Bağla
Axtarış sözünü daxil edin
Təhlükəsizlik məsələləri ilə əlaqədar İtaliyanın Tehrandakı konsulluğu iki günlük bağlanıb.
Bu barədə İtaliyanın xarici işlər naziri bildirib.
"Konsulluq bölməsi ehtiyat tədbirlərinə görə iki günlük bağlanıb. Səfirlik normal rejimdə fəaliyyətini davam etdirir", - İtaliya Xarici İşlər Nazirliyinin sözçüsü bildirib.
Xarici işlər, beynəlxalq əməkdaşlıq naziri və İtaliyanın baş nazirinin müavini Antonio Tayaninin daha sonra parlamentin hər iki palatasının xarici işlər və müdafiə komissiyalarının birgə iclasında çıxışı zamanı bildirib ki, konsulluq şöbəsi personalın təhlükəsizliyini təmin etmək üçün bir neçə gün ərzində bağlanıb. "Bütün fəaliyyətlər, o cümlədən konsulluqlar səfirlikdə cəmləşib", - Tayani deyib.
O, eyni səbəblərdən Tehranda bir italyan məktəbinin distant təhsilə keçdiyini də bildirib. Nazir İranın paytaxtında 400-ə yaxın italiyalının yaşadığına aydınlıq gətirib. “Biz İsraildə, Fələstin ərazilərində, İordaniyada, Livanda, İranda vətəndaşlarımızın təhlükəsizliyini təmin etməklə gecə-gündüz məşğuluq, diplomatlarımız hər yerdə işləyir və yardım göstərməyə hazırıq”, - deyə Tayani əmin edib.
visiontv.az
