Atom Enerjisi üzrə Beynəlxalq Agentliyinin (AEBA) rəhbəri Rafael Qrossi İsrailin gözlənilən cavab hücumu zamani İranın nüvə obyektlərinin vurulacağından nigəranlığını ifadə edib.
Bu barədə "Əl-Ərəbiyyə" məlumat yayıb.
"İran bazar günü təhlükəsizlik məsələlərinə görə nüvə obyektlərini tətil etdi. Obyektlərin aprelin 15-də yenidən fəaliyyətə başlamasına baxmayaraq, vəziyyətin tam sabitləşməsinə qədər Atom Enerjisi üzrə Beynəlxalq Agentliyinin müfəttişlərinin obyektlərdən uzaq qalmalarına qərar vermişik",- Qrossi bildirib.
Bununla eyni vaxtda İsrail mediası bu ölkənin cavab zərbələri zamanı İranın nüvə obyektlərinin hədəf alınacağı barədə məlumatlar yayıb.
visiontv.az