"Jandarm qüvvələrinin 30 vilayətdə İŞİD terror qruplaşmasına qarşı icra etdiyi əməliyyatlar nəticəsində 104 şübhəli şəxs saxlanılıb. İstintaq zamanı məlum olub ki, həmin şəxslər təşkilatla əlaqədar insanlar və qondarma xeyriyyə fondları vasitəsilə İŞİD-ə maddi yardım göstərib, həmçinin sosial platformalarda terror təşkilatının təbliğatını aparıblar", - deyə qurumun bəyanatında qeyd olunub.

Axtarış və əməliyyat tədbirləri xüsusilə İstanbul, Antalya, Bursa, Konya və digər bölgələri əhatə edib.

visiontv.az

"Trading Economics" portalı bildirir ki, analitiklər bu göstəricinin maksimum 8.2 faizə qədər artacağını proqnozlaşdırırdılar.

"Insee"nin hesabatına əsasən, işsizliyin bundan daha yüksək səviyyəsi (9 faiz) 2020-ci ilin üçüncü rübündə müşahidə olunub.

Hesabat dövründə Fransada işsiz insanların sayı 62 min nəfər artaraq 2 milyon 677 min nəfərə çatıb. O cümlədən, 15-24 yaşlı gənclər arasında işsizlik 21.6 faiz (740 min nəfər) təşkil edib. 25-49 yaş kateqoriyasında isə bu göstərici 7.5 faizə (1 milyon 387 min nəfər) bərabər olub ki, bu da 2021-ci ilin birinci rübündən bəri qeydə alınan ən yüksək rəqəmdir.

visiontv.az

Onun sözlərinə görə, Tehran yeni zərbələrə məruz qalmaq istəmir.

"Onlar razılaşma əldə etmək istəyirlər. Baxın, aydındır ki, zərbə almaq istəmirlər. Onlar razılaşma istəyirlər. Görək necə olacaq", – ABŞ Prezidenti vurğulayıb.

Qeyd edək ki, Tramp bu açıqlamanı  ABŞ-la İran arasında Hörmüz boğazı ətrafında danışıqların davam etdiyi və tərəflər arasında mümkün razılaşma ilə bağlı xəbərlərin yayıldığı bir vaxtda səsləndirib.

visiontv.az

Avqustun 8-nə həmin prefekturaların hava limanlarından yola düşən 320-dən çox reysin ləğv edildiyi artıq təsdiqlənib. Bundan başqa, avqustun 9-da Naha hava limanına gələn və ya oradan yola düşən reyslər də daxil olmaqla üç reys ləğv edilib.

Aviaşirkətlər ləğv edilmiş reyslərin sayının arta biləcəyini istisna etmirlər.

Ölkənin meteorologiya xidməti xəbərdarlıq edib ki, qasırğa Okinava və  Amami adalarına yaxınlaşır. Bəzi rayonlarda 4-cü səviyyəli təhlükə xəbərdarlığı elan olunub.

visiontv.az

Kipr türklərinin liderinin sözlərinə görə, BMT Baş katibinin təşəbbüsü bufer zonasından başlayaraq adadakı bütün minaları təmizləmək idi ki, bu da Kiprdə etimadın qurulması istiqamətində əhəmiyyətli addım olardı.

“Türk tərəfi təklifi dəstəklədi, yunan Kipri administrasiyasının rəhbəri Nikos Xristodulides isə bundan imtina etdi”, - deyə Erhürman qeyd edib. O, Kiprin minalardan təmizlənməsi məsələsinin uzun müddətdir BMT hesabatlarının mövzusu olduğunu xatırladıb.

ŞKTC Prezidenti, həmçinin  Antonio Quterreşin Kiprin iki hissəsi arasında yeni sərhəd-keçid məntəqələrinin açılması, qanunsuz miqrasiya və təbii fəlakətlərlə mübarizə üzrə birgə səylər göstərilməsi barədə mövqeyindən danışıb.

“Əsas müzakirələr hazırda yeni sərhəd-keçid məntəqələrinin açılmasına yönəlib. Gündəlikdə duran digər məsələlərlə bağlı da fikir ayrılıqları var”, - deyə siyasətçi bildirib.

visiontv.az

Məlumata əsasən, Rusiya hərbçiləri bu briqadanı qeyri-nizami hesab edilən bir neçə "könüllü" bölmənin, o cümlədən Maksim Krivonos və  Aleksey Berest adına taborların, həmçinin  Aleksandr Matrosov, Martin Puşkar və Slobodskoy adına dəstələrin birləşdirilməsi nəticəsində formalaşdırıb. Bildirilir ki, bu qruplaşmaların hamısı qismən ukraynalı əsirlərdən və ya Rusiyanın tərəfinə keçdiyi deyilən ukraynalı əsgərlərdən ibarətdir.

Bir rusiyalı hərbi bloqer sözügedən yeni briqadanın ukraynalı hərbi əsirlərdən ibarət olduğunu təsdiqləyib. Müharibənin Öyrənilməsi İnstitutu Rusiyanın ukraynalı əsirlərdən ibarət döyüş bölmələri yaratması ilə bağlı ilk məlumatları hələ 2022-ci ilin noyabrında qeydə alıb.

"Rusiyanın ukraynalı hərbi əsirləri döyüş birləşmələrində istifadə etməsi "Hərbi əsirlər haqqında" Cenevrə Konvensiyasının pozulmasıdır. Həmin sənəd əsirlərin onları ələ keçirən tərəfin xeyrinə hərbi əməliyyatlarda iştirakını qadağan edir. Konvensiyaya görə hərbi əsir heç bir halda döyüş zonasında atəş altında qala biləcəyi ərazilərə göndərilə və ya orada saxlanıla bilməz. Eyni zamanda onları sağlamlıq üçün zərərli və ya təhlükəli xarakter daşıyan işlərə cəlb etmək qəti qadağandır", - məqalədə analitiklər qeyd ediblər.

visiontv.az

Onun sözlərinə görə, mühasirənin davam etdirilməsi  ABŞ gəmiləri və hərbi qüvvələri üçün ciddi təhlükələr və itkilər yarada bilər.

“ABŞ davranışını dəyişməlidir. Əks halda biz bu vəziyyətə dözməyəcəyik”, – Rezai qeyd edib.

O vurğulayıb ki, İran Hörmüz boğazında ikinci marşrutun açılmasına heç vaxt icazə verməyəcək.

visiontv.az

Filipp Brün diqqətə çatdırıb ki, Sosialist Partiyasının rəhbərliyi bu qərarı dəyişməsə, o, azgəlirli vətəndaşların partiyadaxili seçkidə iştirakını təmin etmək məqsədilə xüsusi fond yaradacaq.

O hesab edir ki, partiyadaxili seçkidə iştirak haqqı maksimum 5 avro olmalıdır.

Sol siyasi düşərgədə prezident seçkisi ərəfəsində namizədlərin sayının artmasına da münasibət bildirən Brün bunun qarşısını almağın ən yaxşı yolunun partiyadaxili seçki olduğunu deyib. 34 yaşlı siyasətçi özünü xalqın problemlərini dilə gətirən solçuların nümayəndəsi kimi təqdim edərək bildirib ki, onun gündəmində yanacağın bahalaşması, mənzillərin qiymətlərinin artması və dövlət xidmətlərinin vəziyyəti kimi sosial-iqtisadi məsələlər dayanır.

