

Ordudakı korrupsiya hallarını və 1999-cu ildə Moskvadakı yaşayış binalarında baş verən müəmmalı partlayışları araşdıran digər tanınmış jurnalist Yuri Şekoçixin isə 2003-cü ilin iyulunda, ABŞ-yə planlaşdırılan səfərindən cəmi bir neçə gün əvvəl qəfildən vəfat edib. Həmkarları və yaxınları onun zəhərləndiyini iddia edirlər.

"Peşə və vətəndaşlıq borclarını şərəflə yerinə yetirdiklərinə görə" canlarından olan digər jurnalistlər və redaksiya ilə əməkdaşlıq edən şəxslər arasında İqor Domnikov, Stas Markelov, Anastasiya Baburova və Natalya Estemirovanın da adları var.

Bəzi xəbərdarlıqlar olunmuşdu

Qəzetə uzun illər rəhbərlik etmiş baş redaktor Dmitri Muratov 2021-ci ildə Nobel Sülh Mükafatına layiq görülən iki şəxsdən biri olub. O, bu nüfuzlu mükafata məhz Rusiyada media mühitinin getdikcə boğulduğu və repressiyaların artdığı bir dövrdə nəşrin müstəqil xəttini qoruyub saxladığı üçün layiq görülmüşdü.

"Novaya qazeta" 2022-ci ildə Rusiyanın Ukraynaya genişmiqyaslı hərbi müdaxiləsindən sonra dözülməz şəraitlə və ciddi təzyiqlərlə üzləşib. Dövlətin media tənzimləyici qurumu (Roskomnadzor) nəşrə bir-birinin ardınca rəsmi xəbərdarlıqlar edib.

2024-cü ildə qəzetin Rusiyadan mühacirət edən bir qrup redaksiya üzvü "Sərhədsiz Reportyorlar" təşkilatının köməyi ilə Parisdə qəzetin Avropa versiyasını (Novaya gazeta Europe) yaradıb.

Redaktorlar hazırkı vəziyyəti belə şərh ediblər: "Təxminən beş ildir davam edən bu müharibə mühitində, xüsusi xidmət orqanlarının tam mühasirəsi altında birtəhər işləməyi bacardıq".

"Artıq hər şey bitdi. İndi 'ölüm zonası'ndayıq", – deyə Ukraynadakı ən təhlükəli ön xəttə işarə edən jurnalistlər sonda vurğulayıblar.

visiontv.az

Bu, 2026-cı illə müqayisədə 1,2 milyon manat və ya 19,5% çoxdur.

Vəsait Naxçıvan Muxtar Respublikasına edilən aviareyslərə, Böyük Vətən müharibəsi əlilləri və iştirakçılarının, habelə onlara bərabər tutulan şəxslərin MDB ölkələrinə nəqliyyatda gedişi ilə bağlı tətbiq edilən güzəştlər hesabına yaranan zərərin ödənilməsinə yönəldiləcək.

visiontv.az

Qalibaf seçkilərin nəticələrini  ABŞ əhalisinin yaşayış xərcləri ilə bağlı narahatlığı və ölkənin xaricdə hərbi əməliyyatlarda iştirakına qarşı mövqeyi ilə əlaqələndirib.

“İstər vicdanlarına, istərsə də yaşayış xərclərinə görə amerikalılar müharibəyə “Yox” dedilər və biz bu mesajı dəstəkləyirik”, – İran parlamentinin sədri bildirib.

O, ABŞ administrasiyasına xəbərdarlıq da edib.

“Əgər  ABŞ hökuməti beynəlxalq himayədarlara və şantajçılara xidmət etmək üçün öz xalqının iradəsinə xəyanət etsə, bizim “Yox” cavabımızın kabusla müşayiət olunduğunu anlayacaq”, – Qalibaf vurğulayıb.

visiontv.az

visiontv.az

Mohebbi İranın müharibənin bəzi mərhələlərini geridə qoyduğunu və həmin mərhələlərdə qələbələr qazandığını iddia edib. Onun sözlərinə görə, ilk qələbə düşmənin əsas məqsədlərinə çatmasına mane olmaq olub. General bildirib ki, ABŞ İslam Respublikasını devirmək və İranı parçalamaq məqsədilə müharibəyə başlayıb, lakin buna nail ola bilməyib.

