2021-ci ilin sonunadək 5G şəbəkələrinə qoşulmaların sayı 580 milyona yaxınlaşacaq, 2026-cı ilədək isə bu göstərici 3,5 milyardı ötəcək. Bu barədə telekommunikasiya avadanlığının istehsalı üzrə ixtisaslaşmış “Ericsson” şirkəti məlumat verib. Mütəxəssislərin sözlərinə görə, hazırda 5G rabitəsinin ən yüksək nüfuzetmə səviyyəsi Çin daxil olmaqla Şimal-Şərqi Asiyada müşahidə olunur, bu göstərici üzrə ikinci yeri Şimali Amerika tutur. Analitiklərin proqnozuna görə, sonuncu 2026-cı ilədək abunəçilərin 84%-nin beşinci nəsil şəbəkələrinə qoşulması sayəsində liderliyə yüksələcək.

“Qabaqcıl “Samsung Galaxy S21” smartfonunda kameranın sürəti və həddən çox qızma ilə bağlı problemlər qeydə alınıb. Şirkətin texniki dəstəyi bu problemləri etiraf edib. Sözügedən problemlər “Exynos 2100” prosessoru ilə təchiz edilmiş smartfonun qlobal və Cənubi Koreya versiyalarında qeydə alınıb. “Samsung” şirkətinin nümayəndəsi bildirib ki, proqram təminatı xarakteri daşıyan boşluq yeniləmə vaxtı aradan qaldırılacaq.

"HMD Global" şirkəti "4G" dəstəkli ən ucuz "Nokia" telefonlarını təqdim edib. Bu barədə şirkətin saytında deyilir. Brendin düyməli telefonlar seriyasına "Nokia 105 4G" və "Nokia 110 4G" modelləri əlavə olunub. Nisbətən ucuz "Nokia 105 4G" modeli plastik korpus, 120x160 pikselli 1,8 düymlük rəngli "TFT" ekran, 48 meqabaytlıq quraşdırılmış yaddaş, dinamik və FM radio ilə təchiz edilib. Qurğu 1020 milliamper/saat tutumlu çıxarılabilən akkumulyatora malikdir. Gözləmə rejimində maksimal işləmə vaxtı 18 sutka təşkil edir.

Azərbaycan Respublikası Prezidentinin 2020-ci il 21 avqust tarixli 2232 nömrəli Sərəncamının 1-ci hissəsinə əsasən ictimai xarakter daşıyan kommunal, yol və nəqliyyat problemləri, infrastrukturun cari təmiri, abadlaşdırılması və təmizliyi ilə bağlı şikayətlərin elektron xəritə üzərində qeyd edilməklə operativ surətdə aidiyyəti dövlət qurumlarına göndərilməsini və həmin şikayətlərə baxılmanın nəticələrinin izlənilməsini təmin edən “ASAN müraciət” informasiya sistemi yaradılması tapşırığı verilib.

Yaxın on ildə – 2031-ci ilədək kibercinayətkarlıqdan ziyan illik 256 milyard dollar səviyyəsinə çata bilər. Bu barədə "Cybersecurity Ventures" analitik şirkətinin proqnozunda deyilir. Gözləntilərə görə, cinayətkarlığın həcmi son illərdəki sürətlə artacaq. Bu rəqəmi Marsa uçuş proqramı və onun məskunlaşması ilə müqayisə etmək olar. "SpaceX" şirkətinin rəhbəri İlon Mask tərəfindən proqram üçün ilkin xərclər 6 milyard dollar dəyərində qiymətləndirilir ki, bu da 30 dəfədən çox azdır.

"Microsoft" korporasiyası aktual "Windows" əməliyyat sisteminin dəstəklənməsinin başa çatma tarixini açıqlayıb. Bu barədə "Thurrot" nəşri məlumat yayıb. Nəşrin jurnalistləri şirkətin saytında "Windows 10" sisteminə aid dəstək sənədinə diqqət yetiriblər. Redaktə edilmiş faylda əməliyyat sisteminin peşəkar və ev versiyasının dəstəklənməsinin 14 oktyabr 2025-ci ildə sona yetməsi ilə bağlı informasiya yer alıb. Müəlliflərin sözlərinə görə, bu məlumat "Windows 10" sisteminin dəstəyinin dayandırılmasının 2025-ci ilə nəzərdə tutulmasını təsdiq edir.

Google şirkəti kontekst reklam elanlarının göstərilməsi üçün istifadə olunan istifadəçi identifikatorlarının çalışmaları siyasətini yenidən gözdən keçirtməyi qərara alıb. Beləliklə yaxın zamanda Android cihazlarının istifadəçiləri personallaşdırılmış reklam elanlarlarından əlavə olaraq Google Play servislərinin çalışmalarında istifadə olunan analitika üçün istifadəçi məlumatlarının yığılmasından da imtina edə biləcəklər. Google şirkəti standart olaraq hər bir cihaz üçün unikal identifikator generasiya edir və həmin identifikator istifadəçi hesabına qoşulur. Bu isə öz növbəsində Google şirkətinə kontekst reklam elanlarının göstərilməsində yardımçı olur.

"Twitter" mikrobloqlar xidmətinin işində nasazlıq dünyanın bir sıra ölkələrində müşahidə olunur. Bu barədə Downdetector platforması xəbər verib. Şikayətlərin əksəriyyəti ABŞ və İngiltərədən gəlir.