Filipp Brünün sözlərinə görə, geniş ictimaiyyət üçün əlçatan partiyadaxili seçki həm solçu elektoratın birliyini qorumağa, həm də 2027-ci il prezident seçkisi öncəsi güclü vahid namizədin müəyyənləşdirilməsinə imkan verəcək.

visiontv.az

Nazirin sözlərinə görə, 2023-cü ildə SOCAR  ABŞ-nin "McKinsey" şirkəti ilə strateji tərəfdaşlığı çərçivəsində başlanılan və iki il yarım davam edən "SOCAR Karbamid" zavodunda rəqəmsal transformasiya süni intellektin, rəqəmsal platformaların və innovativ texnoloji həllərin əməliyyatların modernləşdirilməsində yaratdığı böyük potensialı nümayiş etdirir.

O bildirib ki, "EnergyAI" platforması, proqnozlaşdırıcı texniki xidmət və müəssisənin ehtiyaclarına uyğunlaşdırılmış rəqəmsal həllər, eyni zamanda SOCAR Rəqəmsal Akademiyası vasitəsilə kadr potensialının gücləndirilməsi nəticəsində istehsal həcmi artıb: "Enerji səmərəliliyi, eləcə də əməliyyatların etibarlılığı yüksəldilib, həmçinin yerli mütəxəssislərin peşəkar inkişafına dəstək verilib. Bu transformasiyanın "McKinsey" şirkətinin rəsmi internet səhifəsində yer alması bir daha onun qlobal əhəmiyyətini göstərir".

M. Cabbarovun fikrincə, bu təşəbbüs SOCAR-ın rəqəmsal transformasiya sahəsində əldə etdiyi mühüm nailiyyətlərə əsaslanır: "Şirkətin Dünya İqtisadi Forumunun (World Economic Forum) "Digital Lighthouse" statusuna üç dəfə layiq görülməsi onu sənaye sahəsində rəqəmsal innovasiyalar üzrə seçilən qlobal liderlər sırasında qərarlaşdıran əhəmiyyətli göstəricidir. "SOCAR karbamid"də qazanılmış təcrübə isə SOCAR-ın digər fəaliyyət istiqamətlərinin, eləcə də  Azərbaycanın sənaye sektorunun rəqəmsal transformasiyası üçün daha geniş miqyasda tətbiq edilə bilən uğurlu model təqdim edir".

visiontv.az

Məlumata görə, Oman müvəqqəti razılaşmanı qəbul edib.

Adı açıqlanmayan İran rəsmisinin sözlərinə görə, razılaşma çərçivəsində Hörmüz boğazında İranın nəzarət edəcəyi yeni giriş marşrutu və Omanın nəzarətində olacaq çıxış marşrutu yaradılacaq.

İranlı rəsmi bildirib ki, hazırkı mərhələdə gəmilərdən boğazdan keçidə görə rüsum və ya ödəniş alınmayacaq.

Mənbənin sözlərinə görə, razılaşmanın rəsmi elanında  ABŞ və BMT-nin Beynəlxalq Dəniz Təşkilatı (IMO) da iştirak edəcək. Lakin bunun nə vaxt baş tutacağı hələ açıqlanmayıb.

visiontv.az

Sərəncama əsasən, Azərbaycan Beynəlxalq İnvestisiya Forumunun uğurlu nəticələrini və formalaşmış əməkdaşlıq əlaqələrini nəzərə alaraq Forumunun mütəmadi əsasda təşkili məqsədilə aşağıdakı tərkibdə Təşkilat Komitəsinin yaradılmasına qərar verilib:

Təşkilat Komitəsinin sədri

Samir Şərifov – Azərbaycan Respublikası Baş nazirinin müavini

Təşkilat Komitəsi sədrinin müavini

Azərbaycan Respublikasının iqtisadiyyat naziri

Təşkilat Komitəsinin üzvləri:

Azərbaycan Respublikasının xarici işlər naziri

Azərbaycan Respublikasının maliyyə naziri

Azərbaycan Respublikasının mədəniyyət naziri

Azərbaycan Respublikasının daxili işlər naziri

Azərbaycan Respublikasının fövqəladə hallar naziri

Azərbaycan Respublikasının səhiyyə naziri

Azərbaycan Respublikasının ekologiya və təbii sərvətlər naziri

Azərbaycan Respublikasının rəqəmsal inkişaf və nəqliyyat naziri

Azərbaycan Respublikasının energetika naziri

Azərbaycan Respublikası Dövlət Gömrük Komitəsinin sədri

Azərbaycan Respublikası Dövlət Şəhərsalma və Arxitektura Komitəsinin sədri

Azərbaycan Respublikası Dövlət Sərhəd Xidmətinin rəisi

Azərbaycan Respublikası Dövlət Miqrasiya Xidmətinin rəisi

Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidmətinin rəisi

Azərbaycan Respublikası Qida Təhlükəsizliyi Agentliyinin sədri

Azərbaycan Dövlət Su Ehtiyatları Agentliyinin sədri

Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət  Agentliyinin sədri

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət  Agentliyinin sədri

Bakı Şəhər İcra Hakimiyyətinin başçısı

Azərbaycan Respublikası Dövlət Neft Fondunun icraçı direktoru

Azərbaycan Respublikası Dövlət Neft Şirkətinin prezidenti

“Azərbaycan Hava Yolları” Qapalı Səhmdar Cəmiyyətinin prezidenti

“Azərenerji” Açıq Səhmdar Cəmiyyəti İdarə Heyətinin sədri

“Azərişıq” Açıq Səhmdar Cəmiyyətinin sədri.

Təşkilat Komitəsinə sentyabrın 25–26-da keçiriləcək ikinci  Azərbaycan Beynəlxalq İnvestisiya Forumunun təşkilini təmin etməsi, Azərbaycan Beynəlxalq İnvestisiya Forumunun keçirilməsi ilə bağlı hər il Tədbirlər Planını hazırlayaraq icrasını əlaqələndirməsi, Forumun təşkili və keçirilməsi ilə bağlı digər zəruri məsələləri həll etmək tapşırılıb.

Bundan başqa, İqtisadiyyat Nazirliyi Təşkilat Komitəsinin Katibliyi funksiyasını həyata keçirəcək.

Nazirlər Kabinetinə Sərəncamdan irəli gələn məsələləri həll etmək tapşırılıb.

visiontv.az

Qeyd edək ki, saziş 2026-cı il mayın 21-də Bakı şəhərində imzalanıb.

visiontv.az

Təyinat Məhəmməd Baqer Zolqadrın istefasından sonra baş tutub.

Daha əvvəl İran KİV yazmışdı ki, İranın ali lideri Müctəba Xamenei Məhəmməd Baqer Zolqadrı vəzifəsindən azad etməyi və onun yerinə öz hərbi müşaviri Mohsen Rezaini təyin etməyi planlaşdırır.

visiontv.az

visiontv.az

Məlumata görə, yeni sanksiyalar Rusiyanın hərbi-sənaye kompleksində fəaliyyət göstərən beş fiziki şəxsi hədəf alır.

Paylaşımda vurğulanıb ki, Ukraynaya qarşı həyata keçirilən hər yeni hücum Rusiyaya təzyiqlərin daha da artırılması üçün əsas yaradır.

visiontv.az

Fərmana əsasən, Azərbaycan Respublikası Media və Yayım Şurasının işçilərinin say həddi 108 ştat vahididir.

Fərmanla  “Azərbaycan Respublikası Media və Yayım Şurasının strukturu” təsdiq edilib.

Fərmana əsasən, “Azərbaycan Respublikasının Medianın İnkişafı Agentliyi” publik hüquqi şəxs ləğv edilib və onun hüquq və öhdəlikləri, habelə əmlakı  Azərbaycan Respublikası Media və Yayım Şurasına verilib.