SEPAH sözçüsü, həmçinin ABŞ-nin Fars körfəzi və Hörmüz boğazı ilə bağlı məqsədlərinə çatmaqda çətinlik çəkdiyini deyib.

visiontv.az

Layihəyə əsasən, növbəti ildə uşağın doğulmasına görə ödəniləcək məbləğin 1500 manat olması nəzərdə tutulur.

Qeyd edək ki, 2026-ci ildə sözügedən məbləğ 600 manat olub. Bu isə 900 manat artım deməkdir.

visiontv.az

"Bu əlamətdar tarixlər münasibətilə hazırlanan videoçarx radiodan başlayan bir əsrlik inkişaf yolunu özündə əks etdirir", - məlumatda qeyd olunub.

visiontv.az

visiontv.az

Bəzi nümayəndələr hesab edirlər ki, İsrail bu təhlükə barədə məlumatlardan  ABŞ Prezidenti Donald Tramp administrasiyasını İrana qarşı genişmiqyaslı hərbi əməliyyatları bərpa etməyə inandırmaq üçün istifadə edir. İsrail kəşfiyyat məlumatlarını Fars körfəzi ölkələri ilə də bölüşüb.

İsrail xüsusi xidmət orqanlarının qiymətləndirməsinə görə, İran kimyəvi silahların raketlərə yerləşdirilməsi və ya onların digər ölkələrə gizli şəkildə çatdırılması texnologiyalarının hazırlanmasını sürətləndirib.

visiontv.az

Belə ki, üç yaşınadək uşağa qulluğa görə bir nəfərə düşən məbləğ 37.58 manatdan 100 manata qaldırılır.

visiontv.az

Hökumət mollası bu razılaşmanın İranın Avropaya çıxışına mane ola biləcəyini, həmçinin ABŞ və NATO-nun Mərkəzi Asiyada və İranın şimal sərhədləri yaxınlığında mövqelərini gücləndirməsinə şərait yaradacağını iddia edib. O, Ermənistan hakimiyyətini xarici qüvvələrə təhlükəsizlik sahəsində geniş imkanlar verməkdə günahlandırıb və Tehranın buna razı olmayacağını vurğulayıb.

Çıxışının davamında Azərbaycan və Ermənistan xalqlarına müraciət edən molla İranın qonşuları üçün problem yaratmaq istəmədiyini bildirib.

O, İran ərazisində inşa edilən Araz magistral yolunun Azərbaycan və onun ayrılmaz hissəsi olan Naxçıvan arasında əlaqəni asanlaşdırmaq məqsədi daşıdığını deyib. Onun sözlərinə görə, Ermənistan hakimiyyəti qonşuluq münasibətlərinə hörmət etməli və ABŞ ilə razılaşmanın bölgədəki nəticələrini nəzərə almalıdır.

Ərdəbilin cümə imamı, eləcə də Ermənistanla Azərbaycan arasında sülh məsələsinə toxunaraq, Bakı və İrəvan arasında razılaşmanın əldə olunması üçün Ermənistan Konstitusiyasına dəyişiklik edilməsinin vacibliyini bildirib.

visiontv.az

Şöbə müdiri azad edilmiş ərazilərdə və Bakıda sağlamlıq turizmi üzrə görünən işləri qeyd edib: "Məhz sağlamlıq turizmi fəaliyyəti ilə məşğul olacaq müxtəlif hotellərin artıq tikintisinə başlanılıb və növbəti illərdə onların açılış olacaq. Kəlbəcər və Zəngilanda bu cür hotellər fəaliyyətə başlayır. Eyni zamanda Bakıda da gələcəkdə tibbi turizmlə məşğul olan xəstəxanaların cəmləşdiyi bir ərazi formalaşdırılacaq. Yəni bu istiqamətdə addımlar atılmaqda davam edir. Bu, bir günün prosesi deyil. Burada həm yerli, həm də xarici tərəfdaşlarla birgə əməkdaşlıq tələb olunur".

