Bağla
Axtarış sözünü daxil edin
Çini Qərbi Avropa ölkələri ilə birləşdirəcək transxəzər nəqliyyat dəhlizinin böyük perspektivləri haqqında danışmağa başlayanda Tokayev bizi xeyli təəccübləndirmişdi.
O, xüsusən də Qazaxıstanın iştirakı ilə yaradılan Sian şəhərindəki nəqliyyat-logistika terminalı vasitəsilə böyük həcmdə yüklərin çatdırılacağına diqqət çəkmişdi. Bu marşrut Rusiya Federasiyasından keçmir və Rusiyanın logistika layihələrinə rəqibdir. Qazaxıstan və Çinin yaratdığı logistika marşrutu əsasən Rusiyadan keçən Şimal-Cənub dəhlizi ilə rəqabət aparır. Tokayevin Putinin dövründə bunu qeyd etməsi böyük maraq doğurur.
Tokayev həmçinin vurğulamışdı ki, yaxın bir neçə onillikdə Avrasiya regionunda infrastruktur qaçılmaz olaraq köhnələcək və vaxtında yenilənməlidir. Faktiki olaraq Rusiyaya eyham vurdu ki, gec-tez Şimal-Cənub dəhlizi Avrasiya iqtisadiyyatının və ticarətinin bütün ehtiyaclarını ödəyə bilməyəcək. Astana əvvəlki təmkinli davranışını dəyişib və son dərəcə aktivləşib. Putinin Tokayevin davranışına necə reaksiya verəcəyi hələ də bəlli deyil. Aydın olan odur ki, Qazaxıstanın ambisiyaları artır və bəzi məqamlarda daha güclü qonşusuna meydan oxumağa cəhd edə bilər.
Pərviz Əliyev
visiontv.az