Nazirlər Kabineti bir ay müddətində  Azərbaycan Respublikası Audiovizual Şurasının və “Azərbaycan Respublikasının Medianın İnkişafı Agentliyi” publik hüquqi şəxsin balansında olan dövlət əmlakının Şuranın balansına verilməsini təmin etməli, cari ildə dövlət büdcəsində  Azərbaycan Respublikası  Audiovizual Şurası və  “Azərbaycan Respublikasının Medianın İnkişafı Agentliyi” publik hüquqi şəxs üçün nəzərdə tutulmuş vəsaitlər dairəsində Şuranın fəaliyyətinin maliyyələşdirilməsinə dair məsələləri həll etməli, Şuranın inzibati bina ilə təmin edilməsi ilə bağlı tədbirlər görməlidir. Eyni zamanda Nazirlər Kabineti Şuranın işçilərinin  Azərbaycan Respublikası  Audiovizual Şurası və “Azərbaycan Respublikasının Medianın İnkişafı Agentliyi” publik hüquqi şəxsin işçiləri hesabına komplektləşdirilməsinin təmin edilməsi ilə əlaqədar tədbirlər görməlidir.

visiontv.az

Milli  Hidrometeorologiya  Xidmətindən  verilən xəbərə görə, Bakıda və  Abşeron yarımadasında hava şəraitinin yağmursuz keçəcəyi gözlənilir. Şimal-qərb küləyi gündüz cənub-şərq küləyi ilə əvəz olunacaq.

Havanın temperaturu gecə 22-25° isti, gündüz 31-36° isti olacaq. Atmosfer təzyiqi 758 mm civə sütunu təşkil edəcək. Nisbi rütubət gecə 70-80 %, gündüz 50-55 % olacaq.

Azərbaycanın rayonlarında hava necə olacaq?

Azərbaycanın rayonlarında havanın əsasən yağmursuz keçəcəyi gözlənilir. Lakin gündüz bəzi dağlıq ərazilərdə qısamüddətli az yağış yağacağı, şimşək çaxacağı ehtimalı. Gecə və səhər bəzi dağlıq ərazilərdə arabir duman olacaq. Mülayim şərq küləyi əsəcək.

Havanın temperaturu gecə 22-27° isti, gündüz 34-39° isti, dağlarda gecə 14-19° isti, gündüz 23-28° isti olacaq.

visiontv.az

Səfir bildirib ki, bu regional təchizat zəncirlərini şaxələndirməyə, daşımaların səmərəliliyini artırmağa və yeni investisiya imkanları açmağa imkan verəcək.

"Son illərdə  Azərbaycan və Oman nəqliyyat, logistika, investisiya, bərpa olunan enerji, ticarət və rəqəmsal qarşılıqlı əlaqə sahələrində ikitərəfli əməkdaşlığın möhkəmləndirilməsinə ümumi sadiqlik nümayiş etdirirlər. İnkişaf edən siyasi dialoq və genişlənən iqtisadi tərəfdaşlıq, xüsusən də nəqliyyat əlaqələrinin inkişafı üzrə regional təşəbbüslər çərçivəsində yeni qarşılıqlı fəaliyyət istiqamətlərinin mənimsənilməsi üçün möhkəm əsas yaradır", - o yazıb.

İsmayılovun sözlərinə görə, Azərbaycan və Oman arasında nəqliyyat sahəsində əməkdaşlığın dərinləşməsi regional tədarük zəncirlərinin şaxələndirilməsi, daşımaların səmərəliliyinin artırılması, ticarətin dayanıqlığının gücləndirilməsi və yeni investisiya imkanlarının yaradılması üçün əhəmiyyətli potensiala malikdir. O qeyd edib ki, Omanın dəniz üstünlükləri ilə  Azərbaycanın strateji quru nəqliyyatı infrastrukturunun birləşdirilməsi iki ölkəyə  Asiya, Yaxın Şərq və  Avropanı birləşdirən daha inteqrasiya olunmuş, dayanıqlı və səmərəli nəqliyyat şəbəkəsinin formalaşmasına töhfə verməyə imkan verəcək.

"Azərbaycan və Oman strateji tərəfdaşlığını möhkəmləndirməyə davam etdikcə, nəqliyyat və logistika sahələrində əməkdaşlıq ikitərəfli iqtisadi əlaqələrin əsas dayaqlarından birinə çevrilə bilər", - səfir vurğulayıb.

Rəşad İsmayılov əlavə edib ki, iki ölkənin coğrafi üstünlüklərindən, eləcə də bir-birini tamamlayan və inteqrasiya olunmuş infrastrukturdan istifadə sayəsində Azərbaycan və  Oman  Avrasiyanın daha çox qarşılıqlı əlaqəli, şaxələndirilmiş və dayanıqlı nəqliyyat şəbəkəsinin inkişafına mühüm töhfə verməyə qadirdir.

visiontv.az

"Şimali Koreyanın bu gün regionda təhlükəsizlik və sabitliyə təhdid yaradan ballistik raket atışını pisləyirik", - bəyanatda deyilir.

Almaniya  Xarici İşlər Nazirliyi Pxenyanı BMT Təhlükəsizlik Şurasının çoxsaylı qətnamələrinə uyğun olaraq ballistik raketlərin qanunsuz hazırlanmasını, sınaqdan keçirilməsini və yayılmasını dərhal dayandırmağa çağırıb.

Daha əvvəl Cənubi Koreyanın Birləşmiş Qərargah Rəisləri Komitəsi Şimali Koreyanın Yapon dənizinə doğru ballistik raket atdığını bildirib.

visiontv.az

Bütün ermənilərin katolikosu II Qareginə və altı yepiskopa qarşı açılmış cinayət işi üzrə ilkin dinləmələrin avqustun 7-də yerli vaxtla saat 15:00-da Ermənistanın Armavir vilayətinin ümumi yurisdiksiyalı birinci instansiya məhkəməsində keçirilməsi planlaşdırılıb.

Cari ilin fevral ayında Ermənistanın Baş Prokurorluğu tərəfindən bütün ermənilərin katolikosu II Qaregin barəsində cinayət işi başlanıb. Onun ölkəni tərk etməsinə qadağa qoyulub.

Sözügedən cinayət işi sabiq din xadimi  Arman Saroyanla bağlı məhkəmə aktının icrasına mane olmaq ittihamı əsasında açılıb. Ermənistanın baş naziri Nikol Paşinyanın kilsəyə qarşı kampaniyasına qoşulan yepiskop Saroyan katolikosun sərəncamı ilə ölkədəki yeparxiyalardan birinin rəhbəri vəzifəsindən kənarlaşdırılıb, Ali Ruhani Şuranın qərarı ilə isə yepiskop rütbəsindən məhrum edilib.

Saroyan vəzifəsinə bərpa olunması üçün məhkəməyə müraciət etdikdən sonra məhkəmə icraçıları Erməni kilsəsinə onun fəaliyyətinə mane olmağı qadağan ediblər. Bunun ardınca İstintaq Komitəsində məhkəmə aktının icra edilməməsi faktı üzrə cinayət işi qaldırılıb.

Bir müddət öncə ruhanilərin maraqlarını müdafiə edən vəkil  Ara Zöhrabyan dövlətin katolikosun qərarlarına müdaxiləsinin kilsənin muxtariyyətinin, dövlət və kilsə arasındakı konstitusiya münasibətlərinin, eləcə də etiqad azadlığına dair fundamental prinsipin kobud şəkildə pozulması olduğunu bəyan etmişdi.

Güclü Ermənistan və Ermənistan müxalifət parlament fraksiyalarının nümayəndələri cümə günü parlamentin iclasında iştirak etməyəcəklərini və Katolikosa və yepiskoplara dəstək olaraq məhkəmə iclasında iştirak edəcəklərini bildirdilər.

visiontv.az

2026-cı ilin fevral ayında Kanadanın pensiya fondu olan “Canada Pension Plan Investment Board” (“CPPIB”) “Inkia Energy” şirkətinin 50 faiz payını “I Squared”-dən əldə edib. Qalan 50 faiz pay isə ARDNF-nin də iştirak etdiyi və “I Squared” tərəfindən idarə olunan investisiya strukturu vasitəsilə satın alınıb.

