Bağla
Axtarış sözünü daxil edin
Rusiyanın Ukraynaya hərbi müdaxiləsində iştirak edən azı 68,011 əsgəri və muzdlusu döyüşlər zamanı həlak olub. Bu haqda məlumatı genişmiqyaslı hücum başlayandan bəri ölənlərin adlarını siyahıya alan jurnalistlər və könüllülər qrupu açıqlayıb.
Qurbanların adları BBC-nin Rus Xidməti və Mediazona jurnalistləri, eləcə də onlara yardım edən könüllülər tərəfindən paylaşılan məlumatlar əsasında müəyyən edilib. BBC-nin verdiyi məlumata görə, bu həftə aparılmış hesablamaların nəticələrinə görə, ilk dəfə olaraq, genişmiqyaslı müharibə başlayandan sonra müqavilələr imzalayan hərbi qulluqçular ümumi itkilərin sayına görə birinci yerə çıxıb.
Araşdırmaçılar 13,152 könüllünün ölümünü təsdiqləyə bilib ki, bu, Rusiya tərəfindən təsdiqlənmiş itkilərin ümumi sayının 20 faizini təşkil edir. Materialda qeyd olunub ki, yüksək inamla demək olar ki, müqaviləli əsgərlərin əksəriyyəti müharibədə heç bir məcburiyyət olmadan iştirak etməyə razılıq verib.
Rusiya hakimiyyəti onlara həm federal, həm də regional səviyyədə yüksək ödənişlər və güzəştlər təklif edir. 2023-cü ilin oktyabrından bəri könüllülər arasında itkilər həftədə 100 nəfərdən aşağı olmayıb. Bəzən isə bu rəqəm üç dəfə yüksək olub.
Rusiya və Ukrayna müharibədəki itkilərin sayını açıqlamır. Sonuncu dəfə 2022-ci ilin sentyabrında Rusiyanın rəsmi təxminləri açıqlanmışdı. O zaman Rusiyanın müdafiə naziri Sergey Şoyqu 5937 əsgərin öldüyünü bildirmişdi. Ukraynada isə son rəsmi hesablamalar fevral ayında açıqlanmış, prezident Volodimir Zelenski 31 min nəfərin öldüyünü elan etmişdi.
visiontv.az
.jpg)
