Bağla
Axtarış sözünü daxil edin
Azərbaycan və Özbəkistan arasında əməkdaşlığın genişlənməsi Orta Dəhlizin əhəmiyyətini daha da artırır.
Bunu öz açıqlamasında gürcüstanlı politoloq, "Vahid Neytral Gürcüstan" partiyasının icraçı katibi Vato Şakarişvili bildirib.
Onun sözlərinə görə, dünyada gedən müharibələr fonunda təchizat zəncirləri və ənənəvi nəqliyyat marşrutları əhəmiyyətli dərəcədə dəyişib. Əvvəl mövcud olan ənənəvi marşrutlar ya faktiki olaraq fəaliyyət göstərmir, ya da artıq sabit və təhlükəsiz hesab edilmir. Bu vəziyyət isə Cənubi Qafqazın, xüsusilə Orta Dəhlizin əhəmiyyətini artırır.
"Gürcüstan və Azərbaycan bu imkanla maksimum hazırlıqlı şəkildə qarşılaşmağa çalışır və bu istiqamətdə investisiyalar həyata keçirirlər. Həmçinin müxtəlif xidmətləri inkişaf etdirirlər ki, marşrut bütövlükdə "vahid pəncərə" prinsipi əsasında qurulsun, elektron xidmətlər olsun, təhlükəsiz və vaxt baxımından səmərəli olsun. Məqsəd bu istiqamətdən istifadə edənlərin sayını daha da artırmaqdır", - deyə Şakarişvili qeyd edib.
Politoloq Mərkəzi Asiya ölkələrinin Orta Dəhlizə marağının artdığını vurğulayıb. O bildirib ki, Azərbaycan-Özbəkistan münasibətlərinin inkişafı ilə yanaşı, həm Gürcüstanla Mərkəzi Asiya ölkələri, həm də Azərbaycanla region dövlətləri arasında əməkdaşlıq genişlənir.
Şakarişvilinin sözlərinə görə, Gürcüstan tərəfdaşlıq və əməkdaşlığı daha da gücləndirməyə hazırdır.
"Bizim partiyanın və düşünürəm ki, bütövlükdə, ölkənin qarşısında duran vəzifə ondan ibarətdir ki, Gürcüstan qarşıdurmalar poliqonu əvəzinə əməkdaşlıq və kooperasiya platformasına çevrilsin. Biz bu ideyaya sadiqik və görürük ki, Azərbaycan hakimiyyəti tərəfindən də eyni yanaşma mövcuddur", - deyə o əlavə edib.
visiontv.az
Səfir: İmzalanan müqavilələr Özbəkistan-Azərbaycan müttəfiqliyinin inkişafını əks etdirir