“Inkia Energy” hidroelektrik, təbii qaz, günəş və külək enerjisi aktivlərindən ibarət şaxələndirilmiş portfelə malikdir. Şirkətin ümumi effektiv istehsal gücü 2,6 QVt təşkil edir və Peru üzrə elektrik enerjisi istehsalının təxminən 22 faizini təmin edir. Bununla yanaşı, şirkət əsasən bərpa olunan enerji layihələrini əhatə edən 4 QVt-dan artıq inkişaf portfelinə malikdir və uzunmüddətli perspektivdə bu istiqamətdə fəaliyyətini genişləndirməyi strateji prioritet kimi müəyyən edib.

Inkia Energy Perunun enerji sektorunun aparıcı iştirakçılarından biri olmaqla yüksək əməliyyat göstəricilərinə malikdir. Sözügedən investisiya  ARDNF-nin uzunmüddətli investisiya strategiyasına uyğun olaraq Fondun coğrafi diversifikasiyasını Latın Amerikası regionu istiqamətində genişləndirir və güclü fundamental göstəricilərə, eləcə də əlverişli risk-gəlirlilik profilinə malik elektrik enerjisi istehsalı sektorunda dayanıqlı aktivlər üzrə investisiya portfelini gücləndirir.

ARDNF haqqında

1999-cu ildə təsis edilmiş  ARDNF ölkənin neft və qaz gəlirlərinin toplanması və səmərəli idarə olunmasını təmin edən suveren sərvət fondudur. Fondun əsas məqsədi əldə olunan gəlirlərin uzunmüddətli və dayanıqlı şəkildə idarə olunaraq gələcək nəsillər üçün qorunması və artırılmasıdır. Hazırda məcmu aktivlərinin həcmi 70 milyard ABŞ dollarından çox olan  ARDNF borc öhdəlikləri və pul bazarı alətləri, səhmlər, qızıl, daşınmaz əmlak və infrastruktur kimi müxtəlif sahələri əhatə edən, qlobal miqyasda geniş diversifikasiya olunmuş investisiya strategiyası həyata keçirir.

“I Squared Capital” haqqında

“I Squared Capital” orta bazar seqmentinə yönəlmiş aparıcı müstəqil qlobal infrastruktur investoru olmaqla, idarəetməsində 60 milyard  ABŞ dollarından artıq həcmdə aktivə malikdir. 2012-ci ildə təsis edilmiş şirkət bu gün enerji və kommunal xidmətlər, nəqliyyat və logistika, rəqəmsal ekoloji və sosial infrastruktursahələrini əhatə edən geniş investisiya portfeli ilə dünyanın ən şaxələndirilmiş infrastruktur investorlarından biri kimi fəaliyyət göstərir. Şirkətin investisiyaları dünya üzrə milyonlarla insan üçün mühüm əhəmiyyət daşıyan infrastruktur xidmətlərinin göstərilməsinə töhfə verir.

Hazırda “I Squared Capital”-ın investisiya portfelinə 70-dən çox ölkədə fəaliyyət göstərən 100-dən artıq şirkət daxildir. Şirkətin baş ofisi  ABŞ-nin Mayami şəhərində yerləşir, Əbu-Dabi, London, Münhen, Nyu-Dehli, San-Paulu, Sinqapur, Sidney və Taybey şəhərlərində isə şirkətin nümayəndəlikləri fəaliyyət göstərir.

visiontv.az

"Dünyanın hər yerində sursat ehtiyatlarımız var. Əgər bizə nə vaxtsa lazım olsaydı, onlardan istifadə edərdik", - Tramp vurğulayıb.

Onun sözlərinə görə, ABŞ çoxlu miqdarda sursata sahibdir və hərbi əməliyyatlar aparmaq üçün lazımi resurslara malikdir. Tramp həmçinin qeyd edib ki, ölkənin həmişə daha çox silahı olub.

İranla bağlı vəziyyətə münasibət bildirən  ABŞ Prezidenti bildirib ki, onun fikrincə müharibə tezliklə bitəcək.

visiontv.az

Bu, Zelenskinin Ukrayna Prezidenti vəzifəsinə başladıqdan sonra Serbiyaya ilk rəsmi səfəri olacaq. Dövlət başçıları əvvəllər beynəlxalq forumlarda və sammitlərdə görüşüblər.

Vuçiçin sözlərinə görə, danışıqlar Ukrayna və Serbiyanın  Avropaya inteqrasiyası, ikitərəfli iqtisadi əməkdaşlıq və enerji sektorunda əməkdaşlıq mövzularına yönələcək.

Serbiya lideri qeyd edib ki, tərəflər həmçinin  Avropaya inteqrasiya prosesində qarşılıqlı dəstək və təcrübə mübadiləsi üçün mümkün yolları araşdıracaqlar.

Bundan əlavə, Vuçiçin sözlərinə görə, görüşdə mədəniyyət, idman və digər mövzularda əməkdaşlıq da müzakirə oluna bilər.\

visiontv.az

Bildirilib ki, səfər çərçivəsində Ərdoğanın Səudiyyə Ərəbistanının vəliəhdi Məhəmməd bin Salman və Pakistanın Baş naziri Şahbaz Şəriflə görüşü nəzərdə tutulur.

visiontv.az

"ABŞ  bu məqamdan (2025-ci il avqustun 8-də Vaşinqtonda keçirilən sammit - red.) həm  Azərbaycan, həm də Ermənistanla ikitərəfli münasibətlərimizi yeniləmək üçün istifadə etdi", - müşavir bildirib.

O qeyd edib ki, bu sənədlərin imzalandığı andan etibarən regionda tərəflər arasında heç bir silahlı insident qeydə alınmayıb. Əksinə, tərəflər qarşılıqlı fəaliyyət göstərməyi, o cümlədən ticari-iqtisadi münasibətləri inkişaf etdirməyi öyrəniblər.

Laytstounun sözlərinə görə, ABŞ Ermənistan və  Azərbaycanla münasibətləri nə qədər möhkəm qurarsa, Cənubi Qafqazda sülh bir o qədər dayanıqlı olacaq. O vurğulayıb ki, regionun inkişafı sayəsində bölgədə möhkəm və davamlı sülhün bərqərar olma imkanı artır və  Azərbaycanla Ermənistanı birləşdirmək məqsədi daşıyan logistika qovşağı layihəsinin bilavasitə adı da (TRIPP - red.) məhz buna istinad edir.

"Siz rifaha aparan sülh şanslarını əhəmiyyətli dərəcədə artırırsınız, layihənin adı da elə buradandır – Beynəlxalq Sülh və Rifaha doğru Tramp yolu ("Tramp Marşrutu", TRIPP - red.) Rifah sülh imkanlarını gücləndirir və eynilə sülh də gələcək tərəqqi üçün platforma yaradır", - Laytstoun bildirib.

Müşavir xatırladıb ki, ABŞ tərəfi layihənin həyata keçirilməsi üçün artıq 201 milyon dollar ayırıb və onun fikrincə, bu, investisiya əməkdaşlığının "tavanı deyil, alt həddidir". Laytstoun həmçinin qeyd edib ki, bu cür yanaşma  Ağ Evin bütün digər administrasiyalarından fərqlənir.

