Bağla
Axtarış sözünü daxil edin
ABŞ İrəvanla sülh sazişinin imzalanması məsələsində Ermənistana və Qərbə sərfəli şərtlərlə Bakıya təzyiq göstərməyə çalışır.
Bunu rusiyalı politoloq Pavel Klaçkov “Moskva-Bakı”ya müsahibəsində deyib.
"Baydenin məktubu noyabrda Azərbaycanda keçiriləcək BMT-nin iqlim konfransı ilə bağlı Bakının sülhsevər addımlar nümayiş etdirmək imkanından bəhs edir. Sual olunur ki, bunları yalnız Bakı nümayiş etdirməlidir? Birtərəfli mövqe kimi görünür. Azərbaycan prezidentinin ABŞ-ı mütəmadi və güclü tənqidi fonunda Baydenin sülh sazişinin tezliklə imzalanması ilə bağlı təklifləri şübhə doğura bilməz. Necə deyərlər, od olmayan yerdən tüstü çıxmaz", - politoloq bildirib.
Klaçkovun fikrincə, Vaşinqton başqaları ilə didaktik şəkildə ünsiyyət qurmağa çalışır:
"Birləşmiş Ştatlar dünyanın dəyişdiyini heç vaxt başa düşməyəcək. Lakin Vaşinqtonun davranış modeli eyni olaraq qalır. Amma Azərbaycanda hakimiyyətdə ağıllı adamlar var. Və Bakıda ABŞ-ın addımlarının arxasında gizlənən hər şeyi görürlər".
Elçin Alıoğlu
visiontv.az
