Bağla
Axtarış sözünü daxil edin
Bu gün Xocalı soyqırımının törədilməsindən və törətdilməsindən 33 il keçir. Onu törədənlər bəllidir, hay nasistləri və cənab Prezidentin Xocalı şəhərində Soyqırımı Memorial Kompleksinin yaradılması haqqında dünənki Sərəncamında vurğulandığı kimi sovet ordusunun 366-cı alayı edib bu vəhşiliyi.
Görünür, haylar Xocalı işğal altında olanda adını dəyişdirib İvanyan qoyarkən təkcə belə bir soyadı daşıyan generallarını "şərəfləndirmək" yox, həm o alayı bu hərbi cinayəti törətməyə göndərənləri unutmayacaqlarını da göstərmək istəyiblər. Ancaq indi onları söyür və lənətləyirlər ki, 44 günlük savaşda niyə yenə gəlib yerlərinə vuruşmayıblar.
Xocalı soyqırımının törətdilməsinə gəldikdə Levon Ter-Petrosyanın dediyi o 600 illik kini onlara kimlərin aşıladığını, Berlin Konqresində "hay məsələsi"ni qaldıranların məqsədlərinin nə olduğunu biz bilirik. Ona görə onlar bu soyqırımının törədilməsində iştirakından fəxrlə danışan Serj Sərkisyan kimi ünsürləri görəndə lənətləmək əvəzinə qucaqlayır, məclislərində başda əyləşdirirdilər.
Yəqin elə həmən səbəbdən də Azərbaycanın öz torpaqlarını azad etməsi ilə barışa bilmirlər. Sevimli haylarının altını üstünə çevirdikləri yaşayış məskənlərinin bərpasına bir qəpik belə ayırmaq istəməmələri də həm də bununla bağlıdır. Onlar dövlətimizin yaratdığı yeni geosiyasi reallığa neçə yüz illik məkrlərinin sonu kimi yanaşırlar.
Şükürlər olsun ki, bu gün Xocalı azaddır, azərbaycanlılar artıq geri dönüblər. İndi orada nə İvanyanlaşdırıb əbədi yaşayacaqlarını düşünənlərin, nə də eyni məqsədlə özlərinə hərbi qərargah yaradanların izi-tozu var. Arada basdırdıqları minalar üzə çıxır. Onlar da təmizlənəcək.
Əminəm ki, soyqırımı qurbanlarının da, intiqamlarını alan şəhidlərimizin də bu gün ruhları şaddır. Çünki Vətən Sağdır, Xocalı Sağdır!
Millət vəkili Sahib Alıyev
visiontv.az
