Bağla
Axtarış sözünü daxil edin
Azərbaycan “yaşıl hidrogen” təchizatçısı olmaq imkanlarına malikdir
Azərbaycan əlverişli, təhlükəsiz və "təmiz enerji” sisteminə keçidin mühüm komponenti olan “yaşıl hidrogen”in təchizatçısı olmaq imkanlarına malikdir.
Visiontv.az "APA-Economics"-ə istinadən xəbər verir ki, bu barədə energetika naziri Pərviz Şahbazov özünün "X" sosial şəbəkəsindəki paylaşımında qeyd edib.
“Əbu-Dabidə Yaşıl Hidrogen Sammitində Azərbaycanın dekarbonizasiya və ixrac məqsədilə Yaşıl Hidrogenin inkişafı ilə bağlı siyasəti, beynəlxalq enerji şirkətlərilə əməkdaşlığı, “Xəzər-Qara dəniz-Avropa”, “Mərkəzi Asiya-Azərbaycan-Avropa” yaşıl enerji dəhlizlərinin yaradılması üzrə fəaliyyətindən danışdıq. Azərbaycan əlverişli, təhlükəsiz və "təmiz enerji” sisteminə keçidin mühüm komponenti olan “yaşıl hidrogen”in təchizatçısı olmaq imkanlarına malikdir”, - paylaşımda qeyd olunur.
visiontv.az