"Biz investisiya yatırdıqca və gəlir əldə etdikcə, sizin daha da gücləndiyinizi görəcəyik. [ABŞ] Prezidenti [Donald] Tramp  ABŞ-ni və onun müttəfiqlərini gücləndirən investisiyalar yatıraraq bu yanaşmaya rəhbərlik edib. ABŞ-də biz öz coğrafi mövqeyindən çatışmazlıq kimi deyil, üstünlük yaradan tramplin kimi istifadə edə bilən strateji dostlar və müttəfiqlər axtarırıq", - o vurğulayıb.

visiontv.az

Məlumata görə, hazırda ölkədə ümumilikdə 4 053 yoluxma qeydə alınıb. Onlardan 1850 nəfər həyatını itirib.

Qeyd edək ki, hazırkı epidemiya dünyada qeydə alınan ikinci ən böyük Ebola epidemiyası hesab olunur və ən sürətlə yayılan epidemiyalardan biri kimi qiymətləndirilir.

visiontv.az

Hakim vurulmuş zərərin genişmiqyaslı nəticələrini nəzərə alaraq belə bir fondun yaradılmasını zəruri hesab edib.

Şirkət isə məhkəmənin qərarı ilə razılaşmadığını və apellyasiya şikayəti vermək niyyətində olduğunu bəyan edib.

Mart ayında məhkəmə "Meta"ya məxsus platformaların uşaqların mental sağlamlığına ziyan vurduğuna dair qərar qəbul etmişdi.

Bundan əlavə, andlı iclasçılar korporasiyanın öz platformalarında yetkinlik yaşına çatmayanların cinsi istismarı barədə məlum olan informasiyanı gizlətdiyi qənaətinə gəliblər. Həmin vaxt "Meta" 375 milyon dollar məbləğində cərimə ödəməyə məcbur edilmişdi.

visiontv.az

Bildirilib ki, ABŞ Prezidenti Donald Trampın  Administrasiyası 2026-cı ilin əvvəllərində bəzi  Avropa dövlətlərini Kiyevə "Patriot" raketləri verməyə təşviq etməyə çalışıb, lakin rədd cavabı alıb. Nəşr qeyd edir ki, Avropa ölkələri öz müdafiə qabiliyyətlərinin zəifləməsindən ehtiyatlanırlar.

"Hazırda tutucu raketlərimiz yoxdur və yaxın aylarda onları böyük miqdarda tapmağın mümkün olacağına inanmıram", - deyə ukraynalı rəsmi nəşrə danışıb.

Nəzərə çatdırılır ki, avqustun 5-də Ukrayna qüvvələri Kiyev istiqamətində atılan heç bir raketi vura bilməyib. Sonradan Volodimir Zelenski bildirib ki, Ukraynanın HHM sisteminin zəifliyi tutucu raketlərin çatışmazlığı ilə bağlıdır. Zelenski müntəzəm olaraq Qərbdən yeni hava hücumundan müdafiə sistemləri və onlar üçün tutucu-raketlərin tədarükünü xahiş edir. Bu yaxınlarda "Axios" portalına verdiyi müsahibədə o, ABŞ Prezidenti Donald Trampdan qışa qədər Ukraynaya "Patriot"  ZRK üçün 300 tutucu raket verməsini istədiyini deyib.

Ağ Evdə jurnalistlərlə görüşündə isə Tramp  ABŞ-nin da bu raketlərə ehtiyacı olduğunu açıqlayıb.

visiontv.az

Jurnalistlərin İraq təhlükəsizlik strukturlarındakı mənbələrdən əldə etdiyi məlumat göstərir ki, "silahlı qruplaşmalar 48 saat ərzində PUA-ların köməyi ilə qonşu dövlətlərə hücum etmək niyyətindədirlər. Ərəb media resursunun xəbərində qeyd olunur ki, bu barədə xəbərdarlıq ölkənin baş naziri  Əli əz-Zeydinin keçirdiyi xüsusi iclasda səsləndirilib. Söhbətin konkret olaraq hansı dövlətlərdən getdiyi göstərilmir.

Daha əvvəl  Əli əz-Zeydi İraq ordusu bölmələrinin və təhlükəsizlik qüvvələri dəstələrinin döyüş hazırlığının artırılması barədə sərəncam verib. Qeyd olunub ki, hazırlıq səviyyəsi təhlükəsizlik qüvvələrinin bütün düşərgələrində və ordu bazalarında qaldırılacaq. Baş nazirin mətbuat xidməti bu addımın ali baş komandan tərəfindən təhlükəsizliyin möhkəmləndirilməsi, vətəndaşların qorunması üçün atıldığını bildirib.

visiontv.az

Xəritədə 13 min krater, 81 hövzə, 14 geoloji struktur tipi və 17 növ dağ süxuru göstərilib. Həmçinin  Ayın Şimal və Cənub qütbləri üçün xüsusi əlavələr hazırlanıb. Xəritə Çinin  Ay proqramı çərçivəsində toplanmış məlumatlar əsasında tərtib edilib.

Alimlər  Ayın geoloji tarixini daha dəqiq öyrənərək onun səthindəki mineralların siyahısını yeniləyiblər. Yüksəkdəqiqlikli məlumatlar sayəsində dağ süxurlarının təsnifatı da təkmilləşdirilib.

İnstitutun direktoru Yan Çjimin bildirib ki, yeni xəritə gələcəkdə  Ayda elmi stansiyanın tikintisi və kosmik aparatların eniş yerlərinin seçilməsi üçün mühüm elmi baza olacaq. Onun sözlərinə görə, bu xəritə həm də Günəş sisteminin təkamülünün öyrənilməsinə mühüm töhfə verəcək.

Qeyd edək ki, 2025-ci ilin yazında "Çanye-6" missiyası  Ayın görünməyən tərəfindən Yerə torpaq nümunələri gətirib. Hazırda 2026-cı ilin sonuna planlaşdırılan "Çanye-7" missiyası üçün hazırlıqlar aparılır. Bu missiyanın əsas məqsədi  Ayın Cənub qütbündə buz və digər faydalı resursların araşdırılmasıdır.

Bununla yanaşı, Çin 2030-cu ilədək kosmonavtların  Aya ilk enişini reallaşdırmağı, həmçinin Beynəlxalq  Ay Tədqiqat Stansiyasını qurmağı planlaşdırır. Bu məqsədlə "Çançjen-10" daşıyıcı raketi və "Mençjou" kosmik gəmisi hazırlanır.

visiontv.az

Bildirilib ki, 1 avtomat, 1 tapança, 2 qumbara, 3 partlayıcı, 8 tüfəng, 2 patron darağı, 1 mərmi və 333 ədəd müxtəlif çaplı patron aşkarlanıb.

visiontv.az

Bildirilib ki, həmin yoxlamalardan 32-si özəl tibb müəssisəsində, 7-si isə fiziki şəxsə məxsus obyektlərdə keçirilib.

Yoxlamalar zamanı müxtəlif sahələr üzrə nöqsanlar aşkar edilib, aşkar olunmuş pozuntularla bağlı İnzibati  Xətalar Məcəlləsinin müvafiq maddələrinə əsasən inzibati xəta haqqında protokollar tərtib edilərək aidiyyəti üzrə müvafiq quruma göndərilib.

Bununla yanaşı, iyul ayı ərzində aparılmış yoxlamalar nəticəsində 13 stomatoloq barəsində İnzibati  Xətalar Məcəlləsinin müvafiq maddələrinə əsasən inzibati xəta haqqında protokollar tərtib edilib.

Aparılmış yoxlamalar zamanı plastik cərrahlarla bağlı hər hansı nöqsan aşkar edilməyib.

visiontv.az

Qeyd edək ki, Türkiyə Prezidenti  Rəcəb Tayyib Ərdoğan bu gün işgüzar səfər çərçivəsində Səudiyyə Ərəbistanına yola düşüb. Səfər çərçivəsində Ərdoğanın Səudiyyə Ərəbistanının vəliəhdi Məhəmməd bin Salman və Pakistanın Baş naziri Şahbaz Şəriflə görüşməsi gözlənilir.

visiontv.az

Məlumata görə, ən çox ölüm halı  Almaniyada qeydə alınıb. Robert  Kox İnstitutunun açıqladığı statistikaya əsasən, aprel ayından bəri ölkədə 11.9 mindən çox insan həyatını itirib. Bildirilir ki, bu ölümlərin 9 mindən çoxu iyunun sonundan etibarən qeydə alınıb.

