Bağla
Axtarış sözünü daxil edin
Birinci Qarabağ müharibəsində itkin düşmüş, hələ də taleyi barədə heç bir məlumat olmayan şəxslərin ailə üzvlərinin bir qrupu Ağdam, Xocalı, Xankəndi və Şuşa şəhərinə səfər edib.
Visiontv.az APA-ya istinadən xəbər verir ki, “Qarabağ İtkin Ailələri” İctimai Birliyinin xətti ilə itkin ailələri (40 nəfərdən ibarət heyət) öncə Ağdam şəhərində Şəhidlər xiyabanını ziyarət ediblər.
Sonra heyət Xocalı rayonuna gələrək müharibə illərində itkin düşmüş, lakin sonradan nəşləri tapılaraq Xocalı ərazisində dəfn edilmiş şəhidlərin məzarını ziyarət edib.
Daha sonra itkin ailələri Xankəndi şəhərində olub. Onlar Zəfər meydanında itkin düşmüş doğmaları barədə mediaya məlumat verib, onların taleyi barədə məlumatların açıqlanması üçün beynəlxalq təşkilatlara müraciət ediblər.
Heyət daha sonra Şuşa şəhərini ziyarət edib.
