Bağla
Axtarış sözünü daxil edin
Bu gün Nəriman Nərimanovun doğum günüdür.
Bir gün Q. Qasımzadədən soruşdum, adımı niyə Nəriman qoyublar, bu adda nəslimizdə kimsə olmayıb. Dedi, Nərimanova görədir. Səbəbini soruşdum. Dedi, sən dünyaya gəlməmişdin hələ, sovet hakimiyyətinin təbliğatında mənfi mənada millətçiliklə assosiasiya olunan bir sözü gəncliyimizdən elə hey eşidirdik: narimanovşina, yəni nərimanovçuluq. Bu millətçilik damğası bizdə onun şəxsiyyətinə rəğbət yaradırdı, mən də sənə bu adı qoydum...
Sonralar məktəbli olanda bir doğum günümdə mənə bu sətirləri yazıb bağışlayacaqdı:
Taleyimə əhsən dedim
Göz açanda sən dünyaya.
Şəfəq düşdü Yer üzündən
O gün sankı Günə, Aya.
Dayə oldu bu torpaqda
El hikməti, sözü sənə.
Qanad taxıb yol göstərdi
Azərbaycan özü sənə.
Ondan aldın dürüst cavab
Qəlbin sorğu-sualına,
Şahid qaya, yazılı daş
Naxış vurdu kamalına.
Dedim hər il, hər ölkədə
Sayı artsa Nərimanın
Hər guşəsi gözəlləşər
Mən biləni bu dünyanın.
Nəriman Qasımoğlu
visiontv.az
"Azon Zavod"un ərazisində ağacların MTK tərəfindən kəsilməsi ilə bağlı cinayət işi açılıb
Gürcüstan XİN rəhbəri: Üçtərəfli formatda regionun rifahı naminə əməkdaşlıq edə biləcəyik