Qeyd edək ki, bu yay  Avropa dörd güclü isti hava dalğasının təsiri altında qalıb. Sinoptiklərin proqnozuna görə, növbəti isti dalğası artıq gələn həftə başlayacaq.

Belə ki, avqustun 12-də Londonda havanın temperaturunun 34, Parisdə isə 38 dərəcəyədək yüksələcəyi proqnozlaşdırılır.

visiontv.az

Nəcran istiqamətindəki hücumdan bir neçə saat əvvəl husilər Yəmənin Mərib və Hədrəməut əyalətlərində hökumət qüvvələrinin hərbi düşərgələrinə genişmiqyaslı raket və pilotsuz uçuş aparatları ilə zərbələr endiriblər.

Yerli mənbələrə istinadən bildirilir ki, həmin hücumlar nəticəsində azı 58 hökumət hərbçisi həlak olub, onlarla hərbçi yaralanıb. Bu, 2022-ci ildən bəri  Yəmən hökumət qüvvələrinə qarşı həyata keçirilən ən ölümcül hücum hesab olunur.

visiontv.az

Onun sözlərinə görə, Ermənistan  Aİİ və  Aİ-yə eyni vaxtda üzv olmağın mümkün olmadığını anlayır, bununla belə, Aİ-yə inteqrasiyaya dair qanunun qəbul edilməsi yalnız Ermənistanın gələcəkdə  Avropa İttifaqına üzv olmaq imkanına malik olduğunu göstərir.

Baş nazir qeyd edib ki, Ermənistan gələcəkdə  Aİ üzvlüyünə hazır olsa belə, bu, avtomatik olaraq üzvlük demək deyil. Bunun üçün həm  Aİ-yə üzv dövlətlərin razılığı, həm də Ermənistan vətəndaşlarının dəstəyi tələb olunur.

Paşinyan vurğulayıb ki, əvvəlcədən zəruri institusional hazırlıq görülmədən və  Aİ-yə rəsmi üzvlük ərizəsi təqdim edilmədən, eləcə də namizəd ölkə statusu alınmadan bu məsələ ilə bağlı referendum keçirmək mənasız olardı.

“Bu, vətəndaşları mövcud olmayan alternativlər arasında seçim qarşısında qoymaq deməkdir. Bu isə xalqa qarşı hörmətsizlik və legitim olmayan addım olardı”, – deyə Ermənistanın baş naziri bildirib.

visiontv.az

visiontv.az

Məlumata görə, Nadir Qumşadzehri və Hüseyn Xaşi Kamalabadiyə əvvəlcədən xəbərdarlıq edilmədən atəş açılıb.

Hadisnin təfərrüatı barədə açıqlama verilməyib.

visiontv.az

Əks halda, onun işi folklordan başqa bir şey olmayacaq. Biz hələ cəmiyyət olaraq yazının bəşəri missiyasını dərk etmirik.

İnsanın tanrılara qurban edilməsi yazının icadından sonra başa çatdı. Yazıya qədər dünyada uğultu vardı. İnsan bu uğultunun əsiri idi. Yazı insanı bu uğultunun əlindən aldı.

Barbarlıqdan mədəniyyətə, fundamentalizmdən sekulyarizmə keçmək üçün əlimizdə yazıdan başqa alət yoxdur. Yazmayan cəmiyyət hansı əsrdə yaşamasından asılı olmayaraq barbardır. Orada sözün təmkini, fikrin sükutu yoxdur, səs var, küy var, uğultu var.

Yazı, fikir adamının öhdəliyi bu vəhşi uğultunu susdurmaqdır. Əgər o da bu uğultuya qoşulacaqsa, ortaya çıxan şeyin adı müasir Azərbaycan ədəbiyyatı, fəlsəfəsi, təhsili olacaq.

Aqşin Yenisey

visiontv.az

Dr. Əbuzər Şəhpəri bu təhdidi iştirakçılara açıqlayaraq bildirib: “Mənə dedilər ki, bu rəqəmləri açıqlamağı dayandırmasam, çıxışdan sonra məni aparacaqlar. Buna baxmayaraq, mən çıxışımı davam etdirəcəyəm.”

visiontv.az

Hökmə əsasən, Abbas Lisani "milli təhlükəsizliyi pozmaq məqsədi ilə qrup yaratmaq və ona rəhbərlik etmək" və "milli təhlükəsizliyə qarşı cinayət törətmək üçün toplaşmaq və əlbir olmaq" ittihamları ilə ümumilikdə 15 il həbs cəzasına məhkum edilib.

Yusif Kari və Behzad Dəşti "milli təhlükəsizliyi pozmaq məqsədi ilə qrupa üzv olmaq" və "milli təhlükəsizliyə qarşı cinayət törətmək üçün toplaşmaq və əlbir olmaq" ittihamları ilə hər biri 10 il həbs cəzasına məhkum ediliblər.  

Əli Xeyrcu isə"milli təhlükəsizliyə qarşı cinayət törətmək üçün toplaşmaq və əlbir olmaq" ittihamı ilə beş il azadlıqdan məhrum edilib.

Bu fəallara qarşı ittihamlar üzrə dinləmə 30 may 2026-cı ildə yuxarıda adı çəkilən şöbədə keçirilib və Abbas Lisani, Əli Xeyrcu və Yusif Kari məhkəməni ədalətsiz adlandırdıqlarına görə dinləmədə iştirak etməkdən imtina etmişdilər.

Qeyd edək ki, Abbas Lisani, Əli Xeyrucu, Behzad Dəşti və Yusif Kari 2025-ci il noyabrın 11-də Tehranda Evin həbsxanasının qarşısında aclıq aksiyası keçirən azərbaycanlı məhbus fəallara dəstək üçün oturaq aksiya keçirdikləri vaxt həbs ediliblər.

Bir müddət əvvəl Behzad Dəşti və Əli Xeyrcu girov qarşılığında müvəqqəti olaraq məhkəməyə qədər azad edilsələr də Abbas Lisani və Yusif kari Evin həbsxanasındakı 209 saylı istintaq təcridxanasına, 2025-ci ilin dekabr ayının 31-də isə həbsxananın 7-ci karantin bölməsinə köçürülüblər.

Adı çəkilən fəalların hamısı bundan əvvəl də dinc mədəni və milli fəaliyyətlərinə görə bir neçə dəfə həbs olunublar.

visiontv.az

Tavangər yazır ki, enerji savaşında qalib gəlmək üçün yalnız nəqliyyat marşrutlarını bağlamaq kifayət etmir. O hesab edir ki, əsas məqsəd rəqibin enerji təchizatını bahalaşdırmaq, riskləri artırmaq və onu iqtisadi cəhətdən daha böyük təzyiq altında saxlamaqdır.

Müəllif bildirir ki, Hörmüz boğazının bağlanması mühüm addım olsa da, dünya neft bazarı yalnız real təkliflə deyil, həm də bazarın gözləntiləri ilə formalaşır. Onun fikrincə, qısamüddətli fasilələr bazar tərəfindən müəyyən qədər kompensasiya oluna bilər.

