ABŞ Rusiya sülhməramlı qüvvələrinin Qarabağdan çıxarılmasına qəribə və riyakar mövqe ortaya qoyub. Vaşinqton Rusiya sülhməramlı qüvvələrinin Qarabağdan çıxmasına mənfi münasibət bildirməklə, bir növ onların getməsinə təssüflə qarşılayıb. Rusiyani iddiham edib.

Azərbaycan Ermənistan və Rusiya arasında 10 noyabr Birgə Bəyannaməsi qüvvədən düşüb. Azərbaycan 2023-cü ildə anti-terror əməliyyatından sonra, yerdə şərtlərin dəyişməsi, artıq Rusiya sülhməramlı qüvvələrinin Qarabağdan çıxması, bu bəyannamə qüvvədən düşmüş sayılır. İlk gündən Ermənistan və Rusiya üçtərəfli bəyannaməyə əməl etmədi.

Türkiyə Cümhuriyyət Xalq Partiyasının (CHP) sədri Özgür Özər Avropa Şurasında səs vermə hüququnun təmin edilməsi üçün Azərbaycanı müdafiə edərək, bunun özləri üçün önəmli olduğunu vurğulayıb. Qardaş ölkənin əsas müxalifət partiyası CHP -nin Azərbaycana qarşı mövqeyində müsbət dəyişikliklər baş verir.

Azərbaycan öz müstəqillik tarixində üçüncü dəfə Rusiya hərbçilərini problemsiz ölkədən çıxarır.Rusiya Qarabağdan sülhməramlı qüvvələrini çıxarılmasını təsdiqlədi. Rusiya sülhməramlı qüvvələri Qarabağda ermənilərin təhlükəsizliyi təmin etmək üçün dəvət olunmuşdu.

Rusiyanın hücumları, taktiki uğurlar əldə etməsi Ukrayna ordusunda ruh düşkünlüyü və geri çəkilmə ilə nəticələnir. ABŞ-da prezident seçkiləri öncəsi Kongresin Ukraynaya yardımları təsdiq etməməsi, Avropanın vahid mövqeyinin olmaması V. Putini kifayət qədər cəsarətləndirib.

Ermənistanla Parlamentin iclasında N. Paşinyan çıxış edərək dörd kəndin Azərbaycana qaytarılmasına qarşı olmadığını və delimitasiya-demarkasiya başlanmasını təhlükəsizlik üçün vacib olduğunu qeyd edib. Amma, dörd kəndin nə vaxt qaytarmaq olduğunu vaxtını elan etmədi. Ardınca, Ermənistanın Nerkin kəndi istiqamətində Azərbaycan sərhədçiləri atəşə tutulub və bir həbiçimiz yaralanıb. Bu kənd Rusiya hərbçilərinin məsuliyyət zonasında olmalıdır. Və sərhəddə "Yerkrapa" könüllü hərbi təşkilatı dayanır.

Ukraynanın iki yerə bölünmək təhlükəsi var. Rusiya şərqdə Donbas və Luqansk ləğv edib, yeni Ukrayna dövləti elan edə bilər. Qərbdə bəzi liderlər Ukraynada təhlükəsizlik buferi yaratmaq üçün Ukraynanın iki yerə bölünməsində maraqlıdır. Hesab edirlər ki, Rusiya bununla dayanacaq.

İran parlamentinin deputatı İsrailin Suriyada İran konsulluğunu raketlə vurmasına cavab olaraq Azərbaycanda İsrail səfirliyini vurmasını təklifini irəli sürüb. Uzun illər İsrailin Azərbaycanda səfirliyi İranın terror təhdidi ilə üzləşib. İran deputatı müstəqil şəkildə bu fikiri irəli sürə bilməz. İranlı deputat Tehran rejiminin mesajını irəli sürür. Bununla İran Azərbaycanı hədəfə gətirir.

Ermənistanda keçmiş separatçıların başçısı S.Şahramanyan Fransanın "Figaro" qəzetinə müsahibəsində özünü "Mühacirətdə olan Qarabağ hökumətinin" başçısı kimi təqdim edib. Qeyd edim ki, S. Şahramanyanın özü ötən ilin sentyabrında separatçı Qarabağ qurumlarının buraxılması barədə sərəncam vermişdi. Onun fəaliyyətə keçməsi əsasən erməni lobbisinin tapşırığı ilə hərəkətə keçməsidir.

Azərbaycan və Ermənistan arasında sülh müqaviləsinin bağlanması istiqamətində ABŞ-Türkiyə birgə işləyəcək. ABŞ-ın Cənubi Qafqaz üzrə xüsusi nümayəndəsi Lui Bono regiona səfər edərək Ermənistan və Azərbaycanda oldu. Lui Bononun regiona səfərinin təkcə ABŞ deyil, ABŞ Türkiyə birgə formatının nümayəndəsi kimi də xarakterizə etmək olar. L. Bononun regiona səfəri əsasən, Ermənistana Türkiyənin vasitəçiliyini qəbul etdirmək, həmçinin ABŞ və Türkiyənin birgə təşəbbüsü formatında sülh danışıqlarına başlanmasını hər iki tərəflə razılığa gəlməyə nail olmaqdır.

Ermənistanın Qərb ölkələri ilə əməkdaşlığını inkişaf etdirməsi, paralel olaraq bu ölkədə kəşfiyyat orqanlarının fəaliyyətinin genişləndirilməsinə gətirib çıxarır. ABŞ, Fransa və digər ölkələrin hərbi və kəşfiyyat təlimatçıları Ermənistanda yerləşməklə müxtəlif adlar altında Ermənistanda işini təkmilləşdirib, regionda fəaliyyətlərini genişləndirəcəklər. Ermənistanda Qərbin əsas hədəfi Rusiya və İrandı.