visiontv.az

Layihəyə əsasən, Azərbaycan mədəniyyətinin televiziya vasitəsilə dünya ictimaiyyətinə çatdırılması, teatr və kino sahələrinin inkişafı məqsədilə tədbirlərin maliyyələşdirilməsi üçün 13,3 milyon manat, Mədəniyyət Nazirliyinin mərkəzləşdirilmiş mədəniyyət tədbirləri üzrə isə 26,8 milyon manat vəsait proqnozlaşdırılıb.

Bununla yanaşı, teatr və konsert müəssisələrinin fəaliyyətinin maliyyələşdirilməsi üçün 51,6 milyon manat, Nizami Gəncəvi Beynəlxalq Mərkəzinin fəaliyyəti üçün 3,4 milyon manat, Mədəniyyət Nazirliyinin tabeliyində fəaliyyət göstərən Kino  Agentliyinin və Dövlət Film Fondunun saxlanılması üçün isə 3,1 milyon manat vəsait nəzərdə tutulub.

Həmçinin incəsənət xadimlərinə dövlət qayğısının artırılması və səhnə sənətinin inkişafı məqsədilə 150 nəfər üçün Prezident mükafatlarının verilməsinə 0,9 milyon manat ayrılması proqnozlaşdırılıb.

visiontv.az

Mustafa Kamalın Karlsbad günləri yalnız müalicə ilə keçmirdi. Həkimi doktor Vermer onun üçün xüsusi müalicə proqramı hazırlamışdı: mineral sular, palçıq vannaları, istirahət və gündəlik gəzintilər. Ancaq paşa vaxtını təkcə müalicəyə sərf etmirdi. Fransız və alman dillərini təkmilləşdirmək üçün dərslər alır, fransızca kitablar oxuyur, şəhərdəki türk ailələri ilə görüşür, Osmanlı imperiyasının gələcəyi haqqında söhbətlər edirdi. Müharibə davam etsə də, onun düşüncələrində artıq müharibədən sonrakı cəmiyyətin necə qurulacağı məsələsi mühüm yer tuturdu.

Karlsbad günlərindən geriyə altı dəftər qaldı. “Geçen Günlerim” adlandırdığı, Osmanlı türkcəsində və fransızca yazdığı 158 səhifəlik bir gündəlik. Altıncı dəftərin yalnız bir səhifəsi yazılmışdı – o da Karlsbaddan Vyanaya qayıtdığı gün. Burada müalicə günləri, oxuduğu kitablar, türk ailələri ilə görüşlər, vətənin gələcəyi, ordu və müharibə haqqında söhbətlər var.

Ancaq dəftərlərin ən maraqlı səhifələri onun cəmiyyətin gələcəyi haqqında düşüncələridir. Mustafa Kamal Avropa qadınlarının ictimai həyatda daha sərbəst iştirakını görür, qadının təhsili və cəmiyyətdəki yeri haqqında fikirlərini açıq ifadə edirdi. O, qadınların azadlığı məsələsində cəsarətli davranmağın vacibliyini vurğulayırdı. Hətta 6 iyul 1918-ci il tarixli qeydlərində geniş səlahiyyət sahibi olacağı təqdirdə ictimai həyatda arzuladığı dəyişiklikləri bir anda həyata keçirmək istəyindən bəhs edirdi.

Bu düşüncələrin sonrakı Cümhuriyyət islahatlarına nə qədər təsir etdiyini dəqiq ölçmək çətindir. Ancaq illər sonra həyata keçiriləcək dəyişikliklərin bəzi ideya izləri həmin dəftərlərdə artıq görünür. Qadın hüquqları, cəmiyyətin modernləşməsi, köhnəlmiş ictimai qaydaların dəyişdirilməsi – bütün bunlar gələcək Türkiyənin qurucusunu hələ 1918-ci ilin yayında düşündürürdü. Karlsbadın sakit yay günlərində yazılan bu sətirlər sonradan böyük tarixi məna qazanacaqdı.