Müctəba Tavangər daha sonra diqqəti Xəzər hövzəsinə yönəldir. O, Reuters-in məlumatlarına istinad edərək yazır ki, 2025-ci ildə İsrailin neft idxalının təxminən yarısı Azərbaycandan təmin olunub. Bu səbəbdən o iddia edir ki, Azərbaycan üzərindən keçən enerji marşrutları İsrail üçün strateji əhəmiyyət daşıyır və həmin marşrutlarda yaranacaq hər hansı gərginlik İsrailin enerji təhlükəsizliyinə təsir göstərə bilər.

Müəllif hesab edir ki, Xəzər bölgəsi ABŞ-ın körfəzdəki qədər güclü hərbi nəzarəti altında olmadığı üçün burada yaradılacaq məhdud təhlükəsizlik gərginliyi daha ciddi çəkindirici təsir göstərə bilər.

Tavangər yazısında Azərbaycanı da xüsusi olaraq qeyd edir. O heç bir konkret əsas göstərmədən iddia edir ki, İsrail Azərbaycanın imkanlarından İrana qarşı istifadə edib və buna görə də İranın cavab təzyiqini enerji sahəsində məhz bu istiqamətdə formalaşdırmaq imkanları mövcuddur.

Məqalədə Xəzər dənizinin hüquqi statusu məsələsinə də toxunulur. Müəllif hesab edir ki, Xəzərdə təhlükəsizlik mühitinin dəyişməsi İranın gələcək siyasi və hüquqi danışıqlarda mövqeyini gücləndirə biləcək əlavə təzyiq vasitəsinə çevrilə bilər.

Müctəba Tavangər sonda Türkiyənin rolunu da dəyərləndirərək bildirir ki, Azərbaycan nefti Bakı–Tbilisi–Ceyhan boru kəməri ilə Ceyhan limanına, oradan isə İsrailə daşınır. Onun fikrincə, bu marşrutun təhlükəsizliyi İsrail üçün mühüm əhəmiyyət daşıyır və bu istiqamətdə yaranacaq gərginlik regional enerji balansına təsir göstərə bilər.

Hesab edirəm ki, Müctəba Tavangərin irəli sürdüyü yanaşma fonunda diqqətdən qaçırılmamalı olan başqa bir təhlükə də mövcuddur. Əgər regionda gərginlik daha da artarsa, İran terror rejiminin təhdidləri yalnız enerji marşrutları ilə məhdudlaşmayacaq.

Ona görə də, Azərbaycanın təhlükəsizlik orqanları ölkə daxilində ictimai-siyasi sabitliyi pozmağa yönəlmiş mümkün təxribat cəhdlərinə qarşı mütləq tam hazır olmalıdırlar. Çünki, İran terror rejiminə bağlı terrorçu çətələr son illərdə müxtəlif məsələlər, o cümlədən hicab mövzusu və ya İran bağlı olan şəxsləri “dindar məhbuslar” kimi təqdim edilməsi və onun ətrafında aparılan kampaniyalar həmçinin son günlərdə bəzi Avropa ölkələrində keçirilən “etiraz aksiyaları” göstərir ki, bu şarlatan şantajçı quruplar Fars molla rejimindən aldıqları göstəriş əsasında bu mövzuları gündəmə gətirirlər.

Düşünürəm ki, mümkün eskalasiya ssenarilərində dövlət qurumları ictimai təhlükəsizliyə yönələ biləcək təxribat və zorakılıq xarakterli insidentlər, o cümlədən terror aktları riskini də nəzərə almalı, bu cür risklərin qarşısının alınması üçün qabaqlayıcı təhlükəsizlik tədbirlərini daha da gücləndirməlidirlər.

Eyni zamanda hesab edirəm ki, vətəndaşlar da ayıq-sayıq olmalı, cəmiyyətdə qarşıdurma yaratmağa yönəlmiş təxribat xarakterli çağırışlara, dezinformasiyaya və qanunsuz fəaliyyətlərə uymamalıdırlar. Şübhəli fəaliyyətlər və ya ictimai təhlükəsizliyə risk yarada biləcək hallarla qarşılaşdıqda, bu barədə aidiyyəti dövlət qurumlarını məlumatlandırmaq hər bir vətəndaşın məsuliyyətli davranışıdır.

Sadiq İsabəyli

visiontv.az

Husilər həmçinin Qırmızı dənizdə Səudiyyə Ərəbistanına məxsus neft tankerlərinə və ölkənin neft infrastrukturuna hücumlar həyata keçirdiklərini iddia ediblər.

ABŞ ilə İran arasında Hörmüz boğazında yaşanan qarşıdurma nəticəsində Fars körfəzindən enerji ixracının böyük ölçüdə pozulmasından sonra Bab əl-Məndəb boğazı Səudiyyə neftinin beynəlxalq bazarlara daşınması üçün həyati əhəmiyyət daşıyan marşruta çevrilib.

Səudiyyə Ərəbistanının Müdafiə Nazirliyi 14 üzv ölkə adından yayımladığı birgə bəyanatda koalisiyaya Bəhreyn, Banqladeş, Cibuti, Misir, İordaniya, Küveyt, Nigeriya, Pakistan, Qətər, Səudiyyə Ərəbistanı, Somali, Sudan, Türkiyə və Yəmənin daxil olduğunu bildirib.

Nazirliyin açıqlamasına görə, koalisiyanın əsas məqsədi dəniz təhlükəsizliyini gücləndirmək, gəmiçilik azadlığını qorumaq, beynəlxalq ticarət marşrutları və enerji nəqli xətlərinin təhlükəsizliyini təmin etmək, həmçinin Bab əl-Məndəb boğazı, Qırmızı dəniz və Ədən körfəzində ortaq dəniz maraqlarını müdafiə etməkdir.

Müdafiə Nazirliyi həmçinin bildirib ki, koalisiya ilə bağlı keçirilən Riyad toplantısına 51 ölkə və beynəlxalq təşkilat dəvət olunub.

Nazirliyin məlumatına görə, toplantıda 43 ölkənin nümayəndələri və Avropa İttifaqının bir nümayəndə heyəti iştirak edib. Onlardan 14-ü koalisiyanı dəstəklədiyini bəyan edib, digər ölkələr isə məsələyə baxmağa davam edir.

Səudiyyə Ərəbistanı ilə husilər bu ayın əvvəlində son bir neçə ildə ilk dəfə qarşılıqlı atəş mübadiləsi aparıblar. Bu hadisə, müddəti rəsmi olaraq başa çatsa da, 2022-ci ildən qüvvədə qalan atəşkəsin gələcəyini təhlükə altına salıb.

visiontv.az

Bu gün Ermənistan, İran Azərbaycanın tarixini olmadığını deyillər. Ermənilər Albaniyaya, İran Səfəvilərə sahib çıxmağa çalışır. Halbuki qədim Albaniyada, Səfəvilərdə Azərbaycan ərazisində yaranıb.

Şah İsmayılla başlayaraq zəngin elmi və mədəni mühit formalaşdı. Səfəvilərə qədər Şirvanşahlar dövləti olub. Şirvanşahlar dövlətində ərəb və fars sülalələri hakimiyyətdə olub. Onda deyək ki, Şirvanşahlar ərəb və farsa aiddir?! Səfəvilər imperiyasında hakimiyyətdə isə, yalnız Azərbaycan türkləri olub.

Səfəvilər Azərbaycan tarixidi və biz tariximizə sahib çıxmalıyıq. Səfəvilər orta əsrlərdə olub, 21 -ci əsr insanı orta əsrlər kimi düşünə bilməz. Biz Səfəvilərə tariximiz olaraq yanaşırıq.

