23.010.2019
Axtar
Bürclər
alt

03.10.2019 Bürclər sizə nələr vəd edir?

Qoç
Kifayət qədər gərgin gündür. Yalnız özünüzə inam sizi stress və təlaşdan qurtaracaq. Siz rəhbərliyin, həmkarların, yaxınların məsləhət və təkliflərini rədd edəcəksiniz. Ulduzlar uğur qazanmaq üçün belə hərəkət etməyin vacib olduğunu bildirir. Ən yaxın adamınıza da diqqət və qayğı ayırın.

Buğa
Işgüzar görüşlər romantik görüşdən daha yaxşı keçəcək. Buna baxmayaraq, sevdiyiniz adamın sizə yaxşı xəbəri də olacaq. Prinsipial məsələlərdə isə fikir ayrılığı özünü göstərəcək. Bu sferada sülhü saxlamaq çətin olacaq. Yaxşı olar ki, məntiqlə hərəkət edəsiniz.

Əkizlər
Məhsuldar gündür. Bu gün qəlbinə toxunacağınız adam düşmənə çevrilə bilər. Yaxınlarının əhatəsində gün keçirən nümayəndələrin şəxsi müstəvidə heç bir problemi olmayacaq. Əgər evdə vaxt keçirmək istəyirsinizsə, sevdiklərinizi də sevindirməyi unutmayın.

Xərçəng
Ətrafınızda elə adamlar toplaşacaq ki, siz onlarla uzun müddətli əməkdaşlıq edə biləcəksiniz. Müdriyyətlə də qeyri-rəsmi müstəvidə söhbət edə bilərsiniz. Ailədə sakitçilik hökmranlıq edəcək. Yaxınlarla mübahisə etməyiniz üçün əsas olmayacaq.

Şir
Liderlik xüsusiyyətlərinizi parlaq nümayiş etdirməklə ətrafdakıların diqqətini çəkəcəksiniz. Bundan istifadə edərək mövqeyinizi möhkəmlədə bilərsiniz. Gün ailə-məişət problemlərinin həlli üçün də münasibdir.

Qız
Ehtimal ki, bu gün işdə məhəbbət macərasının təməlini qoyacaqsınız. Bu da sizin həyatınızı kökündən dəyişəcək. Karyera inkişafında da yeni imkanlar açılacaq. Fəaliyyəti şou-biznes, incəsənət aləmilə bağlı olan “Qız”ları əhəmiyyətli uğurlar gözləyir.

Tərəzi
Bu gün danışıqlar aparmaq, seminar və ya konfranslarda iştirak etmək üçün əlverişlidir. Bu sferada yeni tanışlarınızın faydası dəyə bilər sizə. Sizin ən yüksək xüsusiyyətiniz qarşınızdakı adamın kəlmə kəsmədən istəyini müəyyənləşdirməyi bacarmağınızdır. Yeri gələndə bundan öz maraqlarınız üçün faydalanmağı da unutmursunuz.

Əqrəb
Çətin situasiya sizi kömək istəməyə vadar edəcək. Dost-tanışın təsəlli dolu sözləri sizə yetməyəcək. Hərəkətə keçmək üçün başqa metodlar axtarmalı olacaqsınız. Bu gün iştirak edəcəyiniz tədbirlər sizə bəzi problemlərinizi unutduracaq.

Oxatan
Günün ikinci yarısı heç kimlə hesablaşmaq istəmədiyiniz zaman kəsiyidir. Ancaq öz düşündüyünüzü doğru hesab etsəniz də, başqaları ilə aranızda mübahisə düşməyəcək. Xoşbəxtlikdən əhatənizdəkilər sizi dinləməyi bacaracaqlar.

Oğlaq
Qiymətli və aktual informasiya almaq şansınız olacaq. Həmsöhbətinizin kimliyindən asılı olmayaraq fikirləşdiyinizi dilə gətirmək sizin üçün çətin olmayacaq. Astrologiya, fəlsəfə, psixologiya elmləri sahəsində təhsil almaq üçün də əlverişli zamandır. Bir zamanlar sizi cəlb etməyən adamlara gözlənilmədən rəğbətiniz artacaq.

Dolça
Xoş gündür. Günün hadisələrinə müdaxilə etmədən işlərinizi öz axarına buraxın. Yaxınlarla, həmkarlarla və rəhbərliklə də yaxşı dil tapacaqsınız. Ürəyiniz istəyən işlə məşğul olmaq imkanınız yaranacaq. Maraqlı iş təklifi alacagınız da gözlənilir.

Balıqlar
Romantik münasibətlərin gedişatı baxımından çox çətin gündür. Bürcün bəzi nümayəndələri sevgililəri ilə fikir ayrılığı yaşayacaqlar. Qohumlarla əlaqənizi isə möhkəmlədəcəksiniz. Professional nöqteyi-nəzərdən gün neytraldır, uğurlar yalnız sizin qoyduğunuz səydən asılı olacaq.

Şərh