Ancaq Avropanın bu kiçik kurort şəhərindəki günlər də sona çatırdı. İyulun 3-də Osmanlı sultanı V Mehmed Rəşad vəfat etdi. Ertəsi gün taxta VI Mehmed Vahidəddin çıxdı. Mustafa Kamal yeni sultanı yaxşı tanıyırdı: bir il əvvəl onunla birlikdə Almaniyaya səfər etmişdi. Saraydan gələn çağırış paşanın İstanbula dönüşünü sürətləndirdi. İyulun 27-də Karlsbaddan ayrıldı, avqustun əvvəllərində isə Osmanlı paytaxtına qayıtdı. Müalicədən gözlədiyi nəticəni tam almamışdı. Qarşıda onu yeni hərbi və siyasi hadisələr gözləyirdi.

Gündəliyin sonunda Mustafa Kamal maraqlı bir etiraf edir. Karlsbad xatirələrini olduğu kimi qələmə ala bilmədiyini yazır. Vaxtı çatmayıb, üstəlik, bütün düşüncələrini və şəxsi sirlərini kağıza etibar etməyə tərəddüd edib. Hətta yazdıqlarını da bir gün məhv edə biləcəyini düşünüb.

Ancaq dəftərlər məhv edilməyib.

1931-ci ildə Atatürkün mənəvi qızı, türk tarixçisi və sosioloqu, professor Afət İnan onları Çankayadakı köhnə köşkün kitabxanasında tapıb. Mustafa Kamal həmin dəftərləri yenidən görəndə duyğulanıb və gələcəkdə nəşr olunması üçün ona əmanət edib. Gündəliklər illər sonra, 1983-cü ildə Afət İnanın hazırladığı “M. Kemal Atatürk’ün Karlsbad Hatıraları” adı ilə Türk Tarix Qurumu tərəfindən kitab şəklində nəşr olunub.

Burada Borxesvari bir paradoks var. Dəftərlərin böyük hissəsi ərəb qrafikalı Osmanlı yazısı ilə qələmə alınmışdı. On il sonra, 1928-ci ildə Mustafa Kamalın rəhbərliyi ilə Türkiyə latın qrafikalı yeni əlifbaya keçəcəkdi. Beləliklə, Karlsbadda öz xatirələrini yazan adam gələcək nəsillərin əksəriyyətinin oxuya bilməyəcəyi hərflərdən istifadə edirdi. Xatirələrini bir gün məhv edə biləcəyini düşünən Türkiyə Cümhuriyyətinin qurucusu sonradan həmin xatirələrin yazıldığı əlifbanın dəyişdirilməsinə rəhbərlik edəcəkdi.

Əlifba dəyişdi, dəftərlər qaldı. Bir insanın unutmağa razı olduğu şeylər bəzən tarixin yaddaşında daha uzun yaşayır.

***

Karlovı Varıda Atatürkün xatirə lövhəsi asılmış binanı asanlıqla tapdıq.

Ünvanı soruşduğumuz hər kəs oranı Atatürkün adı ilə tanıyırdı. Telefonumu çıxarıb lövhənin şəklini çəkərkən qəribə bir həyəcan keçirdim. Çünki Atatürk mənim üçün yalnız böyük sərkərdə və Türkiyə Cümhuriyyətinin qurucusu deyil, XX əsrin tarixində ağlın, iradənin və tərəqqinin nələrə qadir olduğunu göstərən müstəsna şəxsiyyətdir. O, məğlub olmuş bir imperiyanın xarabalıqları üzərində müasir, dünyəvi dövlət qurdu, xalqının taleyini dəyişdirdi, bütöv bir millətin gələcəyə baxışını yenilədi.

