Bağla
Axtarış sözünü daxil edin
İranın Zəncan vilayətində yerləşən Səyadan Əbhər Polad Zavodunun təxminən 280 müqaviləli işçisi iki aydan çoxdur ki, maaşlarını ala bilmirlər və bu da onların dolanışığında ciddi problemlərə səbəb olub.
İranın yarı-rəsmi İLNA xəbər agentliyinin məlumatına görə, işçilərdən biri bildirib ki, işəgötürən Çillə gecəsindən əvvəl maaşların ödəniləcəyinə söz versə də, bu vədə əməl etməyib. Zavod rəhbərliyi bu gecikmənin səbəbini maliyyə vəsaitlərinin çatışmazlığı ilə izah edir, lakin işçilər istehsal və məhsul satışında heç bir problemin olmadığını iddia edirlər.
Son həftələrdə Təbriz və Miyana kimi digər şəhərlərdə də işçilər maaşlarının ödənilməməsi səbəbindən tətil və etiraz aksiyaları keçiriblər.
İranda iqtisadi və istehsal sahəsindəki problemlər bəzi işəgötürənləri maliyyə böhranı ilə üz-üzə qoyub və onlar işçilərin maaşlarını vaxtında ödəyə bilmirlər.
Bu istiqamətdə, son aylarda İsfahan, Tehran, Savadkuh və Damğanda polad təqaüdçüləri də toplaşaraq, hüquqlarının bərabərləşdirilməsi və yığılmış tələblərinin ödənilməsini tələb ediblər.
Bu etirazlar, polad sənayesində çalışan işçilər və təqaüdçülər arasında dolanışıq vəziyyətindən və maaşların və tələblərin gecikməsindən narazılığın geniş yayıldığını göstərir.
visiontv.az