Məhəmməd Əsədullazadə, Milli Cəbhə partiyasının başqanın müavini

visiontv.az

visiontv.az

Kütləvi hücumlardan sonra İran iqtisadiyyatı yara alır. Pekin Tehranın ən böyük zəifliyindən istifadə edərək, öz şərtləri ilə yenidənqurma müqavilələri üzrə danışıqlar aparır və onilliklər ərzində neft tədarükünü təmin edir. Tramp administrasiyası hərbi səylərlə və İranı cilovlamaq cəhdləri ilə məşğuldur. Pekin bundan istifadə edərkən Vaşinqton bombardmanlara resursları israf edir. Keçid prosesi davam edir, lakin Çinin sənaye sektoru karbohidrogenlərdən çox asılı olaraq qalır. İranın ehtiyatları onlar üçün strateji bir rezervuardır və fabriklərinin rahat işləməsi üçün vacibdir. Moskva daha çox hərbi-texniki əməkdaşlığa diqqət yetirir və iqtisadi bazanı Çinə buraxır.

Pərviz Əliyev

visiontv.az

Quranda isə buyurulur: “Biz insanı ən gözəl surətdə yaratdıq.” (Tin, 95:4) Həmçinin Allah insanın yaradılışı haqqında Öz ruhundan ona üfürdüyünü bildirir. Bu, insanın şərəf və ləyaqət sahibi olduğunu göstərir.

Fars-molla rejimi isə insanın ləyaqətini qorumaq əvəzinə, onu asılı, itaətkar və kölə vəziyyətində saxlamağa çalışır. Din insanı ucaltmaq üçündür, onu alçaldıb idarə etmək üçün deyil.

Sadiq İsabəyli

visiontv.az

Özbəkistanın xarici işlər nazirinin Hindistana səfərinin əsas məqsədi bu ölkə ilə ticarət, investisiya, enerji və regional təhlükəsizlik sahələrində əməkdaşlığı dərinləşdirməkdir. Hindistanın Mərkəzi Asiyanın aparıcı dövlətlərindən biri olan Özbəkistanla hərtərəfli əməkdaşlığa ehtiyacı var. Bu Hindistanın Mərkəzi Asiyada möhkəmlənməsi üçün əhəmiyyətlidir. Öz növbəsində Özbəkistan Rusiya və Çinlə yanaşı Hindistanla da əməkdaşlığın genişləndirilməsini lazım bilir. Hindistanın Baş naziri Narendra Modi və Özbəkistan Prezidenti Şavkat Mirziyoyev 2025-ci ilin sentyabr ayında Şanxay Əməkdaşlıq Təşkilatının (ŞƏT) Zirvə Toplantısı çərçivəsində görüşərək, əməkdaşlığı daha üst səviyyəyə qaldırmağı razılaşdırmışdılar.

Hindistan Özbəkistanın ən yaxşı 10 ticarət tərəfdaşı arasında yer alır. Ötən il iki ölkə ticarət mübadiləsi 30 faiz artaraq 1 milyard 300 milyon dollara çatıb. Tərəflər ticarət mübadiləsini 2 milyard dollara çatdırmağı hədəfləyiblər. Hindistan Özbəkistana əczaçılıq məhsulları, optik avadanlıqlar, mobil telefonlar və dondurulmuş ət ixrac edir, Özbəkistandan isə meyvə, tərəvəz, gübrə, şirə və sürtkü yağları idxal edir. Son illərdə sürətlə inkişaf edən Özbəkistan Hindistanla ticarəti artırmağı planlaşdırır. Təsadüdi deyil ki, Özbəkistanın Hindistana səfəri zamanı Yeni Dehlidə biznes forum da keçirilib. Biznes forumda hər iki ölkədən iştirak edən yüzlərlə biznesmenə müxtəlif layihələrdə iştirak təklif edilib. İndinin özündə Özbəkistanda Hindistan kapitalına bağlı 400 şirkət fəaliyyət göstərir. Bu şirkətlərin maliyyə dövriyyəsi 5 milyard dollar civarındadır.

Özbəkistan Prezidenti Şövkət Mirziyoyevin ölkəsinin inkişaf modeli iqtisadiyyatın liberallaşdırılmasına, sahibkarlığın təşviqinə, investisiya mühitinin yaxşılaşdırılmasına, logistika imkanlarının artırılmasına və rəqəmsallaşmanın genişləndirilməsinə əsaslanıb. Bu siyasətin nəticəsində Özbəkistan xarici investorlar üçün cəlbedici ölkəyə çevrilib. Özbəkistan gəlirlərini artırmaqla Mərkəzi Asiyada iqtisadi çəkisini artırıb. Şövkət Mirziyoyev praqmatik siyasət həyata keçirir. Özbəkistan müxtəlif dövlətlərlə iqtisadi əməkdaşlığın inkişafı yollarını araşdırır, təkliflər irəli sürür və həmin təklifləri reallaşdırmağa çalışır. Özbəkistanın Hindistanla əməkdaşlığı genişləndirmək istəyi bununla bağlıdır.

Elxan Şahinoğlu

visiontv.az

Məlumata görə, hovuzda üzən 14 nəfərdə tənəffüs problemləri və zəhərlənmə əlamətləri müşahidə edilib. Xəstəxanaya aparılan şəxslərə tibbi yardım göstərilib.

Üzgüçülərin zəhərlənməsinə səbəb hovuza tökülən xlor səbəb olduğu bildirilib. 

visiontv.az

Bu kitabdan sonra "Britaniya İsrailçiliyi" və "Anglo-İsrailçiliyi" terminləri geniş istifadəyə başladı. İngiltərədə İsrailçiliyi 19-cu əsrin ikinci yarısında təşkilati formalar almağa başladı. Protestantlığın müxtəlif məzhəblərinə mənsub olan İsrailçiliyin tərəfdarları, bəzi ingilis kilsələrində hər kəsin İsrailçi baxışlarını bölüşməyə hazır olmadığı üçün eyni düşüncəli insanları axtarmağa məcbur oldular. Çoxları Britaniya xalqının İsrail köklərinin təmiz uydurma, mif olduğuna inanırdı. Bu, hətta bəzi protestant kilsələrində parçalanmalara səbəb oldu. Məsələn, katolik kardinal Con Henri Nyuman (1801-1890) ömrünün ilk yarısında İngiltərə Kilsəsinin üzvü idi. Lakin 1845-ci ildə o, İngiltərə Kilsəsindən ayrılaraq Roma Katolik Kilsəsinə qoşuldu. O, bu dəyişikliyi Britaniya İsrailçiliyinin tərəfdarlarının "İngiltərə Kilsəsini ələ keçirməsi" kimi real təhlükəni qeyd etməklə izah etdi....

19-cu əsrin sonlarında Edvard Hayn, Edvard Uiler Börd və Herbert Aldersmit Britaniya İsrailçi hərəkatını qurdular. İngiltərə-İsrail Assosiasiyası yaradıldı və 1886-cı ilə qədər onun Böyük Britaniyada 27 filialı var idi. 1880-ci ildə təkcə Britaniya adalarında deyil, həm də Britaniya İmperiyasının digər ölkələrində yayılan İngiltərə-İsrail Almanaxı nəşr olunmağa başladı. 1914-cü il nəşrində Britaniya İsrailçiliyi ideologiyasını təkcə Britaniya adalarında deyil, həm də Avstraliya, Yeni Zelandiya, Cənubi Afrika, Kanada və ABŞ-da dəstəkləyən qrupların maraqlı icmalı yer alırdı. 1919-cu ildə Londonda Britaniya-İsrail-Dünya Federasiyası (BIWF) təsis edildi. 1922-ci ildə Federasiyaya xidmət edən Covenant Publishing nəşriyyatı təsis edildi. Federasiya bu gün də mövcudluğunu davam etdirir və Britaniya Birliyinin bir çox ölkəsini əhatə edir. BIWF-in ideoloji platformasının təməl daşlarından biri Britaniya kral ailəsinin İsrail kralı Davudun qan və mənəvi varisi olması iddiasıdır.....

Pərviz Əliyev

visiontv.az