Bağla
Axtarış sözünü daxil edin
İsrail hərbi kəşfiyyatının İran bölməsinin keçmiş rəhbəri Dennis Citrinoviç İranın hazırkı vəziyyətini yenidən hərbi qarşıdurmaya səbəb ola biləcək “strateji dilemma” kimi xarakterizə edib.
Keçmiş rəsmi, belə müharibəyə girmək çox təhlükəlidir, lakin bu baş verərsə, növbəti müharibənin başlanğıc nöqtəsi əvvəlki müharibənin sonundakı intensivlik səviyyəsində olacaq.
Citrinoviç “İsrail Hum” qəzetinə müsahibəsində vurğulayıb ki, bir sıra faktorlar İran rejimini durğunluğa gətirib çıxarıb: İsraillə son müharibə, İranın bölgədəki proksi şəbəkəsinin səmərəsizliyi, su böhranı, artan daxili təzyiqlər və Avropanın “tətik” mexanizmini işə salması təhlükəsi.
“Hazırda şahidi olduğumuz elə bir durumdur ki, İran hələ də bu problemləri aradan qaldırmaq üçün effektiv yol tapmayıb”.
Citrinoviç İranın ənənəvi çəkindirmə gücünün zəifləməsinə toxunaraq əlavə edib: “Tehranın raket və hava hücumundan müdafiə imkanlarını bərpa etmək səyləri prioritetdir, lakin bu məqsədə çatana qədər onun nüvə proqramı ilə bağlı strateji qərarlar təxirə salınacaq”.
Keçmiş İsrail hərbi kəşfiyyat rəsmisi həmçinin İran İslam Respublikasının proksi şəbəkəsinin yenidən qurulması ilə bağlı xəbərdarlıq edərək deyib: “Lübnan və İraqda İrana bağlı qüvvələrə ağır zərbələr endirməsinə baxmayaraq, Tehran əvvəlki effektivlikdə olmasa belə, bu infrastrukturu bərpa etməyə çalışır”.
visiontv.az
