Bağla
Axtarış sözünü daxil edin
Zəfər parkları paytaxt Bakının ardınca digər şəhərlərimizdə də salınır və salınacaq ki, bu da tam təbiidir. Çünki bu zəfərin qazanılmasında Astaradan Balakənə, Qusardan Qazağa bütün Azərbaycan milləti əlindən gələni əsirgəməyib.
Məmləkətimizin dörd bir tərəfində salınması planlaşdırılan həmən parklarda əminəm ki, torpaqlarımızın işğaldan azad edilməsi və Qarabağımız üzərində suverenliyimizin tam təminində canlarından keçən şəhidlərimizin doğmaları, qazilərimiz, Zəfərimizi özünün gerçəkləşmiş ən böyük arzusu bilən bütün azərbaycanlılarımız qürurla gəzərək sinədolusu nəfəs alacaq və daha böyük hədəflərə köklənəcəklər.
Amma Azərbaycan Prezidenti cənab İlham Əliyevin fevralın 19-da Xankəndində təməlini qoyduğu Zəfər parkının, fikrmcə, digərlərindən fərqli tərəfi də var. Hay nasistlərindən birinin də elə özü olduğunu 1993-cü ilin yayında Ağdamın işğalı günü etdiyi çıxışıyla təsdiqləyən Ermənistanın keçmiş başçısı Levon Ter-Petrosyan nə deyirdi? Deyirdi ki, düz 600 il türk torpaqlarında bizsiz, monoetnik bir dövlət qurmaq arzusuyla yaşayıblar. Xankəndindəki Zəfər Parkı, o şəhərimizin demək olar ki, əsaslı şəkildə yenidən QURULMASI bax, həmən arzuya verilən CAVABDIR. Və o deməkdir ki, 600 illik kinlərinə son qoymasalar, məsələn, Levon Ter-Petrosyan, Robert Köçəryan, Serj Sərkisyan kimi hay nasistlərindən söz düşəndə Ermənistanın keçmiş prezidentləri yox, Keçmiş Ermənistanın keçmiş prezidentləri ifadəsi işlədilə bilər.
Tanri Sizi qorusun, Müzəffər Ali Baş Komandanımız!
Millət vəkili Sahib Alıyev
visiontv.az