Mən onun böyüklüyünü yalnız qazandığı zəfərlərdə deyil, elmə, təhsilə, qadın azadlığına və insan düşüncəsinə verdiyi dəyərdə görürəm. Bir azərbaycanlı olaraq Atatürkə sevgim təkcə qardaş Türkiyəyə məhəbbətimdən doğmur; bu sevginin kökündə onun təmsil etdiyi ideallara dərin hörmət dayanır. O gün Karlsbadda bir binanın şəklini çəkirdim, ancaq qarşımda gördüyüm bir əsr əvvəl burada yaşamış böyük insanın tarixdə qoyduğu iz idi.

P.S. Mirliva – Osmanlı ordusunda general rütbəsi; müasir Azərbaycan ordusundakı qarşılığı general-mayordur.

İbrahim Nəbioğlu

visiontv.az

“Biz ölkəmizin rifahını təmin etmək üçün demokratlarla əməkdaşlıq edəcəyik. Bu, çox vacibdir. Mən iki il ərzində sadəcə oturub hər şeyə veto qoymaq istəmirəm”, – ABŞ Prezidenti vurğulayıb.

visiontv.az

Koşki İsrailin İran ərazisindəki həssas raket mərkəzlərini və digər strateji obyektləri də dron və başqa vasitələrlə hədəfə aldığını deyib. O, bu hücumların ictimaiyyətə açıqlanmadığını və onlara cavab verilmədiyini söyləyib.

Ekspert ABŞ-nin hücumu nəticəsində Qasım Süleymaninin öldürülməsindən sonra İranın yalnız məhdud cavab verdiyini xatırladıb. Onun fikrincə, bu cür reaksiyalar qarşı tərəfdə İranın çəkindirmə iradəsinin olmadığı qənaətini yaradıb.

visiontv.az

Nəşr yazır ki, qırıcılardan yalnız biri uçuşa tam yararlıdır. İstismar müddəti başa çatmış ikinci təyyarədən isə Ukrayna tərəfi ehtiyat hissəsi kimi istifadə edəcək.

Polşa 2022–2023-cü illərdə Ukraynaya müxtəlif texniki vəziyyətdə olan daha 14 ədəd MiQ-29 ötürmüşdü.

Yeni yardım paketinə qırıcılarla yanaşı, 152 mm və 155 mm-lik artilleriya mərmiləri, Rusiya dronlarına qarşı effektiv olan F-16 döyüş sursatları və qısa mənzilli "Piorun" zenit-raket kompleksləri də daxildir.

visiontv.az

Mənbələr belə bir hücumun Tehranın sərt cavabına səbəb olacağını bildiriblər. BƏƏ-dən olan bir diplomat isə hərbi əməliyyatların yeni mərhələsi ehtimalının region ölkələrini ən pis ssenariyə hazırlaşmağa vadar etdiyini deyib.

Daha öncə ABŞ prezidenti Donald Tramp noyabrın 3-də keçiriləcək aralıq Konqres seçkilərinədək İrana zərbə endirmək niyyətində olmadığını bildirmişdi.

visiontv.az

Xatırladım ki, Artemis III əvvəlcə yarım əsrdən sonra insanı yenidən Ay səthinə endirəcək missiya kimi düşünülmüşdü. Lakin bu ilin fevralında NASA-nın yeni rəhbəri Cared Ayzekmen proqramı yenidən qurdu. Enmə Artemis IV-ə, yəni 2028-ci ilə keçirildi, Artemis III isə nəhəng bir baş məşqə, 2027-ci ildə Yer orbitində keçiriləcək 14 günlük sınağa çevrildi.

Bu məşqin mahiyyəti nədir?

NASA tarixində ilk dəfə üç fərqli kosmik gəmi üç fərqli ağır raketlə qısa fasilələrlə orbitə çıxacaq və bir-biri ilə rəqs edəcək. Əvvəlcə Blue Origin şirkəti Blue Moon Mark 2 ay modulunun sınaq nüsxəsini təxminən 440 kilometr hündürlüyə çıxaracaq. Bu modul orbitdə 30 günədək gözləyə bilər, sanki fəzada qonaqlarını gözləyən boş bir ev. Bir neçə gün sonra Floridadan SLS raketi Orion kapsulunu dörd astronavtla birlikdə göyə qaldıracaq: komandir Rendi Breznik, Avropa Kosmik Agentliyinin italyan astronavtı Luka Parmitano, ən uzun kosmik uçuş rekorduna sahib amerikalı Frank Rubio və ilk dəfə uçacaq Andre Duqlas.

