Bağla
Axtarış sözünü daxil edin
Əl-Cəzirə telekanalının məlumatına görə, İran və ABŞ arasında aparılan diplomatik təmaslarda müəyyən irəliləyiş əldə olunsa da, Tehran Hörmüz boğazından keçən gəmilərdən "xidmət haqqı" alınması və boğazın idarə edilməsində aparıcı rolun özündə qalması tələbindən geri çəkilmir.
Məlumata əsasən, Oman nümayəndə heyəti bu yaxınlarda Hörmüz boğazının gələcək idarəetmə mexanizmini müzakirə etmək üçün Tehrana səfər edib.
Xəbərdə bildirilir ki, Oman boğazdan keçən gəmiçiliyə nəzarət etmək üçün tranzit rüsumu tətbiq edilmədən fəaliyyət göstərəcək regional konsorsiumun yaradılmasını təklif edib.
Lakin İran alternativ gəmiçilik mexanizmlərinə qarşı çıxmağa davam edir və israr edir ki, gələcəkdə yaradılacaq istənilən idarəetmə mexanizmi Tehranın rəhbərliyi altında fəaliyyət göstərməli və İrana gəmilərdən xidmət haqqı almaq imkanı verməlidir.
visiontv.az
