Bağla
Axtarış sözünü daxil edin
Rusiya qoşunlarının əsas hücum istiqaməti Severodonetsko-Lısiçanskoye olaraq qalır. Bununla belə, bir həftə davam edən şiddətli döyüşlər göstərir ki, ruslar şimal İzyum istiqamətində möhkəmlənməyə çalışırlar.
Bu barədə Britaniya Müdafiə Nazirliyinin Twitter hesabında məlumat yayıb.
Mesajda qeyd edildiyi kimi, Ukrayna qüvvələri meşəlik ərazidən müdafiə üçün səmərəli istifadə edərək, müdafiəni saxlamağa çalışır.
Ehtiyatların yığılması
Britaniya kəşfiyyatının məlumatına görə, yaxın həftələrdə Rusiya daha çox ehtiyat qüvvələrdən istifadə edəcək.
Rusiya ordusunun Ehtiyat bölmələri adətən ön cəbhə döyüş tapşırıqlarının yerinə yetirməyə hazır olan könüllü birliklərdən ibarətdir: " Bu bölmələr son beş il ərzində silahlı qüvvələrdə xidmət etmiş veteranların əhəmiyyətli ehtiyatıdır. Rusiya hakimiyyəti, çox güman ki, nizami briqadalarda üçüncü batalyonları komplektləşdirmək üçün bu kateqoriyadan olan könüllülərdən istifadə edəcək".
Böyük Britaniya kəşfiyyatının məlumatına görə, Ukraynada yerləşdirilməyə hazır ehtiyat qüvvələrə baxmayaraq, Rusiya yenədə əsgər çatımazlığı ilə üzləşir. Bununla belə Rusiya rəhbərliyi çox güman ki, hələ də ümumi səfərbərlik əmri vermək istəmir.
Əli Əliyev
visiontv.az