Orion Blue Moon-a yanaşıb birləşəcək, ekipaj lyuku açıb modulun içinə keçəcək və təxminən iki gün orada qalacaq. Havanı, təzyiqi, idarəetmə panellərini, həyat təminatı sistemlərini öz bədənləri ilə sınayacaqlar.

İkinci pərdə: SpaceX-in Starship gəmisi bir qədər aşağı orbitə çıxacaq. Orion onun burnundakı xüsusi qovşağa birləşəcək, bu dəfə cəmi iki saatlıq və ekipaj içəri keçmədən. Məqsəd iki tamamilə fərqli memarlığın Orionla necə “danışdığını” anlamaqdır.

Qalan günlər elmə ayrılıb: hüceyrə biologiyası təcrübəsi, orbitə aparılan bitki toxumları, Yer və Günəş müşahidələri, hətta Missiya Mərkəzi ilə əlaqə kəsiləndə astronavtların öz sağlamlıqlarını necə yoxlayacağına dair sınaq. Sonda Orion Sakit okeana, Kaliforniya sahillərinə enəcək.

1969-cu ilin martında, Nil Armstronqdan cəmi dörd ay əvvəl, Apollon 9 da Yer orbitində məhz bu cür məşq etmişdi: ay modulu ilə kapsulun ilk birləşməsini. Deyirlər, tarix özünü təkrarlamır, amma qafiyələnir. Yarım əsr sonra NASA eyni qafiyəyə qayıdır. Fərq ondadır ki, bu dəfə ay modulları dövlətin deyil, iki milyarderin, Mask və Bezosun şirkətlərinin məhsuludur. Bu, sadəcə texniki detal deyil: kosmos artıq təkcə dövlətlərin deyil, kapitalın da coğrafiyasına çevrilir.

Risk də var. May ayında Blue Origin-in New Glenn raketi buraxılış meydançasında sınaq zamanı partladı və şirkətin vaxtında hazır olub-olmayacağı sualı hələ də açıq qalır.

Məncə, bu planın ən gözəl tərəfi təvazökarlığıdır. İnsan Aya addım atmazdan əvvəl qapını necə döyəcəyini, kandarda necə dayanacağını öyrənir. Çünki ən böyük addım atılmazdan əvvəl yüz dəfə məşq edilən addımdır.

İbrahim Nəbioğlu

visiontv.az

Tehranla yanaşı, Şiraz, Məşhəd və Buşehrdə də bayram geyimləri və makiyajı ilə küçələrə çıxan insanların görüntüləri yayılıb.

Bu görüntülər İranın rəsmi qurumların Halloween ilə əlaqəli mərasim və toplantıları qadağan etdiyi barədə açıqlamasından sonra yayılıb. Qərara əsasən, kafe, restoran və digər ticarət obyektlərinə Halloween mövzulu məhsulları reklam etmək və satmaq da qadağan edilib. Qurumlar qaydaları pozan obyektlərin bağlanacağı və cavabdeh şəxslərin məhkəmə orqanlarına təhvil veriləcəyi barədə xəbərdarlıq edib.

visiontv.az

Çox nadir hallarda atmosferdəki müəyyən ölçülü vulkan külü və tüstü zərrəcikləri qırmızı işığı daha güclü səpərək mavi şüaların keçməsinə imkan verir və Ay mavimtıl görünür. Milyardlarla ildir Yer üzünə eyni üzünü göstərən Ay sanki hər gecə başqa bir libas geyinir.

Bəlkə də Ayın ən böyük romantikası elə bundadır: özü dəyişmədən, ona baxanların dünyasını dəyişir.

visiontv.az

Bildirilib ki, qeyd olunan müddətdə Kərəcin Qızılhisar həbsxanası 13 edam hökmünün icrası ilə birinci yerdə dayanır.

visiontv.az