Məktəblinin intihari ilə bağlı CİNAYƏT İŞİ açıldı
06.04.2019

Məktəbli qızın intiharına görə direktor ifadə verir

162 saylı məktəbin səkkizinci sinif şagirdi Elina Hacıyevanın özünü məktəb binasının üçüncü mərtəbəsindən atması faktı ilə bağlı cinayət işi başlanıb. 

Visiontv.az xəbər verir ki, faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi açılıb. 

Hazırda iş üzrə istintaq orqanı tərəfindən məktəbin direktoru və şagirdlərin ifadəsi alınır.

Xatırladaq ki, hadisə aprelin 4-də baş verib. Hadisə baş verdikdən dərhal sonra məktəbli qızın üçüncü mərtəbədən bədbəxt hadisə nəticəsində yıxıldığı bildirilirdi. Daha sonra isə məlum oldu ki, qız psixoloji təzyiqlərə görə intihara əl atıb.